譚仔三哥米線 (福榮街)

营业中

休息中

麻辣雞翼是最好味的~至於個米線,我只叫左單餸-生菜,要麻辣(大辣)湯底.份量十足,都好多菜,好多好多米線,我只能食完一半,我覺得米線只是一般,所以我會叫一個餸,多數要菜,再加多個雞翼,係就係貴D,都間中一次都OK的.

尋日lunch唔洗番學特登出左去食譚仔...記得第1次食譚仔係2006年考完會考之後果段時間...因為得閒所以會周圍行周圍搵食..食左一次就開始上癮...最勁果排係summer..真係晚晚放左工都會去食!!我初初完全唔食得辣...喊左清湯但係食到酸菜都覺得好辣..連炸醬都係!!到後尾成日去食...慢慢食到10小辣...到e+既3小辣..我覺得好大突破!我次次必喊酸菜..好爽...又甜甜地酸酸地...份量亦夠多...好正!豬潤亦都係我另一最愛...爽爽地..唔粉..配埋碗辣既米線..米線份量好足...不過唔係次次去食都可以食到爽爽地既米線嫁...有排食到既係淋嫁..我男朋友個fd講話可以order果時講明唔要太淋..我試過一次...真係爽好多!另外麻辣雞翼($20-5隻)值得一試...差吾多次次都要喊一份..雞翼既表面好香口..果種麻辣既感覺真系好正!p.s.個人試左幾間譚仔..呢間水準係最好(米線既硬度同辣度)!亦較其他分店平(觀塘,長沙灣)...一碗米線跟一杯野飲+$3

平時成日係荃灣食米線, 今日朋友介紹去依間譚仔try, 心諗都係咁ga la. 叫o左"炸醬+雞肉", 有埋我最愛的腐皮, d 炸醬好味wor, 有dd 肉粒, 味道香濃. 雞肉有d 碎, 好淋, 我覺得風味館o個d 好味d. $20 大大碗又ok wor.

天氣凍最好就係食譚仔啦~!!!!!麻辣湯底味道一流~!!! 好香辣味啱啱好~!!!麻辣雞翼~正~!!!唔食得辣最好都試下5小辣!

reasonable price with delicious food土匪雞翼不可不試米線味道期望不要太高,都算好食一提永隆街總店有蘭州拉麵$26 價錢貴d不過可以一試

以前返學，就會去譚仔食lunch(長沙灣總店個間)我最鍾意食就係土匪雞翼，食極都唔厭。至於米線就不過不失，又唔可以話太難食又唔可以話太好食。

咁多間譚仔, 都係SSP呢間既米線比較對味. 我去過觀塘新開果間但味道似終比呢度唔同. 每次我一定會叫竹笙同腐竹.幾次晌呢間叫二小辣已經係咁要用紙巾但去其餘果幾間就一d都唔辣. 呢間無論配菜同米線都多過觀塘同ssp另外果間. 我都明白晌香港既雲南米線其實只係車仔麵既另類煮法, 可惜香港人就是鍾意咁樣啦!

同男友兩個人叫左一碗酸辣腩肉竹笙米線加底, 加香草雞亦及紅油苦瓜. 酸辣湯無辣味, 只係得酸味, 而酸味亦十分勁, 食落只係覺得似一碗加左好多醋既湯米線. 我男友唔食得辣, 都覺得無乜辣味.香草雞亦肉好滑, 但香草味唔夠, 唔太香口紅油苦瓜面蒲滿辣椒乾碎及蒜蓉, 初時以為會好辣, 但食後只係覺得好苦, 而不是甘味. 好明顯苦瓜去瓤不乾淨, 去不掉那苦味. 及被紅油浸住的苦瓜很鹹. 同桌另有人都叫了紅油苦瓜, 評語都和我地一樣, 最後都放棄了.

見到咁多正面既食評，自己又好鍾意食麻辣，所以今日專登過去食。<br />叫0左碗豬腩肉竹笙米線中辣同土匪雞翼，飲0左一淡湯已經好失望，食多幾淡已經唔想食，d湯咩味都冇，冇錯佢\係有麻辣味，但係感覺就好似係將D麻辣既味精粉加水咁，完全冇0左個種麻辣應該有香料既層次味道。結果我食0左幾淡同d餸就唔食，朋友都好d，佢\都話唔好食,但係佢\好肚餓所以都食0左成碗。<br />另外個雞翼就好大隻，但係有雪藏味。我同朋友都話以後都唔會再食, 都係寕願去番紅磡間景林食好過。<br />

好少夜晚出街食...9點幾,呢度仍然多人,仲要等位...等左個幾兩個字,終於有位了...不過就太多人,所以坐得勁逼...不過呢度的米線係自己選餸,似車仔麵,欠缺了特式,反而有d失望...我叫左牛肉生菜米線,米線來得大碗,份量多,米線唔硬唔淋,ok.牛肉唔'un',算唔錯...生菜夠多,岩哂我...每碗米線附上小量芽菜,湯夠清甜...可是服務一般,可能係太好生意,太忙的關於吧...$20,唔算好抵,但勝在夠大碗,夠飽肚...不過下次都係要酸辣湯好d...

第一次幫襯, 叫墨丸生菜米線(清湯湯底)同土匪雞翼. 另外兩位朋友都係要炸醬米線. 米線無乜咬口, 湯勁多味精. 土匪雞翼味道幾特別, 不過肉質鬆散.加埋檸茶共30 蚊, 價錢合理. 但食物質素沒有想像中咁好.

每次到深水涉黃金買嘢都會去譚仔記,之前都係去永隆街果間,因為覺得太遠,所以宜家少去咗.我婆最愛佢\嘅土匪和麻辣雞翼(香草就普通),佢\嘅麻辣湯底最正,Ｄ送最好食有豬膶,竹笙,雞肉,腐皮,豬肉等等.......每次去都好旺塲,Ｄ阿姐有時寫number比我哋,有時又冇寫,攪到Ｄ人自出自入打晒尖又唔理,有個阿姐見我哋兩個人又叫我哋big入去坐到一個人個位果道喎,唔坐又面黑黑ロ噏噏!

睇左openrice 既食評, 乘興黎試食, 不過都幾失望.叫左個麻辣魚蛋腐皮米線. 好大碗, 廿蚊好抵食. 米線頗"淋", 不過可以接受.湯底唔止有麻有辣, 仲好鹹. 腐皮不特別,魚蛋勁多味精.服務唔好, d 阿姐手腳極慢,一d 都唔殷勤, 雖然有成4個阿姐在樓面, 但成日聚晒係廚房果邊, 要搵個人睇下都唔容易.

Last sunday, I tried this with my husband, 我地叫了兩碗米線, 我的是中麻辣, 老公的是清湯, 仲order了土匪chicken wings, 味道普通啦.....仲叫了兩杯drinks, total $67.....環境都幾迫

自從多去了劉森記之後,便少了來譚仔,才發覺加了價,一餸的話,要17大元,加了整整一元,要了以前常吃的魚旦和豬潤,要中麻辣,加涷咖啡．米線十分鐘便來了，差不多吃完，飲品還未來，問阿姐，原來處理飲品的阿姐要吃飯，可見人手的不足．五分鐘後，涷咖啡卒之到了．米線的份量和未加價之前一樣，湯底郤濃得多，味精不多，麻辣的力度郤減低，沒有以前的刺激，魚旦郤退步了，不爽，又沒有鮮味，這只是交來的，很難控制，但又有可能是人手不足，以致煮得過熟，破壞了質感，豬潤如以往，新鮮又爽口，值得推薦．整體來說，還是值得再幫襯．