譚仔雲南米線 (新城大廈)

营业中

休息中

9點鐘食譚仔 依舊好多人等位 大約等左15分鐘就有得入 叫左一個雞肉魚蛋米線 細土匪雞翼 細蒜泥白肉 魚蛋超級彈牙 可以話係我食過最彈牙既 平時我叫少米線 佢都仲係俾好多 今次終於少左啦 係我唯一一次食得哂 而土匪雞翼熱辣辣 雞肉又滑 食左一百次都唔會厭 蒜泥白肉雖然好紅 但其實一啲都唔辣 好食到我同媽媽要爭住食

要係銅鑼灣搵到平又鐘意食,都會有好多既選擇.如果想食辣既話,我就想到譚仔米線,重慶3少辣,食到眼水鼻涕一齊黎,都要照食.同埋蒜泥白肉自己係屋企係唔會識整,出黎食仲好味.加上土匪雞翼好吃到再來吃.簡單的一餐,HKD50既收費,有咁多野食,去快餐店食過飯都過左呢個數而且女仔係最鐘食湯粉.難怪店內比較多女仔

晚上十一時，很多食店已經開始關門，正當打算到茶餐廳吃，路過譚仔，竟然還沒有關門，關門時間為11.20pm, 竟然還讓我們進去通常到譚仔都是吃自選2餸，今日適逢不太肚餓，所以就試了碗大米線（$50），2個人share, 米線的配料可說是非常多,包括豬潤、豬肉、牛肉、雞肉、墨丸、牛丸、魚蛋、豆卜、榨醬、酸菜、生菜、竹笙等，每碗亦配有少量腐皮、芽菜和韭菜，岩晒鍾意試唔同野的我今次食左十小辣，有非常輕微的麻，不太辣，比清湯頭更香，如果個日唔想食辣，食呢個其實都唔覺食緊辣。不得不提的是豬潤，平時我都冇食開亦唔太喜歡食，但呢度的豬潤整得好滑，算唔錯土匪雞翼（$29/5隻）是每次黎的必食之選,充滿孜然味的雞翼，熱辣辣，外脆內軟，配上黑芝麻，非常香口大米線其實真係有好多餸，米線的份量亦比平常size 多,但又冇2碗甘多，除非不太肚餓,如果唔係2個人share 一碗其實都不會太夠

是日四點幾肚有點餓，經開有間譚仔逐點了一個四川椒子皮蛋，川椒雲耳，腩肉米線。四川椒子皮蛋，皮蛋量多賣相討好，夠辣川椒雲耳，雲耳夠爽口有麻辣味食一口會辣到想噴煙，唯腩肉米線沒甚特別味道一般。

5月1日, 平時食譚仔來來去去只會點相同的一、兩款送, 然後食完滿滿一大碗米線就飽滯一段時間... 今次嚟唔算太餓嘅我地醒喇~ 叫左個材料包羅萬有, 份量足二人份嘅過橋米線嚟share, arm arm好~::: 過橋米線 ::: $50大大碗米線同豐富得幾乎囊括餐牌上每一款配料嘅豬肉、牛肉、雞肉、墨丸、牛肉丸、豬肉丸、魚蛋、豬潤、豆卜、腐皮、芽菜、韭菜、榨醬、酸菜... 真係你想食乜都得~ 每款配料都有成兩三件, 全部加埋真係料多過米線! 豬潤、墨丸、牛肉等照樣好味, 除咗可以食到平時鐘意食嘅配料外仲有d令人驚喜嘅例如豬肉、榨醬、豬肉丸都唔錯喎! 米線其實大概係正常份量嘅一倍半, 如果兩個平時會叫少米線嘅人share應該都夠食!::: 湖南土匪雞翼 ::: $22由於雞翼癮起, 面對住過橋米線咁多配料都要再加料! 之前都以為土匪雞翼係辣嘅點知原來係唔辣嘅... 新鮮熱辣嘅雞翼外脆內嫩, 非常惹味, 外面粒粒黑芝麻更添口感~ 美味!::: 凍奶茶 ::: $8譚仔嘅飲品一向都頗有水準~ 呢杯凍奶茶要求少甜少冰做到要求之餘茶味與奶比例亦做得好! 而且夠大杯好襟飲~平時食譚仔揀來揀去都係一

