豪大大雞排 (太安樓)

营业中

休息中

【街頭小食速記】今晚經過太安樓，見到豪大大台灣小食店人氣不減，就決定買啲小食醫肚。呢間屬於連鎖台式炸物店，主打地道風味，價格親民。今次我點咗一份脆皮鮮奶卷同一份椒鹽菇（走辣），總共 $55。鮮奶卷一份有四條，炸得金黃酥脆，外脆內軟，奶香味突出，熱辣辣食最正。食落唔會過甜，口感似炸年糕但更滑身，值得一試。椒鹽菇炸得乾身，雖然走辣但仍保留到香味，食落唔油膩，份量都幾足。豪大大採用即叫即炸方式，等候時間合理，適合邊行邊食。整體味道有水準，炸物控應該會滿意。如果你鐘意台灣小吃，呢度可以輕鬆解解嘴饞。

今日阿仔同工人姐姐去買嘢食，個收銀阿婆態度極度惡劣！！一開始阿婆問我仔要乜，小朋友講嘢細聲，阿婆聽唔到就突然大大聲喝 「係咩呀？！”」嚇到我仔唔敢再出聲。。準備攞食物時，工人姐姐話要 keep 返收據，阿婆又大大聲叫「攞嚟先啦！！」之後就搶咗張收據，比咗嘢食後再晦氣地比返張收據我工人姐姐。真金白銀幫襯，點解得到嘅係咁冇禮貌嘅待遇。我仔同工人姐姐委屈到不得了，點解要受個阿婆氣？！唔想做生意就咪唔好開囉！永遠都唔會再幫襯！！

店員態度極差，去幫襯佢哋然後個店員態度極差，好似我欠咗佢全家咁，好似我令到佢冇得繼續撳手機，由落單黑面黑到我走為止。問佢收唔收卡佢又唔答我，問多幾次先知態度極差咁答我淨係收現金同八達通。唔會再幫襯，廢事無lala要受佢哋氣。

花枝丸，大大粒，爽口彈牙，即叫即炸，炸多春魚，條條都大大條，炸粉唔太厚，香香雞，肉質正，宵夜去食，超級正，仲有唔同嘅台式小食，例如炸薯餅，炸杏鮑菇，超巨型大雞扒

宵夜叫左個邪惡大雞扒同多春魚，2樣都系即叫即炸，熱辣辣勁好食，仲要加埋特製辣粉，令到個味道更加好食😋多春魚都好好食，吾覺吾覺好快食哂成包🫣而家買野食，仲可以優惠價去貢茶買野飲，雞扒配珍奶真系無得輸🤤

豪大大雞排是經典的台灣雞排其實真的大部分台灣人都很喜歡吃炸物！然後配手搖飲料😂😅所以答案絕對是超愛拉！！大家跟台灣人聊天可以從雞排聊起（誤）然後豪大大雞排常常旁邊就是貢茶如果在豪大大雞排買滿＄45元就可以憑單到隔壁的貢茶飲料買一送一！！覺得很划算🥹<MENU><食物推薦>推薦一：輕量版雞排(中辣)輕量版跟大雞排的分別除了量比較少/價格比較便宜之外，輕量版雞排是沒有骨頭的喔！對女生來說也不會太多！覺得很棒！然後如果敢吃辣的朋友一定要點中辣！！！超愛台版辣粉😍有夠好吃嗚嗚推薦二：脆皮炸燒賣超巨好吃！必點其他吃過忘了拍的推薦：百頁豆腐、椒鹽菇、甘梅地瓜<推薦飲品>奶蓋阿華田香濃夠味好喝、奶蓋也非常濃郁綿密激推！其他飲品推薦：芋香奶茶大概是這樣ＸＤ總之我常常吃雖然很不健康但還是要吃😂

食豪大係自然會想飲番杯台飲，生意人好識捉住這心理；今次一鋪劏為二，聯乘發功，豪大+貢茶。加價後，現在係豪大買滿$45，便可係頁茶有買一送一優惠；作為口癢小食，一塊大雞排夠晒二人同食，再係隔離買一送一飲，二人分享，就已經足晒！雞排香酥脆，肉汁完伓保留，而且椒鹽唔太重手，味道適中店內都光線充足，望入去都覺得算係整潔，唔會有大多雜物、油脂等，都可以放心食用；但係太安樓入面衛生麻麻，而且冇位坐下慢慢食，所以建議大家可以到鄰近既愛秩序公園；環境舒適，仲可以吸口新鮮空氣