豐森水產 (已結業)

聽group友講元朗劇院附近韓舍舊址開了一間日式居酒屋豐森水產,普遍評價都很高,一於就來先賭為快😁地方超級大好闊落裝修日本風,店員服務仲好貼心👍👍初步介紹非要點這個二人餐莫屬,只限星期一至四二人前$588驚喜由頭帶到落尾先嚟紫菜炸雲吞,聽落中式食落日式,香脆可口蝦肉彈牙加上木鱼,好正🤩🤩蟹子沙律,小山丘般,真係唔似二人份量😬😬北寄貝壽司,油甘魚壽司厚切大大件而且仲好新鮮添😻刺身非常搶眼,三文魚刺身超級厚切,章紅魚刺身吞拿魚刺身,超級大件嘅貝刺身,兩樣都好新鮮,每個擺盤都好靚呀仲有玫瑰花菊花做裝飾打卡一流💞💞燒肉嚟啦澳洲和牛肉眼~非常高質入口即溶,美國安格斯牛小排~牛味濃郁,食得出係高價貨西班牙豬肋條~外皮燒到焦脆．內裏還是很juicy呢🥰🥰加埋活大蜆,大隻,鮮甜😋食番個炒雜菜．解下油膩,同樣份量超大份蟹甲羅焗飯,非常有驚喜,大量蟹膏蟹肉,蟹味鮮甜突出👍👍驚喜帶到最後係特色甜品盒😍日本水玄餅~清爽,不太甜焦糖燉蛋~不用多講．就是好味🤣🤣芝士蛋糕~仲有三粒新鮮藍莓好搶眼芒果mousse蛋糕,打卡一流叫埋兩罐日本汽水加一後埋單680蚊,真係超值、好食、好坐、好服務🥳🥳

我哋嗌咗豐森雜錦拼盤（有日本鹿兒島和牛、極品牛舌、美國安格斯牛小排、極品牛肋條、美國和牛肉眼、西班牙豬肋條、沖繩黑豚肉、美國安格斯牛柳、澳洲穀飼牛面肉）（$468）、三文魚刺身（$78）咁首先講咗牛肉嘅部份先啦最好食一定係嗰個鹿兒島和牛‼️‼️‼️因為佢食落去真係好入口即溶同埋嗰個口感係油而不膩嗰個美國安格斯牛柳食落去幾腍🥰🥰之後我覺得嗰個榖飼牛面肉同埋牛小排食落去幾煙韌同埋好重牛肉味牛舌食落去超爽口，完全係我想要嘅口感❤️❤️牛肋條食落去就幾濃味，醃得幾好嗰個美國和牛肉眼食落去好Juicy唔洗點醬都好入味之後就講吓豬肉啦我就覺得嗰個沖繩黑豚肉眼食落去幾薄，冇咁Heavy😚😚之後嗰個西班牙豬肋條食落去就有啲試豬頸肉嘅口感，幾有咬口（但係豬頸肉會好食啲🤣🤣）跟住就講埋我最期待嘅三文魚刺身不單止食落去好新鮮而且勁厚肉😍😍完全唔捨得食曬最後就講埋佢哋免費送嘅甜品啦（其實我一開始唔知佢哋會送甜品，我嗰陣時真係準備戴口罩走🤣🤣）嗰個焦糖布甸整得真係好好食而且係凍嘅😋😋而藍莓芝士蛋糕真係濃芝士味🧀🧀

元朗新開左一間日式居酒屋，面積竟然係超級大間，原本呢個位係韓燒嘅舖頭，而家做咗居酒屋，仲要有埋日式燒肉添真係好特別我同屋企人一齊嚟試吓依間新餐廳，估唔到價錢都幾合理，而且食物嘅質素真係好高首先我哋叫咗一款豆漿沙律🥗，份量都好大瞓㗎仲要另外配上一碗芝麻醬汁，配埋豆腐做頭盤真係好開胃然後我哋就叫咗一款壽司盛盒，總共有八款壽司，種包括有帆立貝壽司、鰻魚壽司、甜蝦壽司，其他款式嘅壽司都做得好靚同埋好新鮮，我都好欣賞佢哋嘅擺盤做得好好然後我哋仲叫咗一個天婦羅拼盤，全部天婦羅都係新鮮即炸所以係非常之新鮮，仲有秋葵、天婦羅蝦同埋南瓜番薯等等然後我哋熟食就叫咗一個牛肉鍋、同埋鰻魚飯小食我哋仲叫咗一個銀雪魚燒，真係超級滑而且好香魚油味道，加埋醬汁真係好正最後我屋企人有啲想再encore壽司所以就叫多咗幾份，特別推介嘅係三文魚脆脆，因為係餐廳特別出，脆脆即係代表用油甘魚皮炸咗然後包住三文魚，食落去外脆內院真係幾特別

