譚仔三哥米線 (福榮街)

营业中

休息中

次次去我都係叫酸菜+墨丸+中辣or大辣米線因為佢d酸菜真係好好食,至於點解次次都叫墨丸?原因係佢其仔丸都唔好食!!肉類都麻麻...男朋友開初都會陪我食麻辣的,慢慢佢依家淨係叫酸辣/清湯..佢話麻辣個湯底好似有陣怪味喎...麻辣湯底:基於我仲未試四川麻辣米線,所以到目前為止,食咁多間最好係佢!!!送:好多都唔得,唔新鮮其實我最鍾意唔係佢個米線,係佢個"紅油黃瓜"..好味到不得了,青瓜又爽,酸酸地辣辣地,食食下就會不自覺食哂成碟...除左紅油黃瓜,雞亦都係必叫的,香草/麻辣/土匪三樣都試過,香草好普通,冇驚喜,景霖個個好食好多!麻辣個隻就偏咸,不過食完之後個咀就會慢慢感受到"麻"!土匪唔係話好好食,不過我覺得係三隻入面最好既一隻...環境方面,我都覺得ok既,始終係一間麵店,唔係餐廳,同埋人流多,佢地執野都執得快...就係因為環境呢個因素,我仲未去試四川麻辣米線

每次係深水土步，想食米線都會黎哩間。因為又抵食，而且味道都唔差，加$3就有野飲。大大碗，一定夠飽。最鍾意食炸醬+酸菜，酸菜d味道好特別，岩晒我。不過杯凍檸茶就唔好飲啦。

我覺得深水埗既米線好大碗，同埋d餸好新鮮，係位迫左dd囉..仲有記住叫雞翼食...超靚....

記得先前幫襯過長沙灣的譚仔，今次到深水步店一試有否不一。下午茶時間到來，原來這裡沒有什麼Tea Set 等，但都沒太大關系，因始終是希望再一嚐她們的麻辣米線、竹笙及腩肉，再配上一杯涷好立克。麻辣米線及其配料配答得宜，尤以竹笙配麻辣湯底的食味不錯，但今趟米線的米香味較淡及較腍，失點分數。另外值得一提的是杯涷好立克，因對此種非專業的茶檔泡制的飲料有所保留，故理應點好立克柯華田的預制飲品較為穩妥，而點了的涷好立克已有心理準備是淡戊戊的，但一嚐後發覺是足好立克份量及足夠淡奶分量沖制的，意想不到。地方不大但干干淨淨，但位置較窄坐得不太舒服。

21-07-06 (五) 9:30pm 2人黎過好多次,間中唔係咁好胃口,食d辣野係好d,晌呢附近都有兩間,我地黎e間多,覺得好食少少,我食少辣,但佢地有時較d辣唔同,間中會辣d,有時冇咁辣..叫左個過橋米線餐$32..冇叫兩碗米線咁多米線,但兩個人食就勉強夠,再多d米線就差唔多, 料就好多款,牛肉,牛丸,魚旦,腐竹,雞肉,豬肝,肉醬,少連西生菜,酸菜,腩肉,樣樣有少少...味道都ok架,唔係又點會經常黎丫,但米線質素一般,好心用d靚d ge米線啦四川麻辣雞亦$20,,,,e個好多時都有叫黎食,好好味架,食完個口麻麻咁ge感覺凍O茶..跟米線+$3豆漿$49:30pm都要等位合共$59e餐經濟^^

吃到麻痺的感覺，我想真的是只此一家。「麻辣雞翼」這是必吃的一味菜式，吃落咸咸的雞翼，吃到嘴唇麻麻痺痺，過癮的感覺真的難以形容，但一試便知~~~米線方面，其實與其叫麻辣或酸辣，不如試過不辣的清湯底，清清地的湯，配以清清地的竹笙雞肉，極具很少地方能夠做出的家常風味。

今日同朋友去試試,因為唔係好食得辣,所以叫左碗清湯底過橋米線同土匪雞翼,本來都幾好,兩個人share, 同埋係十二點幾,無乜人,可以坐得比較舒服d同耐d, 可以傾下計, d嘢無耐就黎,土匪雞翼個樣都幾特別,表面滿佈芝麻,暖暖地,味道都唔錯,朋友好鍾意食雞翼,所以掃左3隻.另外碗過橋米線,幾大碗下,一個人都幾難食得晒,唔只多料,簡直係加料,因為有小強,好細隻,浮係面都有兩三隻,裡面就真係唔知,即時搵左個係後面傾緊計或者食緊嘢嘅阿姐睇睇,阿姐即時拎走,因為驚佢求其執走左d小強就拎埋出黎,所以睇實佢,都好彩,見佢搗落d桶度.無耐阿姐就拎過另一碗出黎,朋友發覺個湯底清左好多,不過唔緊要,最緊要無小強,點知挾左一兩碗後,唉...又有,下次都會再黎.

