譽居

营业中

休息中

老實講，行到譽居門口，聞到陣陣燒味香嘅時候，我已經覺得好正！先來一講，佢個蜜汁叉燒外皮香甜得嚟又唔會太膩，肉質嫩滑，真係啱哂我呢啲唔鍾意太肥嘅朋友。再講講嗰爽口燒腩，皮脆得嚟肉質仲鬆化，真係正到爆燈！每一啖都足夠激發我嗰種「食得出神」嘅滋味。話說返個日式咸水角，揼低一口，知道香港有呢啲古怪美味，真係過癮！入口係先酸酸地，跟住就嚟個意外嘅辛辣Wasabi驚喜，加埋嗰脆脆嘅草菇，食嘅我心花怒放，玩味十足。至於嗰碗鮮蝦雲吞麵，嚟講真，我以前對雲吞都係分手既態度，但佢個雲吞係大隻嘅蝦肉，皮薄餡足嘅完美組合，攪到我對雲吞重燃愛火。至於嗰梅菜燒鵝粒炒飯，嗰香口程度撲鼻而嚟，我都忍唔住多食咗幾筷！結埋賬之前，我都忍唔住要激讚吓佢個砂鍋膏蟹粥，光係聞嗰香味，已經令人心癮癮。每一啖飯粒都入味，每啖都有蟹肉，食到最後一啖都仲想再黎一碗！同埋，摸摸肚，都算係飽得嚟得意！下次同班朋友過嚟，我一定要介紹佢哋嚟試下譽居嘅滋味！🥢🍚🦀

一開始攞飛嘅時候出面有少少， 我三個人食攞完飛前面仲有六枱， 我等咗成廿幾分鐘， 仲有兩台要等。 入到去之後， 點餐用手機點， 送嚟嘅第一個餸小籠包，唔畀小籠包醋 佢畀咗個空嘅細碟， 用掉過嚟嘅方式，個碟喺張枱度仲原地轉咗幾圈。 之後想吹單加叫外賣， 個店員過咗嚟對住張紙講咗幾句嘢幾秒唔到走鬼咗， 最重要係單又冇吹外賣又冇叫到， 傻間間坐咗十幾分鐘， 之後再叫第二轉先有人幫， 第一轉幫我哋吹單嘅仲好似係樓面最大嗰粒，著住嗰件衫完全唔同。

明明5個人去飲茶，但佢聽左6個，叫佢改返5個人，態度仲要好差，陳經理話明明聽到你地話6個人🤷🏼‍♀️真係好無奈。食餐飯都要受氣。。。明明係你自己聽錯仲要話我？之後要加水 舉咗幾次手，等咗成8分鐘都未有人加。。。食依餐飯真係食到背脊骨落，你哋係服務性行業日日對住客人，唔應該係咁樣 今時今日咁嘅服務態度真係唔得👎🏼貴公司真係要好好 training 依一班員工。改善貴公司嘅服務態度做嘢，要快手啲唔好成日要客人等。

最近家人常到呢間餐廳飲茶。地方大，座位闊落，卡位多。粥品好吃，叫了魚片粥，豬膶肉丸粥，味道好好。雲吞麵亦是必點，沒有鹼水味道。燒賣好好食，個人口味喜歡豬肉同蝦比例剛好。食完不會覺得咸。基本上全部的點心都好食。唯一是叫了咸水角，催了4次單，最後埋單走依然沒有出點心。經理沒有表示抱歉，立即執枱，大叫廚房cut單，令客人感覺好差。其實餐廳當時不忙，門口亦沒有客人等入座，絕對不至於沒有時間問廚房。如果本身沒有咸水角，或是等要好耐好耐，應該一早同客人講，最後剩坐30分鐘只等呢一個點心亦沒有出。好食，但感受不太好，要改善。

