許留山

這絕對是中伏之選。兩個人共要了一個珍寶荔枝爆珠芒果冰、蘿蔔糕及疑似芒果布甸。本來還以為面前的芒果冰果真份量十足，誰料在冰品的最下面有一整塊看著像火龍果味嚐著是荔枝味的一寸高啫喱。還好芒果冰味道不俗，配上爆珠更是一絕。以往許留山的蘿蔔糕一向不俗，但這次的澀味甚重，用料又不足，入口味道似略煎過的粉糰。至於那布甸口感頗似塑料，味道很一般，尤其是最上層的芒果啫喱，相當嚇人，最終吃了一口便及放在一旁。…查看更多

以前覺得許留山都幾貴，但宜家好多甜品舖起碼40蚊埋單，有會員九折嘅情況下，許留山30蚊都算ok。青衣城依間間中會去，但係嗰度依幾個月都有少少變壞牛奶味，但坐低後好快就慣。依間舖幾窄，唔可以坐得耐，食完就要走。今次幫襯團購$68有兩款多芒系列，兩粒糯米滋同件芒果凍餅。仲有兩張20蚊現金券同啲無聊優惠券，都算抵。想叫多芒撈河，賣哂，改叫多芒小丸子，其中一個男店員真係特別討厭，我好聲好氣問野，佢就黑面晦氣答。間舖忙我都理解，唔求你笑容滿面，但都唔駛咁，好彩其他女店員唔係咁。講返甜品先，許留山野食唔係特別出色，算係平均，夠哂凍，係夏天天熱經過，食下凍野涼下冷氣真係唔錯。叫咗多芒小丸子同芒果黑糯米，小丸子有少少硬，但接受到嘅，好夠芒果味。試朋友嘅黑糯米，唔夠甜同好硬，未煮夠時間，麻麻地。芒果凍餅得好細嚿，兩隻麻雀咁大，無乜味，本身我當bonus，無要求。糯米滋一般水準，有啲酸，ok。總之，許留山係我行得累入去抖抖嘅好地方，就算無團購都會去嘅，但求佢唔好加價啦！…查看更多

食完晚飯，去青衣城行下食下甜品，以前都有去開許留山，但一次比一次差。一入門口就一陣酸芒果味，好難頂。見無咩人，咪是搵個位坐，但張枱就完全無清理好，成張枱都係啲甜品漬係度。叫左好耐都無人應，但店內兩位待應只係係收銀台傾計，完全吾理人。好啦，清理完後，就ORDER食品，揀左兩個想要甜品，點解係無，只有7點幾啫，咁快就無，算吧，叫另一款，紅豆流心燕窩燉蛋白，男友就叫左紅蓮冰糖雪蛤。當時只係得兩枱客，但都要等左成十分鐘先出，吾好同我講係即時制作。講番個甜品：紅豆流心燕窩燉蛋白 - 好失望，散修修，燕窩毛都吾見一條，仲要用個膠碗上枱，我係堂食，吾係外賣紅蓮冰糖雪蛤 - 仲過份，用個紙杯，記得以前食仲有個燉盅，竟然依家用紙杯，味道只得個甜字我明白，為可便外賣客比堂食客人多，所以好多產品都會以外賣包裝，但店舖始終會有堂食客，都吾好俾個外賣杯我哋，離晒譜，一係只做外賣算吧。而待應只顧自己傾計，有人ORDER都吾理，外賣客又多，搞到好混亂。總之以後都吾會再去。…查看更多

店裏面客人得三四枱，都唔知點解個侍應咁忙，又行去收銀冇野做咁督下部收銀機冇，又行去廚房睇下野。我同隔離枱等左十分鐘左右都幫唔到我地落單 (隔離枱已燥底)糖水店下午已經冇糖不甩賣。 叫餃子又冇餃子。落單又唔願落咁，講食物編號又話你指出黎，指完出黎個侍應又睇錯,我朋友更正佢，講多次要咩，佢仲話"你唔係要xxx咩?再加唔耐煩。d野等好耐先到!!明明已經整好，個侍應拎個盤放下d野食入去又放返出黎，我完全唔明佢做緊咩。收錢又亂黎，明明排隊既，冇啦啦有個人遞d錢出黎先就收佢先-_-"完全無奈...仲要成間舖成股廁所味，不過我諗呢個係青衣城商場既問題。…查看更多

