豪大大雞排 (榮安大廈)

营业中

休息中

好耐冇食過豪大大雞排，行過見到想食塊又好似多得制，就算半份都覺得大塊過頭，咁有香香雞半份呢個選擇，咁即管睇下有冇進步。行到埋去，做嘢嗰兩位對門口啲客人不啋不理咁，企喺度要大聲啲話要叫嘢先肯行過嚟，香香雞由order到炸起前後都等咗10分鐘，見到佢哋求求其其落啲調味粉心諗呢次應該唔方好嘢喇！拎上手係幾熱嘅，不過食落嘅味道就麻麻地，冇味以前嗰種濃味，而且炸雞嘅粉亦太厚，份量方面尚算可以啦！但總括嚟講應該下次唔會再買~

炸物是脆還是硬是蘇絲黃在節目中用來罵人的語句之一。而豪大大應該是後者。$13 四粒花枝丸其實幾抵食，都算彈牙，不過同雞排一樣外皮好硬好熱氣，食完有即刻要爆瘡之感。

邊個話豪大大雞排淨係得雞排食, 從朋友口中得知荃灣呢間豪大大有芋圓食, 仲幾唔錯, 食過幾次都仲係KEEP到水準!落左單之後店員會係雪櫃畢畢畢, 芋圓平均$30一碗, 但每碗都好大碗, 好重手, 試過分到2碗夠2個人食, 最鐘意食芋圓仙草凍, 貪佢咩都有, 芋圓夠Q, 偏大粒, D豆好林, 不過略縑太甜, 夏天食會覺得唔夠凍, 呢D天氣食就岩岩好. 不過呢個價錢確實好不錯!!不過只限外賣!

芋圓牛奶鮮草凍（$30）👅荃灣呢間豪大大有芋圓食😆比呢個牛奶吸引左🥛因爲出面少啲有😙😙但食落牛奶味唔出，有啲失望🙁芋圓有咬口中規中矩😯😯唯一可以讚下既係啲仙草👍🏻仙草味道比平時食過個啲出味啲，有回甘味😌要食芋圓唔洗食呢間😅好在本身都無好大期望🙃

已經唔記得食過幾多次,每次行過豪大大嗰陣仍然會俾佢傳出來嚟嘅香味吸引.呢晚就買咗大雞排返去食,佢哋係即叫即炸,拎上手時非常熱辣辣,未食已經聞到陣香味.雖然一塊大雞排賣三十蚊,不過面積比兩個拳頭仲要大得多,而且又長又夠厚身,絕對唔係薄如紙嗰種,價錢總算合理.即場用牙就咁咬開直接食嘅話就比較原汁原味,不過我大多數會買返去先,再自己切幾件慢慢食.外層炸皮質感脆而有韌性,灑晌表面嘅辣粉令佢更加惹味,內層雞肉有咬口之餘,又唔嚡口唔癡牙.始終係炸物,加上用咗辣粉調味,難免會比較重口味,食完亦有少少口渴,不過對我嚟講仍然百吃不厭.

在香港，要找一家吃芋圓的又或者要找一間類似接近台灣仙芋鮮，專門吃芋圓的店舖存真的少之又少。這樣唯有降低標準，在方便的地區上網找找那裡有芋圓吃，終於在荃灣找到了ㄧ間有很多芋圓款式的店舖--鮮芋亭!竟然在台灣的炸雞店發現芋圓!本打算這樣子的水準應該不怎樣好,但是看到排隊的人又不少,那麼就買一碗吧這麼多款式，怎樣挑選呢？拿定主意就挑這款吧！芋圓紅豆仙草凍（凍）芋圓口感尚算可以，彈牙得來又很粉，中規中矩。紅豆非常新鮮，很甜再配以仙草凍，非常好吃，份量比較足，30元尚算合理！

呢件就係主角喇  目測 係可能應該接近30 CM既如果唔係好大食既朋友 其實 可以 買一件 之後再同朋友SHARE 既用第二個角度 影比你地睇 D調味料 其實同件魷魚 係幾 夾既可能係重口味左 DD架喇  不過一次半次就算啦 比D 細節位你地睇睇  其實睇相都睇到件魷魚有幾咁脆架喇件魷魚真係可以 （姐）住我朋友塊面架我諗唯一唔好既就係食食下 D粉會唔見左囉 可能係我食得唔好啦 -.-總括而言 件魷魚 既香脆 又唔會炸到勁老   食食下真係會想食多隻十分既話 我係會比8分既

