豚勝

营业中

休息中

派位又急又亂拎住張A3等咗 around 20 分鐘叫號碼兩步行過去個收銀已經派咗畀A5結果係我又要等下張枱！我等你20分鐘，你5秒都唔等？定我好似A5咁一直企係度阻住你收銀就快啲有位？？Waiter 服務 ok

平日夜晚要係附近睇戲，所以搵返附近餐廳食晚餐，已預先訂了枱，傍晚6點幾食。在商場頂樓，不難找，整體不算多人、樓底高、鋪面及枱面頗大，空間感足夠，木系裝修有舒服溫馨的感覺。蒲燒鰻魚定食$168因為怕熱氣，所以叫鰻魚，擺盤精緻、鰻魚夠juicy、如果多幾塊便更好，當然價錢都會有所加幅。特選厚切吉列里肌豬排定食 (標準180g) $168朋友叫的，好大塊，可以share食，無咩肥膏，好健康的感覺，有小塊檸檬可解膩。跟餐味噌湯可以暖下肚先。跟餐漬物係大豆芽，仲有青色的菜，估計係菠菜，開胃。白飯及椰菜絲任添，係加分位。店員會俾芝麻客人，客人自己磨，幾有趣。枱面有自助免費醬料。餐廳提供竹筷子，夠晒衛生。總共$336 (已包加一)

踏入店就被滿滿的日式小確幸包圍－門口排排坐既豬豬擺設🐽、牆上懸掛的暖簾🎏、木質吧台檯透出的黃光💡，有種瞬間穿越左去京都巷弄食堂既錯覺！食前有得DIY 現磨芝麻，金黃酥脆的厚切裡肌，肉質柔嫩多汁！現磨芝麻沾秘製豬扒醬超正！定食附味噌湯、漬物，沙律飽足感滿分～沙律記得淋柚子醬，清爽感秒升級～🥚滑蛋吉列厚切裡肌豬扒定食蛋液佐吉列豬扒，「蛋香＋酥脆」雙重口感必試！🐷特選吉列厚切裡肌豬扒定食 經典原味！高麗菜絲解膩，芝麻研磨醬汁是靈魂～🍛咖哩吉列厚切裡肌豬扒定食 日式甜辣咖哩濃鬱不膩，豬排沾醬後仍保持脆度！薯仔同紅蘿蔔燉煮入味配飯一流。🍜 吉列豬扒定食配湯蕎麥麵 🍜麥麵清爽彈牙，柴魚湯底淡雅 ，清爽Fresh～

今日同事last day， 我哋去咗葵芳新都會廣場五樓嘅豚勝， 食吉列豬扒。由於已經過咗午市時間，所以人算尚算少，好快就有位， 我哋打開餐牌，全部都係食吉列豬，但都算多種類選擇。點完菜後， 侍應為我哋擺上每人一碗芝麻。 我哋可以自己磨芝麻，磨嘅過程聞到陣陣芝麻味， 芝麻係用嚟配秘製既豬扒醬， 味道帶點酸酸的，用嚟配豬扒尚算好味。 套餐另外再跟咗一個小沙律。 同埋一碗白飯。 佢仲有一個沙律醬。 可以用嚟點沙律嘅 尚算清新。講一講塊豬扒。 我哋叫咗標準嘅， 價錢大概係160蚊， 都算大塊。 而且好有肉汁，但味道略為一般。 我哋都覺得無乜豬扒味。總括來講，尚算可以。 如果豬扒的質素能夠改善一下，就更好了。

昨天跟朋友來吃下午茶，有在香港難得被禮待的經驗。先是經理主動更換更佳位置，很貼心；落單也不用選QR code，侍應有禮；食物擺設用心，盛器也講究；食物味道佳，烏冬滑、炸雞嫩。坐至6:00，也沒人駛眼色要你離開。愉快的經驗。