今日去商場不用排隊可用QR code 落單的食肆 點了鮮蝦雲吞麵 荷葉飯 鳳爪 雞包仔 蜂巢芋角 很快上枱的是鮮蝦雲吞麵$45雲吞蝦夠爽但冇乜豬肉 味道可以的 湯頭清有韭黃 不錯，接著是芋角$30 炸皮很薄脆但餡太少 芋頭太濕軟淋 碟底有油漬 要減分了，鮮蝦荷葉飯$39像樣 味道較濃烈 蝦冇味 幸好夠熱 上枱時出煙的👍，最驚喜是小名氣的雞包仔$28啊😋😋😋十分足薑味有薑絲 好好味 成為今次頭號名物 至於醬皇鳳爪$28沒有紅紅色素 有原色蠔汁蒜茸辣椒味道 不太淋身 剛剛好 值得一讚👍😋 覺得食物有水準 下次會再來試其他出品☺️

跟家人去Popcorn，路過見到譽居有約干人等緊位，見餐牌竟然有茶樓點心，心癢癢想試下！同行四大一小，點左粥、炒麵、4個點心、3個甜點。一上枱就係羅漢齋炒麵，好香脆，而且十分足料大大碟，小朋友都好鍾意食，呢個真係抵食～$70！再點左肉丸粥及陳皮牛肉腸粉，自製肉丸真係有驚喜，肉嫩好味！牛肉腸粉更係啖啖肉，而且有馬蹄及芫茜，讚！蜜汁叉燒包入面醬汁多，而且唔多肥肉果下好啱口味！👍馬拉糕夠鬆軟，小朋友好鍾意！😌自己本身好鍾意食鮮蝦燒賣皇 $44，但真係唔係間間好食，但呢間食完係再想食，啖啖肉，而且唔算多肥肉，肉質彈牙，材料新鮮！每次去茶樓都會試下生磨蛋白杏仁茶，呢間大大碗都只係$37，仲要食落同貴餐廳差唔多！再點左薑汁糕及順德燉雙皮奶，兩款都喜歡！大枱唔多，所以5人較難等位，唯有坐卡位加椅，如果多點大枱更好！😌

平日經常行開將軍澳地鐵站.係PopCorn見到（譽居）經常有人客在門外等叫籌入座.呢度日間有中式茗茶點心.經常爆滿.係度都叫過外賣燒味飯.啲燒味都唔錯！今晚專程試吓佢哋嘅小廚.因為我哋時間尚早.未夠夜晚七點.所以很快便可入座。今晚點餐如下：1. 芝士焗珍寶蝦球 X1 $178元 芝士香濃.蝦球爽口彈牙.啲伊麵好掛汁.但啲蝦好似咸咗啲啲👍😋😋😋2. 山渣汁肉排 X1 $85元 話明係肉排.唔知點解嚟咗骨排.骨頭多過肉.舊舊骨無乜肉.啲肉乾過頭.死實實.單靠芡汁同埋啲配菜青紅甜椒/洋蔥點絕！😅👎3. 瑶柱竹笙燒豆腐 X1 $85元 呢個靚.唔使講瑤柱同竹笙唔會好多.但啲豆腐好靚.好香豆味同好滑溜.豆腐都唔少.啲芡汁同埋啲豆腐好夾.👍😋😋😋4. 柱侯牛筋腩 X1 $78元 講明係牛筋腩.牛筋有兩舊仔.其他係牛腩.但係都炆得好冧入味！其實呢個價錢都算幾底👍😋😋😋

前幾日約左朋友去行山，諗住飲個早茶先出發！所以就去了老地方！這間中菜館，是我一直都推薦，好味道嘅中菜館！平時都會食午餐，下午茶！今次就試吓食早餐！同樣覺得好好味道！服務態度又好！

對於我來說，這間中式餐廳是我的飯堂！因為已經吃了很多次！我最欣賞就是他的燒味飯！真係好好味道！點心又夠出色！無論將軍澳分店，還是日出康城分店！我也是捧場客，加上這個價錢，絕對性價比超高！

