豚壽司

营业中

休息中

三文魚腩新鮮，仲有好好味嘅愛爾蘭同日本蠔，三文魚籽又大粒又有口感，仲有啲壽司飯其實都做得好好，雖然係喺雪櫃度攞出嚟，但係可能係即日整，所以都仲未硬 。價錢喺長洲嚟講偏貴，但係呢間嘢啲嘢新鮮，所以係有原因嘅！不過夜晚8:30後有八折，我哋6點去到D飯都仲未硬，所以我諗如果8:30去買都應該唔會太差掛 。整體嚟講，有水準壽司 。都有啲熱食例如烏冬同麵豉湯，啱小朋友食 。主攻外賣。堂食位好少 。入長洲想食壽司就嚟呢度啦。

對上一次黎長洲係2022年既3月，今次再黎已經係4月尾既事，上次經過好似唔覺眼有呢間壽司店。今次經過門口，門口好簡潔，感覺有啲似打機入面見到個啲日式壽司店咁😂由於我同男朋友行得太攰，見到入面有幾個bar檯位，所以叫左一盒壽司10件裝同埋2隻生蠔食。個到坐得都幾舒服，冷氣好夠，同埋對住個大窗食，感覺比較自在啲。壽司大約$130，味道都幾好味，三文魚同帶子都好食，帶子比三文魚更出色😋 而生蠔，因為唔記得左係日本邊到生蠔，只係記得大約$45一隻，拎個時見到佢好靚，啲相都無加filter，佢好鮮甜，爽口，無海水味，但食得出佢係洗得好乾淨同埋好新鮮。下次再嚟長洲嘅時候，都可以再encore❤️👍🏻見到佢餐牌都有啲熟食嘅便當🍱，諗住下次再嚟嘅時候都可以試吓😆

長洲呢間日式外賣店有驚喜！吉列豬扒飯，味道唔太鹹剛剛好，加埋珍珠米，唔錯! 最有誠意就係贈送嘅麵豉湯，裏便有蜆仔同埋帶子👍🏼吉列炸蝦卷，有唔同嘅口感，好味道! 而家仲出埋甜品