🇭🇰豚勝🇭🇰由米芝蓮星級廚師Naokata Ohashi 主理，在日本擁有數家分店的炸豬扒，深受本地還有遊客歡迎。香港也可以吃了～豬扒選用了日本厚切熊本Rindo豚肉製作，每一塊豬肉都厚而不失肉汁！🤩特選吉列厚切里肌豬扒定食 🤩咖喱吉列厚切里肌豬扒定食🤩滑蛋吉列厚切里肌豬扒定食豬扒果然有水準！厚而不乾，外皮脆而不膩！加上豬扒醬/咖喱/蛋 真的一不小心就把飯吃完了🤩🤩還有炸糖心蛋，海老 還有炸蠔，簡直不要太邪惡啊 ！

想食下午茶時經過新都會廣場，在廣場出面見到頂樓有日本菜招牌，便去試試，叫了咖喱吉列豬扒定食（$128），這是午市套餐，和西京比目魚餐，豬扒有驚喜，有少少肉汁，炸的火侯剛好，比目魚餐是媽媽食，（$72）這是下午茶餐。魚肉香甜，醬汁惹味，老人家未必接受到生魚片，但這間好多套餐老人家都岩食，坐得又舒服，侍應服務很好，有不停斟茶，有介紹個餐的椰菜絲可加枱面上的柚子醬配食，茶不錯，套餐的麵豉湯也比預計中好。

午市選擇都好多，套餐定食配白飯，味噌湯及漬物，白飯及菜絲可免費加添👍🏻現上自己添加嘅柚子醬汁可以解膩 。天氣凍，好想食重口味，點左個午餐及多款小食 ，兩個人可以試多幾款 。⭕️咖喱吉列厚切里肌豬扒定食（輕量）$128份量雖然是輕量，因為厚切，所以都好滿足 。而且中間粉嫩，👏🏻👏🏻炸得恰到好處，仍然保持肉嫩多汁 。⭕️炸半熟蛋 (1 隻 ) $18炸蛋第一次食，中心位置依然流心，蛋味香濃🥰⭕️吉列芝士野菜豚肉卷（二件）$62賣相吸引，餡料豐富，食出不同口感 。實物比想像中大，可以當主食😂⭕️味噌雜煮（豬腸，豬舌）$52日式味噌做法，甜中帶辣，豬腸及豬舌炆得軟糯入味，拌以我最愛嘅蘿蔔，推介 👍🏻

經過幾次一直想試呢間日本過江龍炸豬扒店，但我竟然唔係食炸豬扒😆(因為怕熱氣) 食咗豚肉生薑燒定食!!豚肉生薑燒定食好多汁，豬肉片夠油潤入口軟滑唔柴，好多洋蔥絲好入味! 😋甜甜哋微微薑汁香味，送飯一流!👍🏻椰菜絲個可以任添，配柚子沙律汁好清爽🙌🏻不知不覺食咗好多椰菜🤣好滿足嘅一餐lunch!!!!味噌湯都幾足料，仲有啲豬肉料！友人食嘅吉列芝士野菜豚肉卷，爆芝士好吸引！好脆口唔油膩，唔會太鹹！

朋友介紹有間新開既吉列豬扒，所以黎左呢間餐廳試下，入到去環境都好舒適。滑蛋吉列厚切里肌豬扒定食🐷睇佢既煮法係先將豬肉以低溫慢煮處理，然後炸到九成熟，上檯後見到炸豬排外層黃金酥脆，炸漿同豬扒唔會分離，咬落香脆可口，豬扒唔會好乾身依然有肉汁，而滑蛋熟度都岩岩好，唔會過熟，味道恰到好處。

今日去葵芳食飯，朋友選咗豚勝。我叫咗個吉列厚切里肌豬扒跟蕎麥麵，豬扒外脆內嫩，肉質滑口，配上蕎麥麵就清爽，味道唔會太重，啱啱好可以平衡下重口味的豬扒。至於我朋友叫嘅西京燒比目魚定食，聽佢講魚肉鮮嫩，醬汁味道搭配白飯食，整體嚟講，今日嘅晚餐真係幾好食。

