豐華飲食中心 (已結業)

繼續在公司附近發掘優質既茶餐廳，今次試下呢間豐華。要碟生炒排骨飯。上桌時，真的是熱呼呼，很久沒吃過燙口的碟頭飯。配角的青椒清甜，洋蔥爽口，生炒骨炸得香脆，吃起來鬆化，不過是冇骨落地的。敗筆的是個甜酸汁，太厚了，又糊口，影響整碟飯的水準。同事要雙丸河，貪心既我又試了其牛丸，幾彈牙的，味道也可以，據報魚旦都好吃。凍奶茶就不行了，茶味和奶味均是薄弱，不值一試，下次都係飲番冰檸茶好了。

大圍食下午茶, 點左個豬扒包. 打完電話唔洗廿分鏡送到上門, 效率之高令人驚嘆. 攞到手個包仲熱熱地, 早就唔對醃死左既豬扒有咩期望, 尤幸麵包夠新鮮唔係軟patpat, 因為送貨速度快只係吸左少少水氣. D生菜沙律醬都幾齊整無走哂出嚟, 攞係手一個幾靚仔既包可以一啖啖咬得開心.

11-06-08 Wed Lunch跟同事來了豐華, 自己則一年前幫襯過.我點了:涼瓜排骨飯$26 + 凍檸茶$3排骨較腍, 似是la 得過了龍, 沒有什麼口感涼瓜不太爽口, 水份多了, 是彌補白飯的水份不足嗎?侍應很風趣的, 是楓華二世嗎?

午餐一般茶記質數但下午茶算係叫平..堂食唔錯. 但千祈唔好叫外賣因為通常要九個字先會送黎!

豐華真係快、靚、正!好多食客都會點中式碟頭飯但本人就首推任何蕃茄燴意粉系列的野，特別是鮮茄叉燒會意粉，真係正好爆!大眾化價錢，唔止好食仲抵食! 呢區黎講算係咁啦!