諸勝堂

营业中

休息中

上環諸勝堂開到西灣河裝修格局價錢定位都同上環店相近係平平地ko一餐嘅好選擇👐🏻雖然嘢食唔算特別出色, 但飲品方面就幾有心機隨餐有忌廉咖啡或者可加配薑汁港式奶茶⊱ 午4. 爽口蝦仁日本滑蛋飯 ( ᴴᴷᴰ 59 )餐廳用上日本雞蛋來做呢個滑蛋飯, 味道都唔會話太差, 不過稍嫌蝦仁唔夠鮮味, 另外醬油都唔夠入味有進步嘅空間⊱ 茶C. 自家製蟹子醬三文治 ( ᴴᴷᴰ 35 )我選擇左雞蛋、蟹柳、蟹子醬、生菜呢個組合, 三文治十分厚身, 食落啖啖餸!⊱ 忌廉即磨咖啡 ( 跟餐 )⊱ 鮮薑汁奶茶 ( 跟餐 + ᴴᴷᴰ 4 )

之前喺度食過下午茶☕️～性價比高😗😗今日難得返工可以返晏啲，正所謂一日之計在於一份正早餐😎😎，所以約埋同事一齊嘆份優質早餐就開工🫠早餐A： 日本波菜蟹柳豚肉忌廉湯意粉 配日本滑蛋忌廉湯底唔會好厚身， 但好滑，唔太咸，食完都唔口渴☺️意粉軟硬度適中，以茶餐廳黎講，意粉嘅質地算好好👍🏾👍🏾配料方面份量好足，蟹柳絲一大堆，而波菜亦加了少許奶油（放在菜和蟹柳之間～好細心😃😃唔會比啲湯沖走左） 我個同事就叫左早餐E ：雪菜黑豚肉米粉， 以為好普通一份雪菜米粉，但一啲都唔普通😃雪菜味道同一般茶餐廳不同， 感覺上似自己醃製🤭🤭🤭最後食到一粒雪菜都無剩🙈🙈🙈🙈咁好味～～～ 下次再黎一定要試下先

平時都成日經過呢間餐廳今日終於入咗去食啦位置雖然唔算太大但張櫈都夠坐一個人加個袋嘅嗌咗個茄牛意粉同招牌雙撈麵雙撈麵都冇乜問題嘅但係愈食愈鹹茄牛意粉就大檸樂唔知師傅係咪茄膏落太多嗰啲茄汁濃味到變鹹牛肉嗰陣味都畀茄汁冚住咗我都分唔到自己食緊牛肉定豬肉總括嚟講都有啲難食想食飽啲嚟呢間冇問題但講真呢個價錢我不如去食譚仔或者太安樓食完唔夠一陣佢就即刻收走曬啲嘢而且係問都未問😅趕住畀另一個客都唔使咁趕啦話更何況嗰時冇乜人等緊

個個禮拜都會黎食 私心推薦俾大家🥰平日係中環食lunch就會比較多人 但因為佢有40分鐘用餐時間 都唔駛等太耐就入得(˶‾᷄ ⁻̫ ‾᷅˵)呢到嘅早午晚餐仲有下午茶都高質 想幾時黎食都可以(⁎⁍̴̛ᴗ⁍̴̛⁎)鮮忌廉豬骨湯鮑魚火腿絲通粉 ($49) 轉奶油豬仔包 (+$5)豬仔包必點❗️豬仔包十分香脆 配上煉奶真係無得彈🤤而且豬仔包勁大個 次次食完都捧住個肚走🤰🏻炒蛋亦炒得好滑🍳通粉唔會煮得過淋 味道就不過不失 我比較鍾意食佢個菠菜蟹柳豚肉腸忌廉湯意粉 但得早餐有🥺叉燒蝦仁雙拼日本滑蛋飯 ($58)呢個亦係必點❗️份量十足 有4-5隻蝦仁 叉燒都有幾多塊 肥瘦均勻而且食落唔會太鞋 次次食完都勁滿足同飽 ʕ•ᴥ•ʔ 細食嘅女仔可以叫佢少飯🙊另外佢地係用日本雞蛋🍳嫩滑嘅蛋再淋上甜豉油 撈埋飯食真係一流🤤❣️整體性格比偏高嘅一間茶餐廳 私心推薦佢嘅奶油豬同滑蛋飯🍳下午茶個雪糕一口西多士都極邪惡好好食💛推薦指數：🌟🌟🌟🌟想睇更多食評 請follow 👉🏻 @siu4mai_inthehouse