見依度新新地又未有負評， 即管去試下， 環境係唔錯， 坐得舒服， 6人長卡位， 一點都不迫， 第一次去食， 樣樣都叫做點下試下， 芒果蟹籽沙律$58： 好味， 芒果甜， 份量ok刺身併盤 $4xx： 整體可以， 帶子鮮甜的， 拖羅有點根， 海膽面兩層較新鮮，底的最後就不太新鮮壽司特盛$288： 壽司飯好味， 海膽壽司的海膽鮮甜，壽司我覺得依間水準ok炸蝦天婦羅$88： oh, 材料是新鮮的， 但真的炸得不好， 是一口油， 天婦羅真係見真章的， 要知廚房手藝， 叫一客就知， 希望可以進步燒肉併盤$4xx： 樣樣有d ， 牛面肉good, 牛舌good, 極品牛肋good ,和牛 good, 肉眼牛味濃鰻魚飯$128： 唔錯， 但個盒底不是密封， 會跌飯海膽炒飯$1xx： 唔錯， 至少是粒粒分明燒蠔$98：無影， 但失望， 可能我預係磯燒蠔咁，原汁原味， 而不是加甜既汁去燒，去焗牛肉火鍋$1xx： 個湯太甜 ， 壽熹燒就話咁甜唧， 火鍋多咁多湯都咁甜既？甜品$0： 送的， 確是開心的， 而且不是敷衍， 兔兔是荔枝味， 不太甜， 還有芝士蛋糕不錯， 焦糖燉蛋ok服務❤：

元朗新開嘅居酒居🍶一行入餐廳就已經見到懸掛咗好多日式燈籠🏮好有氣氛。餐廳佔地都幾大，所以座位都幾寬敞，坐🉐️好舒服。食品嘅種類都好多，不過朋友唔食生野所以主要叫一啲熟食，但係點都要叫返兩個刺身先叫做成日本料理🤣牛肉火鍋🍲其實唔係打邊爐，而係壽喜燒牛肉鍋🐮甜甜嘅味道好開胃。鍋入邊嘅食材好豐富，除咗牛肉之外仲有窩蛋、三色椒、洋蔥、紅蘿蔔同埋粉絲。粉絲口感煙韌彈牙，吸曬啲湯汁，真係好好味😋立魚湯烏冬睇落好似好平平無奇，睇唔出湯頭🈶️香濃嘅魚鮮味，吸曬湯汁嘅烏冬又夠彈彈牙，真係食唔停口，仲忍唔住飲咗好多湯🥣鐵板鮑魚燒香咗之後鮮味更突出，而肉質彈牙軟腍唔韌。帆立貝刺身好大隻而且味道鮮甜，真係鮮味十足‼️油甘魚刺身唔係薄切，厚度適中，食落更加有口感。魚邊位爽口，魚油味甘香。

這間在元朗新開的豐森水產，除了有刺身、炸物外，還有多款新鮮的水產，可以浜燒。三文魚厚切三文魚色澤鮮艷，油脂分布均勻，入口鮮甜甘香。野菜天婦羅天婦羅粉漿很薄，炸得香脆，而且完全不油膩。炸軟殼蟹沙律軟殼蟹切件，炸至金黃香脆，入口不會滿口油膩，沙律配上醋汁，酸甜開胃。蟹甲羅焗飯表面鮮甜的蟹肉及芝士，蟹膏味濃郁，拌勻在飯內，啖啖鮮味無比。立魚湯烏冬立魚湯鮮甜無比，加上簡單野菜，濃郁魚香完全唔腥。鹿兒島黑豚肉薄切黑豚肉燒至兩面焦香，肉質帶點咬口，但很有肉味，加些蒜蓉青檸海鹽，簡單調味就可以食到黑豚肉原汁原味。最後還送了個甜品拼盤，焦糖燉蛋不會太甜且香滑；荔枝果凍清爽；芝士蛋糕比較腍，芒果慕絲就不過不失。

