許留山 (已結業)

食完韓食, 行完街, 口渴渴, 便坐下食糖水.叫了柚子西米露(西瓜汁底) - 柚子少左些, 不夠突出, 西米也不算多, 幸好椰汁雪苞和西瓜清涼解渴.

前段時間太太到尖沙咀買點東西，回程時順道帶回這甜品店的外賣，是客雜果撈椰。外賣關系，這裡是將雜果及椰漿分開擺放，起碼不會浸透了雜果而影響味道；雜果沒舍好說，但這個椰漿底頗為得妥，椰子味香濃又不過甜，亦不是水汪汪的，是杰身的那種，放回冰箱翻凍後配上雜果食味真的不錯，而冰凍的口感可能比起堂食更佳。

食完Triple O唔夠喉, 突然想食凍甜品.芒果combo –有芒果小丸子, 芒果糯米糍, 芒果沙冰. 最愛煙煙韌韌小丸子.涼茶盧會爽- 涼茶味唔夠濃.

晚飯後, 想食甜品, 但又唔想食d太甜太肥, 所以就呢度, 貪佢以生果為主, 唔會太膩又健康d.一睇餐牌, 以芒果為主, 大部份都要$30以上! 本來想試套餐($28): 紫米小丸子配蘿蔔糕, 但我又怕太飽, 問有無得散叫小丸子, 竟然話"都係呢個價錢, 當係呢個餐唔俾蘿蔔糕你ji ma." 咁wo, 唉...咁算啦, 我同朋友2人只係叫個鴛鴦小丸子share 就算啦. 星期三做特價$30 (原價$35).鴛鴦小丸子係自選2款生果汁, 加小丸子, 仲有一碟什果tim. 都幾大碟, 2 個人食都覺得好夠lu. 揀芒果&士多啤梨汁, 唔錯呀, d 生果汁新鮮, 真材實料! 小丸子就最我啦, 其他係細粒淨湯圓, 細細粒好煙, 好有咬口! 但好似硬身少少, 如果可以淋番少少就最好啦! 什果都總算新鮮, 唔算甜.

同bf 食完泰菜一想搵d甜野中和一下, 所以就左許留山.只係叫左兩樣野:1.鮮什果水晶粉, 是日特價$28. 賣相幾好, 生果新鮮,水晶粉說穿了是無味的o者喱, 不過切了一條條, 而芒果的香甜正正為佢加上一份清香, 芒果汁多了, 可用來點生果食,好!2.芒果糯米磁: $12. 比想像中軟, 口感不俗.

今日同兩個朋友0黎食tea, share 0左個普通蘿蔔糕, XO 醬蘿蔔糕, 芒果布甸, 芒果椰汁黑糯米, 同一客三件芒果糯米滋.芒果糯米滋比想像中好食, 層皮煙煙韌韌, 又有淡淡0既芒果甜味, 好得!芒果椰汁黑糯米都唔錯, 清甜的, 不過d 黑糯米好似一pat 0野0左少少.芒果布甸一般, 勝在多0野.兩種蘿蔔糕... 個人覺得XO 醬好食d, 少少辣幾惹味, 不過如果少d 油會更好.一向幾鍾意佢d 芒果0野, 今次都幾滿意.

我去果間係厚福街果間, 細到暈, D人又食煙.....有D 後悔入左去~點了果最新系列既小丸子甜品, 幾似湯圓但又唔係, 有冇人知係咩黎架, 幾正

１０ｊｕｎｅ２００６我食左哈蜜瓜芒果撈西米露，柚子苦的，其餘都好好食，好鍾意佢地舊芒果撈，好好食，唔知點整呢？朋友仔吃了熱雪蛤燉奶，大家都覺得唔夠滑，我多年前食過，又係唔夠滑，點解咁多年都無進步既？？？好迫坐得好唔舒服呀！！

食完板前壽司，食個幾件壽司一d都唔飽，點都要搵d野補番數。店員例牌介紹當日特價，得個燕窩布甸未食過，咁就試下啦。見到有新產品有鮮果炒河，之前都見過第二度有得食，好! 又試下!個燕窩布甸d燕窩一d味都冇，點會俾d血燕你呀，你自己加d西瓜汁咪可以扮下血燕囉。好彩個布甸都好香芒果味，有時真係唔明點解好似許留山d甜品樣樣都有芒果，如果有個人唔食芒果咁點呢？鮮果炒河既「河」其實係椰肉，成碗甜品都充滿哂芒果汁，同d椰肉真係幾夾喎。唯一要彈下既就係d河比較少，今次食完仲剩番好多汁，o徒左。

前日11點幾去食,好多人, 等多十分鐘先有得答檯,不過都正常,兩條友,食左一個咖哩雜錦,都ok好食,少辣,仲嗌左一杯芒果椰子龜靈爽,幾大杯,幾好飲,又夠凍,夠多料,比起上次買外賣個杯好,兩樣加埋30蚊,算係咁......

呢個小丸子係上星期唔知邊晚o既飯後甜品, 而家先記得補返個食評. 所謂紅白, 紅係紅豆沙冰, 白就係椰汁沙冰. 整碗由紅主導, 八成紅, 兩成白, 加埋紅豆, 無餡煙煙韌韌o既小湯丸同椰果, 係傳統糖水椰汁紅豆沙o既冰涼變奏版, 比傳統o既多左一份輕怡同清涼o既感覺. 我個人幾鍾意, 不過我相信如果o係炎夏食, 就會咁適合!

前晚0係度食甜品,叫0左什果丸子同燕窩布甸,共50蚊.什果丸子有2碗,一碗係水果,一碗係芒果汁配丸子同椰子冰.水果只係ok,有d太熟0既西瓜,所以麻麻地,個丸子都唔好食,好硬又唔好咬....燕窩布甸冇燕窩,不過算啦25蚊唔可以要求咁多.d芒果同椰子冰好食,芒果都几熟但可接受.布甸都係一般水準,冇咩特別驚喜.0個晚0係度食甜品,附近勁多人食煙,燻到個身好臭...影響哂..

星期五, 又到超級優惠日, 今次試鮮什果芒果布甸. 等緊甜品時, 鄰檯黎左一個大家庭, 坐低後就要左個什果盤, 仲同店員講淨要西瓜. 我地聽到後第一個感覺係, 乜咁都得? 許留山又幾flexible喎! 但係諗深一層, 去旺角街市買半個西瓜$10就有交易, 許留山個盤載得幾多西瓜? 俾成$28 去買, 香港真係乜人都有!講返正題, 個布甸而家用心形盤上, 感覺上比以前細份左. 什果都幾甜. 布甸裡面都有粒粒芒果, 果然真材實料! 但係個布甸顔色假左d, 要扣分. discount左後唔駛$18, 幾抵!

sorry, 唔識打個"夾"字...哩個甜品個樣幾好ga,有半個木瓜, 中間空左少少有椰汁同雪"夾",不過佢都幾奸, 裡面重有唔少既冰黎"浪"住d位...唉!

今日食左個芒果椰汁黑糯米~ 好好味~~ d黑糯米又多~ 而且只係廿蚊~ 好抵食~ 中間仲有個芒果雪笆tim~~~ 最o岩夏天食~