影片
港铁香港站 C 出口, 步行约5分钟
继续阅读
电话号码
28100106
开饭介绍
只限会员，大部分食物须预订。
继续阅读
附加资料
Members only
营业时间
今日营业
12:00 - 14:30
18:00 - 22:00
星期一至日
12:00 - 14:30
18:00 - 22:00
以上资料只供参考，请与餐厅确认详情
食家推介
招牌菜
呢间餐厅的出品曾经好正, 尤其是招牌炸子鸡、子姜镇江骨、蒸鱼、蒸肉饼、 炖汤... 仲有高级啲嘅鲍参翅肚, 好多功夫嘢要预订嘅, 最重要系会员制, 基本上不接待街客！固名思义, 早年佢系一班玩股票客户嘅饭堂, 应该都曾经好威水吓！ 有富贵客俾得起钱, 自然就有高质厨师, 配上靓材料, 就自然有标青出品！只系近年市况低迷, 各行各业惨淡经营,i, 炒菜颇多油...., 仲要毫无预警下要我埋单, 唉, 几许灿烂金光, 俱往矣!
继续阅读
二月时经理带我哋食开年饭, 传统菜式喜出望外, 今次罗汉请观音！鸽松生菜包顶呱呱, 炸子鸡皮脆肉滑, 之前从未食过炸粉粿, 仲有红烧乳鸽, 海味杂菜煲, 椒丝腐乳通菜.. 搞笑清蒸水蛋居然好滑.. 我本来唔好饭都要叫半碗白饭捞。
继续阅读
今天不炒股只食饭😂中环满布各种各样嘅会所餐厅，今次多谢朋友 carry 嚟到呢间比较隐蔽嘅道地顺德粤菜餐厅。名为证券商协会但唔系金碧辉煌路线，反而朴实而满满年代感 （完全无大时代嘅感觉，好 chill 的）子姜炒鸽片 - 子姜酸甜适中,爽脆嫩而无渣，最紧要系唔会抢味，依然食到鸽嘅甘香鲜甜姜葱粉丝大虾煲 呢味菜永远个粉丝先系重点，吸收晒大虾同埋惹味嘅姜葱酱汁精华，惹味非常~咁当然啲虾都系劲爽弹鲜美嘅~上汤煎粉果好好食，个人觉得比凤城仅更胜一筹。好清甜嘅沙葛味令口感好爽口一啲都唔油；净食香脆而浸汤就脆中带软，两种都各有特色不妨各嚟一件~杏汁炖白肺 - 浓浓嘅杏香扑鼻，猪肺处理得好干净，软绵滑溜~依家唔系度度有得饮呢啲手工汤~生扣鸳鸯鸡用上高汤熬制，加埋冬菇同埋金华火腿无骨鲜香又嫩滑，味道层次丰富不过十点准时收工，下次要早啲开始先可以尽兴~
继续阅读
佢哋嘅乳鸽系真系几好食嘅，同埋逢星期六、日及公众假期午市堂食有买一送一，环观四周，每台都会有碟乳鸽。其他小菜，例如虾多士、咕噜肉，同埋咸鱼鸡粒炒饭（有个靓名，叫做生菜丝马介休鸡丝炒饭）都好食。佢哋啲点心唔系用蒸笼上，净系用碟上，如果一台好多嘢食嘅时候可以悭返啲位。椒盐豆腐就做得太干，喺首本名菜个list 里面里面嘅大良炸牛奶就真系麻麻啦，个质地似硬咗嘅yogurt 多过似软滑嘅炸奶，同埋偏咸。假如佢想做一个特别版嘅炸奶，就唔应该叫做大良炸牛奶，应该改过另一个名。养生小米糕就几特别，望落似蒸蛋糕，唔甜，对于养生嘅人来讲不失为一个食咗甜品好似冇食嘅选择。但系对于想去食甜品嘅人来讲，呢个小米糕根本就不是甜品，因为一啲都唔甜。餐后送嘅腐竹薏米糖水，个蛋味好出，应该系打咗啲蛋落去一齐煲到好溶，蛋味仲出个腐竹嘅味。钟唔钟意，就系睇个人喜好啦。
继续阅读
跟朋友光顾了这家餐厅，意外发掘了一件港式美食宝藏🍲！要说生菜鱼茸粥，简直是绵滑得不得了，生菜的爽脆加上那鱼茸，咬落有劲、鲜香得滴水，每一啖都让人回味无穷。再来的红烧乳鸽，外皮烤得啱啱好，脆口之余仲保持肉汁鲜甜，咁的处理真系几有水准👍。当然，最惹味嘅一定唔少得𠮶个炸馒头了，外皮啖啖香脆，一沾炼奶就化咗舌头，喺旧香港街头味道中细细品尝。系咪感觉有少少怀旧啊？鸡蛋马蹄糕同样出色，马蹄清甜咬落爽口，加上鸡蛋，完全系够哂味！牛肉球唔系太多花巧，纯粹肉香，有啲鲜美，跟住系酥皮蛋挞令我有少少唔舍，酥脆蛋香，虽然有一丝意外嘅气味，不过都唔减分味。而最后𠮶份马友鸡粒炒饭，卖相普通但味道正到爆，每粒饭粒都跳起舞来，唔单止干身，佢哋每一啖都夹带住满满的香味😋。总括来说，这次体验真系可以话系味觉上的一次小旅行，满满的本土风味和亲切服务，下次仲想再黎！
继续阅读