西門町台灣麵食 (已結業)

喺呢度食完啲肉燥飯之後，喺其他地方，根本覺得比唔上。（因為呢間店嘅肉操飯真係好好食⋯） 啲肉燥好正宗啊！份量👍🏻👍🏻，性價比高。口水雞我覺得麻麻，但我朋友覺得好好味。我覺得唔係太入味囉，有少少失望。但啲粉皮口感真係好正，出奇地入味爽口！😍😍辣辣地勁開胃好味 必叫

兩個人快閃食左個午餐，好底食，叫午餐送餐飲，跟餐另叫小食仲有得平10蚊！所以我地叫左豬扒麵，豬扒係另上既，仲叫左豬軟骨飯，飲熱檸水同熱奶茶，另外加左個酸辣粉皮。我地去既時候吾多人，有卡位坐，叫完上菜都上得幾快。整體黎講以呢個咁底既價錢食到餐飯都算不過不失啦，雖然間餐廳吾算好大，但係裝飾得的確吾錯；值得一讚既係佢個炸豬扒又炸得幾好味，果塊炸皮好薄，而且食落口係熱辣辣，真係「鮮炸」架，朋友非常欣賞佢個麵，食完第一啖話個麵好彈牙爽口叫我一定要試返啖！飯同粉皮就一般啦。

今日難得放假，諗住跟阿媽去屋企附近既西門町食台灣野。近2 點去到唔太多人，兩個人唔太肚餓，於是兩個人叫一個$39 飯加$24 小食，餐牌上寫明一個飯或麵同時叫一個小食，每個小食減$10。店內當眼地方有寫明每人最低消費$15，於是2 個人一個飯加一個小食$39+24-10=$53，已經達到最低消費。落單後，見阿姐寫$39+24，心想可能一時寫錯，於是査詢，阿姐話小食減左$10 唔夠$15最低消費，所以用正價計小食。於是我諗住改另一個$25 小食以夠$15，阿姐跟住又話兩個人叫一個飯，小食唔減得$10。即刻著曬火！第一，最低消費係你店自己訂，如果你要求客人最低消費係一個飯或麵或一個正價小食，可清楚列明以避免爭抝。第二，餐牌上寫明一個飯或麵加一個小食減$10，但無話兩個人叫一個飯或麵加小食唔減得，呢個係咩邏輯？如果店內優惠係有限制，唔該寫清楚或者落單個陣講明。明白飲食生意難做，有最低消費以保障生意額無可厚非，但當客人符合最低消費額時，又擺龍門以強加諸於客人單內，實在令人氣憤！Blacklist 此店！永不幫襯！

同Mr. Wu Chu@daydreamerss去行街街，夜晚行完信和，諗住喺附近搵野食，突然諗起已經好耐冇食呢間西門町台式餐廳，所以就好啦，就今晚去食啦！一如既往叫左個2人餐 有三款小食/小菜揀 另可揀肉臊飯/擔擔麵/擔仔麵 再配兩杯飲品我地揀左   怪味雞話明怪味雞   真係甜酸辣味都有齊味道係唔錯嘅   不過啲雞好似煮得太耐  好鞋 而且雖然雞嘅件數唔少但每件嘅肉都唔係太大舊   所以真正食到落肚嘅肉其實唔多五味山珍撈左麻油   所以好易入口    唔會好DRY   唔駛成餐都淨係食肉    很好腐皮蚵卷值得讚嘅係個卷夠熱夠脆但蚵仔份量好少真係食唔到蚵仔味我同Mr. Wu Chu都揀左肉臊飯呀肉臊嘅份量都算夠嘅甜品﹕芝麻湯丸湯丸好味  熱辣辣嫁  總括黎講   雖然食物質數唔算特別高但呢個2人餐    $218加一    可以食到咁多款野    又包飲品都算抵食嘅唔知大家會唔會同我地一樣平時出街食飯   唔係食西餐就係食日本野   唔係食日本野就係韓國菜如果你好似我地咁   突然掛住台式嘅味道就可以黎一試呀！溫馨提示﹕其實餐廳啲位有啲迫   雖然有少量卡位   但其實啲卡位都迫迫

最後一日復活假當然要盡興啦，於是下午與妹子去太子行街，享受購物中既女仔都係不知時日過的，行左4個鐘到開始餓先醒覺，由於偏愛台灣菜，妹妹提議到之前都有食過1次既西門町，記得野食唔差主因服務員態度唔好所以擺食............今日心情好就俾多次機會吧！餐廳地方細需要搭台，比較迫，仲要強制性2個2個打對坐點了四寶飯走鴨腎同魯肉飯，飲品同時下單可半價，於是點埋熱杏仁奶茶同茉香奶茶！四寶飯滷豆腐嫩滑，豬腸洗得乾淨炆得都夠林，滷蛋正常妹妹既魯肉份量好多，比對上飯量唔夠撈呢飲品甜度剛好亦夠濃味P.S 今次態度好左，但仍有進步空間

