許留山 (已結業)

昨天約了朋友出尖沙咀,天氣悶熱得好像凝結了一般,飯後想吃點冰涼的東西,剛巧有許留山的七五折coupon,於是便決定進去。點了店員推介的什果撈河($28),河粉用椰汁糕製成,彈牙爽口,不太甜,加上什果非常冰涼,混在一起吃立即有透心涼的感覺~~~吃完後精神頓時好了很多~~~=)分量很多,不過都吃得完,因為真的很好吃~~~yummy~~~^^

去到許留山，我通常都係飲龜苓爽，啲龜苓爽真係好正的！服務員把一盒中型的龜苓糕，然之後倒一些糖水進杯子(連龜苓糕)，她/他會比一枝粗飲管你，你把粗飲管放進杯子，會把糖水連龜苓糕一起吸起，口感很好。一杯只需十元。

芒果西米撈一向是許留山o既強項，而今次試o左呢個新產品，吃完之後，覺得真係好抵食。因為端來時，望住堆至少有三湯匙的雪蛤已暗暗大叫，加上大大舊勁香甜o既芒果和大量煲得腍腍的西米，真係非常yummy 啊！！

新出既雜果小丸子有兩碟,一碟係雜果,包括有芒果,西瓜,士多啤利,奇異果同蜜瓜~ 另外一碟係有芒果汁做底既小丸子,d丸好有咬口,唔錯,仲有一舊應該係佢地自製既椰汁雪糕叫左一碟韭菜粿,皮都幾薄,d料好多,好食~

有日行過呢頭甜品癮突起,剛好見到老許就走入去。食左個唔知什麼凍紅豆小丸子, 底層好似紅豆沙冰,又有幾粒小丸子、紅豆沙, 賣相幾好,味道ok。但地方實在太細,坐係路口成日比人撞, 就算幾好味都會食得唔過癮。另外,今日飯後係新都會分店買左香芋紫米小丸子+蘿蔔糕。前者香味幾夠,好香椰汁味,都好多紫米,小丸子軟綿綿好正!!後者味道ok,見到都有唔少蘿蔔絲、冬菇絲,仲有xo醬。新都會呢間老許地方都唔係好大,但人就相對無其他地方咁多;所以兩位阿姐笑容都比其他地方多。

本來唸住去滿記,行到去已close 左, 死死氣為有食呢間啦,D芒果好酸, 最慘係黎呢度九成要搭"木台" 囉

許留山很多分店都有新裝修, 坐得舒服些, 傾計都可以傾耐D~ 低讚!但係食品飲品既名字真的改得麻麻…有時想叫時也會有點不好意思. 好像…“芒果神冰”, “芒椰芒果爽”, 確是有點兒白黐…又長又”沉”. 不過, 最經典的還是“芒椰奶西”……=_=…. (兒童不宜, 唔明就算). 幸好餐牌上有圖, 我每次叫時都是指著圖, 說著”這個, 那個”…粉方便的說

食完sushi,睇完激光show,就去0左呢到食甜品.我諗0左勁耐,先叫0左個蜜瓜西柚西米露,男友就叫椰汁黑糯米,2個都15蚊,共30蚊~個蜜瓜西米露真係叫好食,個蜜瓜冰夠哂凍,d蜜瓜又好甜,上面個芒果冰又大個,好食!男友話黑糯米都好好食,賣相唔錯,黑底,上面一層白雪雪椰汁冰冰~再加4塊芒果,好靚呢~男友雖然好飽,但都自己一個食哂飽椰汁黑糯米,所以我諗都應該几好食~

我誠意推介各位網友食許留山0既:西瓜西柚西米!!因為西瓜同椰子真係好夾!!呢碗0既係西瓜汁同西米做底,上面有個椰子汁做0既冰,再加西柚,但其實只有西瓜同椰子已經好好味!!!平時我食appolo0既乳酪,都只係叫西瓜加椰子味!!因為係最好味架!!!而家佢呢款一樣咁掂!!!2個味好夾,大家不防試下,15蚊個都抵啦~

我其實係去近天星碼頭0個間,但唔知係邊間,我搵唔到,所以post0係呢度今日同d同學黎食,佢地叫0左個果盤,我先知原來許留山有果盤叫,細0既28蚊,大0既好似4十几蚊.我另外叫個楊枝廿撈,都几好食,最鐘意個芒果雪球~25蚊碗~呢間0既staff態度都几好,成日笑笑口,唔錯,而且地方都几乾淨同算大呢