豪大大雞排 (衙前圍道)

营业中

休息中

經常凌晨過黎買外賣貪開到夜，每次一叫勁快手5分唔洗就搞掂，咁快手但都保持到水準。今次叫無鹽試下咩味，本身諗住係健康的味道，點知一食都keep到嗰隻惹味，有驚喜。下次宵夜都會繼續叫無鹽，健康少少少嘛嘻嘻。

賣幾平都無用，買個宵夜都要受氣- 嚴重延誤：喺外賣平台落單自取，話十分鐘，去到現場，呆等多十分鐘有多至拎到- 無秩序：現場所見就係唔跟單，總之你去到，夠惡，夠大聲凶佢，佢就即刻出貨俾你- 態度惡劣、偷懶：等完一輪終於俾貨你，結果只係得食物，然後喝令你自己打開櫃自己拎兩罐飲品- 無貨：結果落單時要嗰款飲品，係無嘅，但佢唔會理會你總論：咁嘅態度，唔理你食物係點，好食定唔好食，無人會想再幫襯，因為無人會想買個宵夜都要受氣

已經多次回購花枝丸。另外每天特價小食也好吃。特別是春卷。可以在openrice 落單，不用去到排隊及等候十分方便。如在放學時間，等候時間較長。附近有很多補習社，所以特別多學生放課棒場。

差唔多日日都食咁濟，每日由朝早11點開到夜晚11點，基本上好多嘢食都係即刻炸，所以特別好食。個人就最鍾意食雞中翼同埋花枝丸，雞中翼醃料好特別，唔係得死鹹或者死辣，而係帶啲香濃嘅芝麻味，其他地方都未必食到嗰種味，而花枝丸外皮非常之脆，入面唔係嗰種好粉嘅感覺，就算拎到番屋企擺咗陣都係咁好食。另一樣嘢要提嘅係鋪頭環境乾淨衛生，見到地下同埋炸爐附近都係乾淨，唔會好似有啲鋪頭咁啲油四濺。員工服務態度亦都好好，見我係熟客都會主動同我吹下水，差唔多次次都會送多幾樣嘢俾我試下。同埋佢哋產品選擇都好多樣化，每隔一排都會見到有新產品推出，前幾日先試完佢哋嘅芝士蝦球，都幾好食。平時幫襯時不時都會見到唔同優惠，睇得出佢哋嘢食有質素之餘，仲好有心機做。Ps 佢哋鋪頭好似係個小鮮肉做老細，大家不妨去睇下