譽宴 (已結業)

返工日日在餐廳食午餐，有時都會一個人去食嚇中式茶㸃，今日就來到黃大仙的譽厨食午餐。現在是午飯時間，都比較多人食，不過一個人揾位都很易。餐廳裝修整潔優雅，都比較舒適。今日要了個燒味雙拼飯，油雞拼燒肉$29.8油雞味道都不錯，不過全部是雞胸肉，都比較鞋，而燒肉感覺比較肥了些，燒肉味道一般，如果瘦㸃就更好，好喜愛有一條菜心，都算有青菜食。叉燒腸$20.8叉燒腸味道較淡，粉皮不是很軟滑的那款，叉燒味不是很濃。

星期日去到 入座之後 首先枱未汁 冷氣唔夠入到去後 先後有兩個人因為服務慢離座去第到食食物非常普通 甜品有酸味 類似過期臨走時問職員拿膠袋態度非常差 淨係講等下 叫到第五個員工 先攞到一個膠袋 有一個部長 叫 愛 比完個膠袋我地仲可以笑 Nothing funny about it for real This restaurant is not recommended whatsoever Bad service Bad food qualityThe table cloth is broken and dirty

所有野都不過不失既 環境寬敞 食物都算可以 上菜唔算慢 唯獨員工完全唔得閒serve 客 嗌左15分鐘 都冇人加水 加茶 諗住自己加 d大水壺都冇水 要行入茶間卙 D員工見你自己卙 更加唔會幫你 裡面仲貼住「卙茶重地 不得進入 如有意外 後果自付」類似既野 不如改做自助茶樓啦

昨晚去譽宴食晚餐，可能臨近過年關係，很多人，舉手好耐都冇人回應點菜，就算有侍應見到，擰轉身當睇唔到，本想立即投訴此侍應，但由於同屋企人食飯關係，家人不想一齊食飯鬧不快事件，故沒投訴此人，但唔會再去！

是日，我友人生辰，我住黃大仙區，自帶酒水，有得揀當然選近區，openrice 寫著此酒樓晚上 12:00 關門，可我在現場時，已在晚上 10:30 開始趕客，我跟友人堅持到 11:30，就必須要離開，那說什麼是 12:00 關門？食物要是好吃，我也是不會介意，可是，食物水準、服務水平也欠奉，我強烈要求，openrice 強行更改此酒樓的關門時間為晚上 11:00，以令其他食客知道。

人生路不熟 同屋企人過左黃大仙 都唔知食咩好最後屋企人想食中菜 就簡左地鐵站就近既呢間酒樓人好多 樓面好似唔多夠人咁幾經波折終於成功落單先order左個手撕雞 上左先知原來係凍盤不過還可以喇 撈埋辣醬 都係開胃之選啫啫生菜 味道略咸 主角 片皮鴨 其實幾抵58蚊 星期6..日 68蚊不過唔會期望太高喇 有幾塊静係得皮 冇咩肉食最後忍唔住叫多個奶黃包 (好似平時飲茶咁)重點 .... 佢真係流沙的 可以放心！不過不失吧 一家人食 200蚊到 唔貴呀

今次第2次來到黃大仙既譽宴.今次係為左食佢地既特價龍蝦.平日晚上七時來到, 都係得幾台客.食物叫左不用十分鍾就上齊啦.食物既味道, 分量及買相都相當滿意.仲要平日都要有8折. 我相信我會在佢龍蝦優惠停前會再來多幾次.1. 上湯煮龍蝦 – 用了龍蝦湯煮既龍蝦好惹味, 不過蓋了本身既鮮甜味. 所以下次我會叫蒸.2. 蒜泥蒸元貝 - 蒜泥跟元貝鮮甜味夾得剛剛好.3. 八珍會魚肚- 超喜歡黎味菜, 魚肚充滿曬上湯既味道

