豐味車仔麵

营业中

休息中

女人街一向係我覓食嘅好地方， 因為入面乜嘢菜式嘅餐廳都有， 價錢又大眾化， 睇見邊間餐廳合眼緣行入去就可以啦。 今日見到間新餐廳， 叫做豐味車仔麵， 38蚊有三個餸， 旺角地方嚟講ok啦， 咁就入咗去試下啦。餐廳裝修十分平民化， 但因為餐廳樓底高， 都算坐得舒適， 而且也有電視， 唔會怕悶親。 餐廳有幾款湯底可以選擇， 有傳統港式車仔麵湯底， 也有麻辣湯底。 今天和朋友來到， 因為我和他也不想吃辣， 就叫了兩碗傳統港式車仔麵湯底， 如果嫌湯底單調， 可以額外再加腩汁。 另外聽說椰子水可以消暑解熱， 所以就叫了一罐試試，果然清涼。我們叫的車仔麵餸都是比較大眾化， 叫了牛腩蘿蔔和魚肉春卷， 而朋友 而朋友則叫了雞翼尖、 冬菇 和豬腸。米線和 公仔麵分量都算多，牛腩都算入味但美中不足的是肥膏比較多， 蘿蔔清甜而且份量也多， 魚肉春捲也不錯。 而朋友的車仔麵， 雞翼尖有很多隻， 非常超值， 冬菇都算厚肉， 如果豬腸可以再洗得乾淨會比較好。總括嚟講以38蚊的價錢， 在旺角嚟講算是不錯了。 唯一美中不足的是， 這裡的車仔麵沒有蔥可以加， 如果有蔥的話， 車仔麵的味道應該可以昇華呢。

好久沒在旺角出沒，店鋪面貌都變了許多。漫遊旺角，發現女人街兩旁都開滿食肆小店，今晚隨選旺角豐味的車仔面。門面簡潔整齊，坐位算得上寬敞，冷氣足夠。靚女待應笑容可掬，招呼週到。點了傳統車仔面及酸辣淨餸，少少消費大滿足。正宗重慶酸辣粉 $35 （四餸）湯汁超惹味，炸菜、花生、莞茜等味菜大大份，超正！蘿蔔清甜多汁；午餐肉是偏愛，不論怎樣煮怎樣配都是美味的；豆卜吸滿湯汁，邪惡度十足；蠔油冬菇本身都已經炆好，夠腍夠入味。抵食度 100%港式三餸車仔麵 $42比起酸辣湯底，這個當然比較平淡！但簡簡單單亦很好。點了魚肉春卷、午餐肉、蠔油冬菇配腩汁米粉。椰青水 （單點$20，跟餐半價）雖然係罐裝飲品，勝在天然無添加，味道不會太甜，解辣不錯。

月尾固然是我最窮困的時候，所以同朋友出去時都會傾向食經濟便宜的食物來節省金錢。素來愛吃車仔麵的我在女人街尾段發現一間疑似新開不久的店，當然要去食。有別於一般車仔麵店，這間還提供重慶酸辣粉及四川麻辣燙。三餸車仔麵 - 魚肉春卷口感QQ軟綿，冬菇細細粒，口感煙韌，菇味挺香濃。雞翼肉質嫩滑，挺易分離。河粉入口爽滑帶有米香，不錯。四川麻辣燙 - 友人很厲害，可以吃到中辣。薯粉透明粗身，挺掛湯！魚蛋的骰彈砂，豬大腸洗得乾淨，質感爽而煙韌有嚼勁。牛腩索滿了汁，彌漫著香味，入口軟稔不痴牙！椰青水 - 用餐的同時當然少不了飲品，椰清水味道不死甜，口感順滑且解渴。

