西關老祖 (文苑樓) (已結業)

小妹真係好喜歡食傳統賀年糕點, 特別係蘿蔔糕, 所以每一年都會試唔同新款式嘅蘿蔔糕, 小妹今次試左黑松露磨菇味蘿蔔糕, 高貴得來又保持傳統嘅味道, 中西合璧! 打開已經聞到好香松露味, 用左陶瓷盤裝住, 就咁用嚟蒸番又得, 切一件件拎又蒸亦可以, 仲可以循環再用，下次用來焗一d簡單糕點都得, 夠哂環保! 切落去已感覺十分足料，蝦米份量十足! 煎嘅時侯，已聞到黑松露同蘿蔔兩種香味, 兩者互相配合下大大增加食慾!食落蘿蔔味道鮮甜帶濃郁嘅松露味, 咸咸香香好惹味!

天寒地凍，食啲暖笠笠嘅正氣野就最啱胃口😋 經過佐敦街頭見到呢間裝修型格嘅外賣店，google完先知原來係主打一款來自老廣州嘅自家製瀨粉😲 傳統嘢真係買少見少😮‍💨決定買返碗支持下傳統味道！🙌🏻🙌🏻🙌🏻《 西關瀬粉 》$25 4 / 5作為鎮店之寶，每個細節都落足心機！瀬粉係用粘米粉搓成，口感軟糯，放入用雞湯、香菇同豬油熬製嘅上湯度滾🍲 煮成濃稠嘅上湯米羮🤤 一啖落肚全身暖哂😝面層嘅豬油渣亦係自家提煉，金黃酥脆，油脂香濃🐷 蔥花同辣菜脯可以自由配搭，個人建議可以加多啲增添風味😋 由於時間關係淨係試咗瀨粉，除咗呢味傳統小食之外，佢地亦有創意搞鬼系列，例如「炸煎黑毛豬粽」同「黑松露蛋多士」等，留返下次再試😋———————————————🏠環境舒適度：外賣自取🥡👅舔脷回頭度：💛💛💛💛📸打卡able度：💛💛💛———————————————

臨近過年，總會買些糕點作賀年之用，蘿蔔糕和年糕當然不少得，過往家人都會光顧連鎖店的蘿蔔糕，吃了多年感覺有點膩，今年經住在佐敦的朋友介紹位於佐敦的小店，在街坊大廈附近，除了有蘿蔔糕外，還有其他小食選擇，例如XO醬腸粉、西關瀨粉、燒賣等小食，更有特色飯類。今天無緣嚐嚐這些小食，因訂了蘿蔔糕，在下班後趕去拿取，店舖也快要關閉了，唯有下次經過再一嚐。《秘制瑤柱蘿蔔糕》包裝簡單得來實用，看出小店用料用心，用法式陶瓷盤裝蘿蔔糕，非常精美，吃完後可以循環再用，用作其他食物器皿，讚！打開包裝袋，一陣陣蘿蔔糕香味入鼻，令人非常想吃，於是立刻二話不說切了一些來試試。蘿蔔糕質感較實正，煎起來不易鬆散；煎完非常香口，用料有蝦米瑤柱臘味粒，入口蘿蔔糕綿綿的口感，十分濃味，平日吃蘿蔔糕我都會點醬油，但這個蘿蔔糕絕對不用點醬油，因本身已很咸香夠味，絕對適合喜歡濃味惹味蘿蔔糕的人！

由於真係太鍾意食蘿蔔糕，平時去酒樓都一定會叫，竟然搵到一間長期有蘿蔔糕供應嘅小食店！喺西九附近🤣啱晒買完就可以直接行去西九海濱嗰度食，浪漫浪漫！！不過今次適逢新年，梗係買返屋企孝敬呀媽！原來自助叫餐好方便，可以一次過用消費卷🤣🤣其他嘢食來講價錢都唔貴，平均50蚊左右已oky!!!性價比高咼！一拎袋蘿蔔糕，好重手！！原來因為佢入面唔係用膠盒裝，而係用瓦盤，之後仲可以重用！好日系style ah啱哂😚一開已經聞到蘿蔔糕嘅味道😚好香！好重料😚😚😚😚足料！有蝦米，冬菇，臘腸，臘肉，好多瑤柱🥳正！今次屋企蒸黎食，想試清佢個味！蘿蔔味好出，略略嚴佢重口味🤣同唔夠多蘿蔔🥺多啲會開心啲！！不過料嚟講，好足！我俾足100分！！屋企人全部都食得好開心好滿足！^_^

