諸勝堂

营业中

休息中

今日嚟到上環嘅諸聖堂食晏晝嗰餐👍🏻外面睇落間野都幾靚，不過就撞正食飯時間，所以其實都幾多人，要排下隊😂好彩佢嘅客人都走得幾快，唔使排太耐💕間餐廳本身都幾多嘢食，見到用日式材料製成嘅食品，尤其係啲滑蛋飯，都幾吸引㗎😌😌最後因為唔係太肚餓，所以叫咗鮑魚火腿通粉餐，同埋叉燒意粉餐喺茶餐廳水平上來講其實都幾好味🔥幾鍾意佢個湯底多士就普通一啲啦，唔會好似華星咁整厚多士，不過炒蛋都幾好嘅☺️☺️☺️嘢飲都唔錯，夠凍，唔會太甜，覺得衝得比正常茶餐廳好少少，配合返佢嘅室內設計，其實間餐廳俾人嘅感覺都幾舒適，唔會好侷促跟住其實位於近地鐵站嘅地方，要去食實在係幾方便嘅，所以得閒就同朋友去食下啦，都係一間值得一試嘅茶餐廳👍🏻🤪

好有heart嘅一間!!!! 近年都冇食過一間呢個質素嘅茶餐廳 除咗塊多士hae左少少 .... 佢杯茶走 佢個意粉 佢個湯 佢片叉燒 佢隻炒蛋 !! 明顯食得出佢每個步驟都有花心機去做好佢 仲要係超正常價錢! 其他茶餐廳應該借鏡檢討一下 食完呢間你會覺得其他係不知所謂 當然你唔可以抱住酒店式quality 去食~ 佢始終都係一間茶餐廳 環境 服務 都唔會係fine dining 果種 不過一定俾你喺外面所有茶餐廳好勁多! 對比其他茶餐廳佢係滿分💯如果唔俾比較都值9.5分就係差片麵包！！最後加句物超所值 (前提你要用心去欣賞）

平日好少食茶記,見呢間環境唔錯,又乾淨就試左啦!唔多中意食粉麵,就叫左個三文治,材料有自家製既CHAR SIU,生菜,蟹子,份量十足,好厚,啖啖肉,係第2間餐廳食唔到呢個三文治。仲要烘到好香脆,讚! 平日唔中意食薑味既野,但都試左個薑汁奶茶,因為我中意飲奶茶,好好奇個味道係點,薑味恰到好處,真係唔錯!但我飲完仲想飲多杯野,就叫左杯熱朱古力,冇加奶,用朱古力粉加水沖,飲到朱古力既原味,都唔錯。慢慢食個早餐,又有柔和既燈光照著D畫,咁先係GOOD MORNING!

茶餐廳真係快靚正Lunch去簡簡單單食個飯，叉下電依間諸勝堂店面細細，好多人排隊lunch menu上選擇唔多，不過都有我喜歡嘅叉燒滑蛋飯自家製叉燒日本滑蛋飯 $56望落好吸引同埋聞落都好香主角叉燒質素夠高又淋又入味滑蛋都唔錯但甜豉油就唔夠味又唔夠香同埋個飯係偏爛自家製海鮮XO醬肉眼豬扒飯 $58(加滑蛋 $10 )建議要加蛋夠晒蛋香又滑豬扒大大塊，絕對夠送晒成碗飯咬落好淋但XO醬無乜味同埋成個飯差咁少少汁，搞到有啲乾

小肥放大假繼續食食食☺️😋🍴難得天氣總算好返啲啲之際😆🌤當然要食返餐正正茶餐醫下肚補充下先啦🤤🍴自家製叉燒鮮忌廉豬骨湯意粉(配4.3牛奶炒日本滑蛋+鮮牛油多士)三款配合份量都夠豐富的🤤有至愛既叉燒意粉同炒滑蛋🤤以濃郁Creamy既忌廉湯底作配合叉燒意粉🐷意粉有爽口啖啖濃郁忌廉郁香之餘🤤爽口脂肪比例均勻既叉燒亦夠滑嫩Juicy🐷🤤以及配合牛奶炒香既4.3奶滑炒蛋🤤🥚絕對係常餐既Perfect Match☺️🍴

