象屋泰國餐廳 (已結業)

想食泰國野唔一定要去九龍城既，太子既新世紀廣場一樣有好選擇😆呢間象屋都係走高檔路線既泰國菜，裝修乾淨企理又不失華麗，但係價錢都好親民，同九龍城差唔多。食泰國野必嗌既冬陰公湯，有少少偏辣，酸度適中，用料十足。生菜包就食得多，但係用雞肉做生菜包就真係第一次食，肥膏唔多，但係又唔會覺得鞋颯颯，感覺健康過平時啲生菜包👍🏻軟殼蟹米紙卷，薄薄嘅米紙，配上炸脆左嘅軟殼蟹，夾住啲新鮮嘅雜菜絲，好清新好爽脆完全食唔到炸軟殼蟹嘅油膩感👍🏻呢餐泰國菜都算食得健康，再嗌多咗個魚露蝦干炒椰菜苗😂基本上椰菜苗係唔會難食嘅，仲要加埋蝦干喎，點炒都好食呀😆夠嫩又爽🤗

今晚同👭去咗旺角東MOKO 4/F 一間設計好新潮嘅泰國餐廳， 就咁望落去以為係食西餐嘅😆 地方闊落，環境舒服，設計好似酒店大堂咁，令人感覺係置身食 Fine Dining 既地方🤣🤣柚子青芒沙津🥗作為開胃菜,味道相當唔錯,絕對刺激倒味蕾, 但賣相唔多靚， 換個長碟，柚子若以大粒狀形態上碟比較好😆蝦醬炒通菜呢個賣相就好靚啦，紅紅綠綠，呈小山狀，大大粒蝦乾，通菜非常幼細鮮嫩兼爽口，I ❤❤❤😍紅咖哩牛肉+薄餅(另外落單)非常貼心， 有個小爐在底下， 可以熱住嚟食👍 紅咖哩汁微辣濃稠，牛肉用咗腩位部分， 炆得好腍，牛肉味十足， 配埋薄餅食，實在美味ar🤤芒果糯米飯賣相相當吸引， 個波波裝著椰絲同芒果，碟邊四周有芒果醬做點綴，打開佢，椰絲好似落雪咁❄❄， 糯米飯煮得非常軟糯，少甜啱啱好👍 芒果失色少少，唔夠乾同芒果味唔濃😅👩‍⚖ 係一個放工後，可以同朋友放鬆、開心聚餐嘅好地方， 食物價位適中， 唔離地，而家仲做緊一個任食咖哩蟹放題， 實行約埋啲friend過嚟叫滿成張枱齊齊食🤤

今日同個朋友慶祝生日，佢鍾意食泰國菜，呢間餐廳既泰國菜聽聞幾好食😄😄😄而且餐廳環境氣氛唔錯👍🏾👍🏾有足夠既空間俾我地慢慢食同傾下計，所以就揀咗呢間餐廳。首先我哋嗌左個set lunch一齊食👉🏾軟殼蟹檬粉👈🏾因為我好鍾意食魚蝦蟹蛋🤪🤪🤪咬落去外面脆脆入面軟林林😉😉而個檬粉加左汁之後有種酸酸甜甜嘅感覺，好醒神🤘🏾🤘🏾而呢個set有跟一個餐飲,我哋揀咗凍檸茶另外，我地叫左個泰式生蝦，一個杯裝住一隻蝦,確保每一隻蝦都係新鮮，食落口一啲都唔醒！！仲啖啖肉🖖🏾🖖🏾🖖🏾🖖🏾小食方面，我地都叫左個小食拼盤，入面包括左蝦餅、黃金包、馬可、春卷、蟹肉卷，每一款都整得好精緻☺️☺️☺️真係唔捨得就咁放入口🥰🥰🥰🥰🥰全部都炸得好鬆脆，尤其是春卷～～材料十足！！一咬落去就有種滿瀉嘅感覺😱😱😱正呀～～～～大食既我地，當然唔會就咁停啦😂😂😂我地仲叫左個燒春雞，一般人燒春雞，肉質都會比較難咀嚼，但係呢個一啲都唔鞋口，好易撕開😋😋😋😋女士食起上黎就唔怕會好狼狽啦🙌🏾🙌🏾🙌🏾🙌🏾最後，我地仲追加多個芒果糯米飯😂😂呢個芒果糯米飯除咗有一般會用到嘅白米之外，仲會有紫米，兩種嘅米夾埋芒果一齊黎食都非常之好食🤪🤪🤪🤪🤪🤪最後最後😏😏

