影片
大埔出名嘅醉鸡之一系大埔街坊之间出名嘅醉鸡，所以搬到嚟大埔即刻试下佢。门面望入去就觉得系一间普通嘅粉面舖 ，餐厅内灯光明亮，坐立简洁 。餐牌贴系不同位置嘅墙上面，一目了然 。我就叫咗一个招牌花雕醉鸡，虾籽捞粗面同加咗杯冻菜蜜 。佢嘅性价比非常高，每一样食物嘅价钱都系$50楼下，好适合粮尾又想揾饱肚食物嘅朋友。😊佢嘅花雕醉鸡同虾籽捞面一上枱，心里面「wow」咗下，两样食物都系各$30，但都系好大份😍份虾籽捞粗面俾咗好多虾籽，食每一啖面都可以食到好浓味道嘅虾籽，就算食到最尾𠮶啖都仲有。重点赞下系个汤，好够味得嚟又清甜👍醉鸡浸得够入味，佢嘅酒味唔太浓，鸡肉质鲜嫩。Joyfoodstop心动值:💓💓💓/5（以上评价纯属个人口味）许记面家(香港)地址: 香港大埔翠乐街11号美丰花园8号地舖电话: +852 61395632
继续阅读
作为一间太和居民的街坊食堂🍚许记所售的粉面一向以「平靓正」见称😎当中的花雕醉鸡更是深得民心，基本上是每个食客的必点之选🤩———————————————————————虾籽份量看似不多🦐但入口咸鲜味道非常浓烈😳直头有少许在吃虾酱的错觉🤣所以此等份量已经相当足够，再多反而太重口味👌🏻如果还是觉得太浓的话亦可拌入配送的大地鱼汤🐟汤头味道鲜甜无味精😋可调校浓淡之余亦可令层次变得丰富👍🏻面条方面质地口感爽弹😃有少许如橡筋般的韧性，而且完全没有奇怪的碱水味😚质素合格有余✌🏻原只鸡髀肉量十足🐔肉质相当实净但就未算嫩滑🤔醉鸡汁酒味清淡🍃虽然避免了抢喉的酒精苦涩味，但酒香味亦未免过分内敛😅花雕份量再加重一点会比较好🧐而甜味方面亦相当轻柔😗整体调味可以说是十分温和，相信能迎合大部分人的口味😇———————————————————————许记一向的定位就是街坊生意👫即使成名后亦没有坐地起价，继续以相宜价钱和平稳水准服务区内居民😚
继续阅读
之前出嚟踩夜车，经过附近买宵夜，发现有一间面舖。平时朝头早真系好少过嚟呢边，今日专登出嚟食个下午茶。连早餐同午餐都未食。所以一口气嗌咗个牛腩捞粗加虾籽。另外再叫多份醉鸡。上餐嘅时候见到份牛腩呆咗，超大份，不过望落去应该系牛肋条，同预期有少少出入，不过分量赢咗。个搭粗上面啲虾籽都落得几多。跟住试埋佢个醉鸡，最厚身𠮶啲位虽然唔系好入味，但系整体嚟讲都好好食。见到对面位人兄将啲醉鸡汁捞落个汤面里面，我又学吓捞落去个捞面𠮶度，食落去又冇咁干，再饮返啖汤和一和佢，呢个下午茶超满足。
继续阅读
平时极少去大埔依个地方，对于有咩美食都系零概念，今次专登问左住大埔既朋友仔有咩推介，佢谂都唔谂就推左许记面家依间醉鸡，既然佢咁讲就紧系要试试佢啦。我系星期日既下午去，虽然都坐满哂但我都唔使等就可以直入去,入到去见到每枱都叫一碟醉鸡，咁睇黎真系好出名。由于我地食左个好丰富既早餐，唔算太肚饿，所以我地只系叫左一碗面同一碟醉鸡。🔸招牌花雕醉鸡一上菜见到个卖相已经好吸引，系鸡髀位置，食落花雕酒味都几入味，肉质都算滑，唔会好老同埋又唔会好大旧骨，啖啖肉，以依个价钱黎讲绝对值得试。🔸虾籽捞面虾籽捞面个份量都好多，佢仲会有碗汤比你可以同个面一齐食，两种食法，虾籽好多，配落个面到好好食，面个质地又唔会好冧或者好硬，岩岩好。总括依间店既野食价钱亲民得黎又好食。
继续阅读
呢间粉面店系我住太和𠮶时成日去食，偶尔去开大埔都会encore🤤🤤好食又抵食❤️#鲜肉云吞米粉 $29我自己钟意鲜肉云吞多个鲜虾云吞😆呢间有鲜肉云吞，细细粒，一碗5-6粒左右，味道好❤️#招牌花雕醉鸡 $30必点一❤️ 呢个次次去食都会点，个醉鸡好够「醉」好入味👍👍我钟意佢个汁偏甜少少～仲要大大只鸡髀啖啖肉🍖 又滑🤤 推介🙌#卤水猪耳仔 $30必点二😂卤水好食，仲好香麻油味，而且份量都多#清汤牛腩河 $40呢个第一次叫，牛腩算腍同入味，都唔错～推荐呢间个醉鸡髀，够入味又啖啖肉❤️猪耳仔都系我「飞佛」，呢两样必点❤️呢间价钱又合理，支持小店🫶🏻
继续阅读