呢間舖頭一路都以佢哋嘅豬肉出名 今次特登嚟會一會佢 網上見到呢度嘅叉燒豬扒都唔錯 自家海鮮XO醬肉眼豬扒飯🥩$58豬扒有三大塊軟硬度啱啱好食落去幾juicy 食得出佢哋嘅XO醬唔係平時超級市場買開嗰隻 送飯都幾好食㗎側邊仲有啲沙律配菜 中和返 感覺上幾健康凍絲襪奶茶估唔到佢哋嘅奶茶都幾好飲 好幼滑冇平時奶茶嘅苦澀味 推薦大家嚟到一定要試吓總括嚟講呢間專食豬肉 年輕人開嘅餐廳 無論係裝修同埋食物嘅質素都幾有特色唔錯 都幾值得支持㗎

這天出上環買東西順道找車爸爸一同午餐！選到一早盯上的諸勝堂是因為他那杯椰汁冰冰紅豆冰，可惜事與願違原來要下午三時後才供應！不過既然一場來到會繼續幫襯的！ 時間已下午二時仍然全院滿座不過等了5分鐘已經有位喇！量過體溫消毒好雙手就可以揀食物喇！ 檯上放了自助餐具喜歡它用布蓋著衛生意識強！這樣子吃餐也感覺安心得多！ 冇椰汁冰冰紅豆冰飲唯有死死地氣要回凍檸檬茶走甜配午餐只須加＄2，喝一口茶底相當不俗加上新鮮檸檬我十分滿意，車爸爸的熱奶茶亦香滑可口茶水檔有水準喎！ 我們點了了鮮薑汁豬膶豬骨湯通粉、配4.3牛奶炒日本滑蛋、鮮牛油多士＄50，這個通粉餐都挺為豐富啊！ 4.3牛奶炒日本滑蛋烹得挺嫩滑合格之作，而鮮牛油多士不算太有驚喜個人認為可以香口些。 而鮮薑汁豬膶豬骨湯通粉看賣相已感覺良好，其實湯頭味道很濃郁可惜鹹到苦！最後要加入一杯滾水才能吃下去，但也要一讚那豬膶弄得甘香鬆化好濃香！ 另一份點上自家製海鮮XO醬肉眼豬扒飯、配日本柚子醋沙律＄58，喜歡跟上坊間少有的沙律菜伴碟所以寵幸了它！自家製海鮮XO醬挺香口足料，肉眼豬扒煎得金黃吃下肉質富彈性，配上甜

放假當然又係周圍搵食嘅一日避開左午市時間走入橫街窄巷 開始feel到肚餓 食個下午茶見到呢間餐廳個名幾得意 入面亦都好乾淨 一於試下估唔到下午茶時間 餐廳都幾多人全白加木色裝修 好舒服呢呢度出名炒滑蛋 每個餐都會有呢就算叫飯都有得加錢要埋滑蛋而我就俾佢自家製 呢三個字吸引到當然要試下！其他地方食唔到架喎自家製叉燒 鮮忌廉豬骨湯意粉餐 凍奶茶少冰先講多士 仲係暖笠笠 焗得香脆炒滑蛋 一睇就知一定滑 表面仲有蛋汁蛋味香濃 而且厚身 同埋都幾大份自家製叉燒忌廉湯意粉叉燒唔似中式叉燒咁 得個燶字佢係燒到剛剛好 味道仲保留住肉味唔會太肥太瘦意粉都幾大碟 意粉唔會過淋 完整一條條係斷嘅個豬骨忌廉湯好特別 有忌廉湯味 但唔會好似金寶湯咁傑身 而且味道都濃嘅最後 係熱辣辣嘅天氣飲返杯凍野 零舍舒服凍奶茶唔會過甜順帶一提 餐廳有好多得意貓貓畫啱晒貓奴

