影片
以上资料只供参考，请与餐厅确认详情
上一手的西餐厅结业后就由豉油西餐接力，入座率比起上一手更为冷清。既然一场来到，人少少也罢，照食餐晚饭！自家葱油汁鸡扒温泉蛋炒意大利粉，配是日餐汤，套餐价$68。餐汤是忌廉汤，比较稀身，奶味偏重，没什么配料，普普通通。鸡扒好大块，肉质不会干身及粗糙，算是不错。葱油汁炒意粉，面质偏稔身，而且的确颇油腻。温泉蛋够流心，与意粉拌匀来吃，才稍为减低油腻感。招牌蕃茄鲜鱼浓汤套餐配蒜蓉多士，主菜选了手工南瓜薯仔云吞长通粉，同样是$68。蒜蓉多士够香脆！蕃茄鲜鱼浓汤可尝到蕃茄味，惟不太觉鱼的鲜甜，汤底味道单调。手工云吞有5粒，云吞皮偏厚，以南瓜及薯仔为馅料，一粒云吞就已令人感觉好饱肚！另外，云吞欠奉南瓜那阵香甜。长通粉的熟度恰好，软硬度适中。星洲麦皮煎海虾 (300g），是今餐最好吃的菜式！海虾走油够脆，金不换等香草加强煎海虾的香气，麦皮同样略略走油，增添口感。套餐各赠送冻花茶一杯，颜色虽然好浅，但味道不会好淡，带有清幽花香。主食质素普通，难以吸引食客特意走到东昌街那边光顾啊！
继续阅读
#20240817 💛📍 #豉油西餐 @cafe_de_soysauce 大埔东昌街2号地舖➖➖➖➖➖➖➖➖➖➖➖➖➖➖➖➖➖ 🥢 #是日餐汤 💭 有啲餐系可以拣汤定沙律，有啲餐就无得拣，一定要餐汤，是日餐汤系忌廉汤，入面有啲肉粒，质地比较稀身而且味道偏咸，同想像有啲出入😅. 🥢 #黑豚叉烧沙律 💭 开头睇名仲以为系西式啲果只黑醋既沙律，估唔到系青瓜薯仔沙律捞埋左啲叉烧，食落又无咩违和感，咬落有菜有肉几健康～.#忌廉白汁海鲜长通粉 $88💭 本身系阔条面，可以免费转长通粉，又可以加钱转手工意粉，啲汁都几多够捞晒啲面食抵赞，海鲜有虾、有蚬、又有啲墨鱼仔，仲有啲三色椒，系普通茶餐厅既level，正正常常啦🦐.#霜降一口牛瑞士汁炒意大利粉 $78💭 意粉炒得弹牙，啲牛比想像中要淋身同埋有牛味，系个汁有啲太浓，开头食会觉得几惹味，但食多两啖就觉得好咸想饮野喇🐮.#自家胡椒芫荽猪柳汉堡拼薯条 $70💭 唔想食意粉都可以拣食burger，个包无烘过又无搽牛油有啲hea，得肉底有块生菜、有块蕃茄同埋少少沙律酱，食落会有啲干，不过讲返块肉系几好食，芫荽多到每一啖咬落都食到，而且调味用左唔少胡椒粉令味觉几刺激，建议佢地可以出啲生肉扒比人买返屋企煎尼食🍔. 🥢 #自家冻花茶💭 每个餐都包杯冻花茶，依家揾到间餐厅唔使加钱就有冻饮都要偷笑，花茶淡淡地反而几好，起码食完野饮佢真系解到渴🥤.#大埔美食 #大埔黄店 #🐷在大埔 #🐷_食
继续阅读
Lunch拣咗自由配搭烩意粉:意粉还好，三个𩠌好唔掂;水烚牛肉、劲柴嘅叉烧同埋非常之薄嘅司华力肠就咁放系意粉上面。唔系加多$8要埋汽水，应该都有啲难呑落去。其他无试过，所以无咩好讲。天花机冷气太低，坐几分钟已经好冻，吹到意粉都好快冻咗。唔知老板系咪外行人定系点，谂唔到点解咁求其呢个卖相，自己系屋企都整到啲比佢更好。希望能俾返多少诚意，水烚不如我返屋企自己整唔好介意，但真系好难食，未试过咁差。茶餐厅好过你哋……
继续阅读
店名old school ，港式半西餐格局，价钱同区算合理，我食咗个鱿鱼墨汁烩意大利粉，墨鱼汁够香够杰，意粉份量十分足够，对于食得嘅我一碟都好足够，味道几好，餐牌有点似车仔面，算系几多选择，由于份量大所以食唔到其他嘢，见到隔离枱点炸BB鸽同瑞士鸡翼，鸡翼$38有4只半全翼，算好抵食，乳鸽配几块七彩虾片，已经好小见下次希望试吓佢哋嘅西多士同香蕉船，唯一不足系饮品种类唔够，门口可以泊车，有bar 枱位方便睇车。
继续阅读
今日叫左一盒意式云吞$6x外卖返屋企食，一打开入面得6粒，仲要劲细粒，附送左个蕃茄汤，每样野都好细份，觉得好贵😰味道ok，但由于价钱问题之后都唔会再帮衬，呢个餐女仔都要食两盒先饱，如果以$6x来计，个汤十蚊，平均每粒饺子都要都要十蚊粒…..我地冇预过咁细所以冇特别影相…….其他野我地冇帮衬过所以不作评论，虽然冇得同三𩠌饭比较，但呢个价钱呢个冷藏意式云吞，呢个份量，呢个质量，我相信会有更好的选择😂
继续阅读