譚仔雲南米線 (已結業)

行過未食晏 , 以為有下午茶時間, 原來全日都冇 , 只有選米線+餸, 1 餸連米線 22蚊, 另加餸要 4蚊 , 都好貴 .第一次到這間米線食, 好多人話好味 , 都不外如是 , 我自己煮得好過佢, 我食 牛肉+腐皮米線 飲凍0水要加6蚊 , 牛肉有陣味 , 芽菜小得可憐, 我加酸辣湯底又要加1蚊, 一d 都冇酸的味 , 以為有d 酸菜點知係冇 .灣仔的南記好味好多...

很喜歡到這裡吃米線, 最喜歡那酸辣湯底, 很醒胃, 但有時會太辣, 吃到眼水直標!!這天返學前, 來了一碗清湯墨丸米線, 等了約五分鐘就送到, 算效率高!大大碗, 一碗當晚餐已足夠了, 每次都把湯也差不多吃清, 因為清湯湯底清甜但不覺有味精, 因為吃後當晚不會太口渴。墨丸有六粒, 加上一些腐皮、芽菜和九菜, 好味而且夠滿足。我一直都很讚這裡的米線, 如果未試過的朋友, 值得一試。

已經是第四天外吃..............外面熱到滾, 叫了同事幫忙買飯.先打電話落單, 15mins後先取, 好方便.是日午餐:- 乍醬腩肉清湯米線不要分開碗上, 因為越放得久才入味, 更好吃~乍醬原來好夾味, 雖然不是每一口都充滿肉碎...腩肉是吃米線必叫.肥肉要用"爽脆"形容.第一次吃清湯, 味道很濃, 應該是味精很重才對.之後要不停飲水.......份量的確少了, 應該有1/3.記得身一次吃, 是滿滿, 只吃到一半.今次是吃完整碗都唔夠.但價錢是減了嗎??埋單只是$22...........

午飯時間, 十分多人, 要拎飛等位, 好彩都等得幾快!個到好迫, 簡直係背貼背呀! 最驚係d 野係你頭上過。好耐無食啦, 好似又加左價. $21一碗包一個送, 加送+$4一個, ma辣加$1其實要個$41餐仲抵, 咩都有, 大大碗, 可惜無人同我share。最後叫左碗竹生魚旦米線, 要十小辣。水準比旺角那間好, 最愛竹生, 吸收晒d 湯既精華, 正~叫雙拼都有4粒彈彈魚旦, gd~不過10小辣真係無咩料到, 下次要升級先~嚮咁熱天氣食碗MA辣米線. 真係食到出晒汗呀!

牛肉酸辣米線$23 ~ 好似好少酸菜囉,而酸又重過辣,麻麻地.豬潤清湯米線$22 ~ 湯底幾清,又唔咸. 不過今次豬潤老了點. 蒜泥白肉$20 ~ 蒜味超濃,切到薄得通透.兩碗米線加兩杯凍飲唔夠飽,再叫腩肉麻辣米線$23 ~ 都係麻辣比酸辣好味.

有同事甲起某處吃了譚仔, 開始搵譚仔既資料,才發現公司附近都有一間喎~今日我地叫了外賣, 既然口啤唔錯, 我都要點一個試試!是日午餐:- 腩肉墨丸酸辣米線先講腩肉, 像冇醃制過的白色一片, 食落口, 可能有酸味蓋住, 又唔覺得冇味.肥瘦均勻, 一片片, 不像別間散晒, 醃到啡黑色.墨丸非常抵吃, 有成4粒咁多. 都唔錯~同事甲話丸類係最抵食架!酸辣味唔似我平日食開果間, 酸同個辣各半, 米線都冇淋晒, 但我覺得味道滲入唔到米線度.堂食兩送+酸辣係$27, 外賣$28, 再米線同送分開裝, 就再加$1.不過米線係應該一齊入, 等d湯湯入去面度先最好味

我夜晚差唔多10點去食 佢都大把人係出面等位= =我地人少 所以好快有得入叫左一個雞肉+腩肉腩肉+九菜大土匪雞翼配料就多 但米線比我的感覺係幼同冇咩彈力唔多好食 湯底都唔錯 成場最好味係土匪雞翼都幾辣 但味道好正

食左好幾年,,亦推介比好多朋友食因為太中意食佢的土匪雞亦和大大碗的米線!呢一餐是今個星期的第三餐譚仔!平時去開KT食,,今次要搵TST試下閑日人少少,,d位都坐得舒服d同男朋友照叫套餐+土匪雞亦我地的最愛~呢間份量少左d,,雞肉少左,,其他配料都少左d不過依然好味!!耐唔耐念起都流口水!!讚!!