📍 諸勝堂 #西灣河🐷🐷🐷🐷🐷🐷🐷🐷🐷🐷🏆叉燒蝦仁雙併日本滑蛋飯🐷(8.5/10)呢個配搭看似很港式茶餐廳，但其實有別於一般茶餐廳嘅叉燒蝦仁滑蛋飯。呢個飯嘅精髓就係日本滑蛋🥚加甜豉油，成年事即刻日式曬😆 而蝦仁🦐大隻都幾彈牙，叉燒冇肥肉味道不錯🤪 🌈餐廳唔算大，但都坐得幾舒服，特別係有啲日式吊風扇，有啲feel☺️ 唔錯唔錯！😋⭐️ 諸勝堂 (西灣河)⭐️西灣河筲箕灣道104號地下

星期一係西灣河上急救課程，到左放lunch時間，入左間之前食過一次，覺得唔錯既餐廳同舊同事一齊食飯。我地叫左兩個午餐。鮮薑汁豬潤豬骨湯通粉配太陽蛋、奶油大脆豬個餐本身跟鮮牛油多士，我加左$5要奶油大脆豬。我覺得加少少錢就有兩個甘大個脆豬，好抵食，而且脆豬都好脆又唔𠝹口。另外本身跟炒蛋，我轉左太陽蛋，相當流心。豬膶切成薄片，口感幾爽脆，份量都夠，而通粉有坑紋，索晒湯汁。鮮忌廉豬骨湯鮑魚火腿絲通粉配荷包蛋、鮮牛油多士呢個餐係舊同事叫既，我見佢無投訴，通粉既用料都足夠。鮮牛油多士都夠脆，搽滿牛油，荷包蛋有少少流心。飲品叫左凍檸茶少冰少甜同加左$4要凍愛爾蘭咖啡，後者幾好飲，有少少酒味，甜甜的咖啡。

好耐之前已經食過上環分店嘅炒滑蛋叉燒飯，覺得都幾好食而且叉燒都算有質素。今次嚟到西灣河又唔係好想掃街決定去試一試佢嘅撈麵，本身超級鍾意食撈麵嘅我唔知覺得點呢？佢個瑞士雞翼都幾好食唔會覺得太甜，但係我就略嫌佢嗰椒香印尼撈麵唔係好夠辣，係咁落辣椒油先夠。份量來講佢都算幾大份我食晒成個面都真係覺得好飽，加咗$10先有炒蛋但係就一定要加先至好食順便都要試吓呢度嘅奶茶，覺得佢個茶底都算幾好。始終就係要有少少苦澀嘅味道先至係香港奶茶☕️

諸勝堂 - 日本野定港式野？好亂啊！😂招牌濃厚鮮茄汁燴意粉配豬肉眼扒 $58豬扒有兩塊不過唔算好大塊，但係冇骨嘅而且煎得啱啱好，豬扒肉質鬆軟容易咬🫶🏻😚意粉面頭會有一啲芝士粉，雖然食落又冇乜芝士味，但的確係好有蕃茄同茄汁味🤣係有少少似食兒童餐嗰啲意粉既感覺，但係佢酸酸甜甜嘅汁超開胃，會食到一啖又一啖咁停唔到口👍🏻🤩意粉入面都會有啲蘿蔔粒同埋洋蔥，食落唔會咁dry得意粉😚Drink熱絲襪奶茶其中一個原因覺得佢好港式，就係因為佢寫明左係絲襪奶茶！😂不過啲奶茶又真係幾好飲🫶🏻🥳有茶香又夠曬滑！總括🥄好食好食！我就絕對會再去食啦🥳大家經開都去試吓啦，簡稱即係平靚正啊❤️🫶🏻———————————————————————————📍西灣河筲箕灣道104號地下價錢：🎖🎖🎖🎖食物：🎖🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其西灣河

