7
2
0
| 餐厅: | 譚仔雲南米線 (海富商場) |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
营业时间
今日营业
07:15 - 21:00
星期一至日
07:15 - 21:00
以上资料只供参考，请与餐厅确认详情
优惠
95折
【谭仔云南米线】$50 现金劵 *无限量兑换* 即买即用
$47.5
$50
今日嚟到大角咀海富商场 食早餐， 商场 入面都好多间 食店有做早餐， 喺商场行咗个圈最后拣咗谭仔云南米线， 店内 干净企理 侧边有卡位 ， 中间枱櫈 坐得唔系咁舒服， 最后我转咗去卡位坐😅，可 能商场食肆竞争大我见入面都唔系咁多人， 但系佢嘅价钱相对比其他店舖平。我叫咗个 最简单嘅 早餐A, 牛油多士 炒双蛋 火腿通粉, 炒蛋 我觉得炒得比较熟晤够滑， 多士 如果 烘得耐啲会更好食， 我最欣赏系火腿通粉， 虽然火腿份量好细块 ，但佢个汤底 好浓郁嘅鸡汤味，正👍
继续阅读
作为常客，呢间谭仔基本上一星期都会帮衬一次。平时通常堂食，今日因为有嘢忙，改咗用手机落单外卖。落单同平日相若，都系爽米线，因为以往试过无自订，米线上台时系淋晒。另外叫咗小辣。返到屋企，一打开见到血红色汤底，已心知不妙。成个红海咁都叫少辣。更加惊喜嘅系爽米线系未煮熟嘅，极其量都系三成熟，真心条米线真系硬过我条命，差啲要揾侧田坐阵。最终我要用蒸炉蒸咗两次5钟先叫做有七成熟Conclusion, 唔知今次系咪时运低还是不宜外卖，希望下次再帮衬会顺顺利利。希望今次只是个别事件
继续阅读
好日都唔食一次谭仔，但系见佢新出左下午茶好抵食， $60唔使可以食晒三款鸡翼，梗系试一试～.连姐姐都话我识食，叫晒三款鸡翼。平时啲鸡翼咁贵，呢个下午茶餐可以满足晒咁多个愿望😋.如果净系可以叫一款，我每次都系叫土匪鸡翼，一如以往都系好香好好食。相对来讲香草鸡翼就比较普通，如果散叫我就应该未必会再叫。反而麻辣鸡翼有啲惊喜，因为味道真系麻辣而唔系普通啲死辣。平心而论，呢三款鸡翼都好好食，因为唔干身仲有少少汁水。.至于米线方面，就真系冇平时咁大碗，但系对于我呢啲本身食得唔多嘅人嚟讲已经非常足够，不过男士们可能就会觉得有啲少。但系以呢个价钱嚟讲跟埋三𩠌，仲有嘢饮包埋，已经冇咩可以挑剔。呢个下午茶简直系谭仔今年嘅最佳之作！只系个Menu就有啲难睇啦，要谂谂佢😀
继续阅读
谭仔出了新的下午茶餐，但睇个menu真系好难睇得明，但店员说如果想食鸡翼，就一定抵。于是点了双并加四只鸡翼，另外想食猪润，所以另外选了三𩠌米线，米线爽口，猪润，牛肉同豆卜都煮得好好，鸡翼外脆内嫩, 好味，食得很饱，很满足。
继续阅读
今朝情绪有啲Blue，所以行云几间食早餐既铺头（美心mx/意乐/谭仔/厨坊/海富等等@大角嘴海富商场）想揾啲新鲜感过一个Happy Friday，千挑万选都系想食啲好耐无食嘅嘢，于是最后拣咗N年无食过既谭仔云南米线。店舖里面都有啲客人，卒之拣左个近厨房既单人枱坐低。热情有礼既谭仔姐姐即刻走嚟帮手落单，亦细心解释同介绍番可以order猪润同公仔面组合既餐俾我。最后我order左个鲜牛肉猪润出前一丁餐连热好立克。热好立克先上，味道可以-唔太甜。后上嘅系鲜牛肉猪膶出前一丁。未开动就骇然发现，碗边竟然黐住左两小条疑似干左既芽菜叶，干到要用手指甲刮几刮先甩。（见图）说时迟那时快，𠮶个眼利嘅谭仔姐姐见状，即刻1秒1就走近我身边同我讲：「哦！呢啲系菜嚟㗎唧」。。。吓！菜嚟㗎唧！我order嘅系鲜牛肉猪膶出前一丁㖞，点会有遇上芽菜叶既机会先。。。于是最后决定先将用手指甲刮落嚟既芽菜叶「放置」喺张单据上面以作纪录。（见图）本住换左可能会加料既「小人心理」下，最后都系食晒成碗鲜牛肉猪膶出前一丁。鲜牛肉碎上有少少韧，份量唔多亦唔大块。猪膶始终系hot item，味道可以亦唔会太差嘅。食完成碗面都无任何菜类出现过，咁即系话。。。系上手客人用碗上面啲芽菜渍无洗干净就攞嚟用啰（尤其系个谭仔姐姐𠮶句：「哦！呢啲系菜嚟㗎唧」）哗！哗！哗！虽然谭仔姐姐服务诚恳热情有礼，但因为卫生情况真系巧一般。。。所以应该都唔会有下次lu!☹️☹️☹️
继续阅读