美味譚仔，我閒來幾日就想食譚仔…………原因太簡單，方便快捷好味…………每日醫肚又可以飽滿……滿足食欲…………皮蛋係最愛，依種味我真係好中意，十分野味…………又其實吾太辛辣，真的太正了…………甘次第一次食，好好味呀…………又係同皮蛋同一種辛辣味，也都中意了……兩人以一定叫套餐。主要因為全部配料都有…………如果叫一小碗又要揀配料好難…………

必食的譚仔三寶，每次同男友食譚仔必叫一個超級大碗麵套餐，加一個皮蛋，再加一個雞亦。完美的配答，好好味。上面係超級大碗麵套餐，咩料都有，$50 甘大碗夠兩個人share ,好好味呀。依個皮蛋對於我黎講，完全冇得彈，太好味啦。睇個樣好紅，但其實吾太辣，好香ga~ 依個雞亦係男友至愛，五隻，有四隻佢自己食曬至夠.味道又的確幾好味，又夠汁，吾要好乾。

第一次寫食評, 多多指教!放咗工係銅鑼灣行下街, 行到肚餓一個人的選擇不多, 就決定食譚仔了一個人唔洗等位, 迫迫地坐埋一張坐咗4個人的圓枱, 開始冬天大家著衫比較多, 張枱變得更加迫叫咗碗墨丸麻辣米線, 好快就有得食首先講一下湯底: 我叫咗三小辣 (對我黎講啱啱好), 湯底少少奶白色, 唔會太咸, 而且好香, 如果喜歡辣但又怕辣的入門新手, 可以試三小辣配料: 配料唔會姑寒, 米線絕配的腐皮同"九"菜都加足, 值得一讚!墨丸: 大大粒總共有六粒, 食落有墨丸味, 唔錯!米線: 我食得唔快, 但食到最尾都唔會發大, 而且都幾彈牙最後食完都唔會太口渴, 所以味精應該唔多; 唯一唔好處就係D位太迫, 好多時都要5-6個人座一張細枱, 如果係坐位方面可以改善一下就好好了!!

小妹系超中意食麻辣粉,金日黎到cwb所以決定譚仔一番!!o(≧v≦)o➨一入到去好快有位坐,緊系即刻叫我至愛!!❶墨丸4小辣 $25 推介程度❤❤❤❤❤ (佢果d腐竹,芽菜吸曬辣湯既味道真系啖啖麻香停在舌中,墨丸又夠入味,彈牙,吸曬d湯既精華,米線又夠爽口,彈身,每食一啖條舌就麻了一下,超正)❷蒜泥白肉(細) $22 推介程度❤❤❤❤❤(蒜溶多,配上辣油,再加埋白肉,系絕配,蒜溶就咁食就有少少苦既,但如果你加埋辣油一齊食就無敵!!少少辣,少少痺,過癮!!)總結:食左麻辣既野真系會上癮!!宜家過一排我又會再食!!水準又平穩,可選之店回頭指數❤❤❤❤❤❤❤❤ 8分 (10分滿)外表♛♛♛味道♛♛♛♛環境♛♛♛♛服務太態♛♛♛氣氛♛♛♛上菜速度♛♛♛♛衛生♛♛♛♛情侶必到處✓✓✓♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥

譚仔與三哥，在港人心目中兩者的名字都代表著一款米線的口味；曾經，因為家附近有一間三哥，我和我姐幾乎每天都外帶三哥的麻辣米線回家當晚餐，還樂此不疲…有道是物極必反，這個味道竟然吃到有一天感覺相當嫌惡，此後接近三年都沒意欲再吃…直到最近朋友一直說起很想吃譚仔米線，此店才重新返回我的option list上…環境位置由cwb c出口穿過對面到謝斐道上已差不多能看到食店的招牌，地方相當便利進入店內，裝修是一貫的譚仔風格，放了多張圓桌，基本上和人搭枱已是指定動作！食物品評雞肉麻辣米線 走韭菜 小辣($29)下單時指明了走韭菜的，結送來時還是給了韭菜…跟店員反映，說幫我拿回去重做一碗，送來時卻發現只是把原來那碗碗面的韭菜拿走(欺騙我)，湯底下已經半混和在一起的配料，沒辦法完全把韭菜抽走，我邊吃還邊夾出了小山一樣的韭菜出來…算了，反正我也不過對韭菜過敏，就自己辛苦一點把東西夾開算了…除去韭菜，碗中還有芽菜和腐竹，還有我自選的雞肉，舖在碗面的配料看起來疏疏落落的，好像不怎麼豐富，但配米線一起夾起來吃，是可以一直夾到最後的，所以配料份量算是適中！芽菜爽脆，為整體增加口感；腐竹味道濃郁好吃，就可惜份量不多

