影片
以上资料只供参考，请与餐厅确认详情
好多年无返嚟元朗食嘢，今日嚟咗食车仔面，呢间车仔面元朗人大都知道，元朗人一段认为系元朗劣食之一，我个人要求唔算高，今日专登去食，佢最出名系抵食，你可以叫大中细碗，以我今日为例叫咗大碗，系有11样𩠌，亦可以选择要少几样𩠌，啱晒我乜都想食嘅人。大碗油面，油面面质正常，汤底好浓有啲咸，但系唔知咩味，唔算难食，似系好多种调味料沟埋一齐咁，配料方面云吞系菜肉云吞自家制味道唔错，其他配料就中规中矩，唔可以话难食，但就一定唔系好食。一点要留意，大大碗面有11样𩠌只系$35-蚊，我觉得性价比超级高，要食好好食嘅车仔面，呢间唔啱你，要平平地过吓车仔面瘾，绝对医饱肚。
继续阅读
食评 ✨许祥顺食店✨今日自己去元朗食下午茶，点咗许祥顺食店出名嘅大碗什锦河粉配热奶茶，价钱抵到笑，味道仲超级满意！大碗什锦河粉 ($32) ⭐⭐⭐⭐⭐河粉滑溜但唔会散，吸晒汤底嘅香浓味道，真系正！重点系入面嘅配料：猪红嫩滑，冇一丝腥味，猪皮又腍又入味，充满胶原蛋白嘅幸福感。仲有猪大肠，处理得干净，食落爽口弹牙，超加分！萝卜吸晒汤底精华，绵中带甜，搭配汤底浓香而不腻，味道恰到好处，饮几啖汤都好舒服。呢碗河粉真系物超所值。热奶茶（下午茶送）⭐⭐⭐⭐奶茶系地道港式水准，茶味香浓，奶滑得嚟够热，饮落去暖笠笠。浓度啱啱好，解腻又舒心，送嘅饮品能保持住咁高水准，绝对系加分位。总结：呢碗什锦河粉真系超高性价比！$32 可以食到咁丰富嘅配料同滑溜嘅河粉，仲有附送嘅奶茶，绝对满足晒味蕾同肚子。猪红、猪皮同猪大肠嘅处理都好有水准，汤底香浓得嚟味道平衡，真心推介俾钟意地道港式茶餐嘅朋友！食品评分：⭐⭐⭐⭐⭐（5/5）总体评分：⭐⭐⭐⭐⭐（5/5）元朗下午茶必试，猪红、猪皮、猪大肠爱好者必来一试！
继续阅读
车仔面爱好者，应该都会听讲呢间舖头！最近在「香港车仔面关注组」讨论度好高😅今日经过元朗，顺便去食车仔面！见到网上咁多人讨论，我都系第一次试😀睇完餐牌，发现价钱好抵食😍😍可以自选一至五个𩠌，而且可以拣全餐！即系一碗已经包含晒所有配𩠌👍🏻可以自选辣度，汤底正常，没有觉得很惊艳😀我最后拣选$32大碗，另加四个𩠌！我选的四个𩠌是猪肠，猪红，萝卜，红肠😌🔹猪肠入味，容易咬开，份量都OK，没有因为价钱平，就随便比两三件😅应该有六至八件！🔹猪红亦都很入味，份量合理！🔹萝卜比较硬！个人喜欢食比较淋🔹红肠比较差，可能煮得太耐的关系，肉质一放入口散晒🥲总结：价钱真心没有投诉，但味道没有很惊艳，不是难吃但也不算很好吃！🆗
继续阅读
中学时代食到而家返工，都好钟意呢间车仔面。佢嘅车仔面有好多𩠌菜嘅选择，唔想食面亦都可以改成菜底，而佢嘅辣亦都好好味。最重要嘅系佢真系好抵食，特别系而家呢个年代，普普通通一个餐都$60/$70，而佢嘅小碗可以拣一至五样𩠌，都只系$30，想食份量多啲，可以拣大碗$32，加大碗$34，甚至系全餐$40，也可以拣多啲款嘅𩠌菜。我自己通常小碗都已经够食，因为要留肚饮嘢：佢嘅跟餐架冻饮超抵，$15可以饮到红豆冰、凉粉冰等，仲可以任拼。所以每次来，都一碗油面加一杯凉粉/红豆冰😊
继续阅读
这间车仔面已经很久没吃了。连餐厅名字都改了，以前叫许祥昌，现在叫许祥顺，但是整体都没有大改变。今天点了细碗油面，5𩠌选了: 猪红，猪肠，鱼肉，冬菇，肠仔。其实他们的𩠌没有什么特别出色的，都是正常味道。但鱼肉跟以往比较，有腥味，不弹牙，不好吃。而冬菇用料，一如以往是用巨形菇，好吃。肠仔可能是浸煮太久了，没什么味道。油面的面质不好，没有一丁点弹，不好吃。他们统一用的都是咖喱汁汤底，偏咸，没有以前那么好吃了。
继续阅读