豪大大雞排 (榮安大廈)

今日去買咗包鹽酥菇，等咗好耐一打開個菇成隻拳頭咁大，好難咬以前都唔係咁，因為切得太大嚿咬落去一啲味都冇，啲粉又沈得唔均勻，同咗個Staff講，一男一女發晒爛咁話啲菇嚟貨就係咁大隻？咁大隻唔識切細粒啲？又問我係唔係喺第二間食唔係喺佢嗰度食？呢個係處理事情嘅態度？完全冇諗過佢哋會比我呢個反應？真係離晒譜，以後都唔會再嚟食，最尾連包菇我都揼咗，錢就俾咗嘢就冇落到肚仲要一肚氣，blacklist 絕對唔會有下次！！！…查看更多

豪大大雞扒嘅份量真係多，我叫左一塊雞扒同埋一份炸花枝丸都好夠食。雞扒炸完唔會太乾，味道調得很好。還有試過鹽酥雞粒，有好多同埋好食，行過口痕可以一試，不過小心食唔落飯😂…查看更多

超愛這種很大片又是傳統粉的雞排 調味很經典 真的超級好吃 完全不柴又有肉汁 家人吃過每個人都說好吃 不知道為什麼有人給負評 蠻意外在香港 竟然也好便宜 都快比台灣還划算了~沒什麼好挑的…查看更多

😂真係冇改錯名！😂呢間嘢成日行街度見到，全港都有次次行過都見到個名 🍗豪大大雞排HOT-STAR Large Fried Chicken🍗平時自己就食開另一間，名就唔講啦🙈不過今日秋風起，好想食炸雞脾所以就俾個機會佢😎當然要事就是佢最出名， signature嘅豪大大雞扒😎所有雞扒都係即叫即整，所以都要等大概10分鐘嗰陣，你只需要考慮一個問題你一個人食唔食得晒？個size真係唔係講笑，勁誇張🤦🏻‍♂️但口感一流，勁鬆脆炸得但最緊要係我鍾意佢唔會太鹹，唔似有啲舖頭，只係一味死喊🥵下次食嗰陣，小心脆得濟嘈親隔籬🤯📍Address📍:荃灣大河道22-28號榮安大廈地舖📞Phone📞: 60267379…查看更多

荃灣掃街食到唔知食咩好就會過黎買雞塊因為雞扒隻粉太厚加辣粉食下又一粒香口，不過雞肉都係有d位鞋十粒有三四粒係鞋反而，地瓜條同花枝丸好食好多佢已經冇左梅粉可以加，差好遠…查看更多

香港嘅台式雞扒店，陸陸續續都有開，但我心目中始終都係呢間最經典。佢哋雞扒係炸得好香，個人特別鍾意佢嘅調味，好重好似孜然嘅調料味，好適合一邊行一邊食，或者拎返屋企做宵夜。…查看更多

去過台灣的人一定對也是不陌生，對豪大大更不陌生，現在因著疫情的關係去不了台灣所以只能吃台灣小吃來懷念一下旅行的日子，好彩豪大大雞排有許多分店，造福居住在香港的人，而豪大大雞排除了雞排是一大賣點之外也有許多炸物可以選擇，雞排、雞腿、雞塊、魷魚鬚、多春魚、花枝丸、雞翼、洋蔥圈、薯條、地瓜球、百頁豆腐、杏鮑菇都是我的愛，也不會一次能吃到每道菜，有時候吃這個、吃那個一個月吃幾次還不會吃到重複的呢！今天買了湯麵當晚餐就點了三隻大雞翼當配菜，才38元，炸得剛好，外酥內軟，今天加辣不夠辣，下次要繼續挑戰中辣。…查看更多

呢呢幾年大家最鍾意嘅糖水應該都莫過於芋圓仙草！但係鮮芋仙排隊人龍真係好長 而且個人食過一次D冰化得太快好甜 熱嘅紅豆湯都麻麻 而呢間同樣來自台灣品牌嘅豪大大雞排居然有賣埋芋圓 價錢仲要好實惠 就即刻買來試下！🍨招牌芋圓（二人份量）💰60綜合芋圓包括嘅係最簡單嘅材料 有仙草 三色芋圓 紅豆同綠豆 另外都有好多芋圓牛奶 芋圓八寶仙草凍等等 呢個二人份量真係兩個人分都嫌多 如果買其他一人份量都會超多！因為佢仙草底多得來芋圓都好足料～D芋圓依家煮得偏軟 入面唔會有粉狀（未煮熟嘅感覺）而係一咬就斷開咁🤣 同埋超級大粒！而紅豆同綠豆都用糖水浸過來會比較甜 特別表白仙草底 超足而且滑嚕嚕 口感比較實在 唔會少到係糖水底入面滑走！份量同價錢來講呢間真係性價比最高嘅一間 仲有好多口味選擇 不過我仲記得參茶陸飯都有隻芋圓入面有珍珠紅豆等等都唔錯！大家唔想排鮮芋仙的話都可以試試呢兩間🧡📌 豪大大雞排 (荃灣)荃灣大河道22-28號榮安大廈地舖…查看更多

