西樹泡芙 (觀塘站)

营业中

休息中

一回家看到雪櫃裏邊有這間西樹泡芙盒子，都估到應該是有友人來探訪了。將吉士味的泡芙留給別人，自己就拿了個綠茶紅豆味的。😏泡芙的質地沒舊日那般厚實，綠茶餡料不算太多，綠茶味道也不太濃，味道亦不太甜，不知為何，覺得我以前的，好像味道比較甜，以及質地會偏向硬身，現在好像比較軟林、比較空虛。後來還有兩個玻璃樽的布丁，底下有幾盒糖定還是焦糖，加落布丁到就會比較甜，不過本身都帶點甜味，但是光是吃布丁就比較乾乾。

成日經過依間店都聞到好香，今日忍唔住買咗個芒果乳酪泡芙返屋企食！泡芙上邊有三至四粒芒果🥭，食落有啲啲酸。始終唔係當造時段，所以都接受到😂。個乳酪忌廉先係精粹，真係好好味，酸酸甜甜咁🙈，配埋啲芒果粒一齊食好好味！泡芙有啲位都脆脆地，幾好。👍🏻

本身路過見到泡芙口痕想買黎食😋但差唔多到我個陣見到前面買Mochi我又心思思想試😂Mochi 85蚊6件，有12款口味任你揀！如果你有選擇困難症可以一次過買哂12件🤪都係160蚊😂😂用黎裝Mochi個包裝盒都幾靚，重會送埋叉仔，送比人都得體😆職員重會放包冰種喺入面，唔洗驚返到屋企溶鬼哂！今日試左6隻味😋😋士多啤梨、白桃烏龍、抹茶紅豆、朱古力慕思、芒果乳酪同埋榴槤慕思拎到返屋企都重係好硬，佢本身建議要攤20分鐘先食口感先最好！整體d味道都唔錯，朱古力幾濃🍫白桃烏龍就有清香嘅烏龍茶味幾特別！不過部份Mochi顏色太似，職員又冇特別mark邊粒係咩味，想搵粒榴槤都搵到第三粒先中😂😂

經apps 訂現金券$35/5張$20現金券（價值$100）、 一氣換左4個味（蘋果金寶、白桃、芒果、意大利芝士味）總共$109，扣$100現金券，只補錢$9，即都係用左$44/4個。好抵食😌蘋果金寶味道好正，嘅脆口加蘋果鮮果肉。意大嘅利芝士好濃香芝士味tiramisu

今日經過觀塘地鐵站比呢間泡芙吸引左 雲石牆好靚🤍 西樹嘅選擇好多一個泡芙嘅價錢大概廿幾蚊 所以都真係幾抵食濃朱古力曲奇$20: 係幾意外嘅味道 朱古力嘅味唔算好出但係就有曲奇嘅感覺 大家都可以去試吓原味$20: 其實係所有款式裏面 我都係最鍾意基本款原味 因為先可以食真啲佢最好食嘅cream (同埋好似原味嗰款大啲?!) 去到嘅各位就唔好錯過啦！大家都可以試吓其他味道～ 舖頭仲有好多款奶凍同Mochi比大家選擇 我亦都見到有Mochi Day嘅廣告牌真係幾抵食呀！

某日經過觀塘地鐵站，見到好多人排隊，原來有買二送二優惠。好耐無食過puff就湊下熱鬧啦！ 佢買二送二係指定款，本來係北海道牛奶，因為賣晒轉左士多啤梨。 都有一定人流，職員快手，成個過程10分鐘搞掂。士多啤梨乳酪泡芙。呢d日子，士多啤梨應該算當jo，以為會好好味啦，點個士多啤梨好酸，當我以為佢果d係cream可以中和下，點知係乳酪，變左酸上加酸，勉強先食得晒。另一個味就無普通朱古力吉士。呢個反而好味，外皮夠脆，都有香濃朱古力味。吉士好多，好rich! 結論：唔係特價唔會再買