個人從未試過在 openrice 打過食評，今次真係不得不講出來，呢間酒樓平均每個月都會光顧兩至三次，之前都試過毛蟹，炒蟹，炒蜆等海鮮，尚算可以。今次試他們的n孖寶餐加蒸扇貝，孖寶餐有艇仔花甲公和燒腩仔，從未試過食海鮮可以咁難食，食到反胃，呢個花甲公腥到不得了，明顯見到已經落了很多薑絲，但完成消除唔到 d 腥味，咬第一啖已經想吐，跟個侍應講其態度差到不得了，回應：花甲係新鮮架，就走開左，之後埋單同另一個侍應講，完全無反應，嘩...咩事呀，好似當聽唔到 d 食客的意見，差到不得了，唔會再光顧的酒樓。

嗚😭公司迫人初三開爐，肥妹仔都未食夠。一於自製長假期，請假請初五，連放三日😍。難得大部份屋企人都仲放緊假，就一家人去飲茶喇。黃大仙屬於老人區，茶樓特別多，有貴價酒樓翠園、百樂門。低價酒樓代表有海龍、新光。今日黎到中價位既涮得棧。雖然佢主打涮下涮下既打邊爐，但懷舊點心都相當出色！有驚喜！去相先 食物質素良好，調味到位！除了炸物略嫌油膩（本人愛靚，油到要浸過水去油先敢食），其他都十分滿意。大愛推介係唔記得影相（sorry囉😩)既懷舊臘腸卷，真係唔係間間酒樓食到。 白麵包條圍圈繞着半條臘腸，一邊食一邊感受到臘腸油脂滲入麵包的香、臘腸的甜。一籠得兩件渣！屋企如果人多，記得要多嗌多一兩籠！如果唔係，可能分得半件，一定唔夠喉！不過今日最開心係見到媽媽同佢外孫（我姨甥）係我面前食得津津有味😊，食得特別開心同滿足。

正所謂冬大過年, 做冬最緊要一家人齊齊整整食餐飯, 呢日我哋預早做冬，由公公請客。翅: 有肉絲，少少漿糊口感，略腥，好在有d醋中和下d腥味，不過真係唔係我杯茶囉。 燒鵝: 上枱時熱辣辣、鵝香撲鼻，食指大動，唔好講笑，即刻夾返件先。皮未算脆，不過都算燒得幾香，皮下脂肪多左少少，鵝肉有咬口，點埋酸梅醬一齊食，巧味道。蒸魚打孖上：叫多條特價，作為精打細算師奶仔，梗係叫左先。魚都算新鮮，無咩腥味，係蒸老咗dd，魚肉鞋鞋地，勉強咁叫合格。蟲草花梅菜蒸菜遠：呢味餸嘅配料有蟲草花丶肉碎丶梅菜，加埋個豉油汁，好咸，掩蓋菜心嘅清甜，over左。韓式豆腐：勁！呢個充滿阿豬媽風味嘅韓式豆腐，味道真係特別到唔知點形容，事關我放佢入囗之後有一下稔過佢d材料係唔係變壞左。炸豆腐釀蝦膠正正常常咪幾好，做咩要佢喬裝成章魚小丸子呢？何必呢⋯香煎蛋角：充滿蛋香味，煎到恰當好處，老少都岩食。清炒豆苗：夠鑊氣，豆苗碧綠，水油平衡口味滑溜，無渣。酥炸乳鴒：乳鴨較瘦，無咩肉，亦略欠香囗。八個人，食左千二，每人百幾，坐得舒服唔趕客，今時今日一家人食的話幾經濟實惠。

今日出席好友婚宴，有心心眼的乳朱，味道脆脆，賣相一流，很好食；另外玉環瑤柱圃很入味、魚很鮮甜、炸蟹鉗和炸雞皮脆香口、鮑魚配生菜食落不油膩、而甜品棉花糖和桂花糕也保持水準，食得超飽。

父親節果日同舅父, 一行共7人,去左譽宴到食,叫左個半席嘅頌親恩全包宴~就有咁多樣耶食!首先係乳豬拼盤,個人覺得味道一般, 而且乳豬完全唔脆囉!咬落去lum bet bet!跟住有2個菜啦, 味道一般,但係有少少鹹仲有其實下面果碟嘅菜其實好大舊下!呢個係海皇卷, 其實都炸得幾香口下但入面嘅餡居然係菜, 然後好似沙律咁-.-好奇怪...呢個翅可以話最滿意嘅一個, 料足, 份量亦足,加埋醋去食, 口感唔錯!魚+鮑片,都ok, 條魚都幾新鮮,鮑片都唔會話好韌咬唔到~整體黎講, 食物質數只係一般但服務好差! 叫極都冇人理我地!!!

