譚仔三哥米線 (幸福中心)

营业中

休息中

炸醬雞肉韭菜茄湯五少辣口水雞 土匪雞翼譚仔三哥唔使多講香港人一定識🤣幾款湯底都唔錯係今時今日呢個疫情打擊之下依然可以賺錢嘅食店一路以來積落左唔少嘅忠實粉絲堂食人數下降but外賣自取人數直線上升普遍姐姐都有禮貌仲可以聽呀特色tam jai話🤣真係得佢哋先講到嗰種味道出嚟

#尖沙咀 ##幸福中心 #譚仔三哥 輸人唔輸陣，我都試咗三哥啲新野，overall黎講，可以一試，但係我唔會再叫😂#香辣回鍋肉蝦仁炆米線 $43 p#香辣回鍋肉 其實係腩肉加加咗回鍋肉醬，味道威香咗，但係口感都係一樣😅#蝦仁 就唔錯喎，大大地，實的的，爽口少少咸👍 #炆米線 呢就係啲米線好掛汁(啲回鍋肉醬)，所以入口都咸香少少辣，惹味嘅🤭跟住本身想揀辣度，問清楚hehe,話再揀辣度就會係本身嘅辣再加辣，所以如果好似我唔食得辣，就唔好揀辣度，本身個辣都唔算辣，所以唔錯👍#麻辣醬銀耳鹿茸菇 $18 辣辣地，勁麻，正👍銀耳好爽口，鹿茸菇似juicy嘅茶樹菇，幾有嚼口，又好索汁🔥#露絲瑪莉蘋果梳打 加配$12 surprisingly解辣架喎，同埋我鐘意佢唔係好梳打，無咩氣🤣入面仲有條rosemry同一片青檸，啲蘋果漿入口唔係死甜嘅，又有少少渣咁，唔鐘意飲甜野嘅人可以試下😄仲叫咗個#砂砂湯魚腐魚蛋腩肉5小 $45 估唔到5小勁辣，搞唔掂，砂砂湯有少少花生醬味，都幾特別😄👣尖沙咀加連威老道92號幸福中心UG味道: 8/10味精: 7/10價錢: 8/10環境: 8/10服務: 8/10#vina

第一次食尖沙咀三哥，最怕同其他分店辣度不一，或者味道奇怪（應該冇人係第一次食三哥吧）。尖沙咀分店表現不過不失。我叫左腐皮雞肉米線，三哥酸辣五少辣，只係略嫌唔夠辣（或者係我食得辣左），友人叫了最新既炆米線，味道也不錯。 總結：價錢便宜 安全之選！

本身對米線唔係特別好，好少去食三哥。咁啱同屋企人行完街，附近冇咩啱小朋友食，就去左食米線。我地7：45pm 左右到，好彩仲有位，轉頭見d 人已經要排隊了，而且有外國人排隊等食，好似景點咁！好耐冇食，所以唔記得左d 辣係點分級...開頭叫「10小辣」，但阿姐話咁即係冇辣咁濟，於是一跳就叫左「小辣」砂砂湯米線...頭幾啖都ok, 之後d 辣慢慢慘出黎，冇食一排小辣原來係咁辣，但越食越刺激...仲叫左生菜及木耳小食，價錢實惠，味道唔錯！呢杯新出特飲，配食辣野啱晒！

撞正新品上市，試完又ok wor，螺片就係螺片味，豬皮略顯有點少和不夠入味，孫筍味道tune down咗啲，無咁衝，比較合香港口味，不過螺片豬皮份量少咗啲，最好加多個送。

諗唔到食乜就食譚仔 ，可以止止米線癮。不時推出新口味，既然期間限定，就試試佢。☻魚爽肚米線☻跟餐牌上的完全兩回事，哈哈，餸菜份量廖廖無幾。魚爽肚不腥，但份量和size都很小，極重薑味，好像浸了幾天薑汁一樣。芥末魚籽鱈魚滑豆卜很小，味道就像小食店的粉漿燒賣，一團味精口味的豆卜。新產品沒有下次了。新產品沒有下次了。☻蕃茄冬菇雞肉生菜米線☻還是恆常的米線好吃，不過雞肉還是很碎。蕃茄湯底不濃，很淡的紅色。

好似知道三哥有呢個沙沙湯底好耐但次次都係食麻辣或者三哥酸辣頂唔起心肝試直至上次聽到隔離檯個男人讚好味今次就一於試下佢生菜腐皮沙沙湯底話說米線黎到係淡淡黃色無平時喇沙湯底咁濃(好似)生菜吸晒D湯又不錯呀飲左個湯底係無平時既喇沙咁香但如果想臨時止下喇沙引呢個都NOT BAD架~同埋個人覺得呢間既米線偏淋我就幾鍾意如果唔鍾意咁淋既米線口感呢就可能要去其他分店呀~

今日因工作關係需要喺尖沙咀附近食晚餐，咁又理所當然地諗唔到食乜，咁就非常簡單咁決定食米線，仲要食辣野！叫咗個水煮鴨血米線，我加咗牛肉雞肉同墨魚丸，之後再叫多咗個蒜泥白肉，同埋大土匪雞翼餐後感：依家好多外賣嘅米線都係會將米線同埋湯分開上，等你食嘅時候先將佢地加埋一齊，呢種做法其實幾好，起碼唔會浸林晒啲米線講返個水煮，其實真係好辣，我只係嗌咗小辣，結果係我食到一半就飲晒成杯凍檸茶⋯⋯蒜泥白肉都幾好食，蒜蓉都好多土匪雞翼就不過不失如果杯凍檸茶可以大杯啲咁就完美了