朋友喺元朗嘅新居入伙，今日去探訪，順便喺附近溜躂搵下食。經過呢間佈置充滿日式風情的和食·燒肉餐廳，就諗起去日本旅行的時光～餐廳空間闊落，坐得舒服，喺寸金尺土的香港好難得👏壽司上盛和食不能缺席的壽司章紅、金萡海膽、拖羅、三文魚、墨魚⋯⋯等等，材料新鮮，而且和食攞盤真的好靚😍磯燒岩蠔4隻～必食推介👍飽滿的蠔上面鋪上用芝士忌廉調的醬，香鮮味甜。清酒煮大蜆清酒經過煮熱後味道更加香濃，加入新鮮的蜆實在是絕配，簡單而味道清新。😋牛肉火鍋任何時間都愛火鍋😄傳統的材料：洋蔥、大白菜、豆腐、雞蛋、金菇和牛肉，壽喜燒醬汁帶甜味，牛肉粉紅嫩滑。日式餃子餃子皮薄餡靚，金黃香脆，絞肉多汁唔嚡口😘雖然食飽飽，點都要有甜品才算完美😃超好食呢！

不嬲都好少去元朗食嘢，但係近嘅朋友話元朗開咗間好味日本餐廳，不嬲鍾意食嘢嘅我，就特登搵日去咗元朗試呢間豐森水產入到去好surprise呢間餐廳竟然會有原條魚刺身香港唔係好多餐廳會有原條魚刺身，見到梗係要試下啦價錢就係時價，要問職員佢就會報價俾你。我哋見呢度有，諗住呢啲原條魚刺身喺香港食會好貴，但係價錢亦都竟然出奇地合理，種類方面每一日都唔同，有金目鯛、深海池魚、魴鮄魚等等⋯⋯我哋今日就試咗魴鮄魚（$338）落單嘅時候職員同我哋講條魚可以兩食，魚肉做刺身，魚頭同魚骨會攞嚟煲湯。刺身好甜食落唔腥，上刺身嘅時候職員會比一種柚子醋我哋點刺身食，點完柚子醋之後嘅刺身更加可以帶出條魚嘅鮮味。食完刺身之後仲有個湯，個湯入面有大蔥同豆腐，好甜，值得試另外我哋仲叫咗餐廳其他菜式炸軟殼蟹沙律，軟殼蟹係新鮮炸起嘅，唔會有油嘅異味，軟殼蟹份量亦都好足，加埋新鮮沙律菜同埋啲酸酸甜甜嘅醬，好開胃磯燒岩蠔 （4只）成隻蠔上嘅磯燒岩蠔，上面仲要鋪咗芝士去焗，上枱已經聞到好香～差啲想唔影相就食咗先另外我哋仲嗌左個海膽蟹子炒飯個炒飯有海膽香味，除咗蟹子除外，仲有好多其他配菜切粒，呢個炒飯好似係餐廳推介嘅～飯後佢哋仲送咗一

好友就快生日，我特意揀咗一間又舒服又好食嘅餐廳同佢預先慶祝生日。 「豐森水產 」位於元朗馬田路80號御庭居地下6-7號舖。 環境十分舒適，好有和風味道！炸到金黃色嘅《炸軟殼蟹沙律》， 軟殼蟹香脆可囗， salad 菜新鮮，加上有抽汁，酸酸甜甜特別開胃！ 《日式鰻魚飯》，份量十足， 仲有大大件鰻魚，仲好厚肉添， 咬落去好滿足， 掛上燒汁嘅鰻魚， 超惹味， 正呀！ 《壽司特盛》，有十件唔同嘅壽司，超級豐富包括有三文魚，鰻魚、左口、甜蝦&帶子等等。🙌三文魚壽司鮮甜可口， 十分肥美。🙌帶子壽司， 帶子大粒厚肉， 鮮味無比， 彈牙爽口。🙌甜蝦壽司， 蝦肉好新鮮，又鮮甜又爽口，好好食。《三文魚腩》， 魚香味十足， 肥美可口，仲要厚切，美味呀！非常特別嘅《三文魚夾餅》，外層用夾餅， 非常脆口，裏面夾住三文魚肉碎&壽司飯， 咬落去層次非常多，好有趣！ 仲有個超靚嘅甜品盒，有四款甜品，超好味，今餐好滿足呀！ 下次可以試吓dinner set ，好多野食🙌🙌🙌