呢個價錢，呢個質素，我比200分，環境、工作人員；清潔、食物、一切都好好！五保飯以為比平嘢，結果幾好食嘅雞翼，價錢平，以為個飯好細，但係食到好飽。最難忘係，林食完嘢俾錢，打爛咗冇怨言，立即幫我清潔， 10分細心！

點心食物味道係幾好食既。但服務態度就令人失望。腸粉不太厚，鮮蝦腐皮卷新鮮炸起，食的時候仲係好熱。蝦餃燒賣都好食。荷葉飯，本來有期待。味道係好食既。點知食嘅時候竟然發現有雞蛋殼，其實本身想同職員講叫佢哋注意吓，驚俾小朋友唔覺意吞到。(上圖的右上角)叫職員，個個都扮睇唔到。之後傳菜阿姐通知了應該係部長或者經理的丫姐過嚟。點知佢竟然答：「有雞蛋殼，好正常喎，炒飯要用雞蛋喎。」滿腦子疑問❓乜原來炒飯應該要有雞蛋殼喺入邊㗎 ？我哋當堂「吓」左一聲。之後佢再補多句「咁幫你取消囉。」呢段期間，佢係用一個極度晦氣的語氣說話。老實講，我哋並唔係稀罕免費三十幾元的荷葉飯。只不過諗住善意提醒注意多少少。而且果片雞蛋殼都幾大片。一個唔覺意，真係會界傷喉嚨。其實忙中有錯，大家都會體諒。好聲好氣講句唔好意思，好難為你咩？

有時候不想經常吃西餐，偶爾想食下中餐，我們便會走到Popcorn的譽居吃晚飯，而且人不會太多，不用排隊，可以一試哦！❤️❤️❤️這間譽居頗特別的，晚飯時間你仍然可以點點心吃，點心的質素都不錯，即叫即蒸都很新鮮的！除此之外，亦都有一些粥粉麵飯可以點的，選擇都是多元化，飯的話都可以點福建炒飯、炒飯，炒麵等👍🏻👍🏻👍🏻最後仍有一些很傳統的甜品、糖水可以點，因此吃完晚飯後再吃甜品，都是非常滿足的中菜廳❤️❤️❤️

今天放假，當然要嘆一個早茶。這間餐館在星期一至五早上11時前，或星期六日早上10時前有早晨孖寶。孖寶都幾多款式，有皮蛋瘦肉粥、艇仔粥、蠔豉牛肉粥，又有荷葉飯、鳳爪排骨飯、章魚肉餅飯、鮮蝦三寶餃，鮮竹卷等等。今天叫了皮蛋瘦肉粥，皮蛋和數，肉的份量也不錯，但味道麻麻，一食落已知道很多味精，而且粥底冇乜米，個樣杰杰地但是不好吃，完全不覺得是食粥，食完不停飲水另一個點心鯪魚球，就正正常常幾彈牙水準還可以不過最值得一題是，這間餐館員工的態度，上次門口的接待員，下次收銀和侍應，只可以用五個字形容：寸嘴冇禮貌

食物還可以，個別員工服務態度需改進。於17/03/2023早茶時段，穿格子套裝的那個女樓面待客態度欠佳。客人提醒她不要攪亂同枱不同組別客人的單據，她不領情及誨氣回應。

去買一碗麵外賣，要求淋啲給老人家吃，但在外賣收據上沒有顯示。於是回頭向收銀員查詢，但收銀員態度惡劣，語氣「非常之重」，加上「手指指」的不停說「我唔知！！你自己搵經理查！！你睇吓電腦有冇打入去！！」。而剛剛個女經理在電腦房立即開電腦，「喝」我過來說：「你自己看！電腦有沒有輸入！你自己看！你自己看！」。其實向收銀員查詢一下，如果說已輸入了，其實便可以完成查詢，為什麼要這樣喝顧客呢？！