西貢越南湯河 (已結業)

食過灣仔果間西貢越南湯河, 以為會差不多, 點知差好遠, waitress無禮貌, 野食份量少叫了碗生牛肉牛丸河,生牛肉ok,但係牛丸得一粒, 而且仲難食過街市買果d,另叫了碗生熟牛肉河, 熟牛肉似牛腩..另叫了炸蝦餅同咸檸七, 嘩...點解來了四塊炸番薯!!???哦.......原本係炸蝦餅,食落d蝦肉唔彈牙, 成$39碟, 完全唔抵兼唔好食!!

今日在附近上課路過就再o黎試o下. 個生牛肉湯河用料夠正宗, 不過湯底d香料比起沙田火車站連城廣場o個間越棧稍遜色, d紅指天椒不夠新鮮. 杯青檸梳打少甜好夠味夠凍, 埋單$46.

可能是看到的食評太好，期望過高，結果好失望2人叫了蝦米蟹羔湯檬($38)、無骨雞翼凍檬($34)及可樂192ml一支($11)。蝦米蟹羔湯檬-碗大湯多檬少，蟹羔味道一般無骨雞翼凍檬-雞翼讓了香葉味道怪怪的份量嚴重不足，食完好似冇食過$11支可樂太貴支魚露上印的日期是2004年，希望那只是製造日期...

放新年假期間，很多食店都沒有開門，見這裏有開，便來這裏食。我們叫了咖喱雞配法包、虎蝦春卷、香茅豬肉河、西貢奶凍和香濃滴咖啡。咖喱雞配法包- 咖喱味好淡，雞肉比較韌；法包外脆內韌。說真的，只是好一般。虎蝦春卷- 炸得好脆，虎蝦味道唔錯，可以一試。香茅豬肉河- 豬肉好韌又唔新鮮，河粉就普通啦。西貢奶凍- 好滑，味道錯，但比較甜了一點。香濃滴咖啡- 好濃，味道都算幾好。價錢比較貴，唔多值。

去到呢間越南食肆，試左個生牛肉湯河，二十九蚊，湯底唔錯好清甜，而牛肉亦有肉味，唔錯唔錯，不過份量就少D，唔係太飽！

叫左生牛河(29)同香矛豬扒飯(34),同2杯飲品(18x2)=99元香矛豬扒好多度都有得食.,但豬扒煎得香口又硬而又要有香矛的味道.,根本吾係好多間做得到.,但呢度就食到又香又軟硬適中又帶有香矛味的香矛豬扒飯.,佢有2款香矛豬扒飯.,一款有隻煎蛋.,另款淨豬扒.,但同價(34元).,問真.,淨豬扒個款有2件豬扒.,咁當然要淨豬扒啦.,一隻煎蛋有乜理由等如一塊香矛豬扒者,侍應小姐送到來.,豬扒真係好多.,已切開有成14厚條咁多.,但飯真係得一碗仔咁少。生牛河的湯肯定無味精.,我覺得好清甜.,而佢加左的香葉同湯一混左.,個湯即刻香左好多.,非常正!!我一直係中意食麵而對河粉係好一般.,但呢度的河粉令我改觀左.,的河粉真係好滑好正呀!!呢度飲品除左滴漏咖啡好味外.,仲有一樣係咸檸檬七喜(或者蜜糖)好正.,因為出面多數係咸柑桔。最後係呢度的魚露好香好濃.,食湯粉加2滴就好香了.,之後仲係度買左一枝魚露(9元)同一罐咸檸檬(17元)走。之後同待應妹妹講佢地豬扒飯的飯太少喇.,佢話你一次叫豬扒飯講明多飯.,我地會加飯架。味道一流.,服務又一流.,以後去旺角太子食越南菜.,呢間係我唯一選擇.,雖然

主要係為左蝦米蟹羔湯檬而黎...時間係星期二的晚上約8:00蝦米蟹羔湯檬($38) - 本來以為會係好重口味的, 但係估唔到正正相反, 好清!! 面頭有大量香葉, 絕不手軟; 蝦米蟹羔係搓成一舊的, 而番茄湯底味道唔出, 都唔錯!紅汁牛腩米線($28) - 唔知點解呢個size細得多, 細佬話d牛腩似"名嘴私房牛肉面"果d咁...一般!小食拼盤A ($50) - 兩條春卷, 兩條蝦粉卷, 一隻冇骨雞翼...我特別欣賞個粉卷, 個皮唔似其他度咁"un", 而雞翼裡面個"ham"好足料...最like呢個!雖然價錢唔平..但值!P.S. 有個Waitress姐姐幾靚, Service要加一分^^

昨晚到太子附近塭食，經過這家店頗多顧客，進去試一試吧！餐牌就是墊檯紙，店鋪地址讓我知道原來是灣仔集成對面的西貢越南湯河的分店低頭顧盼一翻後，決定要最簡單的生牛河，呀，不，要一碗生牛肉牛丸湯河。店員戰戰競競地，雙手把食物送上，入目是滿眼的青綠，對了，我沒來錯地方！慷概的撒一把九層塔，淋上充滿牛味的高湯，成就眼前的生牛肉牛丸湯河，份量並不算大，牛丸只得一粒，牛肉約有八片，沒細讀庖丁解牛，不知道肉片是來自什麼部位，畢竟牛肉是快熟的肉類，熱湯一過，讓人口水直流的鮮紅快速褪色，肉質有點韌，但牛味馥郁，跟其他店是截然不同的口感。上桌時已四成熟，我連忙把牛肉片置高，有一店員走來問我是否嫌太生，要不要一碗清湯燙熟肉片，我解釋是避免太熟，可見店員頗細心。牛丸本來以為是主角，本來討厭河粉，沒味道，質感爛爛的沒個性，但論越南粉麵，就只有溫婉的河粉才是絕配，這裡的河粉類似金邊粉般幼細，夾帶著濃郁的湯頭連同香葉獨有的香氣，不知不覺就全部吃掉。點菜的時候，見到有一種久違的甜品─粟米糯米，還記得好多年前在灣仔讀書時，最愛到合和對面的越南店，每人一碗湯粉，再來一小碗粟米糯米(就是酒樓那種小號的碗)，一人一口，然後拍拍