呢日去元朗探朋友，我地搵左一間新開既日本餐廳食dinner，呢間餐廳好大間，環境唔錯，岩哂同朋友慢慢一路食飯一路傾計。打開餐牌，見到有好多好吸引既日本菜。呢度既壽司都好高質，呢次點左帶子、三文魚腩同埋甜蝦壽司，全部都大大件又新鮮！熟食方面，點左海膽蟹子炒飯、南瓜番薯天婦羅同埋炸軟殼蟹。呢個9格甜品盒真係好fancy啊，每一件甜品都好精緻！每樣一件，同朋友一齊share，可以試哂9隻味。除左賣相靚，味道都唔錯，最鍾意焦糖燉蛋同埋brownie。

日式料理食得多，但食到刺身魚有骨就真係第一次。Menu 己唔多選擇，本人最鍾意食刺身魚，所以叫了條「八角」，因為價錢較為合理（都要 568）擺盤係靚嘅，但食落就不敢恭維，魚身切得厚，刀法完全唔得，都唔緊要，但「有骨」就堅大忌，跟待應反應就好冇反應；由於餐牌唔多選擇，就諗住叫燒牛，應該冇問題啦，但點知牛上枱時的牛黑黑地，即証明翻雪過啦，成晚食左兩樣野就千幾埋單，咁既價錢咁樣質素，堅冇下一次Ps 待應介紹刺身魚時，介紹條金目鯛 $17xx我即下左幾聲，「鮨」級別價錢唔水係元朗食，好彩我精明選擇

今日嚟到位於元朗公園隔離嘅豐森水產，一入門口已經嚇一跳，真係好有日本嘅感覺💓💓闊落嘅座位😍和式嘅精緻裝修❤️再加上員工親切嘅態度😆猶豫置身日本居酒屋🏮首先叫咗個日式炸餃子開下胃先🥟送上嚟嘅餃子熱辣辣，炸得香脆💓💓再配埋舖頭秘製嘅餃子🥟汁，香，脆！！重點係餡料不是韭菜🤣🤣 必須加分👍🏻👍🏻日本野当然唔可以缺少壽司🍣今次叫咗三文魚壽司、吞拿魚壽司、三文魚夾餅🤤🤤三文魚厚切，口感正到不行了，仲有個三文魚夾餅！脆脆既外皮Max埋三文魚真係好有驚喜🥰必試喔！！再叫多個西京銀鱈魚☺️ 外皮煎得香脆但係內裏超級嫩滑，再配埋個沙律醬同七味粉，日本嘅感覺返晒黎啦！！仲有個日本燒生蠔，濃厚嘅芝士醬配埋鋪頭濃郁嘅秘製醬汁，我差啲連啲汁都飲埋😍主食方面我哋叫咗櫻花蝦黑松露炒飯，炒得好乾身，粒粒分明不在話下，仲超級香黑松露味🤩🤩唔會好似其他鋪頭咁啲黑松露一炒就冇d香氣☺️最很嗌左個甜品盒子🍱 真係一次滿足我四個願望！！ 我自己大愛士多啤梨泡芙🤤泡芙脆卜卜再加埋超甜嘅士多啤梨🍓 真係好好味😋餐廳仲勁貼心插左條魚落去 ！真係見到都特別開心啊🤩

