豆腐主義

营业中

休息中

今早跑完步~非常醒神! 之後休息返陣就去食lunch~12:35pm入座,不算多人,加上個個客人入來大多數食豆腐花,豆腐小吃,比較少人真的在這餐廳食正餐lunch!而我地特地到此吃午飯,餐牌上的飯款有豆腐類的飯,煲仔飯等等~而我揀羅漢齋飯套餐 $28套餐包括:chopsticks: 羅漢齋飯, 豆腐湯品—紫菜豆腐湯 及 熱/凍的 豆腐花/豆漿:chopsticks: 羅漢齋飯餸菜豐富,而且份量又多,有雲耳,雪耳,紅燒豆腐,冬菇,紅蘿蔔! 餸菜及白飯分開上!飯粒口感適中,個獻汁撈落飯黎食,真係不錯:chopsticks:豆腐湯品—紫菜豆腐湯漏左上菜,所以追order!之後快上菜的,原來所指的豆腐唔係一粒粒或者只係湯底有豆腐味咁簡單,原來豆腐係指好似豆腐花一樣的一片片豆腐浮在湯內,真係十分之特別,但齋飲一啖湯,實在過咸.. 但如果飲一口湯連同豆腐一齊食,咁咸味就岩岩好喇 神奇的!!紫菜份量足夠,無泥沙! 仲之呢款湯品很特別呢!:chopsticks: 熱豆花 最先上的係熱豆花,所以先吃甜品,之後才吃主菜!今次豆花的爽滑度跟上次一樣咁好味,非常之爽口呢!! 又可以自行落黃糖調味,so goo

其實這間豆腐主義我和我男朋友也很喜歡！！因為平之餘還十分建康，豆槳也有豆味今日男朋友要掃墓，所以今日自己出來食距離上一次食好像也差不多三個月特道出來回味一下到的時後剛剛好去下午茶時間所以叫了一個 豆腐碗仔翅+ 豆槳 $15豆槳很快就到了不過份量比之前少了差不多一半！之後主菜豆腐碗仔翅到了碗仔翅很多渣，很濃而上面的豆腐是無豆香和很鞋，好多渣，刀工也是亂來簡單來說，難食另外也叫一個魚蓉豆腐餅也是很散，無魚味也無豆味只是食到一大的油味最後也只食了三塊就放棄了說完食物，就另外說一說侍應生侍應生雖然是即叫即到但好像無心聽顧客落單的簡單想叫一杯凍豆腐也可以聽成熱的豆腐花…之後有空閒就和其他侍應生談天說地不太尊重客人川龍街附近越來越多平又好食的地方我想除非是心癮起，應該不會再到這間店鋪食了…

星期日到楊屋買送，忽然想吃豆花。我認為一般人對豆花有２個不同要求：一些人愛滑、入口即溶（如我），一些人愛硬實，重豆味。看門口"懶"豆腐專賣的樣子，試試。結論是：我想，不會有下次了，只是OK。最反感是阿姐舀了一碗很水、很碎的，還以為是給我的，嚇個半死。最後她倒了再舀，桶裝豆花的愛好者如在場應覺不妙，豆花不會那麼輕易被搞得水水碎碎的（即是是韓燒那些被人胡搞的都多是完好的）可是...到姐姐正式舀第二碗時，我明白了。阿姐極粗魯，大殼大殼的，幾近亂畢，舀一大匙，"PAT"落碗，極快畢完一碗。然後，第二碗也是一樣。回家吃，原來只有糖粉，沒有水糖水。男友還說水太多要倒掉。大大碗，是事實，但相信沒人想吃片得厚重的豆花。豆花方面...較濃厚，但豆香欠缺，質感較硬，男友說尚可，可是太厚實的處理令人倒胃口。我覺得不好，也不是極差，可是味道，結合處理手法，實在沒意欲再多吃一次，只能給OK....

一心搵呢間食即撞豆腐花，點知一入到去，個職員話賣哂。即整唔係即叫即有架咩？好奇怪好唔開心山長水遠黎到得個吉不過都叫左豆腐花食，感覺一般雖然口感很滑，可是豆味不重。整體感覺也可能接受，有機會經過可以一試。而家見佢有賣埋豆腐，好街坊feel =)希望下次去有即撞豆腐花