小食拼盤 $168頭盤有蝦餅x2,黃金包x2,馬可x2,春卷x2,蟹肉卷x2🦀呢個小食拼盤同平時系出面食果D唔同,佢嘅蝦餅系加左香茅黃金包裡面有粒小蒜頭,但食落個味道又OK啦沙海鮮麵 $98雖然我唔系好食得辣,但呢個對我黎講都唔算太辣,味道都不錯👍🏻裡面系冇麵,只得米粉🦐大蝦有煎香過, 所以總括黎講都算好味香芒黑白糯米飯 $88見到呢個甜品就即刻心心眼😍冇諗過芒果糯米飯可以好似個水晶球咁夢幻水晶球裡面裝左芒果同椰絲糯米飯是暖暖的黑白糯米,唔會過硬🥭配合埋芒果,甜度適中 遇見 $53一黎就俾呢杯野飲嘅顏色吸引住,好colourful🌈好靚飲落系似fruit punch,唔系果D得個甜既糖水

食物不好，服務不好。雞絲湯粉淡而無味。蝦醬炒飯是生米的。辣椒炒大蜆一半是不開口的。冬陰公的蝦是霉的。一碗白飯要追十次才來。第二碗追極不來。店中不算太忙，侍應的態度卻很晦氣。令人失望。不會再來。

呢晚行開Moko，朋友突然話想去泰國，掛住泰國嘅味道😳但係無得話走就走，假又未請，機票又未買😳 好在俾我地搵到間泰國餐廳，過下隱先🥳我地兩個女仔，叫左3道菜，睇落好少野，本來想再叫多一兩樣，原來第一道菜兩個人share都有啲份量！冬陰海鮮米線冬陰公味夠濃，米粉吸收晒冬陰公湯，食落份外醒胃😍 仲有豐富嘅海鮮伴麵，一碗係滿滿的！泰式雞肉生菜包雞肉醃得好入味，再加啲醬油同香茅，肉汁滴晒出黎🤤 每一塊生菜裝住勁多肉碎，滿到寫晒，又係份量十足！紅咖喱牛 配香煎油鬆餅咖喱當然要襯鬆餅，將鬆餅沾上紅咖喱汁，小小辣，夠惹味。九層塔味好重，我鍾意😋牛肉鬆軟，份量也是很多😂餐廳環境乾淨寬敞，每張枱都有足夠空間放置食物，座位亦寬落，好適合係到傾計食飯☺️

同朋友係新世紀廣場shopping 到攰攰地，想坐底傾下計食下野，見象屋泰國餐廳有個好精緻又多野食既下午茶，就流哂口水。象屋寬敞,庭位舒適,我地入去既時候下晝五點零，未有太多食客，所以餐廳安排左我地坐係窗邊，感覺寧靜悠閒。我地就嗌左吸引我地入地既二人下午茶。下午茶豐富，兩碗椰香十足嘅青咖喱雞飯配上脆炸櫻花蝦、素春卷、蝦餅、成個壽司甘款芒果糯米飯、香甜嘅斑蘭撻同榴蓮味濃郁嘅榴蓮撻既鹹甜小食，啱晒鍾意香口食物嘅我，食晒都好飽肚㗎。我地仲加左生蝦刺身,轉埋飲泰式奶菜同青檸疏打。我地忍唔住再加碼叫左個小食拼盤，坐多陣吹下水。

西式的半自助午餐試得多，第一次相約朋友試下泰式的泰式沙律吧午市套餐，價錢由$88至$148 (未計加一)，可以自選主菜一款配基本飲品一杯，亦可加錢order小食和升級特飲。象屋提供的是fusion泰菜，餐廳寬敞，選了內廳落地玻璃旁座位，陽光午餐，吃得份外精神舒心。選了泰式大蝦金邊粉和特色海南雞飯套餐，另外加配了大蝦冬陰公湯和沙嗲豬肉串，因為不是常常吃得到，也額外選了泰色芒果糯米飯作為午餐總結。泰式大蝦金邊粉的是一如既往的酸甜味道，大蝦肉嫩爽口；配合餐飲熱檸檬茶，中和了炒粉的油膩口感，吃得津津有味！特色海南雞飯沒有偷工減料，雞脾雞翼啖啖幼滑肉，配上泰式海南雞醬，味道剛好，不會太濃太辣。大蝦冬陰公湯內有原隻蝦肉，湯底濃郁，酸辣度適中，每一口湯都喝到蝦的鮮味。沙嗲豬肉串，烤香的豬肉，配上特製沙嗲汁，惹味好咬口。泰色芒果糯米飯是意想不到的吸晴賣相，兩層的黑白糯米，灑上如雪花般美的椰絲，每一口都椰香滿滿，芒果拼搭溫熱香軟的糯米飯，清新香甜，大力推薦！