依舊是譚仔尖沙咀的分店，幫襯了很多次食物的水準，包括米線的柔軟、湯底的鮮甜、牛丸的彈牙，均與前無異，得以保持食客的數量，也是如此般的客似雲來店內的陳設，更不可能有甚麼變化吧？今晚叫的這一碗牛丸雞肉清湯米線，水準確是唔錯，尤其是她獨特清甜的湯底譚仔的麻辣湯底也是唔錯的，但我就比較喜歡清甜湯底啦這分店的服務水準，原本是頗佳的也許來了一批新請的店員，效率慢了少許繼續努力吧！講起麻辣湯底，店內的介紹是頗誤導食客的「2小辣、3小辣... 10小辣」還以為數字越大，代表越辣啦，點知剛剛相反根住又有甚麼「特辣」、「大辣」，都幾混亂！與其如此，倒不如將辣的程度，由1-10來表達，數字越大，代表越辣這樣還不是更好嗎？

今日放左工同朋友仔去左尖咀食米線，嘩．．鬼死咁肚餓．二話不說，即刻叫左碗酸辣炸醬豬潤米線和土匪雞翼（大）一黎到，飲左啖湯先～正～唔係好辣咋喎！豬潤又夠新鮮．幾好至於土匪雞翼唔係唔好食．不過佢出術呀！其中一隻勁細隻．唔制呀！

今晚要去尖咀整d嘢順便係呢區食埋dinner我同朋友仔都想食譚仔,好耐未嚟過呢間食喇今次叫咗付皮雞肉酸辣米線(今朝睇過食評,d人話佢差咗,配料少咗)今閊我就嚟見証一下果然係少咗, 因為我係灣仔食果陣時,有好多芽菜架, 今次我叫埋付皮做餸,但都發覺好少, 食咗二次就無晒既...4元一個餸, 得少少真係貴呀同埋份量都比起灣仔細碗咗....下次我唔會嚟呢度食了失望呀.... 呢間真係無"三哥既名字" ....... 難道係差d咩???

呢間譚仔最好就係唔洗等位‧我叫左個魚旦米線($22) + $6 要杯檸茶‧佢地間舖頭加價加得快到嚇死人, 記得岩岩開個陣係17蚊碗到~宜家已經係22蚊碗, 加一個送就$4 蚊, 要竹笙就加$5 TIM~真係叫多幾個送都3,40蚊, 我不如去餐廳食好過了。D 雞翼就$16 得個3 隻。我2 個人食既話多數叫個套餐, 咩送都有D , 好似仲抵食D! 以前岩岩開就真係好好食, 又抵食。宜家愈開愈多就質數下降! >< 呢間唔算多人都還好, 嚮旺角D位係迫到爆嫁!

很久沒有到這裡吃米線了, 這晚返學前, 再嘗這久違了的米線。今次叫的都是我最喜歡的竹笙米線, 但因為最近熱氣, 所以只要了清湯, 沒有吃我最喜歡的酸辣湯底!今次再來, 發覺米線少了, 而且配菜亦少了很多, 記得以前有很多芽菜、韮菜和腐皮的, 所以我才叫一個餸, 如果配菜這麼少的話, 一個餸真的不夠呢! 味道方面, 亦差了很多, 清湯很醎, 沒有鮮味, 太不好味了!!本以為來這裡回味一番, 但實在令人失望, 之前真的讚錯了!!

喜歡食米線既我,係咪三哥其實都無所謂,最重要既就係好味&抵食.之前朋友帶我去佐敦試三哥,自己去開呢間,原來唔係三哥.我就覺得差唔多,只係價錢差少少.叫左個,墨魚丸牛肉米線(少辣)味道好正...唔似少辣...好過上次食個間.土匪雞翼(大,5隻)味道麻麻,又唔夠香口,上次個間做得好味D

最近，《飲食男女》介紹「譚仔雲南米線」。細閱後才知道「譚仔雲南米線」原來分「有三哥主理」和「無三哥主理」之分。大概是三哥跟合伙人拆了伙，分開兩個集團同時經營。書中更指，「有三哥主理」的水準較高。上幾周再度光顧譚仔尖沙咀的分店，才發現這間我光顧了兩三年的米線店，原來是「無三哥主理」的其實，吃了兩三年，我實吃不出「有三哥」與「無三哥」的分別我甚至覺得，「無三哥」的尖沙咀分店，比「有三哥」的旺角分店還要好呢最近幾次品嚐，漸漸覺得尖沙咀的分店水準有點不及舊觀雖然米線依然是爽口，湯底仍是鮮甜可口，人流更是客似雲來，未有改變　但論其湯底的鮮、甜，也許跟一兩年前比較，稍有不及了也許少了過往，那一種「引誘你把整碗米線湯底喝掉」的魔力呢！