飯後甜品選擇了報章介紹過的糖水, 有我喜歡的粉圓/ 南瓜圓/ 芋圓等等, 但比較難搵, 原來係豪大大雞排內, 設置在店內的一旁.大大個餐牌, 款式好多, 但主要的是仙草凍或豆花, 配搭不同的配料, 如南瓜圓/ 芋圓/紅綠豆等等.介紹是說台洌的九份芋圓, 試下睇下味道如何, 這裡沒有堂食, 只有外帶.綜合仙草凍 $29, 不用苦惱, 直接叫了碗綜合的仙草凍, 有齊幾款配料, 樣樣都食到.回家後發現份量都幾多, 好大碗, 所以同家人分享, 二人食都足夠.仙草凍有點Q彈, 不是涼粉的爽口感, 而且有彈性的, 而且不會苦, 沒什麼味道, 只有口感好好.有南瓜圓,  芋圓, 紅豆及綠豆. 南瓜圓及芋圓都好煙韌Q彈, 好好咬帶點南瓜味同香芋, 但只係淡淡的味.紅豆及綠豆煲得粉綿, 而且為整個糖水帶黎甜味, 食到最尾覺得都幾甜, 所以下以叫少一點紅綠豆, 多點南瓜圓及芋圓就岩岩好.雖然$29/碗, 但份量較大, 可以二人食, 所以計落都抵食. 味道好好, 南瓜圓及芋圓都做到Q彈口感, 而且比一般糖水健康點.

最近好中意食芋圓，但搵勻香港，其實唔係太多地方有得食，無意中發現左豪大大有芋圓食，仲要二十幾蚊大大碗！本來見都算平，諗住實係細細份啦，果日我同男朋友share一碗，食落份時量都唔少架！味道唔錯，芋圓咬落煙韌，甜度剛剛好！佢仲有好多款配搭俾你揀，豆花，愛玉都好想試下！

去荃灣掃街先知道原來豪大大都有芋圓食。望住個餐牌揀左好耐，都有好多款，20幾蚊大大碗。等左10幾分鐘，個日好似得一人工作。味道唔錯，但就有啲唔夠凍。不過都好抵食。

不太大碗但五臟俱全，地瓜圓、芋圓、涼粉、三色條都有，名為口感芋圓。口感果然挺豐富，一來芋圓及地瓜圓本來就爽、煙韌彈牙，涼粉就軟林，而三色條猶如椰果般有點彈牙，外硬內林。各式口感的食品在同一碗甜品內，廿多元實在抵食，二人分享一碗，剛剛好。

放工經過路德圍, 經過見到好多小食店, 一向好口痕既我竟然中伏, 聞到鹽酥雞味就上左當 去到店門本身都有幾個客人等緊, 終於到我買啦, 我最後叫左細份既香香雞。等左大約十分鐘, 拎個時已經聞到好大陣鹽酥雞味, 細份雖然唔多粒, 但夠哂一個人份量, 咬入口好酥脆, 每粒雞都有均勻既調味粉, 雞肉口感都幾軟熟, 連續食幾粒確實咸左少少, 但係好好味, 停唔到口

香港唔係有好多地方有得食芋圓, 荃灣既豪大大雞扒就有得買外賣走啦!!終於有機會去食, 就買左一碗八寶仙草芋圓, 真係好大碗!芋圓: 橙色既芋圓食到蕃薯味,紫色的芋圓有芋頭味, 但唔算濃味~可能因為凍食既關係...熱食味道會重d至於其他材料, 八寶有既紅豆,微豆, etc...都正常, 但係太甜,鐘意食甜既人都會覺得好食~~仙草都係正常啦, 配上牛奶,味道都唔錯呀!!下次想食芋圓都會去再買,大大碗,價錢唔貴~

唔知點解，每個月總有幾日心癢癢想食炸雞，我既第一選擇一定係豪大~不喜歡大大塊那款，雞胸肉，肉質"鞋",又無雞皮，肉太瘦了，豪無滿足感每次都是買炸雞件的，$20/5件，件件都超厚肉，連雞皮炸，真係好香好好味！外層炸漿超香脆，連面頭椒鹽辣粉食好惹味呢！肉質鮮嫩，充滿雞汁同極香既雞油，係口腔裡流動真係好幸福$30/5件，勁抵食

想食炸雞，所以黎左台灣著名既豪大大！好surprised!竟然有芋圓賣！成個荃灣都唔知有幾多間有～超興奮！馬上叫了一碗芋圓八寶仙草凍！$25好吃！甜度適中！感覺很健康～像八寶粥下面有仙草凍～ 飽了一半。另外叫了一塊細雞排$20，喜歡吃椒鹽的我並不介意沒有雞肉味，哈哈！只是肉很薄，把肥雞皮連炸粉移開，根本沒多少吃的。所以喜歡吃雞皮的人就適合不過了！