豆漿大王

营业中

休息中

剛剛的星期二，同咗木先生衝出港島去咗新䈬光為咗食瓷飯豆漿。之前飲食雜誌已介紹過呢小店嘅粢飯，一直都想試我地點了二件粢飯，西多肉鬆，熱豆漿及熱豆花。粢飯好新鮮，油炸鬼好脆香口，不過d飯有d散，吾夠實，但整體都不錯，好味道。另外西多肉鬆都幾得意，第一次食呢個西多配上甜甜的肉鬆熱豆漿都有豆味，至於熱豆花真係一試難忘，本來想外賣多一碗，但被木先生阻止了依家喺香港，食到新鮮製作的粢飯同飲到有豆味的豆漿越來越難。只有小店先堅持新鮮製作。

老婆心血來潮想食豆漿，呢間出名，就去 。名不虛傳，都幾僻，但出奇勁多人勁旺。叫左個雞排酸辣湯麵，一個薑汁豆漿，一杯凍豆漿，一個“痴”飯同埋一個紅油抄手。所有野都真係幾好食。酸辣湯有豬皮同豬紅都幾SURPRISE。雞排呢炸粉多左少少，LUR左出黎冇食，但算係正路。薑汁豆漿唔算甜好正，“痴”飯又真係即包好好食，下次實加六蚊再加料。紅油抄手又有SURPRISE，平時係街食通常都得個粉皮細細粒，呢度勁足料。埋單＄84，抵到爛。有機會再黎食。不過餐廳位置唔易搵，工廠區，附近又整路，又冇地鐵，得巴士到。不過沙中線通左，呢頭實起租，希望佢地捱得住。

今日LUNCH買了一個脆香雞扒上海麵﹑一個痂飯﹑一杯凍檸茶外賣帶走，回到公司，一發現沒有雞扒，服務很差平時都係光顧堂食，都冇乜野，但冇諗過外賣反而咁差日後不會再光顧

來到數次, 多數是下午茶或午攴試過栥飯, OK, 脆卜卜下午茶試過:-菜肉雲吞麵, 幾抵食酸辣牛展湯麵, 牛展夠林, 夠入味, 酸辣湯不太酸, 對於我較愛酸味, 略嫌不夠熱豆漿, 幾夠味今晚來試晚餐, 叫了1) 上海排骨飯, 排骨煎得夠香脆2) 韮菜煎餃, 很多韮菜, 但好像有點 "黑糊椒"味, 及較為濃味, 長者吃了一件, 覺口渴3)雙拼套餐 <肉排拼腎> , 這個餸, 覺得好好味, 肉排都炆得十分"林", 套餐 40多元, 有飲品跟, 加錢轉豆腐花也可 最吸引是某些飯餐 (晚市), 下午茶, 午市, 飲品加幾蚊, 可以轉樽仔奶茶或樽仔咖啡幾好味, 又抵 

本來我對粢飯/ 豆漿沒有太大喜好，不過於網上討論區得知新蒲崗的豆漿大王有全港最好食粢飯的美譽，令到我實在心思思想試，故特意到新蒲崗試試虛實. 豆漿大王的門面很不起眼，也沒有大大招牌，差點走過了頭. 推開大門，想不到內裡空間很大，裝潢一般，枱與枱相當密集，就如同一般工廠飯堂. 沒想過周六下午4時多店內食客仍然很多，不知有多少人如我一樣，是因為看過討論區的好評而來呢? 由於剛吃過米芝蓮糖水仍未落格，又不好意思點得太少，決定要2個粢飯，1個外帶，另一個堂食，再點一碗推介的鹹豆漿試試! 其實單點食物比起下午茶餐貴得多，最便宜的茶餐才不過$18而已，還送凍/ 熱豆漿，可惜自己胃納有限，否則也想試試這店的炸物. 咸粢飯 ($13) 平時吃粢飯都必定是吃咸的，不過這店居然有甜粢飯 (砂糖& 油條)，不過初次來到，還是吃回基本的咸粢飯. 店員也會問客人要否剪開粢飯? 也好，可以和父親分着吃! 粢飯即叫即包，熱辣燙手，不過餡料不太多，就是一般的炸菜、油條& 肉鬆，不過油條仍是脆口的，這算難得! 鹹豆漿 (跟粢飯+ $14) 其實個人覺得鹹豆漿居然索價$14 是超貴，不過既然那麼多人讚賞，也