一份香香雞$39出到黎得半包我問個fd：一份黎？Fd：半份。我呆左問職員：呢度係一份黎？佢話：係呀我話：吓咁半份（$29）係點？佢話：呢度再少啲咯跟住我同我個fd都呆左，真係得半包叫一份痴線我明依家經濟差，個個都想賺多d但洗唔洗$39，最低時薪做一個鐘都食唔起嘅一包炸雞都得半包佢話係計磅咁你就menu講清楚一份香香雞係幾多克唔係話一份用大大個紙袋去誤導消費者如果聽日仲未收到合理交代我一定打去消委會吿商品說明條例…查看更多

士別一年，荃灣已經開咗好多糖水舖。早前去咗荃新天地嘅鮮芋仙，食左手工芋圓$4x，雖然同樣都係過江龍，唔同嘅係一個可以堂食，一個只可以外賣，但食完都好想食返豪大大糖水。尤其係諗緊外賣食乜好嘅時候，呢度就可以兩個人去一碗。因為都係鍾意比較簡單啲，西瓜仙草配芋圓。因為芋圓本身已經甜，配返最簡單最滑嘅仙草，食落會更加有層次。豪大大芋圓變咗冇以前咁好咬，煙韌度失色了不少，但依然係我心目中台灣口味的芋圓之冠。…查看更多

豪大大本身係賣雞扒，所以對佢嘅芋圓冇乜期望，點知唔伏喎！嗌咗碗芋圓豆花($36)一打開蓋見到成個碗都鋪滿曬芋圓地瓜圓，真係嚇一跳，目測都超過二十幾粒！我嗌咗走糖，而佢嘅芋圓都冇浸過糖水，食落只有微微甜味👍🏻 芋圓食落冇乜芋頭味，一次過食幾粒先有淡淡嘅芋頭香; 地瓜圓嘅地瓜味就比較出，味道十分天然😋質感方面兩樣中間有少少實，唔算非常煙靭，但係都好彈牙，唔錯！豆花就麻麻地，又硬又冇豆香，勝在份量夠多，不過芋圓始終係主角，我都估到佢唔會好食😂…查看更多

芋圓紅豆仙草凍之前都唔覺豪大大有賣糖水，原來都幾大兜，芋圓好Q彈，台灣嘅加紅豆系唔興加糖水，而呢到嘅紅豆系煮得比較溶同浸過糖水，仙草凍同我哋平時食到嘅一樣，多過買樽龜苓膏返嚟😂紅豆配芋圓定配仙草一樣都系咁襯，始終紅豆系甜品入面一向都系最百搭，所以第一次叫糖水，一眼就揀佢，系唔錯嘅第一試，下次路過會買一兜先返屋企，希望到時唔使今日咁多人排隊🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般評價或要等既食店都唔會返轉頭，相信大家可抱著支持本地食店想法，成長對每間餐廳都十分重要，請一齊多一分抱容之心❤️。👍🏻…查看更多

大大塊既炸雞扒, 新鮮炸起, 再係外面加上味粉, 可選辣跟唔辣, 係台灣既味道!雖然係炸, 但食落唔會覺得太油膩, 呢個係佢優勝之處.另外呢到都有其他炸野賣, 炸薯條, 炸花枝丸, 炸雞腿等.炸花枝丸都可以一試, 叫做幾彈牙, 但其他果D可能就冇咁出色了.…查看更多

每一次嚟到荃灣想食糖水都一定會食豪大大嘅芋圓，食過咁多間最有咬口既應該都係呢一間😍 最鍾意呢度嘅芋圓牛奶仙草，個人鍾意將仙草轉做芋圓，直接同店員講要芋圓牛奶豆花就得。芋圓份量超多，牛奶除左鮮奶仲會有埋啲奶，所以食落有啲甜味，加埋豆花既口感超夾☺️…查看更多

今日17:30買左份香香雞 等左差唔多半個鐘先有 出單慢都不得之我見33號買香香雞都叫左 我30號怕佢漏單就問下收銀 點知我：「你好 我叫左份香香雞 我見33號都有想問...」佢聲氣好差咁答我：「未有呀未有呀 咪催啦」仲要擰去店舖埋邊 唔想理我咁一來我買時你一句都唔提 唔講要等耐d （我見佢原來排曬隊因爲有一段時間冇炸緊野....）二來我第一次問你 你就唔好意思都冇句 仲要惡我 總之唔會再幫襯 貼錢買氣受 大家想受氣既就繼續支持啦！…查看更多