有同事試過佢的XO醬炒蘿蔔糕同松露蛋多士，話幾正又有香港懷舊口味，又近我公司，就趁新年試佢的《老祖‧ 秘傳瑤柱蘿蔔糕》$168，拎起上黎好重手㗎有850g，因為用咗法式陶瓷盤裝，外層有真空包裝，放雪櫃可以擺耐啲，最外面有冷藏袋包住，行耐咗都唔怕。包裝非常得體，好啱用黎送禮，法式陶瓷盤可以重用。切的時候可以直接用個陶瓷盤切成細細份，長條一口的大細，方便進食。蘿蔔糕的用料十足，糕面有大量瑤柱，內裡當然唔少得蝦乾同臘肉。臘肉切得很幼細，蘿蔔切到一絲一絲，睇到製作者的刀工。蘿蔔糕都好挺身，易切又易煎，唔會整到爛哂，上碟時仲可以保持佢的賣相。蘿蔔糕唔使加調味醬都已經好夠味，但新年都會食糕食到悶，呢款蘿蔔糕好啱加上辣醬同蒜片再炒香食，增加佢的風味。下次黎要試下佢個古法瀨粉同其他食品！

年，又過年，新年梗係要食啲糕點啦，今次朋友介紹咗西關老祖餐廳俾我試吓，餐廳位於佐敦附近，位置近柯士甸站，餐廳座位較少，主要以外賣為主。老祖·秘製瑤柱蘿蔔糕餐廳好有心思，蘿蔔糕以白色陶瓷盤裝住，陶瓷盤可以重用，可以拎黎焗野，而且蘿蔔糕可以揀煎又得，蒸又得，我就揀咗煎既方式煮。蘿蔔糕用料十足，有瑤柱、蝦米、臘味，味道非常嘢味，同埋因為用料充足嘅關係，切嘅時候十分容易就切開一片片，食落嘅時候有好濃烈嘅臘味味道。

呢排冇得食堂食，所以都叫咗唔少外賣，咁啱呢間有係做外賣，同埋係古法嘅嘢食，所以黎試一試。 1. 極黑暗然銷魂飯（8/10）🤤🤤🤤呢個強力推介，性價比極高，叉燒燒得好香，另外仲有兩隻太陽蛋，啲蛋汁流落飯到好好食。2. 西關瀨粉配豬油渣（7/10）👍👍好耐冇食過咁傳統嘅粉仔，另外辣度啱啱好，辣菜脯份量都好夠，我雖然唔食辣，但係都覺得好食。3.炸黑毛豬肉粽 （7/10）🐷🐷🐷呢個又係舖頭嘅特色，佢嘅肉粽係偏向蘿蔔糕嘅質地，另外亦都係炸過嚟，所以食落到好滋味。4. 爆炒xo醬蘿蔔糕（7/10）😻😻蘿蔔糕係切粒咗之後，再加xo醬嚟炒，所以有啲半煎炸嘅效果，亦都好香口。5.薯條加薯餅配黑松露醬（7/10）呢個份量好多，食埋之後就好飽啦

今日過左黎佐敦，途經發現呢間小店，舖頭裝修別致新潮，內裏卻係賣緊精緻嘅懷舊小食，真係令人耳目一新，價錢亦都適宜，性價比可謂十分高。臨近過年，梗係買返啲應節糕點，見好多人推介呢度嘅蘿蔔糕，於是乎我都整返一底帶返屋企，餐廳好貼心咁附送埋保溫袋比客人外帶回家，返到屋企一打開，發現蘿蔔糕仲係用一隻靚靚陶瓷兜裝起，洗乾淨仲可以重用講返個食物本身，用料好足，一搣開保鮮紙已經聞到濃郁嘅臘味蝦米味，切開細份拎去煎，成個廚房都係香噴噴嘅蘿蔔同蝦米味，蘿蔔糕本身質地十分厚實，筷子夾起都唔會散，口感好有層次，唔使落調味料都已經好夠味，同茶樓果啲散收收嘅蘿蔔糕簡直冇得比成家人食到停唔到口，最後一次過食晒成底，下次再買要試下蒸黎食

