西湖春天食府 (已結業)

請問有冇人知訂位電話? 因為電話公司說沒有登記. Thank you.

開張唔夠一星期黎試過. 可能因為新張, 唔係太多人, 呢度環境幾舒服同幾有style, 食物質素都唔錯, service 幾殷勤, 價錢亦唔貴. d 粵式點心大部分都只係$8.80, 擔擔麵同小籠包都只係$10.00, 炒粉麵都係廿零卅蚊, 多款京滬小食都係$18.00/款, 加上食物水準唔錯, 都係一個選擇.不過上星期同朋友再黎食晏, 唔知係咪因為人多, d待應即刻手忙腳亂, d單亂七八糟, 我其中2個點心催好多次都冇黎, 最後唯有cancel. 所以如果佢地唔改善一, 想再黎都幾難.ps 佢地有2/3地方用黎做VIP房, 而且冇最低消費, 如果三五知已想靜靜地食餐飯, 可以考慮, 但記得要book.

地址請改為倫敦廣場

開o左張幾日立即去試o下，晚飯時間都唔少客喎。菜式同現在新派的京滬菜差唔多，不過唔算貴。揀了幾款冷盤、小菜同點心，都好夠水準，冷盤有無鍚脆膳，好夠脆又滋味，送啤酒最o岩；部長推介我o地食西湖素炒，其實係炒雜菌，唔算好特別，鎮江排骨同我至like“天與地”黑醋排骨一樣咁好食，沒有肥膏、甜酸味恰到好處，四川擔擔麵亦係我推介之一，18蚊好大碗，除了夠辣外亦好香花生味，麵又爽口彈牙，真係好好味。伙記服務又好，總之overall都好。