約左親戚，2家人食飯，因為無訂到位，得呢間有位，結果真係等好耐，懷疑廚房係未得1個人乳鴿: 皮好脆，但無味肉，味道ok，但如果鍾意少少肉嘅朋友，可能唔like桶蠔叫左2款，一份係姜葱蠔煲，另一個則係類似泰式果d，蠔又大又多，而且好鮮甜，好嫩好味全晚最好味呢2個龍蝦伊面隻龍蝦有味，好明顯係死左一段時間，同經理講，照例解釋，親戚都做左幾十年飲食，信個經理至奇燒雞:超一般，可以唔好叫咕嚕肉:正正常常，同大家平時食嘅一樣，無驚嚇亦無驚喜牛肉炒飯: 好香，牛肉味入曬飯到，仲有好香葱頭味，而且個煲係好熱咁上，你食左炒飯，轉頭食埋飯焦，比個like佢聖子:等左好耐都未來，催左單之後，一陣先話得8隻聖子，我地ordered9隻不過聖子真係超級大隻，蒜蓉又超好味，炸的好香濃，粉絲吸曬聖子同蒜蓉d味，聖子啱啱熟簡直perfect條魚:等左個半鐘先上……都好彩幾好食，起碼係新鮮，個魚頭我食左好多膠質大部分食物味道都可以，但我地應該唔會再去，龍蝦明顯唔新鮮，炸完再煮都好大陣味，可想而知未炸時壞的幾緊要，唔好食係1回事，但專業操守都好緊要

之前提直想試下韓式海鮮塔，難得而家不用去韓國，香港便有得試，今次終於約齊8個人去試試!有個friend話譽宴食火鍋坐得舒服，所以我地今次都去譽宴試下，原因係地方就腳，而且又坐得舒服，一家大細去，起碼都有張BB椅。有去過韓國餐廳就知，D位又窄，又限時交枱，D亞豬媽服務又好到呢。。。食剩小小野又黑面，所以韓國餐廳一家大細真係少去原本無乜特別期待，甘樣反而更有驚喜，始終係一間中式酒樓啱香港人口味等左一陣，終於食得，一來到相機先食，之後一層一層打開，估佢唔到！D蝦咁大隻既？雖然不過係基圍蝦，但隻隻都有手板咁大，豉油都唔洗點，立刻放入口，一個字～爽！連平時不食蝦既屋企人都食左幾隻，不用5分鐘，D蝦已經消滅曬。之後大圍一轉攻賴尿蝦，隻隻足8吋，估你唔到，幫隻蝦做完運動後，一開～見真章，雖則不是頂級爆肉，但至少肉質夠爽不浮，合格有餘！好快就開下一層開動！花甲，蜆，東風螺，花甲係頂級貨，大隻肉厚，蜆有少少沙但都幾大隻，東風螺好好味。下一層象拔蚌，份量雖多，但偏細隻，如果份量大D就更好，再一層係大扇貝，我們一人一隻，全程什麼都無點已經放曬入口，隻隻SIZE一樣，無偷工減料，可惜一人得一隻，太少了再來係九

HKD 2988的母親節套餐，無蝦。海皇卷無乜料，得少少魚肉 荷葉飯無又係無料的，味道欠佳，好淡 得個雞，蒸魚同翅過得去。上次係太子的譽宴飲過茶，幾好，就諗住母親節飯都應該唔錯啦，點知。。。唉，無下次