今日屋企人4:05pm左右經過豆腐主義,見到門口掛住有原味豆腐花之外,仲有黑芝麻豆腐花,薑汁豆腐花,呢次都係一心想買「黑芝麻豆腐花,薑汁豆腐花」呢2款,好可惜個職員話2款都無wor 屋企人問「無得賣呢2款,咁點解仲掛住咁大個牌話有呢2款呢???」職員說:「係掛個牌0係道架咋,之前的確有賣黑芝麻豆腐花,點知一日內只係賣得果2碗,咁而家咪無賣囉!」咁都得囉... 無奈極了!!!!反正屋企人都迫到埋黎,所以都幫襯買左2碗原味豆腐花先走........ $10 / 2碗,都係外賣2碗最抵食,事關堂食都要7蚊一碗,我唔知堂食同埋外賣的份量到底相差幾多,不過外賣那個碗真係幾大,分分鐘仲大碗過深水埗的「公和荳品」!!!! 豆腐花扲返黎屋企仲係熱騰騰,呢次無加糖水,2碗豆腐花,俾左4包黃糖~好像太多了吧?!?! 我俾80分爽滑!份量的確非常之多! 100分抵吃~自行落黃糖後,可以自行調較甜度,很不錯!!整體的味道很好,食到有黃豆味~但論味道,我覺得公和荳品的豆腐花更加爽滑!!那兒的豆腐花咁好賣,不愧係「老字號」!!!

一心同太太去馬灣行吓睇吓挪亞方舟，坐咗成個鐘巴士終於由北區嚟到荃灣轉船(嘩! 坐巴士坐到想死咁滯!)，入馬灣前都係搵D嘢醫吓肚先! 完全無計劃咁行咗入川龍街，見到個店名Tofulism幾得意喎，就入嚟試吓喇! 食D豆腐飲D豆漿做午餐先，之後計劃好係馬灣食德國嘢飲啤酒，依家就清清地，之後先拆餐勁嘅!由於店外環境係街市嘅關係，而店嘅門口又真係好似街市豆腐檔咁，無論店嘅裝修有幾前衛都好，係度食嘢嘅感覺都係同係街市入面嘅感覺一樣，唯一可取嘅係地方夠光猛而衛生都算合格，咁環境同衛生兩方面都俾合格算喇!兩個人樣樣都想試最終忍忍口都叫咗四樣嘢同一杯豆漿，而最差就竟然係杯淡如水嘅豆漿，豆品店竟然能夠做出一杯無豆味嘅豆漿真係神奇!其他食物算係中規中矩︰豆腐腸粉就厚咗D同唔夠熱，無豆味!煎釀豆腐比較實而且都係無豆味，魚肉小!琵琶豆腐外脆內軟，好味! 咬入去熱辣辣嘅，好足料，最驚喜就係呢個! 不過係D配料好有味，咁豆味就變得無訂企!!咸豆漿都係好味，有蝦米菜甫油炸鬼，起碼咸豆漿應有嘅配料都有齊，而且呢個係最有豆味!總括係點解D出品無咩豆味嘅? 究竟呢間嘢用D咩黃豆架? 幾十蚊醫飽兩個咗人，D呢唔算難食吖，咁

良久沒有到荃灣區，碰巧昨日星期日假期，加上家中的人都早已經出外消遣。反正午餐都要在街外解決，唯有到荃灣看看。抵達荃灣沙咀道的時候，已經過左下午一點。由於天氣晴朗的關係，街上的行人比較多，由車內看到周遭食肆的生意亦特別旺場。其實在巴士車廂內，小弟曾經反覆地構思午餐地點，不過最後已經有答案。曾經在雜誌內看過一篇介紹，有一間叫「豆腐主義」的豆品售賣專門店，坐落在荃灣區的中心地帶。其實店舖容易搵到，正好在沙咀道附近。星期日的下午，食客人數特別多，豆腐主義都不例外。就現場所見，大部份前來光顧的食客以年青人居多。無論在食店的內外，都是那麼的熱鬧。店內固然有食客，店外正是售賣豆類製品，例如豆腐花、豆漿等等。在評論店內食品之前，有一件事的確不吐不快。原來坐下來堂食，落單時都要大聲一點叫出來。原因是店外有一位女職員用咪高峰叫賣。本來宣傳及叫賣自家製產品是一件無可厚非的事情，但是咪高峰的聲量過大，再加上現場環境真是擠迫，店內的職員完全聽不到食客的柯打，要食客重複一次，當然包括小弟在內。這次落單蒸飯套餐定食，包括鹹魚肉片飯、紫菜豆腐湯、蠔油菜心和兩件煎釀豆腐。鹹魚肉片飯 - 因為蒸飯不算大盅，所以進食時需要

聽說店內的豆腐是師傅每日在店內新鮮製作,由於沒有運送途中撞爛的風險,豆腐中的石膏粉份量也自然減少,所以吃起來特別細滑.1. 豆漿腸粉 ~ 有點心師傅即場拉製,很有新鮮感,入口也有豆香.2. 煎釀黑豆腐 ~ 煎得兩面香脆,中間香滑富豆香,加上魚肉餡,並沒有單調感.

