影片
以上资料只供参考，请与餐厅确认详情
【街头小食速记】今晚经过太安楼，见到豪大大台湾小食店人气不减，就决定买啲小食医肚。呢间属于连锁台式炸物店，主打地道风味，价格亲民。今次我点咗一份脆皮鲜奶卷同一份椒盐菇（走辣），总共 $55。鲜奶卷一份有四条，炸得金黄酥脆，外脆内软，奶香味突出，热辣辣食最正。食落唔会过甜，口感似炸年糕但更滑身，值得一试。椒盐菇炸得干身，虽然走辣但仍保留到香味，食落唔油腻，份量都几足。豪大大采用即叫即炸方式，等候时间合理，适合边行边食。整体味道有水准，炸物控应该会满意。如果你钟意台湾小吃，呢度可以轻松解解嘴馋。
继续阅读
今日阿仔同工人姐姐去买嘢食，个收银阿婆态度极度恶劣！！一开始阿婆问我仔要乜，小朋友讲嘢细声，阿婆听唔到就突然大大声喝 「系咩呀？！”」吓到我仔唔敢再出声。。准备攞食物时，工人姐姐话要 keep 返收据，阿婆又大大声叫「攞嚟先啦！！」之后就抢咗张收据，比咗嘢食后再晦气地比返张收据我工人姐姐。真金白银帮衬，点解得到嘅系咁冇礼貌嘅待遇。我仔同工人姐姐委屈到不得了，点解要受个阿婆气？！唔想做生意就咪唔好开啰！永远都唔会再帮衬！！
继续阅读
店员态度极差，去帮衬佢哋然后个店员态度极差，好似我欠咗佢全家咁，好似我令到佢冇得继续揿手机，由落单黑面黑到我走为止。问佢收唔收卡佢又唔答我，问多几次先知态度极差咁答我净系收现金同八达通。唔会再帮衬，废事无lala要受佢哋气。
继续阅读
花枝丸，大大粒，爽口弹牙，即叫即炸，炸多春鱼，条条都大大条，炸粉唔太厚，香香鸡，肉质正，宵夜去食，超级正，仲有唔同嘅台式小食，例如炸薯饼，炸杏鲍菇，超巨型大鸡扒
继续阅读
宵夜叫左个邪恶大鸡扒同多春鱼，2样都系即叫即炸，热辣辣劲好食，仲要加埋特制辣粉，令到个味道更加好食😋多春鱼都好好食，吾觉吾觉好快食哂成包🫣而家买野食，仲可以优惠价去贡茶买野饮，鸡扒配珍奶真系无得输🤤
继续阅读