在新世紀廣場上，有間裝潢不錯的泰國菜，也有景觀，最近還推出了個任吃咖哩蟹的套餐（＄３３８），不過今晚不是很餓，所以只散點一些菜色就算。食物：泰式燒春雞（半隻）＄９８外皮超爽脆的這些燒雞，配上特色的泰式辣醬，酸中帶辣極開胃，半隻燒雞迅間消滅了！青咖哩（牛）＄１５２採用了超軟稔的牛腩作底，青咖哩帶椰汁的甜香，配白飯吃非常惹味！加了一支小燭台以保持咖哩溫度，貼心泰式雞肉生菜包＄８９只有４小塊，下了辣椒調味，肉質爽口不會肥膩，加入了九層塔吊味，非常香口也非常開胃！

今次呢間泰國餐廳環境唔錯，落地玻璃窗望出去勁靚勁有feel💕本身係openrice見到有$33任食甜品勁抵😍，不過原來呢個優惠係9月已經做完，無緣一試😣最後我地叫咗個小食拼盤同青咖喱🤪1️⃣小食拼盤 （$168）入面有齊蝦餅、黃金包、馬可、春卷、蟹肉卷，都幾多樣化🙈開頭睇名真係R爆頭都唔知馬可係咩黎😳，原來係用豬肉碎、花生加蔗糖整到粒肉丸咁放係菠蘿🍍上面，咸甜混而為一，小編都係第一次試🤪而黃金包除咗外表吸睛外，入面仲係蝦同蟹肉撈埋一齊，同春卷一樣食落夠哂爽脆🥳 2️⃣青咖喱（雞）+ 油鬆餅（$152 +$38）呢隻青咖喱既辣我會叫佢做陰濕辣🤣，佢一開頭就唔算點辣，食落甜甜地咁啦，等你唔覺意食多幾啖之後後攻上黎😱 不過辣度係接受到既，雞都夠滑，配埋油鬆餅食唔錯👍🏻 而家象屋仲做緊$338任食咖喱蟹放題🦀，都幾多野食，有興趣既朋友可以一戰🤪

今日約左好姊妹收工去旺角行街食飯, 行到咁上下見到e間泰國野好似唔錯咁就入去試下😊 餐廳環境都幾大幾舒服, 餐牌上嘅野食都幾多選擇, 我地兩個叫左一個小食, 一個菜🥬, 一個飯🍛, 一個麵🍜, 同一個甜品, 本身仲想叫多個西瓜肉鬆沙律, 可惜已經賣哂了😭 蝦醬大蝦炒飯🦐🍛炒飯一上枱已經超級香, 唧左少少青檸汁之後就可以撈埋其他配料一齊食, 有大蝦🦐, 青木瓜, 紅洋蔥, 辣椒🌶同肉鬆! 大蝦肉質飽滿有彈性, 辣椒紅洋蔥刺激味蕾同食慾, 甜甜咸咸嘅肉鬆仲有微酸嘅青木瓜絲撈埋一齊食, 口感清新又豐富, 幾好味, 推介!👍🏻魚露蝦干炒椰菜苗🥬蝦干嘅香味同味道幾出, 椰菜苗色澤翠綠, 口感幼嫩爽脆, 味道唔錯!軟殼蟹米紙卷🦀🥙軟殼蟹炸得幾脆, 材料幾多, 米紙卷附上兩款醬汁, 個人覺得綠色果款味道偏重口味, 橙色果款味道最夾😊冬陰功海鮮米🦐🐚🍜冬陰功湯同出面飲嘅唔同, 湯底味道濃郁, 飲落嘅口感唔係得水, 而係有少少質感, 味道不過不失, 米線份量幾多, 大約有兩至三碗左右!芒果糯米飯🥭一開始係衝住e個造型咁靚嘅芒果糯米飯而入嚟嘅, 非常適合打卡!🤗📱（📢注意個透明波波只係裝飾嚟, 係唔食得的

原來moko頂層有泰國餐廳😱 菜式帶fusion 有喇沙竟然😦😧 推介泰式生蝦刺身 蝦肉好大隻新鮮彈牙🤤🤤 配青檸酸辣汁好開胃-泰式生蝦刺身$118牛肉船麵$78冬陰功海鮮米線$88雞肉串燒$88.-Yum：👅 👅 👅 /5
Revisit:💃🏼💃🏼💃🏼/5
Price: $200/head————————————————🌈 象屋泰國餐廳 (旺角)旺角太子道西193號MOKO新世紀廣場4樓453號舖———————————————— ..

