豆花先生

近年葵廣成為了新潮美食的集中地, 網上都有一番熱烈的討論所以今次我們決定去葵廣二樓掃街一於去試試有咩好食!呢間在葵廣而漏的豆花先生主打是豆花芋圓，而我地今次就點了哥綜合豆花，可自選三款配料，我地就揀了芋圓、地瓜圓同粉圓。豆花ok都算滑，但配料就普普通通，芋圓同地瓜圓的芋頭和蕃薯的份量比較少，而另外粉圓其實係細細粒的珍珠，如果有得揀正常大小的珍珠既話視覺味道和口感應該都會好d～overall來講我地都岩食既味道無問題係普普通通咁囉～…查看更多

被舖頭招牌"台式(?)純手工"所吸引而想試試. 豆花配料約有20種. 因想試多些, 便點了三款組合價$25的自選豆花. 可選熱或凍食. 豆花份量小, 配料份量則OK. 豆花尚算滑, 有小許豆味, 豆花不算易爛那種, 但不至於硬身的. 可能店主不想糖水搶去豆花及配料的風頭, 所以糖水只是微甜(感覺不像糖水呢!).自選的椰果亦是小甜版, 仙草是微甘版, 反而冷門(??)的薏米煲得較淋及少許甜, 很配合與豆花一起食.…查看更多

又係葵廣食好西嘅時間啦😋因為芋圓控點少得去試吓呢一間新開嘅小店啊！睇下到底味道系如何啦！芋圓嘅味道就比較淡，反而地瓜圓味道就比較出🙂煙軔但偏硬身...🙈🙈🙈假如冇事先講明豆花系凍定熱，店員會比個常温偏凍嘅温度你😀個人認為熱會好食啲..... 另外，佢地嘅豆花都幾滑身，所以好易散開，有完吾到有口感嘅豆腐花，太散啦真系😂😂甜度適中，算系可以過下芋圓口癮啦！抵食指數(3/5):✔️ ✔️️ ✔️…查看更多

喺Facebook見到好多人介紹呢間台灣進駐嘅豆花先生，可能個名太響，令人期望太高，結果反而覺得個豆花平平無奇第一次食，梗係乜都試下啦，於是嗌咗個招牌豆花，豆花係熱嘅，糖水係凍嘅，溝埋一齊就唔凍唔熱，忽冷忽熱咁。招牌豆花有紅豆竽圓同地瓜圓，紅豆無乜特別，竽圓同地瓜圓係煙韌嘅，但竽圓無乜味，地瓜圓好少少，甜味算適中嘅。其實個豆花整體唔差嘅，豆花都好滑，只能說係俾人捧得太高吧，同想像中有啲唔同呢～…查看更多

琴日冬至早放, 無聊游過葵廣, 竟然俾我發現間台式豆花店,雖然得豆花 OR 紅豆湯底, 好似冇咩揀咁, 但配料就有10 幾樣, 真係睇到我有D 選擇困難症呀, 0係店員既介紹下, 我最後叫左碗招牌豆花黎試,豆花真係好滑, 芋圓地瓜圓係我鐘意既Q 度, 唔錯唔錯!!! 如果一定要比,地瓜比芋圓出色。粉圓原本係迷你珍珠, 咬落好Q, 唔會有粉既感覺, 紅豆係大大粒, 帶少少甜,本人特別鍾意依紅豆, 如果可以俾多D 就好喇~ ~ ~ ~ ~下次經過會再試下其他配料。…查看更多

今次係我第3次幫襯，唔係講笑！真係好難食！今次叫左個招牌豆花$28紅豆底轉大西米呢間d芋圓不嬲較大粒，但味道偏淡！今次真係唔掂無論芋圓、地瓜圓已經進化到無味咬落仲要好韌好難咬開中間個心仲要硬硬地唯一食得落，就係豆腐花呢個係最正常…查看更多

葵廣豆花先生剛開的時候食過一次，已經覺得坑錢，上次買招牌豆花，話就話大碗，真喺得個碗大，豆花加料淨喺去到個碗既3分2。見今次新假期講到地瓜圓有絲又香咁正，就俾多次機會佢，但真喺差到無朋友。日期: 10月11日食物，綜合豆花，配大西米，地瓜圓，仙草先講主角豆花: 完全無豆味，一入口就散，差！大西米: 大佬，未煮透ga, 差！地瓜圓: 如果所謂既地瓜味喺我食到既膠味，sorry 接受唔到。仙草: 唔知自己食緊mud...總結: 無下次！…查看更多

每次經過葵廣都好想食芋圓小丸子！但每次都擔心食完會拉肚子。。。今日終於鼓起勇氣去買了一碗食。我沒有要豆花底。叫了紅豆湯做底。紅豆味道比我想像中好。我仲擔心佢會否甜到流。點知原來甜度適中，不錯👍🏻可惜芋圓，地瓜圓，粉圓太少了。感覺似在食紅豆湯，多過食芋圓呢另外紅豆湯只有凍的。如果有熱食就更好。…查看更多

