2
0
4
影片
以上资料只供参考，请与餐厅确认详情
出餐速度极度极度慢，平均5分钟出一碗面？完全唔明点解可以咁慢，试过喺13:38落单一碗面，等左半个钟都未有？想问点解，店内人唔多，外卖但亦唔多….完全系hea住做…
继续阅读
科学园谭仔外卖多次漏单错单，仲拒绝退款！早两个月已经错过几次单，不过都起码仲有野食食得饱，算。呢两日就开始离谱！事迹如下:4月15号，点谭仔识食之选套餐，其中包一份一人猪耳，我再另加3只鸡翼，结果漏一人猪耳。本人经外卖平台要求退款，被拒绝，理由系「已经出餐」4月16号，与同事再点两份识食之选餐，另外再加一份大份猪耳，又漏单，要求退款时被以同样理由拒绝。我与同事三次致电店舖，头两次无人接听，第三次「喂」两次之后被cut线。最后同事直接致电总公司投诉，方得退款。但重点系，唔系志在你地果几廿蚊退款，而系你做错野又唔认，认你又唔改，改你又改错。想食个饭都要一而再再而三咁受气，系咪你地觉得好好玩？
继续阅读
今日11:45落去叫外卖，等咗半个钟都冇同个收银姐姐讲，佢望都唔望我，再等多10分钟之后真系忍唔住同其他姐姐理论佢哋先帮我去厨房搞掂，叫一个外卖要三催四请，都仲要等40分钟先有，你估科学园得你一间，以后永远不再帮衬😡
继续阅读
谭仔系点大家都知，不过呢间真系慢得过份，lunch time得一个钟，等外卖等左40分钟，仲要行返office，休息时间都冇晒啦。啲外卖整左出黎，放晒系厨房，冇人去拎就大家都唔好食。有好心既外卖哥哥就入去帮手拎出黎，唔系就等个姊姊十几分钟推一次车出黎。平心而论，外卖哥哥分分钟仲熟手过啲阿姊，谭仔你地系唔系应该出返份粮俾人？最后讲返d野食，标准谭仔味，米线想爽啲，就冇㗎啦，一定系稔。结论就系，去食之前要确定自己有好多时间。完。
继续阅读
美食沙漠科学园最近开咗间谭仔，实在令人太开心太兴奋虽然见到好多差评话出餐出得慢，而呢个都系事实，不过冇得拣嘅情况下都系会去等食㗎啦通常12点前落单呢就出得快啲之前有三𩠌米线送小食，依家就系三𩠌米线送嘢饮，咁抵梗系叫三𩠌啊我就拣咗鸡肉豆卜同埋墨鱼春卷墨鱼春卷真系好好食呀，虽然呢个𩠌系贵啲！今日仲叫左两个小食大家share土匪鸡翼同埋蒜泥白肉蒜泥白肉有啲苦味，唔知点解鸡翼就同平时一样，都系热辣辣上，好好味
继续阅读