影片
以上资料只供参考，请与餐厅确认详情
ღ自家制海鲜X0酱肉眼猪扒饭一上枱就香气扑鼻，猪扒有3块，肉质够嫩juicy，配上咸香微辣的X0酱，味道浓郁，每一口都好惹味。ღ叉烧虾仁双拼日本滑蛋饭卖相好吸引🤩滑蛋又嫩又香，叉烧甜而不腻，虾仁爽口弹牙，配饭一流每个饭嘅份量都好多，同朋友都食吾晒🤣🤣～～～～～～热奶茶好浓郁，入口有啲苦涩😢朋友叫咗杯就好啲，下次我吾会叫热嚟饮🤣🤣冻丝袜奶茶冰凉又顺喉，奶香和茶味完美融合，饮完好满足餐厅环境比较细，反而坐卡位会比较辛苦啲因为中间会有块胶片格住同埋要快食ღ(♫ ♪ ♫ ¢яєαмfυи ♫ ♪ ♫ (¯`◕‿◕´¯)ღ
继续阅读
❤️自家叉烧鲜忌廉猪骨汤意粉意粉系硬派，但系食起嚟好爽口，汤底好浓郁！好开胃👍🏻叉烧嘅份量都好多好大块！upgrade咗奶油猪，外皮烘咗加上内里涂咗牛油同炼奶嘅馅，好match！💜叉烧虾仁滑蛋饭淋咗自家制嘅甜豉油，唔会太咸，但系成个饭好多汁，湿润，容易入口！虽然虾仁有少少冻，但都可以接受！个饭仲有好多粟米粒，口感很好💙姜汁奶茶第一次饮有姜汁嘅奶茶，真系好特别啊！个姜味又唔会话太出，喧宾夺主，只系饮完之后会有少少姜嘅辣味的余韵，推荐！
继续阅读
哩间餐厅真系无下次❌，野食普通，贴钱买难受😤💸。星期六下午去食，强迫两个人生坐四人枱分左右🪑，到对面客人走咗，餐厅无人，一个侍应话可以调翻对面坐，好啦，到我地坐好晒，点知另一个侍应过嚟呼喝😡，话只准坐左右！当时我未拎好餐具，拎咗个餐盒到面前，佢一手就摆开✋，完全系乜都要跟佢安排，连餐具未拎都唔得🤬，服务态度差到爆灯💥！两个人食咗滑蛋虾仁叉烧饭🍚，味道一般啦，无乜期望，只系想食饱填肚。杯冻奶茶好够冰，只杯大半杯系冰🧊，我食完饭，有一半冰都未融晒，但纸饮管就融晒变软晒🥳，不知所谓。真系完全破坏星期六心情😞，下次唔会再嚟！
继续阅读
员工服务态度差劣、做生意手法不良我地11:15排队拎飞堂食，大约11:30获安排入座。入到去唔可以叫早餐唔比叫午餐，餐牌明明写明午餐11:30开始，之前都试过11:30就落得单，今日居然同我地讲午餐要11:45先开始，要我地出返去等让张枱比排我地后面嘅人。原来因为后面果两个人想叫早餐，我早过佢地到又已经到咗午餐时间，咁都要赶我地出去，一心净系谂住做埋后面张单。我地早咗嚟排就系因为赶时间想你卖午餐果阵就入席叫嘢食，完全冇顾及我地嘅感受，咁嘅做生意方法以后都唔会再嚟。
继续阅读
喺之前嘅早餐系列，都曾经出现过依间餐厅，印象中食物都几好OK，所以今次去西湾河见到分店，就决定再食。叫完个餐，嚟咗杯嘢饮，个面都未到就已经喺度系咁睇系咁望我走得未咁。虽然我都知𠮶个时间系多人都要排队，咁我都系排队入嚟㗎嘛，唔使咁快想赶我走呀。系咁讲嘢，俾啲说话啲客听，好似系咁吹想个个快啲走唔好阻住佢做其他客生意，食都食得唔安乐，所以好快就走🫥早餐味道，个人觉得上环𠮶间比较好，可能今日心情唔好，气氛都唔好，胃口点会好吖？到最后埋单俾钱，唔好话多谢唔该都冇句，劲冇礼貌，劲乞人憎。其实其他员工冇乜嘢，系收银𠮶个特别衰😑
继续阅读
您可能会有兴趣的...