好耐冇去過青衣間許留山,於是入咗去食!要咗:紅豆流心燕窩燉蛋白鮮果+芒果汁+蜜瓜汁+亮晶晶------------------------------紅豆流心燕窩燉蛋白:朋友食嘅。我食咗一啖,好難食!朋友都話難食!------------------------------鮮果+芒果汁+蜜瓜汁+亮晶晶芒果OK甜,奇異果超酸!芒果汁幾甜,蜜瓜汁......無味!好似水咁!早知去 HEY-YO 啦!…查看更多

下班前，原定計劃到深水埗嚐甜，可是一場黃色雨突然出現，打亂了在下覓食行動，在毫無準備下，只打道回俯先，換過衣服，再另行計劃。既然想吃甜品，唯有近近地在青衣城裡便算了。進入青衣城，亦只好在許留山聚聚腳，先行方便。從門外的櫥窗裡可以看到這裡的甜品，其實點只甜品咁簡單，還有龜苓膏和其他小食售賣，而在下還記者許留山是以甚麼西米撈。說實話在下於許留山用餐次數，卻廖廖可數呢！在下從餐牌上點算了一客多芒鴛鴦糯米配ＸＯ蘿蔔糕。多芒鴛鴦黑糯米是至架勢套餐之一，顧名思義，是以芒果、黑糥米為主要材料，再配上椰汁及芒果汁配製而成，也許就是椰汁芒果西米露的變奏曲，它把西米轉成黑糯米。芒果本身酸中帶甜，而椰汁也具有甜味，當芒果汁遇上了椰汁，酸酸甜甜已經在刺激著味蕾，加上軟硬適中的黑糯米，便糖水更具口感。蘿蔔糕通常都不是必食的，當在下看到以推廣價，就來試試。其ＸＯ蘿蔔糕傳來陣陣香味，可是蘿蔔糕卻較為實了一點，而且蘿蔔味素較弱，ＸＯ蘿使蘿蔔較為惹味一點而言。其實以許留山來說，也許芒果做的甜品會較為穩陣，尤其是以芒果。…查看更多

“芒果糯米慈“1盒有6粒,粒粒都咁大。個皮好煙韌,又夠薄同唔“痴“牙,芒果餡好甜,好大粒。D椰絲多咗D,搞到成口都係椰絲。D餡又夠大粒,芒果又唔會好酸。1粒糯米慈起碼有3粒芒果。勁好味!…查看更多

放左工之後,經過許留山門口,見到“水蜜桃流心“$16,於是買番屋企食。半圓形嘅兜吸引咗我。食落口,無乜水蜜桃嘅味,但好滑,震下震下咁,好得意。一啖一啖咁食,終於見到流心喇!乳酪咁嘅味。唔係得幾滴流心,多到浸到都布丁。…查看更多

行咗一陣青衣城,唸住坐低食D野,啱啱食完Iunch,想食D甜品,於是去左許留山食下午茶。以為無位,但咁啱有人走左,咪坐低囉。我左揀右揀,最後決定要“什果亮晶晶“,媽咪要“椰汁木瓜燉雪蛤。等咗好耐,媽咪嘅“椰汁木瓜燉雪蛤“嚟啦！由半個木瓜做器皿,裝住D椰汁同雪蛤。我一摸,竟然係凍嘅！但都冇辦法,唯有繼續食啦!要自已挖D木瓜出嚟,幾得意。話咁快,我嗰個都嚟左啦！由一個杯裝住D亮晶晶+芒果汁底,當我疑惑緊咩係“亮晶晶“嘅時候,我食一啖,原來係“蒟蒻“嚟!好似好緊麵囉!試下兜生果,有士多啤梨(排得好靚，但好酸),芒果(OK甜),幾粒密瓜球,西瓜球。最後外賣咗個“密瓜可可“。…查看更多

依日入開青衣城行街~行到咁上下..見攰就去許留山坐下食甜品食店環境好乾淨~服務好有禮貌~而且甜品仲係睇住佢即整的(=生果即開即切~不是預先起晒肉放雪櫃的~所以好新鮮無出水)"鴛鴦小丸子"水準比荃灣區整得仲要好~由其個汁底好夠濃郁"什果亮晶晶"芒果汁底又係調較得好夠濃稠+冰感..唔會好甜剛剛好水晶粉好彈..好好味~生果杯好新鮮食物好新鮮又唔會好甜~即叫即整..睇得出好用心去整甜品而且服務好有禮貌~整體VERY GOOD…查看更多

