證券商協會會所

营业中

休息中

二月時經理帶我哋食開年飯, 傳統菜式喜出望外, 今次羅漢請觀音！鴿鬆生菜包頂呱呱, 炸子雞皮脆肉滑, 之前從未食過炸粉粿, 仲有紅燒乳鴿, 海味雜菜煲, 椒絲腐乳通菜.. 搞笑清蒸水蛋居然好滑.. 我本來唔好飯都要叫半碗白飯撈。

今天不炒股只食飯😂中環滿佈各種各樣嘅會所餐廳，今次多謝朋友 carry 嚟到呢間比較隱蔽嘅道地順德粵菜餐廳。名為證券商協會但唔係金碧輝煌路線，反而樸實而滿滿年代感 （完全無大時代嘅感覺，好 chill 的）子薑炒鴿片 - 子薑酸甜適中,爽脆嫩而無渣，最緊要係唔會搶味，依然食到鴿嘅甘香鮮甜薑葱粉絲大蝦煲 呢味菜永遠個粉絲先係重點，吸收曬大蝦同埋惹味嘅薑葱醬汁精華，惹味非常~咁當然啲蝦都係勁爽彈鮮美嘅~上湯煎粉果好好食，個人覺得比鳳城僅更勝一籌。好清甜嘅沙葛味令口感好爽口一啲都唔油；淨食香脆而浸湯就脆中帶軟，兩種都各有特色不妨各嚟一件~杏汁燉白肺 - 濃濃嘅杏香撲鼻，豬肺處理得好乾淨，軟綿滑溜~依家唔係度度有得飲呢啲手工湯~生扣鴛鴦雞用上高湯熬製，加埋冬菇同埋金華火腿無骨鮮香又嫩滑，味道層次豐富不過十點準時收工，下次要早啲開始先可以盡興~

佢哋嘅乳鴿係真係幾好食嘅，同埋逢星期六、日及公眾假期午市堂食有買一送一，環觀四周，每台都會有碟乳鴿。其他小菜，例如蝦多士、咕嚕肉，同埋鹹魚雞粒炒飯（有個靚名，叫做生菜絲馬介休雞絲炒飯）都好食。佢哋啲點心唔係用蒸籠上，淨係用碟上，如果一台好多嘢食嘅時候可以慳返啲位。椒鹽豆腐就做得太乾，喺首本名菜個list 裏面裏面嘅大良炸牛奶就真係麻麻啦，個質地似硬咗嘅yogurt 多過似軟滑嘅炸奶，同埋偏鹹。假如佢想做一個特別版嘅炸奶，就唔應該叫做大良炸牛奶，應該改過另一個名。養生小米糕就幾特別，望落似蒸蛋糕，唔甜，對於養生嘅人來講不失為一個食咗甜品好似冇食嘅選擇。但係對於想去食甜品嘅人來講，呢個小米糕根本就不是甜品，因為一啲都唔甜。餐後送嘅腐竹薏米糖水，個蛋味好出，應該係打咗啲蛋落去一齊煲到好溶，蛋味仲出個腐竹嘅味。鍾唔鍾意，就係睇個人喜好啦。

跟朋友光顧了這家餐廳，意外發掘了一件港式美食寶藏🍲！要說生菜魚茸粥，簡直是綿滑得不得了，生菜的爽脆加上那魚茸，咬落有勁、鮮香得滴水，每一啖都讓人回味無窮。再來的紅燒乳鴿，外皮烤得啱啱好，脆口之餘仲保持肉汁鮮甜，咁的處理真係幾有水準👍。當然，最惹味嘅一定唔少得嗰個炸饅頭了，外皮啖啖香脆，一沾煉奶就化咗舌頭，喺舊香港街頭味道中細細品嚐。係咪感覺有少少懷舊啊？雞蛋馬蹄糕同樣出色，馬蹄清甜咬落爽口，加上雞蛋，完全係夠哂味！牛肉球唔係太多花巧，純粹肉香，有啲鮮美，跟住係酥皮蛋撻令我有少少唔捨，酥脆蛋香，雖然有一絲意外嘅氣味，不過都唔減分味。而最後嗰份馬友雞粒炒飯，賣相普通但味道正到爆，每粒飯粒都跳起舞來，唔單止乾身，佢哋每一啖都夾帶住滿滿的香味😋。總括來說，這次體驗真係可以話係味覺上的一次小旅行，滿滿的本土風味和親切服務，下次仲想再黎！

食物質素還可以, 男經理態度親切， 有一位口黑面黑的女經理， 好像覺得我們在騙白飯似的, 無論語言態度和肢體語言都非常失禮加沒禮貌， 只得幾枱客也如此不願做， 還說自己的態度便是這樣， 難怪有咁多香港人投訴香港服務態度差

