譽興餐廳

平时都会到街市熟食中心或桂林街吃早餐，今天早上有时间就在附近试下不同的餐厅，可惜的是感觉一般。早餐餐牌，最常见的那种配搭，没什么特别，但在同区来说也没有特别贵或便宜。叫了个沙爹牛面餐，心想正正常常的话都不会太差吧。这是沙爹牛     面。为什么沙爹牛和面隔了这么远？因为它是沙爹牛加一个清水洽熟的面，沙爹牛和面是合不埋的。就算把那几块牛肉疯狂搅拌，那个面都没有沾到多少的沙爹汁……那个汤也很淡。蒜香多士+烟肉煎蛋，这烟肉的份量就是图中这么多，并没有被多士遮住的。味道还算正常。跟餐的茶走，没有甜味，可能是炼奶落得不够。而茶底也不是很香。感觉就像是为了控制成本而把食物质素放在一个优劣边缘，希望提出意见能让他们有所改善。…查看更多

今晚宵夜谂唔到食咩好。呢晚朋友有驾车。随即跟他车.由他发板去食咩..入到饭堂己有一阵烧烤味。由头到尾都是朋友话事食甚么！原来朋友在驾车途中己通电落order......坐下不久就一客生虾同鸡软骨本人特别喜好烧茄子。烧海鲜亦有心的食物。此餐厅好有心思做每款菜式…查看更多

一行6人叫左好多野食，食左好多烧海鲜，埋单1千松D，好抵食。生虾 $78虾爽口新鲜，估唔到配苦瓜又几好味，清清地。有保鲜纸将生虾同冰隔开，较卫生。口水鸡 $38好抵。朋友认为有点咸，唔够辣。个人就认为辣左少少。肉质唔系雪左好耐或好林果D，麻辣味够。串烧鸡软骨 $14/串叫左两串，可能店员见我地人多，用左碟上，问我地介唔介意。无所谓，都好，如果一串串我地好难分黎食。呢个要推介，每一粒都有少少肉黐住，又唔会烧到干晒。伴碟沙律菜新鲜，朋友话唔好浪费，食晒～串烧牛脷$18及串烧四季豆$12牛脷，本人本身唔食既，无食到，不便评论。四季豆出色，唔干，又冇丝，Ｄ豆唔老。少少辣辣地，好食～茄子$28呢个一定要赞，食完一条，朋友忍唔住要即刻再嗌多一条。自从N年前在向西村金稻园食过烧茄子，便爱上了。但一直在香港都食唔返果种入味又有蒜香既味道。一系就烧得唔够透，茄子唔林，一系就冇乜味。呢条茄子真系冇得输，一来够林，二来非常入味，蒜茸份量恰到好处，而且价钱合理。麦皮虎虾$98一开始唔知咩黎，估唔到同虾可以配搭倒。虎虾大只，新鲜弹牙， 麦皮香甜带脆，值得一试。盐烧仓鱼 $198其实本身系$98，不过老板见我地人多，问我地会唔会想要条大Ｄ，两斤。我地本身都好钟意食鱼，所以就要左条大既。唔好系都等得耐，要25分钟左右。开头店员讲，我地都吓左一跳。店员话因为即叫即烧，由生烧到熟系要甘耐，话老板吩咐落如果一早烧定会冇甘好食。同埋佢话我地有其他野食住先，一路食一路等唔会觉得太耐。食食下，仓鱼终于黎，上枱时仲见住有烟出，好热，证明岩岩烧起。唔点汁都好好食，味道鲜，鱼身入面有香料腌住，好入味。肉质嫰滑，绝对唔系雪藏鱼。店员应该冇呃我，唔系事先烧定。烧蛏子皇 $53/只好大只，肉身肥美鲜甜。呢个好似唔系日日有，要睇店外是日精选果个牌。烧元贝$32/只好味。够大只，烧得刚好，带出元贝既鲜甜，忍唔住要饮埋剩低0系壳既汁。烧鳝$38/串卖相几好，烧到金色，松脆可口。娘惹咖哩鸡配薄饼 $88咖哩香，不太辣，薄饼烧得刚好，脆口得来唔会太油。整体黎讲，呢度野食唔算多，但每样野都比预期中好味，有水准。因为睇佢门面唔似系甘好食既。可以再黎。…查看更多

今日系深水埗试左一间隐世小店，绝对要强烈推介。麦皮牛油大虾炸得干身，表面洒上脆脆的麦皮，又加入了炼奶，食落惹味，还带点香甜。沙嗲串 ，由老板发板，有扇贝，牛肉、猪肉、鸡肉、猪颈肉和白鳝，肉质上乘，餐厅的秘制酱汁做得浓郁，很香。安格斯牛扒，经慢煮后，会煎香表面🐮而且牛扒都算厚又大块，每一啖都食到油香，又够稔又有肉汁💦所以食落完全唔会干👍🏻。辣酒煮大蚬我就最钟意，鲜甜弹牙的蚬肉，还有鲜香的汤汁，十 分 鲜 甜 ， 蚬 肉 入 味 之 余 ， 仍 然 十 分 弹 牙 爽 口 及够晒惹味。泰式生虾刺身，肉质特别爽口弹牙，酱汁出色，鲜虾味浓郁!无水蒸泰式仓鱼，鱼肉鲜嫩，更能突出鱼的鲜味。最后，娘惹咖喱，浓香不辣，再配薄饼，酥脆可口。整体食物非常好，服务又好，又坐得舒服，good.…查看更多

喺附近返工，平时都有经过呢间餐厅，但见佢晚上拉晒闸唔开。前日见到门口摆晒开张花牌，之后听倒话夜晚比左另一班师傅做东南亚串烧。人唔算多，见都有三、四枱食紧，反正唔洗等位，就同几个同事入去试下。味道几好，价钱都好抵，全单9折。唔好既系串烧有少少慢，见佢啲串烧即叫即烧，都要等10分钟左右。店员都几积极介绍有咩食。有个麦皮虎虾几特别，好好食，麦皮脆，甜甜地。烧白鳝味道可以, 不过如薄返少少会好D，会较易入口。生虾配苦瓜，几特别清新。…查看更多