今日係青衣城食完晚餐，就諗住去食甜品啦，記得地下有間甜品店，所以就去啦，其實我地原本係諗住食許留山旁邊既甜品店，但係佢地既綿綿冰配料冇晒生果，得番什麼丸子...，而且個綿冰只有綠茶味和益力多味，所以即刻走人，去左許留山見到許留山門口既餐牌，覺得都唔錯，四個人就叫左兩個雪果綿冰入到去裡面，開頭個張枱好凍，對正個冷氣位，所以我地就係咁調黎調去，好彩D 員工冇話我地姐....^^等左7分鐘，有一個黎啦蜜瓜雪果綿冰 $29 - 配料有蜜瓜球(ok甜)、奇異果片、蜜桃(切得好靚)、紅豆(太硬)&珍珠小丸子(好煙靭)，個雪球，我以庶係雪糕，原來係冰....真係看走眼啦....係兩個綿冰之中，我比較鍾意e個，因為佢個綿冰除左有蜜瓜味，仲有薄荷味，好fresh，不過我唔係幾覺係綿冰，而係沙冰....同瑪大多數都係雪糕同冰攪碎，搞到好多汁係晒個杯下面....龍眼雪果綿冰 $29 - 配料有龍眼粒(唔夠甜，但係夠硬)、士多啤梨片、蜜桃、黑糖條(我自己唔係幾like，太濃黑糖味....搞到好似好苦)&珍珠小丸子，個綿冰好係唔係龍眼味，而係雲尼拿味囉... …查看更多

在同一商場的某食肆吃完不太滿意的晚飯後，朋友似乎心心不忿，說要找個地方吃甜品。作為甜魔的我，自然喜上眉梢。見有間新甜品店，應該是屬翡翠拉麵小籠包集團的，原本想去試試。但到了門口，就被那條長長的人龍嚇怕，只好另覓地方。但，青衣城內，再來的選擇就只會是許留山了。隨便的點了一味，叫坐底撈撈，有生果之餘，撈底還可以自選兩款，好似幾抵咁。我揀的兩個口味為芒果和龍眼，因我始終覺得芒果是在許留山必吃的東西。生果和撈底分開上，先吃生果，有西瓜粒、蜜瓜粒、哈蜜瓜粒、芒果、奇異果和士多啤梨，當中只有芒果肉是好吃，其他的都不是清甜，士多啤梨更為不行。兩款撈底，冰感很重，味道也很不天然，我很努力嚐試，結果仍是無法完成。下次再吃許留山，還是保守一點較好。…查看更多

今次見有新推出既"芒果盛宴"~心思思就叫黎試下呢"芒果盛宴"共3組..每組3款甜品(=9款甜品)~分別2種選擇"小盛宴"每組揀1款(=共3款)~)"特盛全芒果宴"(=共9款)"滑滑燉蛋" - 比軟笠口既軟滑感~蛋味唔算突出"袖珍淡奶布丁" - 純粹用布丁粉整成的"粒粒芒果慕絲" - mousse都幾滑~又唔會好甜"芒果奶凍" - 奶凍好滑身"芒果凍餅" - 內層夾雜芒果果肉~味道似木糠布丁一品芒糍"..凍糯米糍皮層夠煙韌..同樣唔會太甜"袖珍芒撈河".."袖珍芒晶晶".."袖珍芒丸子" - 芒果肉都好甜美"特盛全芒果宴"..整體普普通通~但勝在夠別緻(更多相片- http://hk.myblog.yahoo.com/yanomi_chung/article?mid=77443)…查看更多

火鍋中的生果會有D熱嘅感覺,又有朱古力味.而且有手指餅,棉花糖可以放落去,你可以選擇將配料浸在火鍋中,也可以輕輕點一點.我吃完之後覺得生果非常特別,因為那些生果又有朱古力味又有原本的生果味.如果唔夠仲可以用平D嘅價錢加多D配料.大家不妨試一試許留山的"朱古力火鍋"!至於價錢就係四十幾元(連配料).…查看更多

行街行行下有d口乾咁岩見到許留山,就黎買支野飲見到火麻仁$13.5兩支,自己又鐘意飲,好!就同個同學夾份買兩支啦一打開個蓋,好香芝麻味飲落去仲有少少芝麻粉微粒,證明係真材實料!下次要再飲多次~…查看更多