譽興餐廳 (已結業)

平時都會到街市熟食中心或桂林街吃早餐，今天早上有時間就在附近試下不同的餐廳，可惜的是感覺一般。早餐餐牌，最常見的那種配搭，沒什麼特別，但在同區來說也沒有特別貴或便宜。叫了個沙爹牛麵餐，心想正正常常的話都不會太差吧。這是沙爹牛     麵。為什麼沙爹牛和麵隔了這麼遠？因為它是沙爹牛加一個清水洽熟的麵，沙爹牛和麵是合不埋的。就算把那幾塊牛肉瘋狂攪拌，那個麵都沒有沾到多少的沙爹汁……那個湯也很淡。蒜香多士+煙肉煎蛋，這煙肉的份量就是圖中這麼多，並沒有被多士遮住的。味道還算正常。跟餐的茶走，沒有甜味，可能是煉奶落得不夠。而茶底也不是很香。感覺就像是為了控制成本而把食物質素放在一個優劣邊緣，希望提出意見能讓他們有所改善。

今晚宵夜諗唔到食咩好。呢晚朋友有駕車。隨即跟他車.由他發板去食咩..入到飯堂己有一陣燒烤味。由頭到尾都是朋友話事食甚麼！原來朋友在駕車途中己通電落order......坐下不久就一客生蝦同雞軟骨本人特別喜好燒茄子。燒海鮮亦有心的食物。此餐廳好有心思做每款菜式

一行6人叫左好多野食，食左好多燒海鮮，埋單1千鬆D，好抵食。生蝦 $78蝦爽口新鮮，估唔到配苦瓜又幾好味，清清地。有保鮮紙將生蝦同冰隔開，較衛生。口水雞 $38好抵。朋友認為有點咸，唔夠辣。個人就認為辣左少少。肉質唔係雪左好耐或好林果D，麻辣味夠。串燒雞軟骨 $14/串叫左兩串，可能店員見我地人多，用左碟上，問我地介唔介意。無所謂，都好，如果一串串我地好難分黎食。呢個要推介，每一粒都有少少肉黐住，又唔會燒到乾晒。伴碟沙律菜新鮮，朋友話唔好浪費，食晒～串燒牛脷$18及串燒四季豆$12牛脷，本人本身唔食既，無食到，不便評論。四季豆出色，唔乾，又冇絲，Ｄ豆唔老。少少辣辣地，好食～茄子$28呢個一定要讚，食完一條，朋友忍唔住要即刻再嗌多一條。自從N年前在向西村金稻園食過燒茄子，便愛上了。但一直在香港都食唔返果種入味又有蒜香既味道。一係就燒得唔夠透，茄子唔林，一係就冇乜味。呢條茄子真係冇得輸，一來夠林，二來非常入味，蒜茸份量恰到好處，而且價錢合理。麥皮虎蝦$98一開始唔知咩黎，估唔到同蝦可以配搭倒。虎蝦大隻，新鮮彈牙， 麥皮香甜帶脆，值得一試。鹽燒倉魚 $198其實本身係$98，不過老闆見我地人

今日係深水埗試左一間隱世小店，絕對要強烈推介。麥皮牛油大蝦炸得乾身，表面灑上脆脆的麥皮，又加入了煉奶，食落惹味，還帶點香甜。沙嗲串 ，由老闆發板，有扇貝，牛肉、豬肉、雞肉、豬頸肉和白鱔，肉質上乘，餐廳的秘製醬汁做得濃郁，很香。安格斯牛扒，經慢煮後，會煎香表面🐮而且牛扒都算厚又大塊，每一啖都食到油香，又夠稔又有肉汁💦所以食落完全唔會乾👍🏻。辣酒煮大蜆我就最鍾意，鮮甜彈牙的蜆肉，還有鮮香的湯汁，十 分 鮮 甜 ， 蜆 肉 入 味 之 餘 ， 仍 然 十 分 彈 牙 爽 口 及夠晒惹味。泰式生蝦刺身，肉質特別爽口彈牙，醬汁出色，鮮蝦味濃郁!無水蒸泰式倉魚，魚肉鮮嫩，更能突出魚的鮮味。最後，娘惹咖喱，濃香不辣，再配薄餅，酥脆可口。整體食物非常好，服務又好，又坐得舒服，good.

喺附近返工，平時都有經過呢間餐廳，但見佢晚上拉晒閘唔開。前日見到門口擺晒開張花牌，之後聽倒話夜晚比左另一班師傅做東南亞串燒。人唔算多，見都有三、四枱食緊，反正唔洗等位，就同幾個同事入去試下。味道幾好，價錢都好抵，全單9折。唔好既係串燒有少少慢，見佢啲串燒即叫即燒，都要等10分鐘左右。店員都幾積極介紹有咩食。有個麥皮虎蝦幾特別，好好食，麥皮脆，甜甜地。燒白鱔味道可以, 不過如薄返少少會好D，會較易入口。生蝦配苦瓜，幾特別清新。

步行了15分鐘去找一間位於大南街的麵店，但是去到，才發現原來已經倒閉了，換了做另一間餐廳。結果為了方便，就在回程的時候，去了這間在飛鷹斜對面轉角位的茶餐廳。這間茶餐廳，不知什麼緣由，好像經常會易手，結果，入到去先知道，沒有了焗豬柳那個餐，於是點了一個香草龍利柳飯。以湯來說，這個忌廉湯其實質素不錯，溫度夠熱，而且味道不會太鹹，內裏還有幾粒薯仔，算是誠意可嘉。香草野菌汁龍利柳飯，我不覺得這是真正的龍利柳🤔，因為以往吃龍利柳，感覺龍里樓的肉質比較爽口彈牙。而這一款，卻好像非常軟林，甚至乎，口感有點兒「梅」。我感覺就像佳寶凍肉櫃那一種平價的鯰魚柳，味道極普通。凍檸茶，味道也非常一般，流於表面，只有華麗的外表，加$3凍飲也不太好。這樣一個求其午餐也$48，無下次。