在葵芳新都會廣場行到差不多晚飯時間，就去搵嘢食，今天想食日本丼，搵搵吓就見到 “豚勝”，在店外望完餐牌幾吸引，於是就入內，店內差不多 full house (只剩餘2張枱)。我哋 order 咗一個 “吉列厚切里肌豬扒定食” 及 “吉列大海老定食配湯烏冬” ，另外，order 咗一客小食 “土佐豆腐”。而在豚勝 社交平台 內點讚就送 “一客枝豆”，份量都不少。厚切豬扒份量，除標準 size (180 gm )外，亦可 order 大份量，隨你自己食量來選擇，我哋就沒有特別加大份量，豬扒的外層脆衣好鬆脆，而豬扒充滿肉汁、質嫰，非常美味👍🏻😋，飯及椰菜絲亦是無限添加。吉列大海老（大蝦），隻蝦真係好大隻，食得好滿足，外層脆衣與吉列豬的一樣鬆脆，而蝦就炸得剛剛好 👍🏼😋 不會太老；配餐的烏冬 🍜份量亦不少，麵質保持煙韌，不會太淋，而且還可選擇 “冷” 或 “熱”。小食的土佐豆腐很嫰滑，豆腐味濃，醬汁又不會太咸。😊結尾就 order 咗一球雪糕作甜品，味道就一般啦！今晚的用餐體驗很好，無論食物味道及賣相、整體服務、餐廳環境及衞生都不錯，值得再嚟👍🏼👍🏼

係新都會行街發現依間日式店，見到價錢都合理，咁啱又好想食吉列豬扒就入黎試下！環境都幾舒服，日式木系裝修，好似返左鄉下咁。我同老公分別叫左兩個午市套餐，以家Follow佢地既社交平台仲贈送枝豆一客。上定食之前待應比左碟白芝麻讓我們磨碎然後加上豬扒醬用作點豬扒用。另外有柚子醬用來加落椰菜絲。🍠特選吉列厚切里肌豬扒定食 （標準） $158豬扒有分標準份同輕量，標準係180g而輕量則是一半90g。吉豬賣相超級正，附上椰菜絲為伴菜，定食配以白飯，味噌湯及漬物。旁邊還有杏仁醬用來點豬扒用。佢嘅味噌湯比我想像中好，唔會太咸，裡面仲有左豚肉。豬扒肉色粉嫩，外皮香脆唔厚粉，肉質帶有少少肥但質感軟熟，配上香濃芝麻豬扒醬更香！不過食多幾舊係油膩左啲，要食啲柚子醬椰菜解膩。另外唔夠食嘅話，白飯同椰菜絲都可以免費加添！🍠咖喱吉列厚切里肌豬扒定食 （標準） $168比起普通吉豬，我更喜愛這個咖哩吉豬定食。佢既咖喱好香濃，有日本咖喱甜味又帶點微辛，令我胃口大開，吉豬配上咖喱醬好好味，感覺冇咁油膩。📍豚勝 （葵芳）葵芳新都會廣場5樓547-565號鋪

📍星期六中午經過豚勝，本想入內，但座無虛席，我倆決定逛吓商場先，待下午茶時段再光顧🕒3點後到達，大部份食客已離座，即被安排坐卡位👏🏼👇吉列大海老🍤拼豬柳🐖定食$228，豬柳外皮炸得鬆脆，內裏肉質厚嫩且有肉汁，最愛啖啖肉，點埋自己磨的芝麻碎和豬扒醬，更加味美；而特大的海老🦐，外皮同樣以吉列脆口呈現，蝦肉彈牙，又可以點沙律醬增添味道👇咖喱吉列長崎雞扒🐔定食$188，吉列外皮鬆脆，雞肉軟嫩，還有香濃咖喱汁佐飯，實在食到舔舔脷👅

新開的炸豬扒店，地方不大，所以一定要book位。中午套餐有好多選擇，我們點了炸豬扒套餐。豬扒炸得剛剛好，鬆軟有肉汁😋 我們點的是小份，份量剛剛好👍🏻 中午時段限時75分鐘！