見到介紹所以同男朋友嚟食點咗兩個加料粢飯 一杯凍豆漿 一碗咸豆漿第一次飲咸豆漿 好咸香嘅味道 有少少似稀粥粢飯好足料 男朋友嫌啲炸菜太咸 不過嗜咸嘅我覺得好滿足haha唯一後悔嘅係點咗咸豆漿 因為食完粢飯已經好飽 加上粢飯太咸 再飲咸豆漿真係有腎虧嘅感覺🙃

去到12點幾咁岩有lunch set！lunch set其實唔係抵好多！兩個人食五樣野，好滿足。太好食唔記得影相就食晒，臨走仲要叫多個粢飯加肉鬆外帶秘製鹵肉碎拌麵雖然係拌麵，但係一d都唔乾，又唔會太鹹。姜汁豆花姜味唔會太重岩岩好，佢應該幫我加埋糖水，因為一黎到就食得咩都唔駛加。d豆花勁滑酸辣湯好足料、好多豬皮！每一啖都有餸粢飯一定要食！佢裡面條油炸鬼脆卜卜！最好係你想另外加 肉鬆+2 油條+2 炸菜+2 全加+6 因爲有時好想食多d料，你叫佢地加人地都唔會so你。呢到俾多兩蚊就so你鐘意仲可以加夠六蚊全加

今日晏晝幫襯，點咗肉鬆脆多、粢飯及豆漿，等咗近廿分鐘，見隔離枱遲過我地點，但兩碗麵都已經到咗，咪追吓單，點知真係漏咗單其實漏單事小，但態度事大。因為有啲趕時間，我就話可唔可以快少少。點知個侍應大叔竟然好粗魯咁話「食野係要等㗎啦，唔等得嘅唔該...」（指住門口）甩單嘅餐廳見得多，但甩單仲要態度咁囂張嘅真係第一次見！平心而論，食物係好食，特別係肉鬆脆多士，但惡劣嘅態度已足以令人失去品嚐食物嘅興致。可惜！

睇完早場，駕車到新蒲崗豆漿大王試試粢飯，原來粢飯都有甜的，可能遇著放工時間，我們進店後陸續很多客人進來，幾乎座滿，也有不少人是排隊購外賣的⋯除了粢飯外，豆漿大王也有很多食物種類⋯Lunch set價錢合理，附近的食客大多叫飯和麵⋯Lunch一般吃不下太多，所以今天我們只點了咸粢飯和豆漿、豆腐花⋯咸粢飯有油炸鬼、肉鬆和炸菜，油炸鬼夾在中間還很脆的，肉鬆也很乾身，所以一定是即叫即包啦，讚！咸豆漿材料也很豐富，小小炸菜，油炸鬼，還有大量蝦乾，感覺很特別～凍豆腐花ok平平地又一餐😝

早餐很重要, 尤其是踏入2017的第一天, 今天實在不想以junk food作開頭.突然很想吃粢飯+豆漿, 在網上搜尋一下, 發現離家不遠在工業區中居然隱藏了這樣的一間小店.去之前我還特意打了電話過去, 畢竟今天是公眾假期, 也不肯定會不會正常營業.步行過去, 門口不特別起眼, 差點錯過了.推門進去, 12點多的時間, 居然差不多坐滿了, 超出我想像.買了兩份粢飯+豆漿, 盛惠$40, 真的不費呀, 快步坐車回家跟四爺一起分享.包內附了糖, 可以加到豆漿內變成甜豆漿, 豆漿透著點點豆味, 溫熱的, 非常的暖胃.粢飯不是粗粗的那款, 飯跟肉鬆, 炸菜和油炸鬼的比例配合得非常好, 而且 糯米飯非常煙韌, 不似有些店那麼的硬.吃了粢飯+豆漿, 胃暖暖的, 象徵著新一年有一個美好的開始!

呢到有食過最好食既粢飯哦！！！上枱時熱辣辣；飯唔硬 非常軟熟； 入面材料十分多 肉鬆炸菜油炸鬼都保持到脆口 唔會塞到扁唒冧唒；炸菜既味道尤其出色 不太咸但味道好出好香！試過你就明有幾好食~肉鬆+煉奶+炸饅頭 呢個咁罕見既組合原來係驚人既美味！！！炸饅頭非常香脆 配上甜甜既煉奶 仲要加埋山一樣多既肉鬆 有肉鬆既咸香又有煉奶既甜 新奇又好食！肉同骨已經煮到好容易分開 而且入味 可惜係比較瘦 令肉會有點韌；湯水就屬於比較清淡 不過都有滿滿的肉香同埋炸菜特有既咸味 只係冇平常既五香肉骨麵咁濃味