是夜係公司週年飯慶祝，最近生意不錯，老闆請大家到<證券商協會會所>吃白汁魚翅。白汁魚翅湯底極為濃郁，鮮甜味出眾，魚翅分量好多，用筷子夾起魚翅係一梳梳，好似食麵咁食，魚翅嘅粗幼度適中，煮得好滑，伴上金華火腿片，味帶鹹香，更加美味。東星斑非常之大條，肉質非常新鮮嫩滑，新鮮靚魚，簡簡單單清蒸，配上蔥同豉油，更可嘗到其鮮甜魚肉味道。將去骨雞翼釀滿咗雲腿同埋露筍，再伴埋西芹、百合一齊嚟炒，惹味好食。鴿肉又嫩又腍，味道炒得酸酸甜甜，再伴埋火腿嘅鹹香味道，非常特別。作為中環的會所，地點非常方便，不過環境感覺有點兒舊，感覺就像是老飯店一樣。不過呢度供應嘅菜式非常特別，而且都走較為矜貴的路線同高質嘅食材，值得一讚。

煙焗鷹鯧 🐟 鷹鯧乃深水魚，肉身厚，質感結實，味道濃。煙焗後，能把魚肉外層間煎封，肉質亦都不會粗嚡，即使不配沙律醬都同樣美味。官燕鷓鴣粥 🥣 材料主要是參薯、燕窩和鷓鴣，一粒米都沒有，有粥之名卻無粥之實。材料不多，但功夫瑣碎工時漫長的古老粵菜。📍證券商協會會所中環皇后大道中88號勵精中心19字樓

冬至一家食飯，第一次去試下，怎知一開始那個金華火腿竹絲雞湯，咸到好似飲鹽水(你可以話入味既)，至於其他餸菜一般般，環境裝修沒有甚麼特別，同一般酒樓差不多，服務質素還可以的，總的而言，與預期有差距。

Host/member has nothing to do with the securities industry. Still, there we were in the private room.Here’s what we had:家鄉煎薄餅- like spring roll. Thin crispy skin. Some 粉絲 n minced meat inside.咼貼大明虾 ie 蝦多士. 羗芽炒鸽片- I thought it was beef. Everybody loved the 子薑。原炖冬瓜盅- pleasant surprise. A lot of usual ingredients in my bowl and they were actually quite tasty. (I originally requested 鷓鴣粥 but host thought we should have冬瓜盅 instead since Summer was almost over. Good call.)大東星班兩食: - 菜心炒班球。菜心 very swe

今天公司經理請食晚飯，部份相片遺失左，所以大家只好靠我形容再幻想一下，先上火瞳翅，翅針夠粗，件金華火腿近筋膜位正到無朋友，鹹鮮味十足，跟住就每人一隻大蟹拑，隻隻都係頂槓，買手要有料先做到，蟹肉鮮甜，其它部位拆出蟹肉炒桂花，大厨落了些黑松露醬去炒，提升了蟹肉鮮味，之後到主角出場，咁大個仔都係第一次食到咁大條老鼠斑，4斤左右，個厨師都話碰啱先有咁嘅機會，食完呢幾個餸都飽了八成，再上炒帶子已没大驚喜，最後紅豆沙結尾。

在這裡，沒有高談闊論的商賈，亦沒有財大氣粗的暴發戶，反而是三五好友，又或是一家大細，拋開工作上的枷鎖，摸著酒杯底，好好享受工作後的成果。 近年來，漸漸愛上了附有餐廳的會所，基於歷史原因，會所多數滙集在中上環一帶，用餐時，大部分都要確認會員資格，所以每次私下攪局，總是厚顏地打盡人情牌。 餐廳位處中環，大概是扶手電梯的上山起點旁邊，相當就腳。 其實會所餐廳大多開設於商業大廈內，佔地大概是一至兩個樓層，除了個別會所有廂房，裝潢較美侖美奐，例如潮州商會會所外，就連上海總會、港大校友會或者革新會，都是走平實路線，絕不搔首弄姿，賣弄風情。 亦習慣了自己寫菜單，多數會在午飯較後時間，中場休息時跑上去，可以慢慢睇下餐牌，心裡打打算盤，人均大概 $600 以內最為合理，有時候亦會同經理打過招呼，因為好多時令菜未必寫在餐牌內，總之一句~隨機應變便是！ 今次餐單早在一個月前草擬，正值蛇羹的尾聲，但未必每位出席的朋友都會食，另外，鷓鴣粥亦是店方名物，在各有捧場客下，又要在群組組隊，回想起來，比上班還要奔波費神，也許是興趣，才能支撐了這麼多年吧！ 店方主打以粵菜為主，菜單已力求把名物填滿，

This is a members-only restaurant. It serves great Chinese food.On this occasion we attended a 12-person dinner. On the menu was :- prawns- vegetarian deep-fried oysters (tofu)- soup- fish- chicken with vegetables- fried rice- “tong yuan” in red bean soup (dessert)It was all very tasty!!! The decor is not fancy and the venue is small. I would come again (with the member, of course!!).

