譚魚頭火鍋 (已結業)

同同事去食午餐,叫左一堆點心同幾個餐.味道一般.擔擔麵同小籠包都唔係好踮.

朋友生日, 一班人相約去火鍋店慶祝, 湯底分開左痳辣同埋蕃茄, 痳辣方面叫左中辣, 其實都唔係好辣, 不過我唔食得辣, 只好主攻蕃茄湯.點左都有十幾二十樣食品, 比較深刻印象既有:象拔蚌: 新鮮+鮮味~羊肉片: 帶有羊穌味, 肉質幾好駝鳥肉: 十成熟都唔靭, 肉質幾似牛肉魚蛋: 好爽口~蟹子魚蛋: 比魚蛋更好, 因為內藏爆醬蟹子, 食落幾特別, 而且蟹子都好鮮味.另外酥肉同滬式小籠飽仲特別, 酥肉有d似炸左但未加汁既古魯肉, 不過照樣放湯打邊爐, 另外滬式小籠飽(睇相) 我地已為係蒸好既.不過原來係未蒸既小籠飽, 個皮仲柔軟粘貼咁, 都係放湯打邊爐用, 雖然呢2味都係一般, 不過估唔到佢地都可以用黎做火鍋.每位$260, 都算ok, 服務地方都唔錯~ 不過食完一身油煙味, 同埋都好熱氣下.

星期六下午原本唸住去試下佢地d火鍋但估唔到呢度都有點心食添點心好食但太過的色環境同地方一流但價錢就貴左d下次真的要試下佢d火鍋先得

早幾日同朋友去譚魚頭﹐坐“卡位房”﹐有電視係好﹐值得讚﹐但係座位超窄亦係事實﹐我身高雖不足6尺﹐但食完已經有少少腳痺﹐下次我寧願坐大檯了。叫左麻辣鍋﹐諗住可以一過口辣舌麻之樂﹐而個鍋湯底亦好好“顏色”唔食慣麻辣鍋真係未必敢食﹗但係原來係噩魚頭老襯底﹐麻就有少少﹐但同個辣字仲差好遠﹗基本上D食物都算新鮮﹐OK﹐但如果各位麻辣FANS諗住食佢勁麻辣的話﹐可以考慮第二間。服務算不過不失啦﹐但係速度真係幾慢﹐我地個鍋催左三次先黎﹐叫加水又話要等陣﹐等下等下個鍋開始有噥味﹐加水呢樣真係唔等得。我諗有機會我都會再幫襯﹐但唔會再幫襯麻辣鍋了. 價錢則絕對唔算平﹐不過亦算可接受啦.....

I visited this restaurant last Friday, the food come fast and the waiters were polite and informative. They also installed TV sets in each individual partitions.The spicy soup is great though not very spicy and the tomato soup is tasty too!!Don't know why ppl said it is not worth and bad.

D湯底一d唔辣,小肥羊好食好多啦! 服務差,飲品好難飲,食物黎得好慢,貴都唔講比而家香港一般火鍋都差,個魚頭同一般魚頭一樣,都唔知點解會出名.仲有d位好窄,坐得好辛苦,真係食得辛苦.

星期一晚同朋友食飯, 朋友手上有4張譚魚頭火鍋現金卷, 我又未食過, 走去試下先。打電話去訂檯, 小姐話已經滿了, 可以來等檯。8:25pm去到等檯, 已經十分多人, 就算訂左檯都要等10至15分鐘。等左30分鐘, 終於有位喇。上到樓上地方比較細, 因為佢地既裝修係4人檯形式, 所以如果人多或者5,7位朋友食飯, 會比較麻煩少少, 以我所知佢地只有3張大檯, 如果多人食飯, 記得訂檯呀。湯底有辣同不辣, 不辣的湯係蕃茄湯,而佢地所謂辣的湯我又唔覺得太辣, 如果喜歡叫湯底時可以要大辣, 視乎個人喜好。食物方面同其他火鍋店沒有兩樣, 都是普通貨式, 如果你想食海鮮, 對不起,他們是沒有供應的; 一定要叫魚頭, 因為魚頭都大大份, 幾抵食架。講d價錢比大家知啦:湯底每位$28手切肥牛$88美國肥牛$48魚頭每份$48辣魚頭$48粟米$18珊瑚蚌$58鮭花蚌$58豆卜$38總括來講食物係非常普通, 價錢都略貴,但係蕃茄湯值回票價, 我都飲左好多碗蕃茄湯, 佢地會不停為你加湯, 唔係加水, 原汁蕃茄湯, 非常美味。