臨近新年, 羅白糕就少不了, 以前都係會買大型連鎖店嘅糕去送禮或自用, 今次經朋友介紹話呢間小店既羅白糕都好出色, 所以就去黎一試。首先, 外型就好吸引, 佢用一個陶瓷兜去裝, 食完仲可以重用, 出去買呢個陶瓷兜都唔平, 睇出小店真係好有誠意。再者, 羅白絲條條分明, 蝦米臘腸同埋瑤柱絲都係好足料, 味道偏重, 如果你係鍾意食味道偏重嘅羅白糕, 呢間絕對啱你心意。佢間小店佢用自助點餐機, 對於疫情甘嚴重既時間, 係唔錯, 可減低接觸風險。另外, 除咗羅白糕, 呢度仲會有飯同埋糭各種套餐, 選擇好多, 無論想當做小食定正餐, 佢呢度都有唔少選擇可以提供。除此之外, 仲會有唔同配料（辣菜脯）或者辣椒油可以購買。如果有興趣既人士不妨可以嚟呢度試一試。

​又到咗瘋狂食糕嘅季節🤣🔖老祖祕傳瑤柱蘿蔔糕💰168/850g一打開保溫袋就見到蘿蔔糕中間有一大堆配料😆切完之後就發現成個蘿蔔糕其實都好足料，包括有蝦米、瑤柱、臘腸同臘肉😍感覺蘿蔔同粉漿嘅比例啱啱好，因為煎嘅時候唔會因為太多蘿蔔令到出現容易爛開晒嘅問題，但食落去都唔會覺得係一舊粉團😌今次試咗煎同蒸兩種煮法，發現煎會更加好食😋因為更加可以突出到臘味嘅香味😇不過要留意翻呢款蘿蔔糕偏重口味少少🤣💫推薦指數: 9/10​-溫馨提示👉🏼蘿蔔糕係用法式陶瓷盤上㗎~等於買蘿蔔糕送陶瓷盤，好實用🤓

一間裝修同廚師都好潮嘅舖頭賣懷舊中式食物，例如瀨粉/粽/蘿蔔糕/銷魂飯等等。就嚟到新年，為左搜羅下邊度有好食嘅蘿蔔糕送禮，我嚟左呢度試。揀佢嘅原因係因為比佢嘅包裝吸引左。包裝衛生，有一個保冷袋袋住真空包裝左嘅蘿蔔糕同冰塊。 餐廳非常揼本，仲用一個好靚嘅陶瓷碗裝住啲蘿蔔糕。用嚟送禮非常得體。 自己食完嘅話都可以留返隻碗，擺喺焗爐焗下野！講返主角先，蘿蔔糕好大份，絕對夠四個人食，切開到20條。蘿蔔糕咸咸香香，有少少蝦米同煙肉碎（好似係）吊味。 好似平時喺茶樓食到嘅蘿蔔糕甘。我覺得餐廳嘅其他食物都好正，好適合唔想煮飯嘅時候外賣返屋企食。尤其係個2人餐，90蚊有瀨粉 或者豬油撈飯2碗＋老祖美食2款＋ 紅豆沙or綠豆沙＋ 2杯飲品, 非常抵食!