去左旺角片街，之後黎左豐味食碗麵，因為美女店長極落力拉客，人靚又有禮貌，why not試下呢唔知係咩新開張無乜食客，可以自由揀位坐，加上坐位夠濶，店內冷氣十足又光猛，感覺唔錯喎。椰子水 (+$10)點了兩碗辣麵，喜歡食辣但又怕辣，好茅盾呀所以加罐椰子水，預備解辣用。椰子水夠凍又清甜，無添加的健康飲品。牛腩墨丸貢丸四川麻辣湯河粉 ($47)朋友點左麻辣湯，加全部肉類好明顯的食肉獸。麻辣湯要左中辣，都真係幾辣（對無黎講，朋友話啱啱好），夠麻夠辣又夠鮮，正。牛腩炆得軟腍，易咬開不韌。另外兩種丸都幾彈牙，唔係一口粉。河粉大大碗，好滑又有彈性。魚肉春卷雞中翼蠔油冬菇重慶酸辣薯粉 ($47)自己點左呢碗，好長的餸名酸辣湯只要了小辣，但都係好辣下哈哈，酸酸辣辣好對胃，辣係辣但我喜歡呢個味道。冬菇爽口、厚身雞中翼入味，一咬就甩骨，炆左好耐咁樣。魚肉春卷好大條，皮吸湯，魚肉彈牙，好味。酸辣湯梗係要配薯粉，滑滑的又彈下彈下，好鍾意食呢樣圓圓的薯粉。兩款辣湯都好好味，越辣越過引，飲左好多湯好正呀

車仔麵係香港人嘅最愛之一呢件事唔需要多講，有日同朋友喺旺角行完街，經過呢間車仔麵店，比店員講嘅麻辣燙湯底吸引左入去坐低。店舖空間非常闊落，店面嘅裝飾非常之有舊時嘅香港風格，牆上面有好多懷舊嘅相，店裏面選用木枱凳，整體來講令人感到十分舒服。menu上面有好多唔同嘅配搭，湯底都有好多種可以揀，適合返唔同人嘅口味！店員嘅態度真係好到令我覺得唔係幾好意思，雖然佢哋有幾款食物當日冇得賣，但仍然有好多款食物可以選擇。馬勒湯酸辣粉$56@1我同朋友都叫咗麻辣燙底，之前我哋食麻辣燙嘅時候中過一次伏，今次真係令我對麻辣燙刮目相看，湯底又香又唔會太辣，薯粉亦都好彈牙。我同朋友分別叫咗豬大腸，牛腩，牛筋，魚肉春卷，豬皮同埋魚皮餃，除咗豬大腸有啲肥之外其他都十分唔錯。

Ladies Market is full of surprises for shopping as well as food!You can find anything from Indian, Sichuan, Dimsum, Turkish Kebabs, Baked Potatoes to Chinese Cart Noodles.At Fung Mei Noodles, it is a modern version of cart noodles set like a ramen bar.There are two different broths to choose from, the usual one and the Sichuan one.Tried the usual cart noodles with three toppings.For the other bowl, I chose the Sichuan broth which was the star of the show.The noodles tasted even better!!I liked t

去咗旺角行街，唔想食咁貴所以揀咗間平平地嘅車仔麵嚟食😁入到去幾開心，因為裡面好闊落，食麵唔會手㬹碰手㬹，坐得舒服，好啱行街行到攰嘅我😂👍我嗌咗魚肉春卷魚腐魚皮餃重慶酸辣粉小辣，再加杯豆漿。朋友嗌咗蘿蔔豬大腸魚肉春卷四川麻辣燙小辣，配椰青。店員好醒呀，我遞張紙俾佢果陣佢問我有冇嘢要走，如果唔係我就會唔記得走芫茜🤦一送上枱幾驚喜，啲餸係有心記排靚靚🤣好少車仔麵有魚肉春卷揀，但其實我超鐘意食🤤一食果然冇令我失望👍魚腐魚皮餃都好食。薯粉超大碗，本身怕食唔哂，但因為酸辣味好惹味，食食下又食哂。🙈凍豆漿好飲👍唔會凍到我飲唔到但唔係暖果隻，份量岩岩好啦😆朋友果碗佢話湯底好正 唔單止香辣味十足 仲有陣陣既蒜香味 本身幾鐘意自己果碗，點知試咗朋友個四川麻辣燙，果然隔離飯香，我又鐘意，下次要再嚟食依個🤤