今日去開深水埗買電腦書，晏晝要揾地方食飯，成日食周記油渣麵、劉森記及維記，都有D厭，決定嚟呢度食番碗米線。叫咗碗豬腩肉、牛肉及豬潤三拼米線小辣加一杯凍奶茶。奶茶普普通通，用嚟解辣及解渴就啱晒；米線唔多夠彈牙及煙靱，應該係用來貨；湯底雖然係小辣，但對普通人嚟講應該算幾辣，坐係我對面位哥哥仔都食到口水鼻涕一齊嚟，但自己又覺得可以接受wor，起碼辣嘅程度無上次食專業咖喱皇咁犀利(雖然兩款係不同食材)；牛肉雖係用新鮮貨，但唔係太靚，有D偏靱，跟對面維記嘅差得遠；豬腩肉就幾好，腌得夠味；豬潤就有D老，亦都無得同維記嘅比；配菜有少許韭菜及支竹，支竹索咗D湯嘅味道，味道唔錯。本來想叫土匪雞翼，但因為碗嘢太大，驚食唔到，下次有機會先la...總括嚟講水準普通la...可以揀我會行遠少少去雲南風味餐廳。

今日有d攰唔想行去雲南食酸辣雞，就入左譚仔。其實自己住開附近都好少食譚仔。開左甘耐，今次應該係第2次幫襯。要左酸辣竹笙牛肉魚旦，預左個湯既食法唔同，基本上無得比較，但譚仔d米線好淋，唔好食，湯好少，食到一半似食撈米線咁，最差係一入口d米線淡某某，佢地將米線煮熟，再放湯碗&加餸上面。假如米線係用個酸辣湯煮熟既話，d米線唔會完全無味羅。魚旦兩間就差多質素(街市鮮魚檔賣個d一包白魚旦)，牛肉急凍貨，非常廋，竹笙算幾多。等食既時候，個阿叔話好抵食&晚餐好少食咁飽，但我想講，如果會肥，咁我零願食d好食既野入口食肥自己好過啦。我覺得質遠重於量。以後收工想食米線，幾攰我都唔會同譚仔妥協，反正福華街大把食肆最多食第樣。唔可俾d難食既野食肥自己。

總店既湯底明顯好過分店,我食左腐皮酸菜豬膶,酸菜腐皮多好食,豬膶有d腥,整體都ok我個fd食過橋米線,真係樣樣料有齊,都係$32,好抵食不過佢唔覺得譚仔特別好食喎,我都覺得荃灣雲貴川好食過依間張相係個fd碗過橋米線

食物一般,冇講得咁好食!入去坐左一陣,想落單都冇人理!魚蛋一般,米線略硬,湯又冇味, 腐皮好'鞋',雞翼炸到黑黑地,味道非常麻麻! 唯一係價錢平!

　　行咗街幾個鐘，再殺入去呢間譚仔記，等咗一陣就有位喇！　　冇本事食酸辣米線喇，不過就食咗我好鍾意嘅湖南土匪雞翼、蒜泥白肉、西生菜、凍可樂。　　我記得雞翼佢有分三款味道，我最鍾意土匪雞翼，上面灑有黑芝麻好得意，十分香脆，夠晒熱氣！而蒜泥白肉都非常合我口味，可以再多番啲蒜泥、再辣啲仲正！　　

滿懷希望去食, 但最後係有d失望>魚蛋牛丸酸辣米線-魚蛋牛丸非常一般-湯底只覺酸, 無乜辣味-米線OK-酸菜幾特別-夠大碗, 抵食>蒜泥白肉-幾惹味, 唔錯, 值得推介

一日之內食左兩次譚仔~ 真係好好食~深水涉有兩間譚仔, 只係隔一條街, 呢個人多d, 收得夜d~個炸醬同蒜泥白肉依然咁好食~~ 呢間d 腐竹芽菜特別多~ 不過就冇咁辣~

佢呢間其實同其他譚仔一樣都係咁大碗又係有水準不過唔知係唔係鋪租問題佢地既會比長沙灣個間平３－４蚊不過位都係咁上下迫啦服務好一般畢竟太忙了