影片
麻辣手撕鸡饭（$58）-麻辣手撕鸡饭的辣味和香气非常浓郁，好值得一试🥰。辣度同麻度都好容易入口，不过真正令佢可以令到五粒星嘅原因系因为鸡既份量多。鸡肉份量我觉得有2只鸡髀咁多，再加埋大量切条嘅青瓜丝，有口感又超好食。而饭同样都系大大份，食到超级饱。-平时餐厅系做学生生意，学生嘅话仲有折扣优惠，系好佛心嘅餐厅呢🥰-觅小食算系青衣区内性价比唔错嘅小店，曾经都试过叫食物但都等一段长时间，所以今次聪明咗手机落单之后去拎，等都唔使等🥰-
继续阅读
可以用鲜汁猪扒饭去形容，成个饭得两个蕃茄碎粒，其他全都系罐头茄汁味。块猪扒都算大块簿身的，但真系好咸。d饭就好湿，一Pat Pat 的口感。嘢饮都算正正常常。做既都系街坊生意，但系呢间嘢既服务态度就真系偏差。将货就价，唔会特登帮衬。
继续阅读
今日刚刚买咗个腐竹糖水。 哗!越嚟越差.. 煲好嘅腐竹糖水再沟水一样。佢刚刚开嘅时候我经常去买， 但每次嘅品质都唔一样。 但是附近只有一间有糖水卖， 如果想食糖水， 下次都要谂过先，食完只会心情更差好像畀人呃了一样😤
继续阅读
收工夜晚返到楼下买外卖自己一条友就求其买啦就去左呢间外卖小食店买左个烩意粉老实讲就真系麻麻地性价比唔高唯一好处系够大份 实饱我就食净左一半嘅意粉已经滞左（唔系讲笑真系好多意粉）如图所见 鸭胸丝得好少火腿就多啲啲嘅同埋海量嘅红萝卜（我都ok中意食红萝白所以呢个point系欣赏嚟嘅）味道就正常canteen颓饭白汁味摆得入口咁啦酱汁都足够 又唔会结达达之前仲有食过焗肉酱意粉嘅我会比较推荐肉酱意粉足料又够香不过就太肚饿无影相喇
继续阅读
昨晚到青衣长康邨2期的"觅"买了个烟鸭胸火腿烩意，单叫没饮品，盛惠$43.返到家一看，只见满满的意粉及火腿条，就是看不到有烟鸭胸。我还以为自己睇错叫了火腿意粉。好在我是买给女儿食，影了相要她选。看见只有火腿的意粉下，我左揾右揾。终于齐合数条鸭胸，但都不及一片细装tempo纸巾大。大佬呀出面一嚿鸭胸几钱，俾一两片都得挂，唔系咁都悭？这个似火腿丝意粉多啲，唔够鸭胸就收平啲啦，收$43没饮品。我宁愿系屋企煮个公仔面好过啦。生意真的很难做吗！！！！
继续阅读