豚勝

之前經過䐁勝都好想試，可惜當時已經吃了晚餐。今日去葵芳所以比機會自己去食午餐🍱😅。 因為過了最繁忙時間所以不是太多人👍🏻。我點了特選吉列厚切里肌豬扒定食；除咗附有前菜外，仲可以配冷麵或烏冬 （我配左湯烏冬）。主菜未到前，職員遞上一碗芝麻，原來先將芝麻磨碎加入豬扒汁拌勻，待食豬扒時醮上； 我一邊磨一芝麻香味勁香 （味道更加正👅）。除咗呢個芝麻豬扒汁，師傅仲另外附上「竹炭照燒汁」 味道一樣咁出眾👍🏻。椰菜絲加左柚子汁十分之清新😚而且椰菜絲可以任加😅 。打卡仲送一碟似多春魚小食（都有四條）；所以今餐果然有驚喜👍🏻。整體十分之唔錯而且職員服務態度都好好。對於吉列食物麻麻嘅我都覺得不錯👍🏻，會再幫襯😚…查看更多

話說男朋友上兩個星期食完一次覺得唔錯，留低收據下一次幫襯可以減$50 ，就約咗我去試下。佢喺OpenRice訂咗7:00兩位，我地準時到達，門口果位男Staff睇都冇睇就問佢係咪叫Marco，真係好impressive我哋咁多次喺OpenRice訂位都冇試過咁樣情況。我叫咗份西京燒定食，佢叫咗份厚嘅豚肉定食。join會員仲會送多份天婦羅南瓜。叫定食嘅話飯係可以免費添加，保證食得飽飽！西京燒應該係比目魚？煎得好腍又滑，三舊仔送兩碗飯，啱晒。諗住個天婦羅南瓜送嘅唔會好大份，睇相都知夠晒誠意而且都好好食。可惜豚肉就唔知係咪太厚好難拿捏，我食第一舊有少少嚡口，不過再試多另一舊都OK易咬口～整體嚟講每個店員服務都唔錯，就算我哋坐角落頭都會主動過嚟加咗幾次茶，我哋見有幾款豚肉有咩分別，同埋嗰個芝麻兜係點玩，店員都有耐性咁樣同我地介紹～埋單減左$50盛惠$298～走嘅時候見到三個店員都主動同我哋講拜拜，真心覺得唔錯，可以再encore！…查看更多

由坐低開始22分到埋單58分，先一共36分鐘。見就嚟食完係咁隔三4分鐘就問客人食完未，仲使唔使加水呢啲問題暗示叫客人埋單，隔離個檯嘅客人都遭到同樣對待，唔會考慮再去呢啲半個鐘就要求客人食完埋單離開嘅餐廳。…查看更多

豚勝係我喺新都會最愛嘅餐廳之一，尤其係午市定食，價錢非常實惠，份量足夠，配搭又靚。不過想食就要有心理準備，等位時間通常都唔短。餐廳服務態度好，店員有禮又主動，整體用餐體驗非常舒服。最推介芝士炸豬扒，厚切豬扒外皮酥脆，內裏肉質嫩滑，加上熱辣辣嘅拉絲芝士，邪惡得嚟又超滿足。仲有椰菜絲可以無限添食，新鮮爽口，解膩一流。特別加分位係提供芝麻畀客人自己磨，再加入芝麻油或芝麻醬，香味濃郁，襯埋炸豬扒簡直係神級配搭。…查看更多

派位又急又亂拎住張A3等咗 around 20 分鐘叫號碼兩步行過去個收銀已經派咗畀A5結果係我又要等下張枱！我等你20分鐘，你5秒都唔等？定我好似A5咁一直企係度阻住你收銀就快啲有位？？Waiter 服務 ok…查看更多

平日夜晚要係附近睇戲，所以搵返附近餐廳食晚餐，已預先訂了枱，傍晚6點幾食。在商場頂樓，不難找，整體不算多人、樓底高、鋪面及枱面頗大，空間感足夠，木系裝修有舒服溫馨的感覺。蒲燒鰻魚定食$168因為怕熱氣，所以叫鰻魚，擺盤精緻、鰻魚夠juicy、如果多幾塊便更好，當然價錢都會有所加幅。特選厚切吉列里肌豬排定食 (標準180g) $168朋友叫的，好大塊，可以share食，無咩肥膏，好健康的感覺，有小塊檸檬可解膩。跟餐味噌湯可以暖下肚先。跟餐漬物係大豆芽，仲有青色的菜，估計係菠菜，開胃。白飯及椰菜絲任添，係加分位。店員會俾芝麻客人，客人自己磨，幾有趣。枱面有自助免費醬料。餐廳提供竹筷子，夠晒衛生。總共$336 (已包加一)…查看更多

踏入店就被滿滿的日式小確幸包圍－門口排排坐既豬豬擺設🐽、牆上懸掛的暖簾🎏、木質吧台檯透出的黃光💡，有種瞬間穿越左去京都巷弄食堂既錯覺！食前有得DIY 現磨芝麻，金黃酥脆的厚切裡肌，肉質柔嫩多汁！現磨芝麻沾秘製豬扒醬超正！定食附味噌湯、漬物，沙律飽足感滿分～沙律記得淋柚子醬，清爽感秒升級～🥚滑蛋吉列厚切裡肌豬扒定食蛋液佐吉列豬扒，「蛋香＋酥脆」雙重口感必試！🐷特選吉列厚切裡肌豬扒定食 經典原味！高麗菜絲解膩，芝麻研磨醬汁是靈魂～🍛咖哩吉列厚切裡肌豬扒定食 日式甜辣咖哩濃鬱不膩，豬排沾醬後仍保持脆度！薯仔同紅蘿蔔燉煮入味配飯一流。🍜 吉列豬扒定食配湯蕎麥麵 🍜麥麵清爽彈牙，柴魚湯底淡雅 ，清爽Fresh～…查看更多

