豪大大雞排 (已結業)

負責收錢同包裝嗰位肥姨，已經唔係第一次將半份香香雞當一份比個客，我之前都中過幾次伏，今日由於趕時間拎咗就即走…點知我又中伏🤦🏻‍♂️。而且佢試過好幾次落錯單，對客嘅禮貌又一般…，今日我發現佢竟然唔識講普通話…哈哈。呢間舖基本上除咗呢位肥姨唔掂之外，其他人都好有禮貌。本人就推介“炸土豆片”真係好香脆好好味。

可一不可再既芋圓仙草😂.話說見到豪大大有芋圓食 即時走去買左個傳統黎食試下😬😬😬.個碗幾大下不過份量其實唔太多 d芋圓應該係即叫即煮 因為我食到佢係熱架😂😂😂仙草凍好dry 加多d奶會好d😂😂.至於d芋圓呢 我估因爲未煮熟 所以咬落好硬明顯未熟透😂同咬膠有得fight😂其實我冇催你又唔使咁心急俾我既 可以煮多陣🙈🙈🙈不過味道就食到紫薯味 地瓜味同芋頭味 .不回頭blacklist 😐😐😐

之前係荃灣分店食過熱牌仙草芋圓，結果係。。。變左仙草糊漿芋圓又唔太好食！今次諗住比多次機會佢，試下其他分店嘅凍版芋圓仙草。但只能說我用了$30買碗煮唔熟嘅芋圓！咬到我嘴嚼肌更發達，食到消化不良。。。仙草味道唔錯，但就少得可憐，只有幾啖！芋圓就得芋頭圓嘅口感係正常，其餘兩款中間都係硬嘅講真芋圓味道係有天然嘅蕃薯芋頭味，但煮唔好就係大忌本身仲覺得有成25粒芋圓好正，但難食就另計啦！而且$30一碗絕對唔係平！認真食完呢碗無下次