第一次黎食覺得好好味 回味咁耐終於黎返 結果好失望 超級難食 唔值得去紅燒牛肉麵 麵底俾左擔擔麵面底 唔係平時食開/openrice食評見到個隻 如果賣哂牛肉麵面底係咪應該講聲食落就似街邊牛腩幼面 湯底無牛香味 牛肉根本就普通牛腩 仲衰過街邊 46蚊一啲都唔值 廿蚊都俾多香芋珍珠奶茶香芋味不足無下次服務生無禮貌

叫左個二人套餐($218)，包括兩杯飲品，三個小食，兩個飯/麵。可以補差價叫你想要嘅野食，唔一定係指定。香芋飄雪(左)，茉香珍珠奶茶(珍珠+$3/右)怪味雞: 紅油底，表面有一層醬，大概用左一啲切得好碎嘅辣椒，葱等等嘅配料。雞肉好嫩，雞皮好滑，配埋啲醬一齊個味都幾新鮮。皮蛋肉鬆豆腐(要補差價+5): 個醬甜甜地，但如果淨食就好咸，配埋飯就岩岩好啦。肉鬆仲係脆嘅，皮蛋都好靚，豆腐超嫩滑，應該都係用盒裝現成個啲。鹽酥雞: 新鮮滾熱辣，岩岩炸起。好酥脆，好有台灣嘅味道。粉漿唔會過厚。肉躁飯(細): 都好多肉躁，佔左三分二個飯表面。專門為左食肉躁飯，味道好好，冇失望。肉躁擔擔麵(細): 啲麵索啲汁索得好快，隔左一陣先食已經唔見曬啲汁，就算係咁，啲麵都唔會太糊口。唔知係咪啲麵索曬啲汁，所以入曬味，好食。p.s.尼到嘅員工好好，好有禮貌，直得加許。

今日出開去旺角行街，行完就去左通菜街個邊食西門町台灣野，座位有梳化位坐都舒服，裝修以釣燈，綠葉既佈置，比人感覺好舒服舒適！花蓮鹽水雞，雞皮都唔肥有d爽口添，雞肉啖啖肉得黎都好滑，鹹鹹地都幾好味，岩晒撈飯食！涼拌茄子，凍食既茄子淋淋，茄子索晒鋪頭自家製既醬汁，非常惹味，食落好開胃！秘製香鹵拼盤，d鹵水蛋好夠味好入味，蛋黃仲特別香地唔錯！雞腎入味爽口，口感非常好！豆腐味道唔錯得黎又唔易散，仲要食落滑嘟嘟！豬腸洗得又乾淨，鹵得色水又靚又入味，口感又好唔錯！牛肚鹵得夠晒淋，唔會韌一咬就咬到！雞絲拉皮，雞絲撕得條條差唔多大細，拉皮口感好好，滑嘟嘟又爽爽地，配埋爽脆青瓜絲同特製醬汁，非常惹味！芋香珍珠奶茶，珍珠煙煙韌韌甜甜地幾好食，茶味比例岩岩好，飲品味道都調教幾好！

之前次次黎襯都好多人 唔知今日係唔係星期一 竟然好少人 我地去到叫左個2人餐 計過黎發覺點都底過散叫 而且餐入面既野食都啱食 這個不記得名字 本人覺得麻麻地 凍食黎既 係魷魚包住d蝦同似酸菜既菜 青菜 有埋肉碎 幾夠味肉燥飯 好味擔擔麵 還可以鹽酥雞 非常野味 好吃這個芝麻湯圓是送的 暖暖的 好吃 整體來說 我是會再來食的 好味又底吃

魯肉飯好好味呀!一食就知係落左五香粉,好香,好味而且份量都唔少嫁!仲有紅燒牛肉麵都唔錯,d牛肉容易入口而且湯底唔會太濃味同太咸。之前去過其他地方食覺得湯太濃味,但係哩個湯底就啱啱好。而且店員既態度都幾好,但唯一問題係實在太逼了。如果d位闊少少會好d。

同朋友去行花市前要食返飽飽😋 簡咗係油麻地食哩間台灣菜 好耐之前已經聽過哩間餐廳 今次見我同朋友都想食下台灣野 所以就去試試💃🏻 本身知餐廳唔大 所以特登6點幾就去到 見到有幾張枱都擺咗個留位既牌 但因為我地算早去 所以兩個人都安排咗個四人卡位✌🏻打開餐牌 見到有好多款唔同配搭既菜色🤔 我地諗咗陣就嗌咗幾樣野包括加咗一杯野飲🍹👇🏻凍既蜂蜜綠茶 一飲既時候覺得偏甜 比想像中甜 蜂蜜味🐝唔重 主要係凍既綠茶加咗少少蜂蜜 我地覺得比較一般🙇🏻簡咗個鹽水雞套餐 有三款包咗鹽水雞 我地覺得幾夠味 醃得偏咸咗少少🐔 雞肉既肉質一般 撈埋佢比咗既燥肉飯食係岩岩好既😂 燥肉飯係出名 肉燥夠多 肉汁撈飯真係唔錯 值得一試👍🏻👍🏻 仲配有一碟生菜 份量幾夠😋 上面有一堆肉燥 我地覺得唔錯 撈埋兩樣野加埋個飯係唔錯既💃🏻食完一個飯當然就嗌返個麵🍜 台式香酥豬排擔擔麵👇🏻 份量合理 擔擔麵既汁料唔錯 易入口 可以簡唔辣 小辣 中辣 大辣🌶🌶 我地簡咗小辣 怕太辣唔好食 又怕唔辣會令個麵失色😂 小辣主要係飲個湯底既時候 有點點既辣味😀 香酥豬排份量都大既 幾酥脆😬 不過油落得比較多 咬落去個口都好油膩😂😂 豬排