同事邀約一齊食午餐，說帶我去食一間極之之好食餐廳，店名叫諸勝堂，原先在觀塘，現搬去上環禧利街15號地下，來到門口已經有很多人拿了籌等入去，我們等了半小時才能入內，入內地方非常之狹窄空間逼夾，枱枱凳凳坐得不舒服，人迫人完完全全沒有走路的空間，天氣熱非常之辛苦個，食物真的好好味😋下次還是選擇外賣。侍應生態度非常之差，給予我感覺只是想你們速戰速決食完快點走人。餐廳主打滑蛋叉燒飯HKD56份量都好足料，滑蛋算滑嫩，秘製叉燒瘦了點又薄身又乾身，蝦仁算是爽口，最正係自家製秘製甜醬油令成碟飯好食起來。自家製海鮮XO醬肉眼豬扒飯HKD58(個人推介)上枱色香味俱全，滑蛋入口非常嫩滑，自家製海鮮XO醬汁入口甜香味濃，配上沙律菜和肉眼豬扒好惹味呀！肉眼豬扒肉質嫩滑多汁，口感豐富。正正鮮牛奶煉奶豬仔包HKD18外層夠脆內裡鬆軟，烤至金黃色，塗上奶油和煉乳超美味。凍檸茶落單要求少冰，並沒有，較甜檸檬味比較淡。

🍴ᴍᴀɪɴ·自家製蟹子醬三文治(叉燒粒) $32﹟見到包你嘩一聲😲三文治黎講佢算厚身, 目測有5至6cm📐用呢個價錢連一杯野飲食到咁大份, cp值算係幾高🤑可能我地太耐未預過咁大件夾抵食既地方😅餡料主要有4款選擇, 有我簡既叉燒粒, 蟹柳, 豬肉腸或者五香肉丁🤗叉燒生菜同蛋炒埋一齊, 真係好足料😆唯一美中不足既地方係個自家製蟹子醬少左d, 唔係好食蟹子既口感, 如果個雞蛋可以炒到更加滑身就更好喇☺️🍴ᴍᴀɪɴ·諸勝堂招牌雙撈麵 $54﹟呢個茶餐A認真不錯, 配埋日本炒滑蛋同大大塊同淋身既豬扒, 絕對係lunch既份量👍🏻個撈麵睇落唔太吸引, 但會令人食上癮🤤甜得黎帶有少少辣味, 可能無諗過佢會有辣味, 所以帶到驚喜比我地🤣🍴ᴍᴀɪɴ· 叉燒蝦仁雙拼配日本滑蛋飯$58﹟成個飯既份量都好足料🥰👍d叉燒係偏薄身, 神奇既係瘦得黎唔會話乾身同鞋口！成落都淋身😎蝦仁發揮正常, 都爽口🙂嫩滑既滑蛋再加埋自加製香甜豉油一齊撈飯食, 無得輸🙆🏻‍♀️🥤ᴅʀɪɴᴋ·鮮薑汁奶茶(Hot) 跟餐+$4﹟如果想試呢杯記住一定一定一定要襯熱飲呀‼️因為我地掛住食野, 結果佢涼左之後變得起沙(了解之下原來係茶同薑汁既化

週末去到港島上環周圍行吓因為上環區有好多特色野 中西日韓樣樣都有今次想食返個高質常餐 ～ 諸勝堂🐽上環普遍店舖比較細 去到都排隊一陣餐廳堅持用日本蛋👍🏻🥚🍳唔係普通嘅湖北蛋 & 美國蛋🥢自家製叉燒鮮忌廉豬骨湯意粉嚟到梗係先飲一啖湯啦 嘩唔係講笑個湯底好味呀 夾住意粉食好match 因為意粉本身冇味同忌廉湯底一齊食提升左其他餐廳既常餐多數用用清湯為主湯底加分🈵🐽自家製叉燒 整得相對地軟淋廚師切得厚薄分明 半肥瘦 薄薄一片炒蛋顏色鮮艷 濃濃嘅蛋味 半熟狀態口感一流呀 my favorite!!!!加$5由多士轉豬仔包豬仔包外脆內軟 焗得啱啱好配埋煉奶食 正呀❤️朋友食咗xo醬豬扒飯出乎意料地好食 豬扒一啲都唔un..Xo醬野味 朋友食到舔舔脷👅奶茶香滑 要左小甜 一d都唔會飲到個口鞋曬

