影片
以上资料只供参考，请与餐厅确认详情
有时约人喺观塘，都会约观塘广场地下等成日望到佢都生意唔错，今次试一试佢呢间车仔面店可以拣嘅𩠌款式好多堂食位置大概10个，今次我就选择外卖啦今次车仔面，我拣咗菜心做菜底另外配咗三个𩠌，分别系牛筋、牛腩、卤水猪皮三款𩠌都煮得非常之腍，好入味牛腩软熟无筋，牛筋淋得来有啲咬口卤水猪皮，好香好入味但系略嫌份量有啲细，菜底连埋三个𩠌$38*见到佢其实除咗车仔面之外，原来都有羊腩煲下次试一试外卖，羊腩煲再同大家分享
继续阅读
星期一，做完体验，排队去完三间银行及邮局，已经过咗五点，一整日无嘢落过肚，行经观塘广场，嚟到呢间食啲嘢，左睇右睇，决定叫个三𩠌面，面底要咗车仔面档少有嘅上海面，三𩠌叫咗凤爪、鸭肾同猪皮，面底$22，鸭肾$10，凤爪同猪皮，每样$6，一共$44。面底乜都无，都要$22，相比谭仔有咁多配菜，如果我无记错的话，都系收$28，咁我宁愿要谭仔嘅面底啦，虽然上海面底配车仔面嘅𩠌系有啲特别。呢度啲𩠌嘅价钱，若果同谭仔或同级嘅面店比，价钱算合理，但比较埋个格局，就自然觉得佢贵。味道方面，无论系上海面或车仔面嘅𩠌，都属中上水平，但完全唔会有种非食不可嘅感觉，止下心瘾可以嘅，但全港性价比高过佢嘅，都绝对揾到。
继续阅读
依间老字号车仔面舖～系官塘广场应该开咗10年以上～长期都有人排队～咁应该几好味可以试吓叫咗一碗两𩠌车仔面拣咗卤牛筋、牛腩～所以要加钱～汤底话系金华火腿椰子鸡汤～又真系食唔出～加咗牛腩汁先知可以选择辣汁～靠D牛腩汁如果唔系汤应该冇味～所以食落唔会好咸～𩠌份量唔多～米粉又唔多～牛筋牛腩卤得好淋～都算入味～不过食完一碗绝对唔饱要再下午茶车仔面都差唔多系呢D价位～不过份量比起其他车仔面舖确实系少D～味道又冇咩特别
继续阅读
5年前返学日日都会食，疫情期间3年屡次经过都未见营业，今年重游旧地发现终于开门，一如既往多人帮衬，可惜而家无得将折枱放喺路中心，重现唔到当年坐满商场地下嘅盛况。今日叫咗一个当年例牌会叫嘅车仔饭组合，猪红，牛筋，鱼香茄子，可惜鱼香茄子当时已经卖晒，所以转咗肉豆炒肉碎，堂食加罐可口可乐，姐姐大壳大壳咁毕𩠌，多到第三样𩠌都冇位摆要直接放上面。食完简单讲一下，一个字，正！猪红够入味，食落唔腥但系又好新鲜，牛筋炆得够时间，食落好有骨胶原嘅味道，最后肉豆炒肉碎第一次食，感觉有啲似台式卤肉饭个种食法，煮得够哂淋啲汁又惹味，配埋例牌比起出面大一截嘅饭，唔系净系得个大字，啲饭食落有口感唔系煮到烂晒果只。
继续阅读
佢d坐位好open既 。 😂🤣😹 后面随时有嘢到写落你背脊既 。 店内有4个定5个姐姐既 。咖哩羊腩饭 $66（唔系好记得个价 ， 但好似系66😅😅）。 叫左佢多饭 。 D薯仔应该煮左好耐 ， 因为有d变左做熔 。 👍🏽👍🏽超好食 。 🤤🤤推介 。佢其中一个餐牌 。两𩠌面 $32 。 系猪红同牛肚跟个河粉既 。 个牛肚好林 。 D 河粉冇碎湿湿既 。 冻柠茶加6蚊。正常发辉冇特别。见佢有无骨猪手十蚊咋 ， 哗 。 系我第二样推介既🥰🥰 。 好林跟住feel到好多骨胶原 。 🤐🤐但食完要系咁饮水 。 因为好咸 。
继续阅读