30/7晚8點幾，唔知食咩好，d雨又落得幾大,諗起係網上見過人地講呢間餐廳，所以專登由旺角行過黎食。都要等位，但好彩好快就有。叫左蝦米蟹羔湯檬，好多蟹羔，但d蕃茄湯淡左d，唔係好夠味，如果再濃味d就好好多，不過好似無咩味精。d檬粉真係似米粉多d，我比較鐘意食一般0個d檬粉。另外，可能碗野d湯唔夠味，所以覺得都係撈檬好食好多。另外，叫左香茅豬扒飯，d豬扒幾好味，但d飯好似少左d，賣成三十幾蚊，貴左d。另外，叫左拼盤A，呢個係3樣中最好！覺得比想像中無咁好，但D侍應幾NICE!

一日係花園街尋寶,到晏晝兩點幾,想食野,但太熱無胃口,入左呢度,聽過呢度蝦米蟹羔湯檬出名,一於叫個試下.碗粉出黎時,嘩,好大碗!橙色蕃茄湯加上好多蟹羔,仲有好多香草(一隻係金不換,另一隻吾知係咩),同芽菜,賣相好吸引,食落更正.個湯底吾少分,鮮味得黎吾係死咸,吾係味精湯隻,佢隻檬粉有少少似米線,但較幼同軟滑,我好鍾意!蝦米蟹羔超惹味,混和湯同粉口感一流,仲有少少辣,胃口開晒. 一個女子食晒成碗,飽到吾郁得,飲吾晒湯,有可惜.最好同多個人一齊食,可以share 兼叫其他野.

佢d 野唔會太濃,又唔會冇味..味道好新鮮staff亦會介紹食物比你ok好坐可惜d staff聽radio太大聲喇扣dd分

今晚睇戲前黎食飯有二人餐選擇但唔o岩心水散叫左蝦米蟹羔蕃茄湯檬(轉左乾撈檬),雞絲湯河同特式小食拼盤A蝦米蟹羔乾撈檬($34)～本來係得湯檬，但因為天氣好熱，個人無乜胃口問佢有冇乾檬，阿姐好好人咁幫我轉左，仲話如果食左一啖發覺唔好食，可以即刻幫我加番Ｄ蕃茄湯入去，真係好大碗，又有好多蝦米蟹羔舖面，食晒真係好飽！蝦米蟹羔味道甜甜地辣辣地好開胃，但呢度既檬粉好特別，唔同於平時小巴黎食開O個D，個樣同味道都係似米粉多Ｄ，但都好食既！不過個人接受唔到O個D香草葉，下次食一定要走左佢先得！雞絲湯河($29)～朋友食呢個，個樣好清，雞絲試左一件都唔鞋口，算係咁啦！不過預期中無雞味架喇！特式小食拼盤A($45)～呢個有春卷，蝦卷同無骨雞翼，春卷餡料唔同酒樓O個D，有雲耳絲，紅同白蘿蔔絲，仲有少少肉絲，先用左似係米紙既野包住再炸，炸得好脆但一Ｄ都唔油，而且熱辣辣上檯，正；而蝦卷就直情係用左米紙包住Ｄ檬粉，香草葉，蝦點Ｄ甜酸汁食，個汁好正，食完淨番好多所以俾我用埋黎撈個檬粉食！最後個無骨雞翼係用左似係包春卷既餡料包住再炸，一樣炸得脆口但唔油，味道都幾好，但個人黎講成個拼盤至愛係春卷！不設加一，服務又好，

個日第一次去食, 其實佢都唔平架, 無咩套餐好叫, 散叫要三十幾蚊一個河粉架.叫了一個西貢湯河, 一個酸辣豬頸肉牛腩米線同一客無骨雞翼.西貢湯河其實係由豬的各部份加上湯河,料多有豬肉,豬腸,豬頸肉同酸菜芽菜等, 肉有d淡同鞋, 但個湯就好好味, 清得來又唔會淡, 河粉都好滑但可惜少了點...米線一般, 但都幾辣, 味道足.ok啦, 不過河粉正d.無骨雞翼就廿零蚊有2隻, 好好味, 因為無骨之餘又大隻, 入面有好多碎肉同香料調味, 啖啖肉, very good

個無骨雞翼檬超正ar >v< 勁正~一定要試ar~我記得好似$3x咋...

今次係第一次食呢間佢只得2 sets，吸引力不大於是散叫…2 個人叫左:1. 越南春卷湯檬: 春卷0岩0岩炸起，好好味，而且大大碗，抵食2. 南北水晶卷: 因為無雞絲水晶粉就嗌左呢個，煙煙韌韌，入面有肉粒、雲耳粒，上面鋪有金不換、扎肉、炸蒜頭、花生粒，味道都唔錯呀，可以試下~~~水晶湯粉同另一個叫越式薄餅都好似幾吸引下次我會再試呢2 種……d staff 都好好呀佢地好有耐性咁介紹d 食物加水又快值得一讚~