影片
荔枝角区绝对值得一试既小店，本人已经多次回访！野食好味又唔会太浓味，感觉系比较健康既，而且店员服务态度亲切，好有家的感觉。餐点选择多，佢地仲不时会研发新菜式，每个月都有新野试！食左招牌牛四宝汤面。汤底系好浓既肉+药材味，试得出系真材实料。四宝分别系牛肉，牛展，牛丸同牛筋。牛肉软淋入味但唔会散哂/柴，系肥瘦均匀既部位。牛展同牛丸正正常常。牛筋唔淋有咬口劲重胶质，岩唔钟意淋到烂既人。𩠌既分量极多，多到见唔到D面。面质系幼面，非常挂汤，刚送上台即刻食系烟韧，浸耐左就会淋少少但都好味唔会变糊。结果当然系汤都饮哂。我觉得牛肉面系列系呢间餐厅最好味，第一次黎必试。另外试左新既盐焗鸡脾饭。鸡脾帮你切好方便食，肉质新鲜调味唔会太咸，加埋佢地自制既葱油，送饭食一流。野饮推介豆浆，系店家自制既，可以拣无糖/有糖，饮落同出面个D好唔同，十分清甜，听讲系蒸馏水整。跟个主食都只系+$6。
继续阅读