今日去開上環幫屋企人買嘢，知道呢度有夠薑所以就去拜會吓先三點幾唔洗排隊，店員幫我量完體溫就安排我入坐，隨即放低咗下兩張餐牌，下午茶都有好多選擇喎，另一個餐牌係兩杯賣相好吸引嘅飮品，分別係椰汁紅豆冰同抹茶紅豆冰，跟下午茶➕$12自家製蟹籽醬三文治我揀咗-蟹柳x雞蛋x蟹籽醬x生菜，真係好豐富呀好好味呀！就係比佢吸咗睛所以我叫咗椰汁紅豆冰，落單後聽到店員問廚房係咪仲有一杯，yeah lucky last，見到都開心呀，好夠椰子味，紅豆大粒夠𣺉同起沙不過略甜咗些少。PS全部店員都好親切有禮，加油呀💪🏼

鮑魚火腿絲通粉鮮忌廉豬骨湯：湯底都算別出新裁，竟然加幾點去忌廉一齊煮。所以入口嘅感覺會更加creamy, 厚身。雖然我自己早餐仲未食得清淡少少，不過都覺得唔會太濃、以致太「漏」。通粉又唔會爽晒啲水發脹，入口都彈牙👍🏻😂 鮮奶炒日本滑蛋多士：喺門口已經見到佢掛咗塊牌，話自己用日本雞蛋😂 連張收據都寫埋LoL 擺落多士嗰度真係好夾。因為就咁食可能會「太滑」🤣 （唔知點講）多士就係有揸牛油再拎去焗，顏色好靚！邊位都幾脆😍份量好大，很難相信係得兩隻雞蛋🥚😂成個早餐日份量，可以當Brunch 食完去到4:00先再食，忙碌人士飽肚之選！熱鴛鴦：正常發揮🤔 環境：音樂好chill , 環境唔會太嘈，同朋友食完坐喺度傾偈都舒服！

今日下晝黎到上環食晏，路經呢間舖仔細細既諸勝堂，見等既時間唔一耐就入左去。同女朋友兩叫左一個餐分別係: 自家製叉燒鮮忌廉豬骨湯意粉，配奶油豬同牛乳炒滑蛋，另一個就係自家製xo醬肉眼豬扒飯，飲品就叫左凍奶茶。先上枱既係奶油豬同炒滑蛋，奶油豬既脆邊再加埋上面既奶油簡直係完美配搭，第一啖咬落去既係個脆邊，啱啱好唔會過燶，第二啖就食到佢地香濃既奶油，真係好好食，而平時唔食炒滑蛋既我都食到上左癮，因為真係滑得黎好香蛋味，叉燒意粉，講得出自家製就唔係普通燒味檔貨色，唔會有黑色既燶邊，而且口感結實，咸甜度適中，同湯意粉好夾。另一碟係xo醬豬肉眼扒飯，xo醬同樣係自製既，油份唔多，反而個料好豐富，食得出有蝦干，而豬肉眼扒就好似豬柳咁，無骨啖啖肉，而且肉質好爽，以呢戈個價錢黎講，絕對超值。

上環有呢間諸勝堂，雖然係間茶記，但係店員都係年輕兒女。星期六過黎，依然全場滿座，全場都要搭枱，好有香港風情。呢度主打係炒滑蛋同埋豬肉。咁今日就揀左呢款自家製海鮮XO醬肉眼豬扒飯（$58）。本身包一杯基本飲品，我揀左咖啡，好奶滑。等大概10分鐘就有。肉眼豬扒超嫩滑，唔似平時食啲豬咁乾咁硬。呢度除左海鮮XO醬調味就無其他汁，好健康。XO醬鹹鹹地，都好夠味。仲有沙律菜！飯入面仲有粟米粒，咁健康，又加分喇。