喺新世紀行街買衫，順便喺到食埋晚飯，同朋友見到有間未試過嘅泰菜，就試下啦！環境唔錯，枱與枱之間嘅空間充足，唔會好迫。🌞泰式雞肉生菜包 $89好方便嘅生菜包，唔洗自己動手包，上菜時已分好四份，拎起就食得。肉粒炒得有鑊氣，食落甜甜地，仲有好香嘅九層㙮味道，濃濃嘅泰國風味😋🌞芒果蟹肉炒飯 $148蟹肉份量都唔少，非常鮮味！飯粒炒得乾身，粒粒分明，配埋香甜芒果，香口開胃。🌞蒜蓉蝦醬炒泰式豆腐 $98泰式豆腐黃色一小舊，切成三角形狀，豆味香濃，質感結實彈牙。蝦醬味香濃，好惹味。🌞香烤蒜蓉包 $38由於我地都好鐘意食蒜蓉包，就算叫咗炒飯都忍唔住要叫份蒜蓉包過下口癮！佢地嘅蒜蓉包比較窄身，食嘅時候唔驚刮損嘴角😂蒜蓉包外皮香脆，包身鬆軟！蒜蓉牛油味香濃！而家仲有做緊$338/位任食，我對呢個幾有興趣！下次可以約埋啲大食朋友一齊嚟食！

呢日行MOKO見到呢間食泰國菜嘅象屋有Semi-lunch buffet幾抵食下，環境幾好，嗌個幾個set水準都唔錯🤓！-泰式生蝦(2件) +$38lunch set加錢就有啦，細細份咁當小食食都唔錯個🦐係成條上，比起一般切開一般嘅生蝦食落更彈牙同有膠質🌟加上用個杯仔裝住好特別，裡面嘅醬汁酸酸地又辣辣地咁好開胃🤤-特色海南雞飯 $98之前出去普通餐廳食嘅海南雞通常都有d鞋，呢次個雞皮好薄雞肉都夠嫩滑，拍得上慢煮個d🤯份量都夠多，點佢配製嘅醬汁好加分🌞個油飯都好香，唯一可以改善嘅係部分飯有少少淋，我比較鍾意d飯粒粒分明-泰式大蝦金邊粉 $118呢個我會比最高分💯金邊粉炒得夠乾，食落香得黎唔會好油膩，金邊粉煙煙韌韌，味道亦拿捏得好好🙈之前食過有d係整到好鬼辣嘅，呢個一d都唔會over，我呢d唔太食得辣嘅都食到，仲加埋彈牙大蝦去炒，真係好好味😋😋-芒果糯米飯 $88個樣好似裡面落雪嘅水晶球呢❄️🔮～最上層係用透明波波裝住嘅椰絲同芒果🥭，底層就係紫糯米飯同糯米飯🍚食落仲暖暖地，可以點碟邊嘅芒果醬食🌟整體味道唔可以同正宗嘅芒果糯米飯比，不過就好打卡able💛💛-任食沙律吧都有好多選擇，有水果、泰式

一直行moko都想試呢間象屋泰國菜 今次終於試到啦 平日黎都算幾多人 成日餐廳都差唔多滿座坐底之後我就同男朋友叫左個生蝦刺身 牛肉馬沙麻咖喱加配蒜蓉包 同蟹肉芒果炒飯~整體黎講價錢都算偏貴 但味道真係好高質☺️一開始對生蝦刺身無咩興趣 點知食左一舊之後就翻唔到轉頭 呢到既生蝦刺身勁大舊又新鮮 而且仲好juicy 配上佢d酸酸地既汁 勁開胃 可惜得六隻 我諗一個人都可以食十隻haha 真係必叫前菜！至於個牛肉馬沙麻咖喱雖然我唔知點解佢會咁貴差唔多要二百蚊 味道還是不錯的 咖哩偏向較甜 而且都有唔少牛肉 唔會話好孩身 重點黎黎啦！估唔到佢個蒜蓉包咁出色 勁大陣蒜蓉味 香脆可口個主食蟹肉芒果炒飯相當黎講無咁重口味 但份量都幾大 而且幾多蟹肉 配上泰國酸酸地既青色芒果 食落唔會覺得好濟食完有d口渴 我地仲叫左杯龍眼冰 味道都無咩特別 但整體黎講對呢到既野食都係相當滿意 會推薦朋友黎食！