今日行街噤啱肚餓，就到處找找有乜好食先見到有間食車仔麵、重慶酸辣粉和四川麻辣燙。見未食過酸辣粉和麻辣燙，就入去試吓先環境都幾寬敞舒適坐低就即刻睇餐牌有乜選擇，見有多款餸和麵種選擇喜歡食多幾款，只要加錢就得，每加一款只需$7，除左餸和麵可選擇，還可選擇唔同辣度我今次選左食酸辣粉叫左三款餸（豬大腸、牛腩和魚肉春卷）、薯粉和小辣，叫左罐椰青水。碗粉送到來睇賣相幾吸引而且望落都覺得辣，首先試啖湯先，飲落又唔辣、酸酸尾尾好醒胃薯粉食落軟滑唔硬，呢個時候就感受到個辣度，原來飲湯唔覺食其他嘢先覺豬大腸味道好好，爽口彈牙。牛腩煮得好腍唔韌花生、榨菜和芫茜增加囗感，另到個味道錦上添花不過，如唔食花生、榨菜和芫茜可叫侍應走左佢。最後提一提大家，唔食得辣可叫bb辣，本人覺得小辣已好辣，食得辣可選中辣、大辣、宇宙辣。如果你叫左個隻辣度食過唔夠辣，可叫侍應加辣。

今日約左朋友出黎行旺角,行到攰攰地就去搵間餐廳食野!朋友話想麵類, 所以我地就去左呢間豐味車仔麵到食野!平日既夜晚唔算好多人, 環境方面有D懷舊風, 坐得都幾舒服!車仔麵都有唔同選擇,港式車仔麵、正宗重慶酸辣粉、招牌四川麻辣燙配料方面都有好多唔同選擇!鍾意食辣既我,梗係要試下佢既麻辣燙啦!餸方面叫左個魚肉春卷、金菇菜、響玲 再加薯粉個麻辣燙既湯底好香好濃!每一啖都食到又麻又辣!好正呀!😋D響玲索哂D湯!勁正! 個魚肉春卷同薯粉既口感都好Q好彈牙!必食呀!👍🏻👍🏻朋友仔唔食得辣, 佢就食左個港式車仔麵!餸方面有牛腩、韮菜、魚肉春卷職員好好咁話呢個港式車仔麵會加埋腩汁一齊食!朋友話呢個牛腩好好食!我就試左一舊,D牛腩煮得好入味呀,而且D肉質都好滑!

做完facial，係女人街發現新開不久的車仔麵店，岩岩中午12點開鋪，當時客人不太多，可以比自己靜靜坐下來，慢慢食，慢慢諗。呢度有港式車仔麵、麻辣燙及重慶酸辣粉選擇，想食清d又得，要四川勁辣亦冇問題，配料多達四十款，價錢由$28元起，滿$80可送外賣，離開時會比優惠卷，下次光顧會送餐飲一杯，令大家更有動力添食試下其他口味！餐廳裝修簡約，可以面壁，又可以幾個人同檯食飯，冷氣強度夠，比起一般車仔麵店環境會較好，岩哂香港人！4餸麵$49實在太肚餓，叫左4個餸(豬大腸、魚肉春卷、雞中翼、蘿蔔)配粗麵 + 熱檸水，份量中規中距，我選的樣樣都有「叻」logo架，相信質素一定會較穩陣！想當時，侍應見我諗咩餸的樣子太苦惱，她介紹左呢d餸外，仲提議叫腩汁+秘製辣汁(小辣)，結果．．．麵質爽口，湯式勁惹味醒神，差點都飲哂d湯了(本人是很喜歡飲湯底的人)豬大腸：處理乾淨，香腍肥美，味道一絕。魚肉春卷：外表好普通，每口都是魚香味，幾好。蘿蔔：軟腍入味雞中翼：雖不夠突出，但同樣入味夠嫩。見到隔離檯碗酸辣粉好吸引，下次再黎！