西樹泡芙 #觀塘西樹泡芙都算係由細陪住我大👶🏻👧🏻👩🏻，印象中細細個喺香港最出名嘅泡芙就係呢一間同埋 bread papas，不過一直都係鍾意呢間多啲啲，因為佢嘅款式比較多🤤。但隨着網絡越嚟越發達，依家越來越多網店售賣各種甜品，已經好耐冇再幫襯過西樹泡芙。今日咁啱行過，見到佢哋推出左秋之甸味🍂🍁嘅系列，分別有紫香Q芋、金薯Q芋、黑芝Q芋，分別係以芋頭💜、地瓜💛、黑芝麻🖤為主，然後每一款各自再配上紫薯芋圓、番薯圓、芋圓，完全係中晒我最鍾意嘅嘢食！忍唔住叫咗個金薯Q芋！金薯Q芋🍠$28用上朱古力味嘅泡芙🍫，入面有地瓜蓉、番薯圓、忌廉同埋椰果，比我預期中好味！泡芙嘅朱古力味都幾香，而且成個泡芙都好脆。入面嘅地瓜蓉係意想唔到地重地瓜嘅甜香，而且非常綿滑，甜度都恰到好處，份量仲比我預期中多，呢個價錢來講係絕對滿意。連番薯圓嘅煙韌度都唔錯，配埋甜甜地嘅椰果一齊食好好味。忌廉亦都令到成個餡料更加creamy，但又唔膩。唔知係咪冇乜期望，整體來講真心覺得幾好食，搞到好想試埋其他個兩款口味。味道: 4.5/5性價比: 4/5

冬天食泡芙好好味，因為唔會用咁快溶，做下午茶，自己在公司沖一杯英式西茶，就很好味了。仲有好多唔同口味任君選擇，不過我最愛吃朱古力味。而家仲有印仔咭，儲夠印仔可以免費玩泡芙。

今日放早輕輕鬆鬆去行下街😚😚😚, 順便去apm 睇戲, 睇戲之前又未到晚飯時間, 得番半個鐘 食個快飯又好似太急😆. 諗起mtr有間西樹泡芙, 一於買返幾個, 入場之前食靚靚甜品。😋😋😋 西樹泡芙嘅口味好多， 最經典當然係新鮮芒果乳酪味泡芙 ，同埋新鮮士多啤梨乳酪味泡芙。 仲有抹茶紅豆味泡芙、 牛奶布甸味泡芙、 三重朱古力泡芙， 呢幾種都好好食。不過可能係因為放工時間 ，好多味道都買曬，未補得切貨 😣😣，所以我到最後揀咗三個芒果乳酪味泡芙，同埋三個抹茶紅豆味泡芙😆😆。芒果乳酪味泡芙酸酸甜甜， 芒果餡料絕不吝嗇， 一如以往咁好食。抹茶紅豆味泡芙， 抹茶忌廉比較企身實淨 ， 紅豆又淋又唔會過甜😋😋😋

我竟然懶到一個月後先寫呢個食評😂😂原諒我😅食左先算😝成日儲埋一次過寫是日出觀塘拎joey演唱會門票經過見到就想食😍😍其實之前都食過不過當時未開始寫食評姐😙你以為佢入面係cream? 唔只架仲有好似布甸咁既口感正😋❤️❤️款都真係多架當然啦而家呢個市道無廿零蚊點買到😂😅係好食既😋😉有無睇到都想食既感覺呢😂😆即日食好喇，唔好擺咁耐呀最好即買即食啦😁睇到呢個日子我又內疚喇😅

下班回家買個小點心給家中小寶貝做茶點。這家泡芺有多種款式，如朱古力，芒果，意大利芝士等。可我們只喜歡吃最簡單的原味。甜甜的吉士打很香濃，比從前份量少了。外層包著的皮可能回家才吃過太久，開始變硬，也沒有之前吃過的香脆。感覺變差了。雖然如此但都是一個值得推薦的小點心。