🐷西灣河豬豬茶餐廳🍳叉燒蝦仁雙拼日本滑蛋飯 $60餐廳採用日本米，粒粒分明，飯入面仲加左粟米粒🇯🇵就咁撈甜豉油都好好味☺️蝦仁爽彈，但無咩蝦味😂叉燒偏瘦，應該係好既部位都拎曬去整常餐💁🏼‍♀️🍝自家製叉燒鮮忌廉豬骨湯意粉 $49配4.3牛奶炒日本滑蛋+鮮牛油多士叉燒有5-6塊，每一塊都係半肥瘦🐽湯底好重忌廉味，唔會過鹹🙈炒蛋滑溜，有牛油同蛋香😋多士烘唔夠香脆，中間有少少油膩🥲☕️熱咖啡🍹凍鴛鴦（凍飲+$3)咖啡不過不失；鴛鴦就甜左d，同埋咖啡味唔係太飲得出…整體黎講都係一間高質既茶記，環境企理😉Menu仲有日文版提供，真係估唔到😂早餐同下午茶都有d創新既配搭同菜式，大家不妨試下🤩

平時返工去開上環店食lunch，呢日行過西灣河原來開左分店第一次食晚市既諸勝堂招牌濃厚鮮茄汁牛肉燴意粉🌟🌟🌟🌟🌟 （hkd 56) 係好夠汁既意粉呀，每條意粉都好夠味D 牛肉又唔鞋唔韌，煮得剛剛好，因為好足番茄味夠曬fresh！ 不過可能因為都真係比較多汁，食多幾淡係會有dd 漏諸勝堂招牌印尼雙撈麵（日本滑蛋+肉眼豬扒）(hkd 60)唔好以為呢個只係一個好普通既印尼撈麵，上面加左d 蔥油就變到好唔一樣！雖然食完個口會好臭，但係呢個麵好值得叫！因為d 蔥油既加持，令到個麵變得更香。 本身印尼面帶小小辣，仲有日本滑蛋同埋煎豬扒做餸，認真唔錯豬扒煎到好香軟，絕對無柴口既感覺滑蛋👀相都覺得好吸引真係好滑好香！

📍諸勝堂位於西灣河地鐵站附近，聽個名+呢個豬仔logo 疑似一間日式餐廳，點知入到去有格外驚喜🤩必要提及係裡面嘅裝修，滿有歐陸風格，俾人一種打破既往茶記嘅格調。🔻餐牌上嘅早午晚餐分得好清楚。有趣嘅係，呢度有埋英文同日文餐牌！😆🔻1. 自家製海鮮XO醬肉眼豬扒飯（$62+$10配炒日本滑蛋）嗌嘅時候我問佢可否要少辣，跟手佢地好細心咁將XO醬分開上。雖然佢話需時，但都好快上到。簿切豬扒煎得啱啱好、唔會韌，配合XO醬可以中和佢嘅乾身。加左十蚊，滑蛋質素真係一流，綿綿嘅半熟滑蛋鋪蓋成個飯，蛋香味溢出。🔻2. 凍鮮薑汁奶茶（+$4）第一啖俾我嘅感覺似係薑汁撞奶，然後茶香慢慢滲出，令人不禁細緻品嚐。🔻食飯嘅時候播住古典音樂同埋爵士音樂，完全冇諗過「日港式茶餐廳」可以同《Autumn Leaves》擺埋一齊，真係一個好好嘅用餐體驗。🤤