今日行過旺角通菜街，有啲口痕，同朋友見到呢間車仔麵店，就入去食下啦。見入面都幾光猛開揚，似乎係新開既小店！牆上貼滿晒香港特色既圖片原來佢唔止得車仔麵食，仲有酸辣粉同麻辣燙！我叫咗個豬骨湯車仔麵加腩汁鹵水雞翼真係正，好入味！佢啲河粉係粗身河粉，我鍾意～好有口感朋友叫咗麻辣燙，佢話小辣已經好夠辣，麻麻地香香地。魚腐同丸都好彈牙，可以一叫！麻辣燙個湯底好濃，啲汁入晒啲送入面，每一口個嘴入面都係香、麻、辣，佢表示好鍾意呢個味道！

我通常lunchtime都係hea hea 地食個麵，係OpenRice search嘅時候留意到，通菜街開咗間新嘅車仔麵餐廳，黎試吓。位置係通菜街，都算幾方便。一入到黎，可能因為係新開張嘅鋪頭，覺得環境都算幾乾淨企理，而且店員都幾親切，未出聲，已經會主動中過黎幫你點菜。除左典型嘅港式車仔麵，仲可以正宗重慶酸辣粉同招牌四川麻辣燙。平時比較少食麻辣燙，所以就揀咗麻辣燙做湯底，配薯粉，小辣。辣度可以接受，有機會可以挑戰中辣。揀咗三餸，包括雞中翼、魚肉春卷、豬紅（都係Menu上面有大拇指推介嘅配料，實冇死）。豬紅特別入味，推介。

呢排天氣悶熱，真係無咩胃口食飯，湯麵濕地地，啱啱好！當A姐想食車仔麵，M佬想食麻辣燙，咁可以點？旺角豐味車仔麵有港式車仔麵、招牌四川麻辣燙同正宗重慶酸辣粉揀，仲有41款餸揀，滿足曬我哋兩個啦！港式車仔麵 (雞中翼 + 牛腩 + 蘿蔔 + 小辣)A姐教落，一開始飲啖湯先。湯底一啲都馬虎，豬骨湯底加腩汁，再加埋秘製辣醬，十分惹味。牛腩煮得入味，肉質嫩滑；雞中翼滷水味濃；蘿蔔清甜美味，好滿足！招牌四川麻辣燙 (蠔油冬菇 + 魚肉春卷 + 豬皮 + 小辣)鍾意麻辣嘅朋友一定要試四川麻辣湯，我M佬揀咗小辣，麻感十足，非常過癮。蠔油冬菇厚肉入味；魚肉春卷彈牙，豬皮吸曬麻辣湯，正！By A姐M佬 玩樂日記

啱啱放工，肚餓非常，於是一個人去旺角試一試馳名中外，麻辣車仔麵。這間食店最特別之處，番薯粉是老闆用人手製作，彈力十足，每一口都又咬感!湯味特別濃郁，食唔出有味精。可惜之處店內裝修一般，老闆如果花點心思就好。另外一個賣點就是他的魚皮餃，真正做到皮薄餡靚，吃一口令人愛上。入口有淡淡魚肉香味，令我流連忘返。我發覺原來人情味十分豐富，老闆會問你覺得食後感覺如何。簡單一個字，非常贊!😊😊😊recommended

因工作需要呢日大概喺lunch時間嚟到女人街附近，行過見到呢間車仔麵應該係開左無幾耐就決定入去食晏。舖頭長方形，客人的座位在左右兩邊都幾特别。我叫左碗自選三餸麵($42)，豬大腸、魚肉春卷、鷄中翼配粗麵，另外，因點餐紙下面有註明贈送餐飲一杯，所以點的椰青水就免費了😁碗麵餸及麵的份量都屬正常，豬大腸又爽又入味，鷄翼夠嫩夠入味，魚肉春卷入面的魚肉夠新鮮，特别一讚呢度嘅秘製辣汁，真係又辣又香又惹味！👍椰青水，第一次飲呢款椰青水，罐上註明係100% Pure Coconut Water，唔怪得知咁好飲啦！😋