好多時放假無地方去，就會到葵涌廣場買小食返屋企慢慢歎😌今次就買台式豆花先生試下先，有多種選擇，如果一款配料唔夠可加$5多一款配料個人真係好鐘意食煙煙韌韌口感既野，所以必試芋圓及地瓜，但見選兩款配料都要$23，所以揀左綜合豆花，有三款配料揀，最後加多左芒果QQ試下個人好喜歡食芋頭及其所有製品不過呢個芋圓味道偏淡，而且不夠煙韌，相比起地瓜圓較為遜色地瓜圓稍為好一點，口感較好，能食得到淡淡蕃薯味🍠最估唔到芒果QQ出奇地好，非常彈牙，芒果味濃郁！個人覺得豆花唔夠細滑質感較粗，但與芒果qq加埋一齊食整體感覺更好🙂…查看更多

經過見無人排，買嚟試下，買咗個綜合，豆花底可選三種配料(我選芋圓,粉圓，地瓜)$25豆花ok 同出面食差唔多無特別，但d 芋圓, 地瓜圓 真係唔好食，只食到粉食唔到有芋頭味蕃薯味…查看更多

芋圓豆花 ($18) 芋圓口感彈牙煙靭 , 但沒半點芋味, 有點失望~但豆腐花就很滑溜, 配微微甜味糖水不錯!地瓜圓豆花, 同樣地瓜圓口感不錯, 但沒味道~豆花比芋圓、地瓜圓出色 , 但我是喜愛食芋圓呢 > <…查看更多

睇facebook見到有得食芋圓既舖頭好興奮而且見評語都幾好可能晏晝冇乜人，所以唔洗排隊等一見到芋圓就有D失望，較為細粒味道係0，芋圓同地瓜圓都冇乜味要靠糖水先有少少甜味珍珠就好細粒不過都有咬口既，算係加返少少分豆花都可以啦不過整體都真係幾失望😔…查看更多

每次晚上經過豆花先生總是關門，還未夠9:00糖水就賣完?! 原來小店經媒體報導後日日大排長龍，賣完就關門。難得今天早收工經過，立即買碗試試! 小店採用一級加拿大黃豆，材料每日限量新鮮製造，所以數量不多，賣完即止。這裡的立食小店為數不少，最多人排隊的，就是豆花先生。排了10分鐘，終於到我，買回家慢慢吃~haha招牌豆花材料有芋圓、地瓜圓、粉圓及紅豆。芋頭蒸熟後壓成芋泥，再加入薯粉搓成。仔細看清楚，芋圓有芋頭絲，口感軟綿、煙靭有咬口。還有絲絲芋頭香。而地瓜圓則較為遜色，口感煙韌但蕃薯味弱，粉感較重。粉圓化身迷你珍珠，煙煙韌韌帶微甜，紅豆腍身但沒有香味。豆腐花份量不少，夠幼滑豆味濃，果然是一級黃豆！黑糖糖水清甜潤喉，不太甜有黑糖香，伴豆花同吃不會蓋過豆味，下次加埋綠豆及仙草，口感應該更豐富！…查看更多

最近見有賣芋圓嘅舖頭都會試下，今日去開葵芳，突登去試下雜誌介紹嘅豆花先生。雖然有雜誌介紹，但我都唔敢帶住期望去試，因為之前都中過幾次伏。 去到葵涌廣場，都知會多人，不過原來唔係排豆花先生，而係排附近其他食店，但都差啲迫死。好，點嘢食，無人排隊，一男一女店員都算有禮貌，我點咗個招牌豆花，有芋圓，地瓜圓，粉圓，紅豆加豆花。無特別吩咐少甜，女店員負責裝豆花，男店員收錢，豆花好快到手，$28份量唔多，可以接受到，但無得坐得食黎講都算幾貴，如果唔係想試，我寧願飲兩杯珍珠奶茶。由於係附近太迫，行咗一分鐘去個無咁多人嘅位置立食食，黎得涌場預咗。食咗一啖先記得影相，本身碗嘢個樣都ok，係細碗啲。講下碗嘢⋯⋯無味。豆花唔甜，無乜豆味，尚算滑溜。芋圓同地瓜圓粉量一般，但係令我好失望係，無芋味，唔甜，又唔QQ，好似食緊方形染咗色嘅無味嘅糯米團。粉圓細細粒無乜存在感，紅豆又係無味，唉，無下次。係葵涌廣場大把嘢食選擇，比啲誠意好唔好？…查看更多

當日排隊要排個幾鐘，我仲要本身以為係排手卷。唉當係消化咁好食既拉麵啦，之但係排左一半先知排豆花，咁咪死死氣繼續排埋佢囉...豆花基本滑同有豆味的，但絕對唔突出。而主要係食佢芋圓呢類新潮材料，當然個感覺咪就係有芋頭又ＱＱ口感啦，問題就係而家食呢Ｄ野好多網店用更加平既價錢你可以買到，再配埋一碗出面既豆腐花你就可以ＤＩＹ到。所以值唔值得你排一個鐘就見人見智啦，我自己覺得排１０分鐘都嫌耐。…查看更多