一年半後再次來到證券商協會會所聚餐有感更勝從前，一如既往有藝術型手寫菜單，很久沒見過酒樓老師的筆跡了，那份美感絕對要好好欣賞！ 率先上場的是家鄉煎薄餅，煎至香口的薄餅內裹有不少香滑清爽的菇菌在內，這個前菜香口得來又清爽我蠻是喜歡的！ 豉油王煎大蝦碌再次重溫的仍然是那麼吸引，巨大虎蝦一分為二味道鮮甜、肉質爽彈，但我覺得豉油的味道可以再濃烈多點點就更加惹味了！ 燒雲腿西芹百合炒鴿片用鹹香的金華火腿，配親清新的西芹及百合一濃一清相得益彰，再加上嫩滑的鴿片成件事都好合襯，而旁邊那些炸了的鴿頸就未能得我歡心了！我還是喜歡上一趟的薑芽香滑炒鴿片 多一些。 接下來是萬眾期待的官燕鷓鴣粥，傻傻的車媽媽還以為這真的是粥來！其實只用鷓鴣肉、雞肉、蒸熟後切成蓉，與蒸熟打成蓉的參薯加水煮滾來的湯羹。 這個官燕鷓鴣粥內裏包含不少矜貴燕窩，湯羹濃稠度調配得恰到好處，吃下鮮味滿滿而且十分甜美，吃一碗幾乎不夠喉呢！！ 喜歡滋補及吃蛇的朋友繼續享用埋這個鮑魚花膠燴五蛇羹，而蛇羹我則不敢恭維了！！ 這一刻我只靜待再次品嚐這沙律煙倉魚，用上兩斤多重的英倉魚來炮製，光是賣相已值回票價！吃下肉質結實但又不失嫩滑，煙燻味不會過

中環到處都有「乜乜學會」、「物物同鄉會」之類的樓上食肆，門面都會說是「Members Only」。 「證券商協會會所」在大道中88號勵晶中心，亦是 Members Only。若想入會？得，放低錢即可成為永久會員 (好像是 $500)，完全不需要是證券界人士。餐廳一貫中式酒樓格局，員工都比較年長，咁多年來都是同一班，卻好像服務愈來愈有火。食物標榜無味精。早幾年中午我經常和同事來吃午飯，都已有一、兩年無來。 這次是家庭聚會，吃的和之前比較確是有遜，而且今次環境有點吵，隔離食客應該是在慶祝什麼吧，大叫大嚷的。 在「冬瓜盅」和「腐竹白果豬肚湯」之間選了前者，記得要預訂： 份量很多，夠十二人喝！咱們八個人 (有小朋友)，有餘有剩。湯很甜，喝得出無味精，在夏天可以消消暑氣，略嫌湯料肉粒太多太粗，湯好喝就好了。 「蝦子柚皮鵝掌」 很久沒有吃柚皮。柚皮這東西，充分體現中國飲食文化之神韻，配蝦子就可以令此平民食材提味。可惜今晚柚皮太腍太爛，蝦子不夠香，鵝掌也沒上好色。是跌 watt 了?! 「香橙焗肉排」，之前好好吃的，肉排是厚肉而不韌。這天的肉排碎濕濕，將價就貨，加一後近 $100 碟，

呢排食左好多西餐一直都想揾時間食返d正宗既中國菜！今日就同左一大幫friend去證券商協回會所食返餐勁既 首先黎個豉油皇煎花竹蝦，蝦頭非常多蝦膏，而且煎到非常香脆，好惹味！  我自己一個一口氣食左六隻哈哈哈。蝦籽柚皮扒鵝掌亦都係其中一道吸引我黎呢間餐廳既原因，因爲而家出面好多餐廳都好少有呢味菜，而且仲整得麻麻，好難揾到一間符合水準既柚皮鵝掌。一上菜已經睇得出非常足料，柚子質地煮得剛剛好唔會太軟，配上濃稠既醬汁恰到好處 之後到我最期待既大良炸鮮奶啦！！圖中比較細同圓既個款係炸鮮奶而比較大同尖既係蝦多士。好可惜我對炸鮮奶有d失望  食落去個味道同質地好似椰汁糕咁...有d偏硬同好重椰汁味，同炸鮮奶有d出入...不過蝦多士就唔錯，炸得金黃香脆，而裏面既蝦膠亦都非常彈牙，全部都係新鮮炸起，不過怕熱氣既朋友都少食爲妙 蒸肉餅都算係我其中一道最中意既家常菜色，呢味馬碲蒸肉餅一上菜已經聞到非常香，不過食落去口感唔夠綿同鬆軟，豬肉蒸到有d乾身，無乜肉汁，整體都係麻麻地。 不過呢道薑芽炒鴿片都幾有驚喜，非常有水準，料多不在講，鴿肉煮得剛剛好，外脆内嫩，配上甜甜酸酸的醬汁好好味！