許願樹美食 (已結業)

呢排心情麻麻地打算找朋友出來陪下我吹下水散心， 但又唔想食西餐果d ， 因唔可以盡興咁講野， 朋友提議不如食串燒，一路食一路等一路吹水咁都唔錯，所以我地就去左許願樹到食了。我們座低先叫左幾款海鮮:燒聖子皇，燒象拔蚌，燒大蝦， 醬燒鮮鰻魚，醬燒鮮魷。另一方面就叫左以下幾款：頂級安格斯牛扒 《10安》，羊架，雄仔燒鵝肝，燒豬大腸，羊肉，韮菜。另外仲叫了小炒， 有豉椒炒花蛤和豬扒炒公仔麵。飲品叫左 檸檬可樂，王老吉和自制菊花茶。我們比他們燒來的海鮮吸引住了，睇落勁新鮮而食落很鮮甜， 完全唔會over cook ， 燒得剛剛好抵讚。肉類，個牛真係好出色，仲有肉汁爆出，而我朋友好喜歡羊肉串， 一啲都唔騷。特別一提個鵝肝好想，一口鵝肝夾多士咁咬，堅正。而小炒都夠鑊氣，整體我們非常滿意，下次我們會再來邊飲邊食邊吹水。

收左工同朋友去長沙灣食串燒🍢🍢即刻諗起哩間🤩搬咗新店又近地鐵站，鋪頭都好大👍又有得坐喺出面睇住師傅燒💓💓太肚餓喇，梗係即刻狂嗌喇😋😋羊架味好濃，又唔會燒到肉質過老👍店員仲好貼心會幫我地剪到一嚿嚿，方便我地食😗😗雞髀大大隻😝雞肉夠滑而且燒到啱啱好，正宗皮香肉嫩💖❤️蒲燒脆鯇魚肉好香，口感唔錯，好脆口，加上特製既醬汁🥳🥳鹽燒牛脷同雞腎超級香口，完全唔會燒到好實，加埋豆瓣醬黎食真係寧舍好食啵😝❤️安格斯牛柳粒四四方方好大粒之餘，每一粒都好juicy 牛肉又夠香，咬落去唔會好韌串燒冬菇同牛油金菇，唔會乾爭爭，食完心理上面都平衡番哂🤩罪惡感即刻無咁大呀！❤️蒜蓉燒豆腐外脆內滑，加上豆腐吸引埋醬汁既味道，好好食呀😋❤️燒海鮮喇，珍寶蠔，燒大眼雞，燒元貝，燒聖子王同燒大蝦😍😍每一種海鮮燒既時間都好講究，上到枱全部啱啱好，唔會燒過龍搞到好乾身✅加埋醬汁令到海鮮既味道出哂黎，好值得推薦！

一直係長沙灣店的忠實fans, 搬了去深水埗，食物質素不變，地方大了，洗手間也企理多了。還有房間，三五知己gathering 一流！必吃燒蠔、蟶子、烏頭、炭烤雞扒。