譚仔雲南米線 (大本型)

营业中

休息中

譚仔食得多 但係食咗咁多年 餐牌上有一樣嘢都一直未識過唔係唔食 係冇得食 經常都被貼上貼紙話冇得賣今日終於食得到啦巴蜀生腸（$24）：好爽脆 偏辣 其他調味唔突出 都幾腥 要考慮吓自己接唔接受到另外叫咗「過橋米線套餐」（$53）大大碗兩個女仔唔太餓的時候share啱晒天氣凍又叫咗杯「熱檸蜜」有點太甜😂 所以問店員拎咗杯熱水沖淡返啲

我屋企人幫我攞外賣單no. 屋企人無講錯野食都無錯單就錯曬 錢收多埋33蚊既野收我44我打返去問清楚打返去問清楚笑住講唔好意思就算😊？係咪如果我冇追問落去你哋就唔打算比翻個差額？我唔希望有下一次話咁嘅事情發生買外賣就係圖個方便你咁樣要個客來來回回咁攞返啲錢？明明就唔係繁忙時間可唔可以用心啲？份量味道一向都係其他分店水準中上酸辣程度次次都好平穩唔會差好遠米線軟硬一如既往地好，就算遲咗少少攞米線，將啲米線倒翻入湯到，都好快入味，軟硬一級棒。

我成日都叫外賣架，係繁忙時間都可以做到15至到20分鐘可以自取，認真唔錯。今次我遲咗好多去攞，但係米線唔會話放得耐而變得好林，都仲有口感、爽口！但係啲豬肉就大劑喇，因為啲肉或者送呢係浸落個湯度架嘛，變得有啲硬⋯ 同埋似無落調味料既豬肉就咁煮一樣淡味⋯🤦🏻‍♀️🤦🏻‍♀️所以強烈建議，如果你係叫外賣，你又唔會咁快準時去攞到嘅話，千祈唔好叫豬肉！蜜丸竹笙呢啲應該就最穩陣喇哈哈🤣🤣湯底就一如既往，水準標準ok！

本身係譚仔fans。食過牛頭角、觀塘等等嘅譚仔，最後都係覺得油塘大本營譚仔份量最多最抵食🤣🤣🤣墨丸好彈牙又多～米線倒入去之後好快入左味可以開動食～！唔記得叫埋豆漿不過食完已經好飽喇～

八點幾先放工 諗住同太太簡簡單單去譚仔食碗米線唔使等位 點知都係要等10分鐘 呢間譚仔成日都係咁多人 😅成九點幾先食晚飯 大家都唔係好肚餓 所以我哋兩個人叫咗一個過橋米線套餐 清湯底其實個米線套餐一人都分到起碼一碗米線(跟餐隻碗 未計餸) 仲有超過10樣餸 我地兩個人都夠食 咁夜都唔想食太飽 返屋企仲有空間食少少水果譚仔係簡單快捷的選擇

其實我已經去過數之不盡咁多次，今日路過大本營又再食。今次點左腩肉墨丸清湯，因為本人好唔食得辣，但唔知點解食落都係有小小麻辣味。先講下個湯，味道鮮甜，咸味適中，令人回味無窮，一飲就唔停得口。其次係腩肉，本身已經有小小咸咸地，食落口感好好，一層肥肉一層瘦肉，兩者混合互補不足。再者，墨丸有四大粒，粒粒都爽口彈牙，里面仲有好多細細塊既墨魚肉，感覺好充實，好足料。最後係個米線，份量好多，自問唔大食既人最好叫少米，而米線表面很滑，咬落去有小小韌性，配搭埋其他餸，口感異常地豐富。

無啦啦心隱起 想食譚仔不過原來調景嶺係無譚仔 專登坐一個站到油塘食尼間譚仔都係我第1次食 過左午飯時間都依然要等位 15分鐘入得 入到去原來舖頭面積唔大Order既野食其實都係個d 我仲另外order左土非雞翼同 麻辣豬耳2樣野食都好合standand 雞翼一如既往香口 唔知點解佢地既雞翼好似有秘方禁 好入味 外層可以做到油脆但唔膩既感覺 百試不厭但個豬耳個分量就好似小左 但味道依然一流

老公平時不太好米線，今天突然話想食譚仔，便來了大本型食。12時前來到，都等咗成10分鐘先有位。首先說一下個價錢設定（我同老公都不特別愛米線，所以好少食，孤陋寡聞請原諒），淨米線$15，一個$5，但係一碗一餸米線卻要$26，條數係點計？我可唔可以叫一碗淨米線然後加一個餸，俾$20？老公想叫淨米線，諗住加$1轉麻辣湯底，店員又話淨米線只得清湯。這個價錢及餐牌令人百思不得其解。算了，我叫個淨米線，$15。個湯底都幾鮮甜，也夠大碗。貫徹我食得清淡，生菜一碟，$15。正正常常的味道。老公被迫叫了一個一餸的麻辣米線，$27，魚片頭很大片，據他說，麻辣度夠。我很清淡時，老公重口味，要叫一碟酸菜，係一整碟而唔係加餸。$12。細土匪，$18。好多年前響也是在譚仔食過，但印象中很好味，呢一碟，我覺得味道比較淡，係個雞皮有些味。但我怕肥都無食皮，所以，都唔知自己食緊乜……老公真重口味，成碟麻辣皮蛋自己嘆。$17。佢話好好味喎，啲紅油。總結：清淡麻辣，各有特色。譚仔的食品也許不是最出色，但能做到米線龍頭，也是有點料子的。

Bill Tai Tai我最憎等位，幾好食都好，要等位就勢係假，不過由於老公大人最愛吃譚仔，今晚陪下佢啦。老公望穿抽水，終於落戶大本型的譚仔，直是油塘街坊恩物，米線方便又快捷，吃完起身行得，為從前"百無"的油塘生色"少少"。even分店越開越多，味道已經不大如前，(是吃純了嗎？)，譚仔依然不乏忠實粉絲！好久沒有吃蒜泥白肉(大) $34，一於叫個大size當餸食。最鍾意多多蒜，吃完一定口臭臭，好在老公肯陪我一齊顛，仲有喜愛吃那少少辣的醬，不過最令人卻步的是那兜滿滿的油，所以只可以久不久才吃一次啦。白肉切得薄薄，夾著少少蒜泥和辣醬一齊吃，最先來的大白肉比我地吃了一半，米線才來。 方便快捷的一餐！清清地，叫左清湯竹生腐皮米線老公大人的至愛︰酸菜雜醬雞肉清湯底