某日天時暑熱又唔想行廣場而且想食甜品，見到呢間店舖成日有人講但自己又未試過，不如去試下啦。聽侍應話豆腐布甸比較好食，就叫左個香蕉豆腐布丁。質感唔似食緊豆腐，香蕉反而又有幾塊，唔通所謂既豆味，就已經融入左o係泡沫當中?!18蚊呀.....去飲杯野都唔駛咁價錢啦。

我超級喜歡吃豆腐製品，於是朋友帶我去食豆腐主義，今次是第二次啦!這次我們兩個人吃了以下食物:*上湯生菜豆卜*豆漿腸粉*椒鹽豆腐角*豆漿蒸蛋*豆漿*紅豆豆漿 (這個比較淡，大家可試其他口味)*煎釀豆腐豆卜雙併*煎魚茸豆腐餅 (這個比較多油)*脆口粢飯豆漿六元，每款小食約十多元，幾抵食，試好多款色都不"肉赤"，整張桌子都放滿食物，感覺很滿足呢!好吃又飽肚，吃了這麼多都只是$81元!食物多款，服務都不錯。我想，愛烹飪的你們吃過"豆腐主義"後，可以"偷師"，然後烹調一些具創意的豆腐菜餚 : )若不下廚而又經過"豆腐主義"，都不妨外賣加餸，下午茶﹑晚餐前有特價呢: )

突然有小小肚餓,左想右想不如食豆腐花..之後就行到豆腐主義見到$8碗唔算太貴,就入左去食地方係迫左小小,但等左唔係好內就見到我碗豆腐花黑豆腐花...有好香芝麻味,個碗都好滿.好好味

之前已經係雜誌見過介紹豆腐主義~~本身覺得佢好多野都係用豆腐整幾特別咁所以都食下!!我覺得有時去食下豆腐花都還可以, 因為都平~~但唔建議食炸物, 因為真係麻麻地, 唔係特別好食...係就係抵食, 但無雜誌講到咁正..!!所以有小小失望~~

香蕉豆漿杯$10:飲後香蕉豆漿有香蕉肉味汁,豆漿很淡麻麻~有香蕉肉粒ok~sp:下次我會幫襯,因為我想試吃豆漿蒸蛋,豆腐燉奶,豆腐布丁,椒鹽豆腐~~

突然心血來潮想買杯野飲見到呢間店好似d豆腐幾出名心想..佢d豆漿應該都不差吧於是就叫左杯紅豆mix豆漿$10杯希望愈大失望愈大!!!d豆漿淡如開水d紅豆又硬...又冇味!!!咬落去仲要係粉來的~~一睇都知未煲夠時間啦....唉..如此質素....我飲到一半已飲不下了這間店是第一間我飲過最唔好飲的豆漿!

評題的一句話, 其實是想向我丈夫講嘅......原因是今晚我和丈夫到荃灣行街街, 喺眾安街嗰頭食咗一餐又平又抵的晚餐, 飯後再向前行吓, 行吓行吓, 見到一間外型時尚,又黑又潮的豆腐鋪, 埸面車水馬龍, 我丈夫望望嗰牌, 佢寫住「豆腐花 $7碗, $10兩碗」, 丈夫二話不說衝咗入鋪, 我正想叫佢睇清楚喺唔喺for外賣先就已经唔見咗人。 入到去都有五、六枱客, 我見d價钱都算ok, 豆腐花$7碗, 薑汁豆花$9, 即撞豆花$25, 重有其他貨,但唔記得咁多。我叫咗個「西瓜豆腐燉豆漿」$18, 基本上我估到喺什麽味道, 因為之前煮飯都試過用豆付、豆漿、雞蛋蒸帶子肉(即是帶子蒸水蛋, 但我不用水而用豆漿另加少少豆腐), 我記得鮮味到無得弹, 難得飯煲無飯剩。首先我的「西瓜豆腐燉豆漿」先到, 原來是豆腐燉豆漿上淋上"所謂的" "假甜到死"的 西瓜汁和四粒西瓜波, 食一啖原味豆腐燉豆漿, 吓！無味嘅???,不只是一點豆味也沒有是直情無味, 拌混來吃, 根本西瓜汁和無味糕是合不來的, 還在脷根處帶出一啖一啖的苦味後來丈夫的薑汁豆花到了, 糖要自已落, 可是"所謂"薑汁, 我相信不是新鮮揸出來的