好耐無寫過食評，好多時都係吃完就算，但呢間豆漿大王真係估佢唔到，工廠區又唔係貴，而且有驚喜。第一次嚟吃見有新嘢"肉鬆蔥花球", 其他上海鋪無見過，即時叫嚟試下，開頭以為係炸蔥油餅不過整到個波咁，點知原來係炸飯球，飯入面有好多蔥，好香；吃落有啲乾，但點落担担面啲湯度又好夾喎。吃過好多担担面,通常吃緊就已經口渴，因為重味精，但呢間又無喎；酸辣湯普通左啲，無話好吃唔好吃，但咸豆漿好ok, 啲榨菜夠爽口，肉鬆又夠味，豆漿夠濃又香豆味，呢間豆漿大王值得推薦。

粢飯大王這食評我本來應該在昨天就完成，但結果留到今天才下筆，因為我犯了一個小錯誤，是什麼錯誤遲點再告訴你。豆漿大王在新蒲崗工業區內經營，果然有很濃厚的工廠食堂味道。就算在星期日假期也不乏捧場客，男女老幼年青人都有，當時我還在想：一杯新鮮豆漿而已！幹嘛這麼多人光顧？第一次落單犯下的錯誤讓我想起原因，是忘記點「粢飯」啊！！！飲豆漿配粢飯是常識吧！我第一次光顧點錯了雞扒！我犯下一個低級錯誤啊！第一次點錯，我想收回也不能，無可挽回了！結果今天我補回我未食過的粢飯，今天回到豆漿大王，人客還是那麼多。看見場內人人手上都拿着粢飯在吃，這次我豈能錯過？結果我發覺粢飯比想像中更好食，粢飯拿在手中還是暖暖的！咬一口粢飯，口感比想像中更滋味，飯跟油條肉鬆配合起來果然一絕。侍應在點菜時刻意問我，要不要先把粢飯剪開再上？當時我還如在霧中，現在我終於明白了。是因為粢飯太大太飽滿，不剪開的話，咬粢飯時內裡的材料可能漏了出來，弄得一片狼藉。幸好男兒口大食四方，阿媽當年生我出來，我的嘴巴尚算不小，張開大口咬粢飯，粢飯材料緊逼在一起，未有散開跌出來的跡象，粢飯沒有鬆散的感覺，很飽滿。反而豆漿我飲不出它是否新鮮出產的豆漿

其實香港都有好多間豆漿大王，不過應該唔係連鎖，今次衝出屯門，試下新蒲崗既豆漿大王。我好欣賞呢碗熱玉米漿，100%新鮮粟米煮成，尤其熱辣辣既時候飲，粟米味濃厚，而且完全攪碎，非常香甜滑溜。好少地方有得飲架~ 如果去開可以去試下。咸豆漿好多料，除左油炸鬼仲有榨菜，蝦米，咸香度十足，好少咸豆漿有埋蝦米架~ 小籠包唔算太突出，皮唔算好薄身，不過厚度尚可接受，肉餡有啲似上海菜肉雲吞，唔太多湯汁，作為lunch點心都可以既~ 滷水雞翼應該經過好耐時間滷汁醃製所以好入味，而且雞肉一咬就同骨分開，就知火喉勁。粢飯好鬼好食，糯米飯唔會太多，夠薄身，主要都係用黎包住啲餡，唔係一般咁用飯塞飽肚，而且飯香軟熟。油炸鬼唔油膩兼香脆，肉鬆鬆化微甜又唔會濕氣多，榨菜咸香，所有餡料粉量適中，又係即時整，熱辣辣好好食。

係FACEBOOK見到段VEDIO 介紹呢間小店，於是再度光臨呢間小店...甜粢飯＋肉松＄15從未食過甜粢飯的我，今次食完好驚喜，本身覺得砂糖加糯米好HEAVY，但食完之後覺得真係超好味！FACEBOOK 個女仔無介紹錯！食完我真係覺得好味過佢本身出名的咸粢飯！薑汁奶花＄11有少少唔夠熱，但呢個甜品真係無得頂，真係有一種此美食只應天上有的感覺！食完有忍唔住笑的感覺！味道：實在太好味了！環境：今次午餐黎超級多人！環境都幾迫！慶幸單丁黎！食完就走！價錢：成餐＄26 食得飽飽，抵到無人有！仲想點！服務：員工點餐比較趕，但都有禮貌的！小店你想有咩服務？食完就走啦！