今日同事last day， 我哋去咗葵芳新都會廣場五樓嘅豚勝， 食吉列豬扒。由於已經過咗午市時間，所以人算尚算少，好快就有位， 我哋打開餐牌，全部都係食吉列豬，但都算多種類選擇。點完菜後， 侍應為我哋擺上每人一碗芝麻。 我哋可以自己磨芝麻，磨嘅過程聞到陣陣芝麻味， 芝麻係用嚟配秘製既豬扒醬， 味道帶點酸酸的，用嚟配豬扒尚算好味。 套餐另外再跟咗一個小沙律。 同埋一碗白飯。 佢仲有一個沙律醬。 可以用嚟點沙律嘅 尚算清新。講一講塊豬扒。 我哋叫咗標準嘅， 價錢大概係160蚊， 都算大塊。 而且好有肉汁，但味道略為一般。 我哋都覺得無乜豬扒味。總括來講，尚算可以。 如果豬扒的質素能夠改善一下，就更好了。…查看更多

昨天跟朋友來吃下午茶，有在香港難得被禮待的經驗。先是經理主動更換更佳位置，很貼心；落單也不用選QR code，侍應有禮；食物擺設用心，盛器也講究；食物味道佳，烏冬滑、炸雞嫩。坐至6:00，也沒人駛眼色要你離開。愉快的經驗。…查看更多

🇭🇰豚勝🇭🇰由米芝蓮星級廚師Naokata Ohashi 主理，在日本擁有數家分店的炸豬扒，深受本地還有遊客歡迎。香港也可以吃了～豬扒選用了日本厚切熊本Rindo豚肉製作，每一塊豬肉都厚而不失肉汁！🤩特選吉列厚切里肌豬扒定食 🤩咖喱吉列厚切里肌豬扒定食🤩滑蛋吉列厚切里肌豬扒定食豬扒果然有水準！厚而不乾，外皮脆而不膩！加上豬扒醬/咖喱/蛋 真的一不小心就把飯吃完了🤩🤩還有炸糖心蛋，海老 還有炸蠔，簡直不要太邪惡啊 ！…查看更多

想食下午茶時經過新都會廣場，在廣場出面見到頂樓有日本菜招牌，便去試試，叫了咖喱吉列豬扒定食（$128），這是午市套餐，和西京比目魚餐，豬扒有驚喜，有少少肉汁，炸的火侯剛好，比目魚餐是媽媽食，（$72）這是下午茶餐。魚肉香甜，醬汁惹味，老人家未必接受到生魚片，但這間好多套餐老人家都岩食，坐得又舒服，侍應服務很好，有不停斟茶，有介紹個餐的椰菜絲可加枱面上的柚子醬配食，茶不錯，套餐的麵豉湯也比預計中好。…查看更多

午市選擇都好多，套餐定食配白飯，味噌湯及漬物，白飯及菜絲可免費加添👍🏻現上自己添加嘅柚子醬汁可以解膩 。天氣凍，好想食重口味，點左個午餐及多款小食 ，兩個人可以試多幾款 。⭕️咖喱吉列厚切里肌豬扒定食（輕量）$128份量雖然是輕量，因為厚切，所以都好滿足 。而且中間粉嫩，👏🏻👏🏻炸得恰到好處，仍然保持肉嫩多汁 。⭕️炸半熟蛋 (1 隻 ) $18炸蛋第一次食，中心位置依然流心，蛋味香濃🥰⭕️吉列芝士野菜豚肉卷（二件）$62賣相吸引，餡料豐富，食出不同口感 。實物比想像中大，可以當主食😂⭕️味噌雜煮（豬腸，豬舌）$52日式味噌做法，甜中帶辣，豬腸及豬舌炆得軟糯入味，拌以我最愛嘅蘿蔔，推介 👍🏻…查看更多

經過幾次一直想試呢間日本過江龍炸豬扒店，但我竟然唔係食炸豬扒😆(因為怕熱氣) 食咗豚肉生薑燒定食!!豚肉生薑燒定食好多汁，豬肉片夠油潤入口軟滑唔柴，好多洋蔥絲好入味! 😋甜甜哋微微薑汁香味，送飯一流!👍🏻椰菜絲個可以任添，配柚子沙律汁好清爽🙌🏻不知不覺食咗好多椰菜🤣好滿足嘅一餐lunch!!!!味噌湯都幾足料，仲有啲豬肉料！友人食嘅吉列芝士野菜豚肉卷，爆芝士好吸引！好脆口唔油膩，唔會太鹹！…查看更多

朋友介紹有間新開既吉列豬扒，所以黎左呢間餐廳試下，入到去環境都好舒適。滑蛋吉列厚切里肌豬扒定食🐷睇佢既煮法係先將豬肉以低溫慢煮處理，然後炸到九成熟，上檯後見到炸豬排外層黃金酥脆，炸漿同豬扒唔會分離，咬落香脆可口，豬扒唔會好乾身依然有肉汁，而滑蛋熟度都岩岩好，唔會過熟，味道恰到好處。…查看更多

今日去葵芳食飯，朋友選咗豚勝。我叫咗個吉列厚切里肌豬扒跟蕎麥麵，豬扒外脆內嫩，肉質滑口，配上蕎麥麵就清爽，味道唔會太重，啱啱好可以平衡下重口味的豬扒。至於我朋友叫嘅西京燒比目魚定食，聽佢講魚肉鮮嫩，醬汁味道搭配白飯食，整體嚟講，今日嘅晚餐真係幾好食。…查看更多