之前去上環試過覺得好正，跟住就黎左西灣河呢間，因為就腳！食物都ok，不過員工就真是麻麻地，成班係度傾計勁大聲好嘈！態度不太好，好似譚仔啊姐咁！所以以後都係去翻上環食！

呢日放半日嚟到西灣河諗住快快手食個午餐就去做個靚運動 點知嚟到呢間餐廳又幾有水準喎！之前一直都冇發覺呢間餐廳 嗰日見咁新奇就入左去試下🙈呢到早午晚餐牌分明 各有特色！•自家製海鮮XO醬肉眼豬扒飯🐽•-見佢豬扒好似幾拿手 就一於試試佢🙈呢到嘅份量都幾足料 有成3大塊豬扒俾你🤭而肉質方面都做得唔錯 幾鬆軟 唔會咬唔開👍🏻個XO醬嘅味道唔會好辣 撈飯食幾正！仲配塊蛋簡直係天衣無縫😆•愛爾蘭咖啡☕️•-午餐+$4仲有杯愛爾蘭咖啡 味道仲要幾好 咖啡豆味幾出 仲帶少少果香味 唔同一般嘅茶餐廳咖啡👍🏻質素相當唔錯😏

招牌濃厚鮮茄汁牛肉燴意粉 $56雖然餐牌寫需時但都幾分鐘就上到菜招牌果然係招牌鮮茄味係我鍾意既偏酸味好濃郁食第一啖已經「嘩」同桌既朋友食鮮茄豬扒都有同感鮮茄汁均勻地包住每條意粉而意粉既質地都煮到剛好牛肉煮得好林Around十塊左右啦成個晚餐都好開胃份量亦多到有啲太飽奶茶方面茶味偏濃有少少苦晚餐包一杯飲品改叫其他飲品只需原價減$16所以罐裝汽水都唔洗額外收費晚餐以呢個價錢坐既環境舒服同食物質素很不錯都真係幾值得再去飽肚度🤢🤢🤢🤢🤢好味度🤤🤤🤤🤤🤤肥胖度🐽🐽🐽性價比💰💰💰💰(5分為滿分)

如果要搵個詞語去形容諸勝堂呢間餐廳，我會想用「可愛」！🐽初初新開既時間見到佢個名叫咩咩堂同埋🐷logo，就覺得應該係食日本野，睇餐牌先知原來唔係，佢似算係間新式茶記。價錢黎講唔算親民，所以一直都無試到，直至最近見食評啲相幾吸引，都想黎試下。椒香瑞士汁芫茜拌麵 $56配 自家鹵水雞翼 麵底算大份，個瑞士汁味道剛剛好，配埋椒香同芫茜幾夾，可以好快食晒雞翼都幾入味，唔錯！諸勝堂招牌印尼雙撈麵 $60配炒日本滑蛋及肉眼豬扒成個麵擺得好靚，無諗過印尼撈麵可以整得咁靚，味道都唔錯熱奶茶 （跟餐）味道係普通茶餐廳味，無咩特別。愛爾蘭咖啡（跟餐+$4）黎呢度既另一個原因其實係呢杯咖啡，好少地方有得飲愛爾蘭咖啡☕️Cafe都唔係間間有，無諗過茶記會有，呢度竟然有！！放低杯野既時候無酒味有少少失望，不過之後攪左幾下又有返酒味所以大家記得攪攪佢再飲雖然唔可以同$60蚊杯既愛爾蘭咖啡比，不過以跟餐+$4黎講係算係好唔錯，值得再黎飲可愛地方：餐碟有🐷logo，成件事好可愛，另外入面有個主題牆有好多可愛既貓仔豬仔。另一可愛之處係居然有QR code睇英文日文餐牌：以下係餐牌：整體黎講真係唔錯，可以再黎