許留山 (已結業)

After Food Republic Curry lunch, both M & I are very thirsty...Come to Hui Lau Shan and we ordered mango red bean ice...It taste sooooo GOOD!!! The red beans are soft, the coconut juice is cold and refreshing while there are lots of mango...ENCORE!!!

同朋友一人一杯要左椰汁燕窩蜂蜜爽芒果質素不穩 時甜時酸椰汁味夠濃 但有碎冰 o鞋口所謂ge燕窩事實上係咩無從稽考 分量唔算少 冇咩味 但令質感層次多d最有驚喜ge係蜂蜜爽 蜂蜜味夠濃之餘唔會過甜 質地近似jelly 但軟身得多廿蚊杯唔多值....同人夾份買兩杯$34/2 仲可以

入到許留山, 本來想食番碗糖水, 點知睇睇下, 見有涼茶, 又見自己都有d熱氣, 就叫左杯廿四味啦, 叫既時候個waitress已經同我講會苦, 不過我都係照叫拎到黎, 已經好大陣苦茶味, 熱呼呼, 飲一淡, 尚算易入口, 吳係咁苦, 再飲, 苦味就慢慢飄出黎, 不過都仲可以接受既。始終出街飲涼茶吳夠自己煲咁足料, 但係係屋企整又麻煩, 一整就好多碗, 仲要得我一個人會飲, 偶爾出去飲下就ok如果怕苦既人最好就吳好試啦順帶一提, 冷氣滴水既情況好嚴重, 成地水都冇人理我個blog有相同其他食評, 歡迎去睇http://hk.myblog.yahoo.com/food_talk2008/

是晚掃街行最後一站，許留山，分別點了芒之戀及什果芒汁撈河，共$63雖然甜品糖水類一直不是我的茶，但以生果撈野成名的許留山食物品質竟出現一個相當大的問題—材料絕不新鮮，無論是主打的芒果或奇異果，只得一個酸字，令人大失所望至於什麼芒汁撈河，根本不值一晒，配上什果毫要$28 (原價$33)，真的無話可說不如搵蘇絲黃去踩場，大叫"執左佢啦"!!!

同bb食完景霖, 行過去食番d甜嘢,行咗去許留山,一坐低睇吓d是日特價,唔係好啱食,所以叫咗"芒之戀",所謂既"推廣價" 35個大洋,有3樣嘢,睇張相都好靚!嘢食嚟到,我呆咗一下,係有3樣嘢,但係就用酒樓果d碗仔上,收我35蚊,真係好意思,好過去搶.果3樣嘢係,芒果撈嘢,芒果汁丸子同埋一粒糯米磁+5片手指尾咁長既芒果,其實味道係幾唔錯, 但真係貴得濟,仲話係推廣價,收原價咪仲得了既

去海港城睇Converse展前經過，我們喝了芒椰燕窩蜂蜜爽X2。芒果唔甜，燕窩口感係雪耳，算了，都冇預係真燕窩..一杯$20，兩杯$34。

12.12.07是日友人想吃甜品, 原屬意松記, 可惜實在太遠. 唯有到別處, 是日最終去了許留山. 紫米撈野, 係我的至愛, 已幾年無見她的芳蹤. 仍硬著頭皮問店員有否供應. 她竟回答我們呢間無, har! 乜有第二間有咩, 我即刻問道. 原來有些分店係有架, 下次一定要去試下先. 回正題, 經一輪掙扎後, 最終試了個新野, 柚子撈野, 係芒果波波再加椰汁和柚子, 西米, 味道唔錯. 清清地. 好啱我! 友人點了什錦芒果撈野, 我見樣子也很新鮮, 該不錯吧!

佐敦分店.叫了咖哩什錦和什果芒果汁椰汁河粉.咖哩汁杰杰的, 無上次食的咁辣, 蘿蔔淋甜, 但豬皮不是我喜愛滑滑的質地, 牛栢葉得兩三塊, 少左D.椰汁河粉不及在松記吃的爽口, 食不出椰汁味.

和友人叫了碟咖哩什錦share來吃.咖哩汁都幾辣, 魚蛋幸好不是發得大而無味, 蘿蔔也都淋, 什錦還有豬皮, 牛栢葉和魷魚鬚.邊食邊飲銀菊露解辣.

出差回來，在中港城落船，跟朋友會合食飯前順道在這買杯外賣，點了芒果椰香紅豆小丸子，顏色看起來非常吸引，而味道真的不錯，尤其紅豆加椰香的味道，濃香鮮甜，但小丸子跟台式珍珠是沒有關系，只是用糯米粉做的小湯丸，丁方小圓粒的，熱食應該較好，但凍食就難以下嚥，若下次Order，都是去小丸子著數一點。

聽完講座，人數由二變三再變四，就齊齊去了就近的許留山食糖水傾偈。　我們點的幾款甜品多芒亮晶晶、椰汁柚子西米撈、蜜瓜柚子西米撈、芒果小丸子等都不錯；其中多芒亮晶晶及椰汁柚子西米撈是新品，分別是第二及第一次試，前者口感很Q夠特別，後者就清新甜美，是在許留山眾多甜品中算較出色的。　環境其實是ok的，我們在裡面吃著傾著，都十分開心；不過隔離來了一檯煙客，歡愉感覺即時急跌... 　雖說食煙是個人自由，但香港人口密度極高，在公眾場合抽煙無疑等於逼人食二手煙。所以很期望2007.1.1實施全面禁煙!

想找個地方食甜品, 所以到許留山. 近來新出了許多秋冬甜品, 我試了鮮奶雪蛤燉蛋白, 幾滑,不錯. 不過以前的小丸子甜品+ xo蘿蔔糕價格上漲了許多, 不捨得吃.

點了木瓜汁作為tea time飲品,但係好鬼甜咯! 下次要叫話走甜呢! 但講真呢到ga木瓜汁好過出面一d果汁店,因為出面有d會加水,但係d木瓜都未攪勻咯!

今日lunch食完都唔飽, 走左去再食過$8一客糖不甩, 估不到佢\竟然係即叫即做的, 等左5分鐘, 5粒軟綿綿又甜蜜蜜的粉團, 好美味呢~~~雖然個椰絲唔夠多, 但係佢\個軟綿綿口感真係令人好滿足~~$20六粒的芒果糯米糍都好正喎~奶黃內的芒果粒好fresh好甜好新鮮, 個糯米皮都好香軟, 不過略為厚了一點, 但每粒個size都好大好味~~ 不錯不錯, 下午茶又一好選擇啦~~另叫一杯燕窩芒果撈, 都係咁啦, 係人都知佢\個d燕窩jelly不知所謂架啦, 不過當佢\係杯drink飲下都ok啦~~芒果又甜, 即叫即做, 十零蚊都抵玩~~

(13/4)與友人晚餐後，隨即約友人稍作休息，去了許留山，因為近。芒椰奶西、芒椰蘆薈爽、燕窩芒撈、咖哩魷魚魚蛋蘿蔔豬皮、蘿蔔糕，我沒有吃，因我點了杯廿四味。咖哩魷魚及蘿蔔糕純粹作飽肚性質，質素合乎中道，有食過的人都會想像到那種味道；而芒果那幾種算是不錯，有芒果及其他生果，歡迎懶惰食生果的人。回家了，約了周公子琴棋書畫。