1️⃣ #花膠胡椒雞美線 $48🔥今次我揀左糊辣湯五少辣🤪一上枱就已經見到有三大舊花膠🥰超滿足🐥最驚訝係啲胡椒雞食落唔鞋 仲好滑好入味呢個價錢咁嘅質素值喇🌟—————————————2️⃣ #熱情果烏龍茶 加配價$11😋飲品入面加咗 #寒天QQ #橙片 飲落感覺清新 同米線好搭❤️飲開微甜嘅朋友 可以等一陣啲冰溶左啲再飲 就剛剛好👍🏻————————————🌟值得一提係staff態度好好，仲會提供口罩套👍🏻👍🏻————————————⚡️環境 4/5（翻新完多左特色打卡牆🤣）⚡️食物 4/5⚡️服侍 4/5

今日午餐食咩好🤔唔想食飯又唔想食太貴見好耐冇食譚仔，就行過嚟買啦其實我一直都唔識分三哥定唔三哥有咩分別🤔除咗知道價錢同d餸有少少分別之外味道其實我真係唔識分🤪食唔到辣嘅我一如以往都係食清湯😅料一定係腩肉加炸醬另上，少米線俾錢嘅時候諗住用BoC Pay，點知我唔記得咗登入嘅手提號碼係幾多號，冇得慳$10分開上嘅炸醬真係多到食唔晒但今日個炸醬有啲鹹叫咗少米線都食唔晒腩肉都好少，得幾片有d失望今日食完，俾我揀，我會揀譚仔無三哥可能每個人嘅味道都唔同啦又或者因為我唔係食辣所以唔會揀三哥

今日終於有機會試三哥💁🏻‍♀️胡椒花膠雞清湯米線🍜原來係一個美麗的誤會，一直都以為係胡椒花膠雞湯·米線，但原來胡椒花膠雞只係一個餸🤣 個雞係幾有胡椒味既，不過個湯就無咯，花膠👌🏻唔韌唔腥，仲有3大舊。我加左竹笙，索湯得嚟超爽口我覺得都可以俾多次機會佢，不過會揀返糊辣或者麻辣湯底，食坦仔食辣開針啲🤣🤣🤣 但一定要嗌返少米（-$1），依家超飽🤰🏻奉勸打工仔最好係12:30前同埋1:30後打定電話落單，因為我之後想加單要個小土匪手羽已經打唔通啦⋯⋯

譚仔三哥出咗新野啦😻❗️ 係新口味米線同特飲——————————————————🍜花膠胡椒雞美線配墨丸 酸辣係好養顏嘅花膠🥰 充滿骨膠原 有咬口同時淡淡胡椒味帶出 少少惹味 唔會太清淡胡椒雞好嫩滑又有新鮮雞味🙈 —🍹青蘋果梳打好清新嘅青蘋果🍏 有果蓉架～再加上台式愛玉——————————————————美顏又好味～ 我地都覺得值得一試👍🏻

突然想食麻辣，自己一個人，就方便快捷地我三哥米線吃。成日經開尖沙咀，一般也會到金馬倫道這家三哥米線。地方非常寬敞，環境尚算清潔。 唯一就是太多人排隊，尤其是午飯時候，一般要攞飛輪候等位。這次我下午茶時段去，所以一入去已經有位坐。這次我點了牛肉魚腐皮麻辣湯底中辣。 三哥米線出名夠辣，所以中辣已經對於我來說夠辣。 米線最緊要湯底，三哥米線的湯底用了多種麻辣辣椒， 所以吃上去舌頭會麻麻的。 美中不足是加了一點味精。 另外一個喜歡三哥米線的原因是他可以選擇新鮮肉類，牛肉豬肉雞肉等等。 這些肉應該加了梳打粉，所以非常鬆軟。 魚腐和腐皮配麻辣湯底非常惹味， 吃得我大汗淋頭， 很滿足呢。

食譚仔一定係食三哥！點解？唔使問啦，今次食咗雞肉、墨丸、腩肉、竹笙，分別配麻辣及小辣。其實我都食到大辣嘅，但係有時食得太辣，嗰味會蓋過左三哥湯底嗰種香味，所以小辣真係恰到好處！上菜嘅時候，譚仔阿姐嘅譚仔話令到我有賓至如歸嘅感覺。咬落口既墨丸，非常之彈牙；腩肉好煙韌，竹笙索晒湯水，擺入口嘅時候，令到成個口都充斥着譚仔湯底嗰種香濃嘅味道。而就算唔食得辣嘅朋友都接受到！而食譚仔一定要嗌一碟土匪雞翼，佢上面芝麻嘅香味，同佢烤肉嘅手法，可以話係雞翼街入邊嘅法拉利

以前好鍾意將三哥同譚仔混為一說，最近終於搞清楚呢兩間鋪頭是不同的😂😂而家終於搞清楚佢哋兩者嘅分別，抱住這樣嘅心態再去食咗一次三哥，其實三哥啲餸明顯多過譚仔好多，而湯底就算係麻辣都有少少分別 譚仔嘅係香辣 三哥的是麻辣，各有各風 味各有各不同，但想食飽啲嘅話三哥就係最好嘅選擇喇😆😆😆