相信大家都吃過港式瀨粉😳，但其他地方的瀨粉，你又有沒有吃過呢? 位於佐敦的西關老祖，主打西關當地美食。我們在香港吃的瀨粉，屬東莞風格，粉條滑溜透明。而店家的瀨粉則短身且質感粉糯😆，完全不同哦~ 文青風的店面裝潢，在佐敦的殘舊街度上份外顯眼。小店以外賣為主，只有一個堂食位置。 「西關瀨粉🍜 $25」 稠密的西關瀨粉，鹹香十足。瀨粉的雞湯用冬菇和蝦米煲成，鮮香不已。配上自家製的瀨粉，撒上炒辣菜脯、蔥花和黑豬油渣，味道不錯。 「極邪惡黑毛豬油撈飯🍚 $15」 至從小時侯在元朗某間出名的老字號飯店吃過豬油撈飯後，對這道菜式念念不忘呀😍。聽說這是舊時的窮人美食，真的要讚嘆以前的人好聰明呀～油香四溢的米飯，令人慾擺不能。 「港式混腸粉🥳 $15」 我超愛吃腸粉，多甜醬多辣醬才是真正的混腸粉。 「XO醬爆炒自家製蘿蔔糕😆 $38」 惹味嗆辣的蘿蔔糕，蘿蔔和粉的比例剛好。店家亦有單品出售，可以拿回家自己煎阿。

冇咗晚市堂食，有時喺屋企煮得悶悶地都買多咗外賣，早兩晚收工就買咗呢間西關老祖外賣返屋企食，幾抵食又好味喎😎🔸西關瀨粉配黑毛豬油渣$25自家製瀨粉，同平時食燒味瀨粉個種係唔同，佢地既古法瀨粉係細細條既粉仔，口感幾得意。豬油渣唔會好油膩，幾香口，加埋辣菜脯，辣辣地幾過癮，好好食😋🔸極黑·黯然銷魂飯$56自家製黑叉燒配煎雙蛋飯份量都幾多，叉燒加左蜜汁，半肥瘦好軟腍，推薦呀！🔸極上生蛋醬油拌飯$28蛋加醬油呢個組合都係冇得輸，唔使加餸就咁撈飯都食得🤣🔸爆炒XO醬蘿蔔糕$38 用自家製XO醬炒得好香，好惹味！📍#西關老祖 (#佐敦美食) (#葵芳美食)佐敦文苑街18號文苑樓地下18B號舖葵芳葵富路7號葵涌廣場2樓2003號舖

呀媽抽起條筋話要食蘿蔔糕，新年都等唔切。做女嘅快快趣做嘢啦，就俾我搵到呢間。上網已經見到早一日就可以訂到老祖·秘傳瑤柱蘿蔔糕850g，仲有法式陶瓷盤裝添！咁岩最近又真係物色緊陶瓷盤焗野食用，岩曬！850g都真係幾大份，一拎到番黎已經即時開封連埋晚飯食。打開已經見到滿滿嘅材料係正中間，旁邊嘅蘿蔔糕都溝咗唔同料，好吸引。是日想食香口野，所以切咗部分黎煎。蘿蔔糕切起好成型，唔會散開，煎落聞到陣陣蘿蔔香。最後加d面嘅蝦米，臘肉，臘腸，瑤柱絲爆一爆，上碟！材料都好有咬口好充足，蘿蔔糕煎香完依然完整，食得出唔同香味。味道偏重，咸咸香香，又幾岩屋企人口味。滿足到呀媽喇今次，剩番諗住煎黎食，睇下口感又會唔會唔同先！另外見到鋪頭其他小食都幾吸引，下次經開黎食先，雖無堂食，但附近都有個公園可以坐底食嘅！提提大家鋪頭唔收現金，記得帶機上顯示嘅電子錢包喇～

聽朋友講西關老祖嘅叉燒好好食咁啱經過附近一於買外賣返去同屋企人一齊食 極黑.暗然銷魂飯 $56配自家製嘅黑叉燒 同煎雙蛋黑叉燒同平時食嘅中式叉燒好唔同呢種嘅煮法好香 同事亦都唔會感覺上好肥膩啖啖肉嘅感覺好正 同埋會令你食完仲想再食嘅感覺另外兩隻雙蛋食得出係日本蛋 又香又甜配埋叉燒撈飯真係好好食屋企人一人一盒個個讚好除咗食叉燒亦都叫咗個燒賣醫下肚魚肉燒賣$15.6粒食得出係用金龍燒賣呢個價錢食到金龍燒賣好抵食就算六粒都配埋辣椒油好香好味之前已經試過佢哋嘅XO醬蘿蔔糕亦都係好好味 下次相信會過嚟再試