本來一心徙步到銅鑼灣吃車仔面，新年期間休息未有開店，見好耐未有幫襯過譚仔，就吃碗米線吧! 一入門口，當眼處已貼著「由於租金、成本上漲，從2月14日起，價格將會調整」米線自由配搭 ($28/碗) 配一款餸，另加餸$5/款，由於米線只附少量九菜、芽菜、枝竹，而未有酸菜，吃米線冇酸菜不爽，唯有加多款餸 (酸菜 + 腩肉) 湯底有3款，酸辣、麻辣、清湯 (要麻辣（4小辣）原來又要加$1）麻辣湯底白雪雪，以為侍應亞姐上錯菜，呷口湯辣味非常，又麻又辣，真係估佢唔到。米線真係冇咩配料，可能真係租貴所致，唯有只呷湯送米缐，酸菜大路貨式，腩肉有點咸味、爽口，但肥肉較多 湯底冇乜味精，吃完沒有口乾感覺！配$8有凍飲，凍OT的檸檬薄得可憐 在乜都貴之下，吃碗米線($34/碗) 也貴價過人

路過呢間譚仔好多次,今次都係第一次入黎食,入到去先發覺原來佢都幾大,光線充足,環境都幾乾淨因為都有一段時間無食譚仔,坐低之後都要睇一睇menu先知食咩,叫咗小辣腐皮墨丸乍醬米線乍醬絕對係首選,甜甜哋,啱啱可以中和米線個辣度,同米線又好夾腐皮好滑,同湯一齊食真係好正,辣得過癮墨丸又中規中距

經常聽朋友同食評大力推介譚仔雲南米線,所以今次算慕名而來亦都好期待可能希望愈大失望亦愈大,唔係唔好食但係唔覺得應出名至此今次試左墨丸配雞肉米線配3小辣麻辣湯底墨丸同雞肉都係如平日普通食開米線一樣無特別真正賣點應該係個湯底3小辣麻辣唔算太辣,對唔係好食得辣既我尚可接受基本上麻痺感覺係主導,真正食到成個口麻痺既感覺亦試左土匪雞翼,土匪雞翼外面鋪滿黑芝麻,有小小辣,味道唔錯總括而言,如果有意試下個酸辣同麻辣湯底,譚仔都算不妨一試既

經過銅鑼灣, 突然好想食譚仔, 於是避開左銅鑼灣N間食店的引誘, 直向譚仔走去~一坐底即刻叫左個牛肉米線, 要酸辣湯底~不過等候時間都幾耐~見到咁多芽菜同腐皮就心花怒放~一飲個湯底, 正!對上一次食已經好耐之前, 但仍然覺得譚仔酸辣湯底係咁多間米線中最正的~牛肉也很大塊和很滑, 而且好多塊tim!不過價錢對比譚仔初初興果陣真係貴左好多, 記得果陣先$22一碗, 依家$26, 果陣酸辣湯底不收錢, 依家+$1, 仲要個乜料都有的大餐依家成$48, 我果時食先$33! 加左價超多!如果下次搵倒人特登陪我出黎食~咁就可以叫個大餐share, 圍埋一人先$24, 仲抵~

三月二十二日 (星期二)是日晚了做完gym,不想吃太飽,決定吃粉麵上次吃過譚仔,味道不錯,就選了上次吃過橋米線套餐,真不錯照版煮碗,點了一個和老公仔share另加新疆香草雞翼配料極多魚旦,牛丸,墨丸,竹笙,牛肉,雞肉豬肉,腩肉,火腿,乍醬,酸菜,豬膶芽菜,九菜,腐皮,生菜,豆卜…樣樣齊是晚比較具水準的有牛丸,雞肉和豬膶清湯底,我倆每人都可分得兩碗新疆香草雞翼,如其名很香口,而且燒得恰到好處,雞肉仍保持嫩滑很輕便又滿足的晩餐!