成日行街去到地鐵站都會聞到好香的泡芙味，好吸引，前幾日同男朋友去觀塘行街又聞到咁香的泡芙味，就扭男朋友要買比我食，因為我係綠茶控，所以就揀左綠菜紅豆味。個泡芙size都ok，不算太細，係適中size，食完再可以有quotas食飯，個皮外層都夠脆，個又不會不硬，入面的泡芙不算太軟身，感覺空氣感比較重，比較無咁易索晒啲cream，不過當然呢個可能係佢地的設計，方便擺買。至於但綠茶吉士都ok，打得都幾滑溜同香，但就比較偏甜，當然吉士本身就係一種偏甜的食物，紅豆都係較甜，好彩因為食泡芙，有呢個包中和下，所以尚可接受，但係儘管綠茶控的我，下次都係會傾向揀返原味多啲。

朱古力脆皮泡芺（$19），無論係朱古力脆皮同泡芺外皮都好酥脆，一點都唔淋身，應該係整完放左無幾耐，入面的吉士醬都甜而不膩，整體好好食，雖然價錢比一般bakery 賣的高，但物有所值，一定會再回購

又到了老豆定期在觀塘「基督教聯合醫院」的覆診，我以為自己先在觀塘買一些麵包小食，到了「基督教聯合醫院」就可以找到空閒位置和機會，可以偷閒坐下食個下午茶。於是我在觀塘港鐵站裡面，其中一間日本麵包小食店「西樹泡芙」裡面，揀選了一個牛奶忌廉泡芙，以及一件「栗子窩夫」小食，觀塘「西樹泡芙」兩件麵包小食，合共需要港幣四十五元價錢。期間我不斷看「西樹泡芙」櫃檯裡面擺放的一眾甜味「芭芙」（無錯，「西樹泡芙」的而且確，是把他們製造的「泡芙」稱呼叫做「芭芙」），我曾經起了「貪念」，想購買多點「芭芙」再慢慢品嚐。但是理想最後還是在關鍵一刻，及時制止了我，反而觀塘不止有港鐵站裡面的一間「西樹泡芙」，走到「a.p.m」地庫近着「一田超市」旁邊，還有另外一間「西樹泡芙」觀塘分店。不過，「西樹泡芙」真的有一樣事，就真的有點教我出乎意料之外，那就是原來「西樹泡芙」的「北海道牛奶布甸芭芙」，裡面的北海道牛奶布甸，原來是這麽容易融化，化為一奶液。話說我拿着一袋「西樹泡芙」的芭芙小食跟窩夫，陪伴老豆在「基督教聯合醫院」專科門診裡面等候，然後老豆進入門診室跟醫生見面，接受醫生的檢查治療。結果我在陪伴老豆覆診完畢過後，老豆率

一直都好鐘意食泡芙，到今日為止，都未搵到一間可以取代西樹泡芙係我心中既位置————————————————————西樹泡芙都係好多地方都有，最近我而又成日去買既就係觀塘地鐵站既雖然無得坐，但係外賣既方式，快捷方便最開心既就係呢一到買唔駛排隊之前係沙田買要排長龍呢泡芙選擇好多，價錢都係$20-30之間，好抵食！食左呢到既泡芙，試過自己係屋企整，但係總係無整得咁好食，可能焗既溫度上要控制得好好，所以佢呢個價錢係有原因既間唔中都有d新款，我老婆最鐘意食抹茶紅豆包裝都幾吸引架因為成9點先去買，有d味道已經賣哂所以就買到芒果乳酪拎到去調景嶺地鐵站比老婆食，已經融融地，但係都係咁好食！乳酪酸酸甜甜咁，無cream咁滯芒果夠熟，好甜，泡芙都發得好好大家經過西樹泡芙都試吓啦！