喺元朗食咗間新開嘅日式餐廳，餐廳佈置好日本，而佢又有得食燒肉，令人我想起東京既六歌仙。本人最愛燒肉，雖然菜單嘅選擇非常多，但最後都係要開爐燒一燒！【豐森雜錦拼盤】$468燒肉拼盤相當豐富，同抵食，樣樣都有。包括日本鹿兒島和牛、澳洲和牛肉眼、美安格斯牛柳粒、極品牛肋條、美國安格斯牛小排、澳洲穀飼牛面肉、極品牛舌、西班牙豬助條、沖繩黑豚肉眼。日本鹿兒島和牛、澳洲和牛肉眼啲雪花好靚😍。除咗牛柳粒食落口有肉汁👍👍👍。另外除左不同醬汁提供點肉之外，有粉紅岩鹽、柚子鹽、黑椒提供。個人第一次試柚子鹽，出奇地搭😋【窩燒烏冬】$98食左咁多肉，點左窩燒烏冬，令自己冇咁罪惡感，有湯既感覺平衡返食左咁多肉😆【天婦羅軟殻蟹】$68食日本野真係忍不住要食炸物。既然叫得水產就試下佢炸軟殼蟹整體感覺不錯👍#hkfoodie #foodiehk #foodie#元朗美食

元朗馬田路開左間豐森水產，輕鐵豐年路站行幾分鐘就到，所以就同朋友試試佢。我們叫了枝豆、胡麻醬豆腐沙律、雜錦天婦羅、三文魚同牡丹蝦刺身、蟹甲羅焗飯，最後不夠吃再添了牛肉火鍋。當中蟹甲羅焗飯最叫人驚喜，侍應姐姐話係佢地既王牌菜。拌入香蔥飯素芝麻等調味的蟹膏蓋上軟熟的珍珠米飯面頭，化為一味極具特色的醬汁飯，新鮮十足。雜錦天婦羅也是必叫之選，一份$80唔使，有茄子、豆腐、番薯、造型非常過癮的粉紅「鋼絲」、大蝦三隻，三個人都夠食。呢度的天婦羅炸得薄皮，好過出面好多名店，炸衣成吋厚。沙律同刺身都不過不失，作為豆腐痴的同場朋友食得出店家用上日本運來的豆腐，豆香特濃。最後加點的牛肉火鍋都算水準之作，性價比一流，選用牛肉貨色不差，份量都是十足，男友人話這頓飯可說是大快朵頤。最最最大驚喜是，飯後送上精緻木盒裝點的四格甜品（多幾個人仲會有九宮格），四款各有特色，椰奶布甸、焦糖布甸、芒果蛋糕、水果泡芙。焦糖布甸的焦面冇得預製，一食就感受到火灼的溫熱，泡芙仲係脆卜卜，完全感受到店家的誠意。兩個人夾埋都係每人$300有找，呢個價錢絕對稱得上係高質，下次搵多幾個朋友再來試佢嘅招牌燒肉！

又黎到出名多好野食既元朗國,  揀左呢間好日式既鋪頭 (好掛住大阪呀~~)鋪頭裝修好有日式居酒屋感覺, 不過大好多, 坐我好舒服又唔會大陣味。雖然呢到主打燒肉, 不過見和食都一樣吸引, 所以今日想豪豪地食個刺身盤~~🤭🤭野菜天婦羅 ($58) ❤️❤️❤️❤️炸粉好薄, 唔會皮肉分離, 蔬菜全部係新鮮甜味, 呢個價錢咁大份!!!😱抵食又岩過下口癮~~😍壽司特盛 ($288) ❤️❤️❤️❤️❤️見佢個名好平實撲素, 本來都係抱住平常心等食, 點知一黎~~嘩😱~~D魚全部都係睇到咁新鮮, 無論色澤味道都一級捧!!!😍😍D飯唔會太硬太凍, 份量岩岩好~😋刺身特盛 ($428)❤️❤️❤️❤️❤️主角登場~WU~ 🥰駛唔駛咁華麗呀,  刺身全部都超新鮮, 勁厚!! 店員仲會同我地介紹~ 不時不食~😍😍完全唔會拎D平價野出黎HEA 食客, 好爽呀~~甜品❤️❤️❤️❤️❤️估唔到香港既日式餐廳都有咁靚咁精緻既甜品呀!!份量細細唔會太飽, 滿足你既SWEET TOOTH!😚呢餐真係完美!!