是咁的~女朋友仔一直都話想帶我黎呢間食台灣麵 咁啱今次黎到旺角 就梗係食呢間啦 女朋友仔講過佢以前食晏就果陣有個套餐好多野食好抵食 唔知夜晚有冇 點知我地真係喺晚市個menu搵到(唔知係咪有分中午價同夜晚價) 個餐好吸引 有一份乾拌麵一份咩咩燒芝士丸一份涼拌茄子咁樣一set 七十幾蚊 (冇野飲)其實都好抵嫁喇然後我就想食撈冷麵 所以叫左個咩鮑魚絲冷麵(唔記得個名),六十幾蚊冇野飲 諗住試下嘛先黎嘅係涼拌茄子 出面嘅台灣麵店 通常都係炸茄子 燒茄子 好食係好食但食多幾舊就好膩 但呢間唔同 涼拌茄子好開胃 雖然係冷盤 但唔係果種凍冰冰唔想食 相反真係愈食愈開胃 拿 出菜到喇 對面就係我女朋友叫嘅餐果碗麵 近鏡嘅就係果句咩鮑魚絲冷麵 一上台 我就覺得真係好大碗好抵食 一個冷麵六十幾蚊 其實出面其他鋪都係咁上下 可能仲貴 佢本身已經唔貴仲要咁大份 淨係份量已經回曬本啦 碗麵嘅左上角就係佢嘅汁 試過應該都係d花生醬溝下麻醬d fd 碗麵本身配少少蒜泥 份量唔會多到好重蒜味 但又提升到成碗麵嘅惹味程度 撈完之後呢碗冷麵真係一絕 好正好香好美味 不過講真 就唔好expect佢d鮑魚絲會好好味好特別

在人來人往的旺角，要找到位置食嘢認真唔容易。這台式小店座位唔多，經常有人龍排隊，午餐經濟親民，由$39-67，包飲品。紅燘豬軟骨麵$41麵大大碗有三、四件豬軟骨，在百物騰貴的時候，四十元有這份量，認真抵食！茶木個豬軟骨麵都成八十元。而這豬軟骨入口鬆軟，富濃郁的醬油味，軟骨入口脆身，細嚼連骨也可吃下。麵條則普普通通，入口彈牙，湯底清清地，都幾ok.涼麵餐$67包蝦餅、涼麵同飲品涼麵大大碟，有雞絲、火腿同青瓜絲。拌以那棕色芝麻醬，味道香濃又有芝麻花生香，鹹鹹甜甜咁，又幾開胃噃。蝦餅有少少油膩但幾香囗，食落有少少蝦餅，囗感彈牙。熱奶茶普普通通，茶味比奶味強，熱度夠凍珍珠奶茶入口香甜，口感奶滑，珍珠比較稔身，但整體感覺唔錯，如何在這裏食嘢，還是點台式飲品更好。

難得在香港終於食到台灣的味道，實在太好了。平時好少到如入街，因為實在太多，寧願留在商場醫肚。今日幸得朋友推介，來到女人街覓食，原來女人街旁邊夠了那麼多食店，很多間都在門口企滿人等位。我倆等了幾分鐘都有枱了。店舖地方細，卡位都要搭枱，但台灣風味濃，所以這個問題無損雅興。單點魯肉飯及鹵肉飯麵大大碗，份量很足夠。魯肉飯非常入味，很驚訝味道真的很有在台灣吃過的味道。一邊一吃，一邊不停讚朋友果然好介紹，亦已經下次去旺角要再吃多次。香卥併盤真係應該每次必點的。豆腐非常滑，金錢肚乾淨又入味，腎亦肉質淋又入味，因為我不吃腸的，所以沒試味。基本上這碟併盤所有都很入味，必吃!我很喜歡點用酒煮過的菜式，這個熱醉雞，雞滑，湯香。我們不是點套餐，但用餐後店員都有送上熱騰騰雷沙湯丸給我們吃，感覺很滿足很貼心的服務呢。

一個人到旺角逛街，瘋狂掃貨後驚覺已8點幾，又很想飲台式奶茶，便到妹妹早前特意推介的這間試試看！餐廳裝潢古式古香，坐位不多，我點了鹽水雞套餐，餐點魯肉飯（可選白飯），肥肉不多低讚，略厭醬料太多稍微濃左小小，肉燥油菜嫩滑香口，鹽水雞火喉到位不過老，熱既椰香奶茶好好飲，椰油滿口不膩很香酥